سكه السلامه بقلم / لولو_محمد (كامله )

الحلقه ١٤

(((سكة السلامة )))))
#لولو_محمد
الحلقه الرابعه عشر
مهاب / دا واد نصاب اختك داحكه عليه اول معرضت عليه الفلوس باعهم مش شايفه هى مقهوره ازاى
فريده / ساره دى زودتها اوى و انت اللى مشجعها
مهاب / عوزانى اعمل ايه يعنى
فريده / هى مش ليها شقه بتاعه ابوها متروح تعيش فيها
مهاب / تبقى تحت عنينا احسن متبقى بعيد
فريده / تحت عنينا و لا تحت عنيك انت
مهاب / وقتك هو
فريده / اوعى تفتكر انى هبله ماشى
مهاب / لا يا حبيبتى انا مبفتكرش انا متاكد سلام
...................
فى شقه سلامه
سلامه قاعد عالكنبه بيبص للشيك حنان تطلع مالمطبخ
حنان / انت لسه هنا
سلامه ميردش
حنان / سلامه انت كويس ... سلامه
سلامه يقوم يقف
حنان / مالك ياخويا هو كلامى دايقك
سلامه / مش انا اللى ابيع اخواتى عشان الفلوس
حنان / عمرك يا خويا
سلامه / اخوهم او مش اخوهم هما محتاجينلى
حنان / انا شايفه كدا
سلامه / انا هروح اعمل التحليل حالا
حنان / عين العقل يا سلامه
الباب يتفتح و شوق تدخل
شوق / سلامه انا كنت عاوزه اقولك انى
سلامه / انا فاهم انك بتحبينى و خايفه يخدونى منك بس مش انا اللى افرط فى اخواتى
شوق / ايوه بس انا
سلامه / و ان كانوا اخواتى فى الدم فانتوا عمرى كله و زكرياتى كلها
شوق / انا بقول كدا برضه
سلامه و حنان يبصولها
شوق / روحلهم اوعى تسبهم و احنا معاك
حنان / عفارم يا بنت حسن البرنس
شوق تهز راسها و سلامه ينزل
....................
فى الفيلا تليفون سندس يرن تفرح اوى و بعدين تدارى و تعمل ولا فارق معاها صوت محمد حزين
سندس / خير
محمد / بتصل اطمن عليكى
سندس / انا احسن الحمد لله مع انى مدايقه ماللى انت عملته
محمد / و انا كمان
سندس / يعنى مش عشان انا فى بيتكوا و كدا على فكره مكنتش دى فكرتى عن اخلاق ولاد البلد
محمد / انا اصلا بتصل اعتزر
سندس / كويس انك عرفت غلطتك
محمد / هبقى اكلمك تانى اطمن عليكى لو مش هيدايقك
سندس / ليه هو مش هتيجى ... ام ام قصدى يعنى مع اسلام لما يجى
محمد ساكت
سندس / انا بقول بس يعنى عشان متفتكروش اننا حرمناكوا منه انا اصلا مش فارق معايا حاجه انت عارف انا مبيفرقش معايا حاجه
محمد ساكت
سندس / لو متصل عشان تسمعنى سكوتك يبقى تقفل و توفر وقتى
محمد / عوزانى اقول ايه
سندس / و انا اش عرفنى تقول ايه صغير انت مش عارف تقول ايه
سكوت لثوانى
محمد / كويس انى اطمنت عليكى عشان يعنى تانيب ضميرى انى سمحتلك تجرى فى المطر امبارح و ممنعتكيش بالقوه
سندس / مين دى اللى تستعمل معاها القوه اوعى يغرك على فكره انا مش زى مانت فاكر
محمد / خدت بالى
سندس / و بعدين متفرحش اوى بالعضلتين اللى عندك انت متعرفش انا ممكن اعمل ايه
محمد / انا لازم اقفل
سندس / هاه ... احسن برده انا اساسا مش فاضيه زمان كريم جاى يشوفنى
محمد / كريم اه صح
سندس / اه طبعا دا كان هيموت مالقلق عليا امبارح
محمد / حقه طبعا
سندس / انت مش كنت عاوز تقفل اقفل اقفل بيتصل
محمد / سلميلى عليه سلام
سندس بصوت حزين / سلام
محمد يقفل سندس تبص فى الموبايل و هى بتفرك و بعدين تحطه جنبها و تنام
..................
