ထူးနဲ့ ကလေး ၂ယောက်က အိမ်တွင်သာ နေရသည်မို့ ကြာလာသည်နှင့်အမျှ ကလေးသဘာဝ ပျင်းလာသည်။ ထူး မနက်စာပြင်ဆင်နေတုန်း ခန့်လင်းနဲ့ ခန့်ရှင်းက အိပ်ရာက အိပ်ချင်မူးတူးနဲ့ ထလာ၍ မီးဖိုချောင်က စားပွဲမှာ ငုတ်တုတ်လာထိုင်နေကြသည်။
"လေးလေးရဲ့ တူလေးတွေနိုးလာကြပြီကိုး မျက်နှာသစ်ပြီးရင် မနက်စာစားကြမယ် သားတို့ကြိုက်တဲ့ ဆီချက်ခေါက်ဆွဲလုပ်ထားတယ် "
သို့ပေမဲ့ ကလေး ၂ယောက်က ငုတ်တုတ်ထိုင်နေမြဲ ။
"ဘာဖြစ်လို့တုန်း "
"လေးလေး "
"ဗျာ "
"သားတို့ကစားကွင်းသွားရအောင် "
"သားတို့က အိမ်ထဲမှာ နေရတာ ပျင်းနေပြီပေါ့လေ မနက်စာစားပြီးရင် မင်းတို့ဦးလေးဗညားဆီ သွားရင်းနဲ့ လေးလေးလိုက်ပို့ပေးမယ် အခုတော့ ရေသွားချိုးတော့ "
"Yayy အဲတာကြောင့် လေးလေးကို ချစ်တာ "
"ဟုတ်ပါပြီဗျာ လေးလေးစောင့်နေမယ် မြန်မြန်သွားလုပ် "
ထူးလည်း ဗညားအတွက် နေ့လည်စာထမင်းဘူးနဲ့ ကလေးတွေအတွက်အဆာပြေမုန့်တွေကို စီစဥ်ပြီးနောက် ရေချိုးရန် ပြင်ဆင်နေသည်။ အပေါ်အင်္ကျီကို ချွတ်ပြီး တဘတ်ကို ခါးမှာ ပတ်ပြီး ရေချိုးဖို့ ပြင်ဆင်နေစဥ် အိမ်ရှေ့မှ ဘဲလ်တီးသံကြားလိုက်ရသည်။ ကလေး ၂ယောက်က ဘယ်သူလဲလို့ မျက်စိလှန်ပြသည်။
"လေးလေး သွားဖွင့်လိုက်မယ် ရေပြီးအောင်ချိုးထား "
ထူးလည်း ဆပ်ပြာမြှုပ်တွေကို တဘတ်ထည်နဲ့ သုတ်ပြီးနောက် အပြင်ကို ထွက်လာခဲ့သည်။ bathrode ကို အမြန်ဝတ်ရင်း တံခါးသွားဖွင့်သည်။
"ကျော်ကြီးရေ ဗြဲ ငါ့ကို ကယ်ပါဦး ဗြဲ "
"ဟျောင့် သူများအိမ်ဝမှာ ငိုမနေနဲ့ ငါတို့ကို အိမ်ထဲ ခေါ်ဦး "
ကာရံမြင့်မြတ်နဲ့ ခွန်တာဦးလွင်တို့ပင် ဖြစ်သည်။ ကာရံကတော့ ပူဆွေးသောကရောက်နေပြီး ငိုကြီးချက်မဖြစ်နေကာ ခွန်တာကတော့ သူ့ကို တနေရာရာကနေ ဆွဲဆောင်လာခဲ့ပုံ။
YOU ARE READING
FANCY U
RomanceName - Fancy U Main characters - ဗညားမင်းခန့်ပိုင်၊ထူးသက်ကျော် Cove in Clover series - 1 Version - Both Unicode and Zawgyi Versions Chapters - 48 completed Description -အလယ်တန်းကျောင်းသား ဘဝတုန်းက တိတ်တခိုးချစ်ရတဲ့ ကောင်လေးကို အလယ်တန်းပြီးလို့ ကျ...
