سكه السلامه بقلم / لولو_محمد (كامله )

الحلقه ٢٣

(((((((((سكة السلامة )))))
#لولو_محمد
الحلقه الثالثه و العشرون
شوق / وانا افهم ايه فى الهندسه
مصطفى / الله مش شريكتى اكيد ليكى راى انا بقول نسميها الفا لاجهزه كومبيوتر و الطباعه و التصوير ايه رايك
شوق/ اوك اللى تشوفه
مصطفى / اوك على العموم فاضل ساعه و يوصلوا ياترى ممكن نفطر و لا مخدتيش الاذن برده
شوق / قلبك اسود اوى كنت عاوزنى اعمل ايه
مصطفى / انتى عملتى الصح على فكره
شوق / شكرا
.............................
فى كافيه
حمدى / كدا مش فاضل غير انك تفرشى الشقه و نتجوز
حنان / لما سلامه يرجع اتفق معاه
حمدى / انتى فى حاجه مديقاكى
حنان / لا مفيش
حمدى / لا فى قولى
حنان / الواحد كان فاكر ان لما ربنا هيكرمه بفلوس هيرتاح بس ابدا لا نوم مرتاحه و لا اكل مرتاحه
حمدى / ليه بتقولى كدا
حنان / انا عايشه فى فندق مش فى بيت اخواتى مبشوفهمش مش لقياهم شوق مشغوله مع مصطفى فى الشركه و محمد مع سندس و سلامه مع ساره يعنى انا كبيرى بقعد مع تيته ناهد تحكيلى اى حكاوى و خلاص و انا مش واخده على كدا و لما بحتك بخوات سلامه بحس انى غريبه عنهم فريده بتتعامل من فوق مناخيرها ان كانت هى و لا جوزها و ساعات بحس انها محرجه على عيالها يتعاملوا معانا و اميره طول الوقت بره حاسه بوحده رهيبه
حمدى / و انا روحت فين
حنان / انت الله يعينك من القهوه للشقه للتوضيبات الله يعينك
حمدى / هانت يا حنون هانت كلها حاجه بسيطه و نتجوز و تقولى و لا يوم من ايام الفيلا
حنان / متقولش كدا
حمدى / بالمناسبه انتى ايه رايك فى سندس دى
حنان / مجنونه و مجننه اخواتى معاها
حمدى / هههههههههههههههههه انا والله شايفها حلوه
حنان / قصدك ايه
حمدى / اهدى اهدى ايه هههههههههههه انا بتكلم عن محمد يعنى
حنان / مستحيل يابنى سندس دى متنفعش خالص بقولك مجنونه
حمدى / بس اخوكى مبسوط اوى الفتره دى من ساعه مقرب منها
حنان / انا مش شايفه كدا خالص شيفاه مرهق طول الوقت مالجرى وراها
حمدى / بيتهيالك بكره تقولى حمدى قال
حنان / متمناش ابدا
حمدى يبصلها و هى تبص الناحيه التانيه
...........................
فى الكليه
كريم / اتصلت بيكى مليون مره مردتيش عليا ليه
سندس / الموبايل كان فى اوضتى و انا فى الجيم تحت
كريم / انتى مش هتبطلى بقى انتى بتعملى معايا كدا ليه
سندس / بعمل ايه يا كريم بعمل ايه
كريم / ميرنا قالتلى انها دخلت لقتك حاضنه الواد ده و امبارح كلنا شوفناكى بتبوسيه
سندس / ياربى يا كريم مانت عارف ميرنا اوفر اولا امبارح انا كنت بغيظ واحده مش اكتر ماشى و محمد نفسه ادايق و طلب منى معملش كدا تانى و ميرنا لما دخلت كنت برقص معاه مش حضناه
كريم / و المفروض اصدق
سندس / تصدق متصدقش اتز اب تو يو
كريم / سندس انتى عارفه انى بحبك
سندس / اتكلمنا فى الموضوع ده يا كريم و انت وافقت احنا جست فريندز و مينفعش نكون اكتر من كدا بليز بلاش تضغط عليا اكتر من كدا بليز
كريم / مش قادر كل مره بشوف البتاع ده قريب منك بتجنن
سندس / البتاع ده يبقى اخويا الكبير و احترمه لو سمحت
كريم / الله يرحم اما كنتى بتنامى و تقومى كل همك ازاى تدايقيه
سندس / كريم انا ورايا محاضره
كريم / دى بتاعه فريده
سندس / و انت عارف انى لازم احضرها عشان فريده مش هتسكت زى مهاب اوك اتفضل
كريم / بس كلامنا مخلصش
سندس / متبقاش ممل بقى فين كريم بتاع زمان الفرفوش كبر كدا و يلا
...........................