فى الشركه فى مكتب ساره مهاب يدخل مكتبها
مهاب / حاسه بايه
ساره / خمسه مليون بس يا مهاب دانت دفعت لاحمد اكتر من كدا
مهاب / مقولتلك قبل كدا الورقه الوحيده الكسبانه فى جيبى
ساره / و قولتلك قبل كدا لو كل الناس باعتنى مش هجيلك
مهاب يقرب من ساره ترجع لورا
مهاب / انا عمرى مبعتك يا ساره
ساره / انت مصدق نفسك ؟؟؟ على فكره يا مهاب مش معنى انك كسبت
مهاب / جوله انك كسبت المعركه الحرب لسه مستمره متعبتيش مالجمله دى انتى بتحاربى روحك على فكره
ساره/ طلعت روحى لو كانت زيك
مهاب يقرب اكتر من ساره و هى ترجع تخبط فى الحيطه 
مهاب / متدعيش على نفسك يا حبيبتى اعيش ازاى من بعدك
ساره / مسيرى فيوم افضحك و افضح كل لعبك القذره مسيرك فى يوم يا مهاب تتربى و هيكون على ايدى
مهاب يحط ايده عالحيطه حوالين ساره
مهاب / وحشنى جنانك
مهاب يحاوب يحط ايده على شعر ساره الباب يتفتح و سلامه يدخل صمت ثوانى مهاب يتعدل فى وقفته و ساره تزقه و تبعد
ساره / اؤمر
سلامه / انا بقالى ساعه بلف فى الشركه بدور عالمكتب ابقوا علقوا يفط بره و لا حاجه
مهاب / خير يا سلامه اؤمر
سلامه / خير باذن الله خير كان عندى معاد مع الانسه ساره
مهاب / معاد ايه خير
سلامه / صحيح حضرتك نسيت الورقه دى عندنا فى الشقه قولت اجيبها بالمره مدام كدا كدا هرجع
مهاب يبص لسلامه بغل و ساره بتتنطت مالفرح
مهاب / نورت يا سلامه
مهاب يجى يمشى سلامه يكعبله يقع سلامه يوطى عليه يقومه
سلامه / قولتلك متقربش من حاجتين قدامى عيلتى و واحده ست و ساره دلوقت ست من عيلتى وصلت ؟
مهاب يقوم و يعدل هدومه و يمشى و هو بيبص لساره مبتسمه اوى
سلامه / انا جاهز
ساره / ايه اللى رجعك
سلامه / اعتبرينى توهت بس الحمد لله رجعت  قبل فوات الاوان
ساره / حمدالله عالسلامه
.........................
فى كافيه بالليل
كريم / و انا المفروض اصدق الفيلم ده
سندس / تصدق متصدقش دا اللى حصل
بنت / بس طلع عسل اوى
كريم / انتى هتشلينى يا ميرنا هو مين ده اللى عسل
ميرنا / ايه يا كريم عادى يعنى
سندس / انا هروح بقى عشان مش قادره
ميرنا / ساندى المصرى هتروح بدرى داحنا اتغيرنا خالص ههههههههههههه
سندس / انا واخده انتيبوتيك واحد جرام بجد مش قادره
كريم / انا هوصلك
سندس / مفيش داعى السواق بره
كريم / هو فى ايه
سندس / مفيش يا كريم متكبرش الموضوع
كريم / هو ايه اللى مفيش مانتى ياما خليتى السواق يوصلك و روحتى معايا عادى يعنى
سندس / انت عاوز تتخانق و خلاص خليك مع صحابك و انا لما هروح هكلمك يلا سلام
سندس تمشى و كريم واقف ينفخ
واحد / شكلها راحت عليك يا معلم
ميرنا / عادى يا جماعه الغربال الجديد له شده
كريم / قصدك ايه بقى
ميرنا / ولا حاجه و لا حاجه اقعد اقعد
......................
فى بيت سلامه
محمد داخل على اوضته
سلامه / طب على الاقل سلم عليا
محمد يبصله و يسكت
سلامه / انا مش هقدر ادخل الحرب دى لوحدى
محمد / حرب ايه
سلامه / انا روحت لساره و عملت التحاليل
محمد / بتتكلم جد
سلامه / اه اتصلنا باميره و جت هى و فؤاد مختار المحامى حضروا و روحنا كذا معمل لما صفونى النهرده
محمد/ و ايه الاخبار
سلامه / هنعرف لما يبان بس مش ده اللى قالقنى
محمد / امال
سلامه / النتيجه هتطلع ايجابى المشكله فى اللى هيحصل بعد كدا انا مكنتش بنام و فى بنتين فى رقبتى دلوقتى هيبقوا سته مش هقدر اسد لوحدى
محمد / و من امتى كنت لوحدك يا برنس
سلامه / دا عشمى برضه
......................
