ထူး ကျောင်းတက်ရမှာမို့ စောစောလေးမနက်စာချက်ပေးခဲ့တယ်။
ကိုလင်းက ကလေး၂ယောက်နဲ့မို့ ညဖက် အိပ်ရေးပျက်ရတယ်။
နေ့လည်စာကတော့ ထူးကျောင်းမှာစားတာမို့ ညနေစာကိုသာ အိမ်ပြန်စားတယ်။
တခါတလေ အဆောင်မှာ သွားစားတယ်။
ဒီနေ့ ထူးအိမ်ပေါ်က ဆင်းလာတော့ ဟိုလူကြီး။
တစ်အိမ်ထဲနေတာမို့လို့ ဝတ္တရားအရနှုတ်ဆက်လိုက်တယ်။
ထူးက လူတွေကို လွယ်လွယ်နဲ့ ကြည့်မရတာမျိုး မဖြစ်တတ်ပါဘူး။
ဒါပေမဲ့ ဒီလူကြီးကိုကျတော့ နည်းနည်း မျက်စိထဲမှာ အဆင်မပြေ။
"မင်္ဂလာနံနက်ခင်းပါ ဉီးလေးကြီး"
မဟာ လေ့ကျင့်ခန်းလုပ်နေတုန်း အသံကြားတော့ အိမ်က ဝက်ပေါက်။
သူ့အစ်ကို အလင်းသစ်က ဖော်ရွေသလောက် ဒီကလေးမသာနဲ့ သူနဲ့ တစ်စက်မှ အဆင်မပြေ။
အခုလည်း ဉီးလေးကြီးတဲ့။
မဟာစည်သူမြတ်ဖုန်းတဲ့။ မဟာဆိုတာ တစ်ယောက်ပဲရှိတယ်။
"အေး မင်္ဂလာပါ ကလေးရယ် ငယ်ငယ်က ယဉ်ကျေးလိမ္မာသင်တန်းများတက်ဖူးသလား"
လူကိုများကလေးတဲ့ ။တွေ့မယ်။
"ဟုတ်ကဲ့ ဉီးလေးကြီး ကျွန်တော်က မွေးထဲက လိမ္မာတာဗျ ပြီးတော့ အရှိကို အရှိတိုင်းလည်း မြင်တတ်တယ်ဗျ ဘာလို့လဲဆိုတော့ ကျွန်တော့်မျက်မှန်ကကောင်းတယ်လေဗျာ လူကလည်း ငယ်ရွယ်နေတာ တချို့လူတွေလို သေခါနီး ခန္ဓာကိုယ်ကို ပြုပြင်စရာလည်း မလိုပြန်ဘူး ကောင်းတယ် မဟုတ်လား ဉီးလေးကြီး"
ငါ့ကိုများ သေခါနီးတဲ့။
"အေး မင်းကျောင်းသွားမှာ မဟုတ်လား သေချာသွားနော် အခုတလော ကလေးတွေ ပျောက်နေတယ်တဲ့ ပြီးတော့ ဒီမနက် သတင်းစာမှာ သတင်းတစ်ပုဒ်ဖတ်လိုက်ရသေးလား ဝဝတုတ်တုတ်လူတွေကို ဖမ်းပြီး ဝက်သားလုပ်တာတဲ့ မင်းသတိထားဉီး"
ငါ့ကိုများဝက်တဲ့။
"ဟုတ်ကဲ့ ဉီးလေးကြီး ဟိုဖက်၂လမ်းကျော်က ၅ အိမ်မြောက်အိမ်ကို သိလား"
"ဘာဖြစ်လို့လဲ "
"မသိဘူးဆိုရင် GPSသုံးပါ ခေတ်မှီငယ်ရွယ်တဲ့လူတွေပဲ သုံးတာမို့ အကူအညီလိုရင်ပြောပါဉီး အဲ အိမ်က ဉီးလေးကြီးနဲ့ အဆင်ပြေမယ့် နေရာပါ သွားဖြစ်အောင်သွားပါဉီး"
YOU ARE READING
FANCY U
RomanceName - Fancy U Main characters - ဗညားမင်းခန့်ပိုင်၊ထူးသက်ကျော် Cove in Clover series - 1 Version - Both Unicode and Zawgyi Versions Chapters - 48 completed Description -အလယ်တန်းကျောင်းသား ဘဝတုန်းက တိတ်တခိုးချစ်ရတဲ့ ကောင်လေးကို အလယ်တန်းပြီးလို့ ကျ...
