ခန့်လင်းနဲ့ ခန့်ရှင်း"ပါးပါးရေ သစ်ပင်ကရော "
"ဦးဦးကို မေးကြည့်နော် "
"ဦးဦးရေ "
"ဗျာ "
"ညကျရင် ဆန်တာကလော့ ဘိုးဘိုးက တကယ်လာမှာလားဟင် "
အလွန်အမင်းမျှော်လင့်နေသော မျက်နှာဖြင့်။
"ဒါပေါ့ ခန့်လင်းက ဘာလိုချင်နေလို့လဲ "
"သားကလား ဟိုတစ်နေ့က ခန့်ရှင်း ၂ပိုင်းချိုးလိုက်တဲ့ ခဲတံလေး ပြန်လိုချင်တယ်"
"ငါ ဘယ်မှာချိုးလို့လဲ "
"သား ခန့်ရှင်း ငါလို့ မပြောနဲ့လို့ ပါးပါးမှာထားတယ် မလား"
မီးဖိုချောင်ထဲက အလင်းက လှမ်းအော်တယ်။
"မပြောတော့ပါဘူး ပါးပါးကလည်း "
"ခန့်ရှင်းပဲ ချိုးလိုက်တာလေ အဲတာက သီဟန်ပေးထားတာလေ မင်းပဲ ချိုးပြီးတော့ "
"ငါ မချိုးဘူးလို့ ပြောနေတယ်လေ "
"ခန့်ရှင်း ချိုးတယ် ခန့်လင်းမြင်တယ် "
မဟာကတော့ ခရစ်စမတ်သစ်ပင်ကို မီးလုံးလေးတွေ အလှဆင်ရင်းနဲ့သာ နားထောင်နေမိတယ်။
"ကဲပါ ဦးဦးကို ပြော ခန့်ရှင်းရော ခန့်လင်းရော အမှန်တိုင်းဖြေ"
ခန့်ရှင်းကတော့ ဟွန့် ဟု အသံပြုရင်း တစ်ဖက်ကို လှည့်လိုက်တယ်။
"သီဟန်က ဘယ်သူတုန်း "
"သားတို့ အတန်းထဲကလေ သီဟန်ဘွား တဲ့ "
"ဟုတ်လား ပြောပါဦး "
"သီဟန်က သားကို ခဲတံလက်ဆောင်ပေးတာ ခန့်ရှင်း ချိုးလိုက်တယ် သားခဲတံကျိုးသွားပြီ "
"ခန့်ရှင်း ခန့်လင်းပြောတာ ဟုတ်လား "
"ဟုတ်တယ် သား ချိုးလိုက်တာ "
"ဟင် "
"ဟုတ်တယ် ကျောင်းမှာဆို ခန့်လင်းက သီဟန်ကိုပဲ စကားပြောနေတာ အိမ်ပြန်ရောက်တော့လည်း သီဟန်ပေးတာကိုပဲ ပြောနေတာ ကျွန်တော့်ကိုမှ ဂရုမစိုက်ဘဲ အဲတာကြောင့် ချိုးလိုက်တာ "
YOU ARE READING
FANCY U
RomanceName - Fancy U Main characters - ဗညားမင်းခန့်ပိုင်၊ထူးသက်ကျော် Cove in Clover series - 1 Version - Both Unicode and Zawgyi Versions Chapters - 48 completed Description -အလယ်တန်းကျောင်းသား ဘဝတုန်းက တိတ်တခိုးချစ်ရတဲ့ ကောင်လေးကို အလယ်တန်းပြီးလို့ ကျ...