فى الفيلا
سندس نايمه عالسرير تليفونها يرن متردش تانى تالت تصحى و ترد
سندس / ايوه
كريم / مبترديش ليه
سندس / نايمه مثلا
كريم / و المطلوب اصدق
سندس / اولع
سندس تقفل السكه و ترمى الموبايل عالارض و تنام
.....................
فى الفيلا تحت
سلامه يدخل و معاه اكياس فاكهه يقابله مهاب
مهاب / اؤمر
سلامه / انا جاى اطمن على سندس مقدرتش اجى اطمن عليها من ساعه ممشيت
مهاب / و ايه اللى فى ايدك ده برتقان ههههههههههه
ناهد تنزل السلم
ناهد / حبيب قلب ستو تعال تعال
سلامه يدخل يبوس ايد ناهد و هى تحضنه و تبوس راسه
سلامه / اتاخرت معلش
ناهد / تيجى فاى وقت يا حبيبى تعال تعال سندس فوق تخيل كانت بره و لسه راجعه من شويه
ناهد تاخد سلامه و تدخل اوضه سندس و هى نايمه و تليفونها عمال ينور عالارض ناهد تقعد جنبها سلامه يمسك الموبايل يلاقى كريم سندس تصحى تلاقى سلامه تتعدل
سندس / على مفتكرت
سلامه / حقك عليا
سندس / مجتش من صاحبك
سلامه / ههههههههههههههه ظالمه شوفى تليفونك
سندس تبص فى المسد كولز تلاقى تلاته محمد و اتناشر كريم
سلامه / مرداش يجى الا لما يستاذن
ناهد / و دا ينفع يا اسلام دا بيته
سلامه / لا يا تيته لو التحاليل بقت ايجابيه هيبقى بيتى ممكن لكن هما
سندس / و انت هتسبهم
سلامه / مش ممكن
اميره تدخل
اميره / امال هتسبنا اول معرفت انك هنا جيت اسلم
سلامه / ازيك يا اميره
اميره / الحمد لله ازيك يا اسلام
سلامه / لا هبقى بين هنا و هناك
ناهد / و ليه يابنى احنا جينا وسطيكوا و شوفناكوا و حبيناكوا
اميره / فعلا حنان و شوق يدخلوا القلب من اول دقيقه
سلامه / يكرم اصلك
سندس / بس محمد لا
اميره / هههههههههههه والله دمه خفيف
سندس / خفيف ميه
سلامه / ههههههههههههههههه هو الممبار اتهضم و لا ايه
سندس تبص لسلامه و ترفع حاجبها و الكل يدحك
ناهد / بجد يا اسلام مفيش داعى نستنى بكره تجيبوا حاجتكوا و تيجوا تقعدوا معانا البيت كبير و يساعى من الحبايب الف
سندس / بس اهم حاجه اوضه محمد ده تبقى ابعد ما يكون عن اوضتى انا هستحمله بس عشان خاطرك على فكره
ناهد/ انا هنزل اقول لماجى توضبلكوا اربع اوض
سلامه / طب اسالهم الاول
ناهد / والله لو مجوش لاجى بنفسى اجيبهم هو انتوا هتكسروا كلامى من اولها انا معجزتش للدرجادى
سلامه / يا تيته محدش يقدر بس
ناهد / انا قولت خلاص
سلامه / حاضر هقولهم
.......................
