မဟာလည်း အလင်းသစ်ရဲ့ ဖိတ်ကြားမှုကြောင့် ညစာစားဖို့ အောက်ကို ဆင်းလာတယ်။
ခြံထဲမှာ စားပွဲလေးချထားပြီး ညစာကို ပြင်ဆင်ထားတယ်။
ကလေး၂ယောက်ကို တော့ ပုခက်ထဲမှာ ထည့်ထားတယ်။
စားပွဲမှာ ထိုင်နေတဲ့ ဗညားကို တွေ့တော့ မဟာ မျက်ခုံးတစ်ချက်ပင့်လိုက်တယ်။
သူ့ညီကတော့ မဟာ့ကို မြင်တယ်လို့တောင် မထင်။
ဟိုကလေးမသာကို ငမ်းနေတာများ ။
"ဦးလေးကြီးလာထိုင်လေ ကျွန်တော်တို့လည်းပြီးပြီ စားကြမလား"
"ကိုမဟာ ဝိုင်တော့သောက်တယ် မဟုတ်လား "
"ဟုတ် တကူးတကကြီးလုပ်ထားတာပဲ အားနာစရာပဲ"
"ပြသနာမရှိပါဘူး ဗညားလည်း သောက်ချင်ရင်သောက်လေ"
"ကိုလင်း ကျွန်တော် ....."
"Cola ရှိတယ် ရေခဲသေတ္တာထဲမှာ သောက်ချင်ရင် အဲတာသောက်"
"ကိုလင်းကလည်းဗျာ"
နှုတ်ခမ်းလေးဆူပြီး puppy eyesလေးနဲ့ သနားခံပေမဲ့ ကိုလင်းဆီက No ပဲဆိုတာကလွဲရင် ဘာအဖြေမှ မရပေ။
ဗညား ဆူပုတ်နေတဲ့ ထူးမျက်နှာလေးကို ကြည့်ပြီး ရယ်မိတယ်။
"ထူး အသက်မပြည့်သေးဘူးလေ အသက်ပြည့်ရင် ကိုယ် ကိုယ်တိုင် ဝယ်တိုက်မယ် "
"အင်းပါ "
"မအေးခင် စားကြတော့လေ ဆူပုတ်မနေနဲ့ ငါလည်းမသောက်ဘူး "
အလင်းသစ်က ဟင်းချက်တကယ်ကောင်းတာပဲ။
အမြဲ အပြင်စာပဲ စားနေတာကြောင့် အိမ်ထမင်း၊အိမ်ဟင်း စားရတော့ တမျိုးလေး နွေးနွေးထွေးထွေးရှိလှတယ်။
အလင်းသစ်က CEOမို့လို့ ထမင်းဖိတ်ကျွေးတာမျိုး မဟုတ်ဘဲ အိမ်သားတစ်ယောက်လို ဆက်ဆံနေတာကို သူခံစားရတယ်။
စားသောက်ပြီးတော့ ဝိုင်၊steakနဲ့ အသီးသုပ်ကို ချပေးပြန်တယ်။
သီချင်းအေးအေးလေး ဖွင့်ထားတာကြောင့် ညနေပိုင်းဆိုတော့ တကယ်နေလို့ကောင်းတယ်။
ကျန်တဲ့လူတွေက ဝိုင်လေးသောက်လိုက် ၊အသားကင်လေးနဲ့ သာယာနေတာကြောင့် ထူးတစ်ယောက်ထဲ ပျင်းနေတယ်။
"ထူး လိုင်ချီးသီးဝိုင်တော့ရှိတယ် တစ်ဘူးသောက် "
ခွင့်ပြုချက်ရတာနဲ့ မျက်လုံးလေး ဘလင်းဘလင်းဖြစ်သွားတာများ ဗညား တားဖို့တောင်မရလိုက်။
ရေခဲသေတ္တာနားရောက်နေပြီ။
YOU ARE READING
FANCY U
RomanceName - Fancy U Main characters - ဗညားမင်းခန့်ပိုင်၊ထူးသက်ကျော် Cove in Clover series - 1 Version - Both Unicode and Zawgyi Versions Chapters - 48 completed Description -အလယ်တန်းကျောင်းသား ဘဝတုန်းက တိတ်တခိုးချစ်ရတဲ့ ကောင်လေးကို အလယ်တန်းပြီးလို့ ကျ...