فى اوضه فريده
مهاب / انتى هتقعدى كدا تتزوقى ساعه
فريده / قولتلك مليون مره متستعجلنيش و انا بلبس و بعدين انا مش هروح الفرح مبهدله يعنى
مهاب / انا فى ايه و هى فى ايه انتى عاوزه تشلينى بقولك تيته اتجننت خلاص دخلت واحد غريب اوضه اختك
فريده / ههههههههههههههههههههه
مهاب / انتى بتدحكى على ايه
فريده / اصل من امتى بيهمك سندس و لا ان مكنش كريم يبقى مفيش
مهاب / كريم مننا و علينا
فريده / و ساره مننا و علينا برده
مهاب / كلامى معاكى تضيع وقت
مهاب يجى يطلع
فريده / انا مش عارفه انت مدايق ليه اهم عادوا التحاليل و بعتوها كمان لمعامل بره مصر يعنى لو طلع اسلام يبقى اخويا و رجع و لازم كلنا نرحب بيه و لو مطلعش ساعتها يبقى تعلق المشانق لكل اللى مزعلينك انا لو منك اهدى خالص و اقعد اتفرج من بعيد و اشوف هترسى على ايه
مهاب / انت واعيه للى بتقوليه
فريده / اوووه سورى نسيت ان اسلام هيمنعك مالورث و مش بس كدا دا هياخد منك كل الحاجات اللى انت حطيت ايدك عليها من يوم مبابى مات اوووه وات اشايم
مهاب / صحيح مستنى ايه من واحده زيك
فريده / متستناش عن اذنك اروح اسلم عليه
...........................
فى بيت سلامه
سلامه نايم و محمد فتح الفيس جنبه عالسرير تجيله رساله عالواتس
سندس / تلت مرات بس دا كريم اتصل اربعين مره و برده مردتش عليه
محمد / انا مش كريم
سندس / طبعا طبعا
محمد / عامله ايه دلوقت سلامه قالى انك كويسه و خرجتى كمان النهرده
سندس / كنت زهقانه
محمد / تمام
سندس / هتيجى بكره معاهم
محمد / يفرق معاكى
سندس / جهزت شنطتك و لا لسه
محمد / اممم اوك ماشى اه جهزتها
سندس تكتب و تمسح تكتب و تمسح تكتب و تمسح
محمد / مبترديش على كريم ليه بقى
سندس / متخانقين
محمد / طب مهو بيحاول يصالحك اهو اربعين مسد يا صبره عليكى بصراحه
سندس / صعبان عليك اوى كدا
محمد / جدا هو صعبان عليا من اول يوم شوفته معاكى حقيقى
سندس / اش فهمك انا مليون من يتمنى ابصله بس
محمد / يا شيخه
سندس / كريم بيتصل هحن عليه المرادى و ارد
محمد / الله يعينه سلام
سندس ترمى الموبايل جنبها و تمسكه تانى و تتصل
سندس / الو ازيك يا ماجد
ماجد/ مصدقتش نفسى لما لقيت رقمك عالشاشه
سندس / متاخدش على كدا
ماجد / و ليه القسوه دى طيب
سندس / انا مشوفتكش من البول بارتى الاخيره ايه بقيت بتنام بدرى و لا ايه
ماجد / لا ازاى انتى بس اللى مش متابعه دا حتى فى بكره حفله وهم
سندس / و يا ترى انا معزومه
ماجد / و هى الحفله تبقى حفله منغيرك برده
سندس / اوك اشوفك بكره بقى سلام
...............
تانى يوم فى الفيلا
سلامه يدخل شايل شنطه و محمد شايل شنطه و شوق و حنان وراه ناهد تقابلهم و تسلم عليهم
ناهد / عبد الرزاق عبد الرزاق
واحد يدخل
ناهد / لو سمحت خد الشنط و طلعها فوق فى اوض البهوات
الراجل ياخد الشنطتين و يطلع و الباقى يروحوا يقعدوا
ناهد / نورت بيتك يا قلبى بعد سنين غياب
شوق عينها رايحه جايه اميره تدخل
اميره / نورتوا مرضتش امشى الا لما اسلم عليكوا
اميره تبوس البنات
اميره / انا ورايا قافله طبيه النهرده فهتاخر فى الرجوع بس باذن الله بكره نقضيه كله سوا عن اذنكوا
حنان / مع السلامه ربنا يوفقك
مهاب يطلع مالمكتب يسلم
مهاب / منورين
سلامه / البيت منور باهله
ناهد / سلامه مكنش عاوز يجى الا لما التحاليل تبان بس انا اللى صممت
مهاب / والله يا تيته هو معزور برده خايف يحلم و ياخد عالعيشه دى و يرجع فى الاخر على فشوش بس نقول ايه انا رايح الجامعه عشان النتيجه
سلامه / ربنا معاك
مهاب / نورتوا البيت
سلامه / دا نورك
صوت اغانى عالى من فوق طبل و رزع
ناهد / العفريته الصغيره صحيت اخيرا
سلامه / سندس
ناهد / هو فى غيرها البنت دى طيرت نفوخى من كتر جنانها
.....................