فى شركه مصطفى
مصطفى قاعد عالمكتب و شوق على الكرسى قدامه تدخل بنت بنت تقدم السى فى بتاعها و تقعد قدام شوق لحد متدخل واحده لابسه شيك جدا بلوند و شعرها مغطى كتفها بجيب لحد الركبه اسود و شميز ابيض تقعد قدام شوق و تقدم السى فى لمصطفى و شوق بتبصلها من فوق لتحت و تبص على العبايه السمره اللى هى لبساها و تبص لمصطفى تلاقيه مهتم اوى بالسى فى بتاعها تبص عالبنت تانى
مصطفى / ممتاز
البنت بصوت رقيق اوى / ميرسى
مصطفى / مكتوب هنا انك اشتغلتى فى تلت شركات كومبيوتر قبل كدا ممكن اعرف سبتى الشغل ليه
البنت / متفقناش
شوق / ازاى يعنى
البنت تبص على شوق و ترجع تبص لمصطفى
البنت / مشاكل تخص المرتب و مواعيد العمل اللى مش محدده ابدا يعنى حاجات زى دى
مصطفى / على العموم دا العقد بتاعنا شهرين تحت الاختبار بعدها يا تتثبتى يا تمشى اقريه كويس و شوفى يناسبك و لا لا
البنت / مفتكرش هنختلف
البنت تمضى
مصطفى / اتفضلى
البنت تمشى و شوق تقوم تقف جنب مصطفى
شوق / يعنى هى دى اللى عجبتك يعنى
مصطفى / ايه دى عندها خبره اكتر منى و بصى كميه الشهادات اللى معاها
شوق / تلاقيها ضرباهم
مصطفى / قدامنا شهرين نجربها
شوق/ مش مرتاحالها حساها لعبيه يعنى بكره تشوف هتسبنا فى نص السكه
مصطفى / طب اهدى بس و متقلقيش مش هنخسر حاجه خلينا نكمل و نشوف غيرها
شوق / لا انا تعبت و هروح كمل انت
مصطفى / طب هوصلك
شوق / لا هاخد تاكس عن اذنك
شوق تشد شنطتها و تمشى و مصطفى واقف مش فاهم حاجه
..........................
فى الفيلا
محمد / مبحبش الواد ده
سندس / محمد انا مش باخد الاذن انا بقولك
محمد / والله طب وفرى و متقوليليش و براحتك
سندس / كريم صاحبى و انت لازم تقبله
محمد / كريم ده عيل زباله على فكره و بكره تقولى محمد قال
سندس / انا مش هعرفه امبارح يعنى
محمد / براحتك اعملى اللى تعمليه
شوق تدخل و تطلع على اوضتها جرى
محمد / هو فى ايه
سندس / انا هطلع اشوف فى ايه
محمد و سندس يطلعوا يلاقوا شوق قاعده على السرير فى اوضتها مدايقه
محمد / انتى اتخانقتى مع مصطفى و لا ايه ايه اللى حصل
شوق / محصلش حاجه تعبت و روحت
محمد / امال مالك وشك احمر كدا ليه فى ايه
سندس / ممكن تسبنا شويه
محمد يبص لسندس و يبص لشوق
محمد / انا واقف بره
محمد يطلع و سندس تقعد جنب شوق
سندس / فى ايه مالك
شوق / هو فى ايه انتوا هتعملولى تحقيق تعبت شويه و روحت
سندس / اوك اوك اهدى انا بس بطمن عليكى انتى اختى برده
شوق / لا فيكى الخير
سندس / عن اذنك
شوق/ سندس استنى انا اسفه
سندس / انا بجد بعتبرك انتى و حنان اخواتى
شوق / بكره تاخدى عليا انا كدا دبش و لما بتنرفز الله لا يوريكى
سندس / يعنى انا متخيله ان ده وراثه عندكوا بس مش عارفه ازاى موجود فيا
شوق / ههههههههههههههههههههههه
سندس / مالك بقى فى ايه
شوق / مفيش
سندس / براحتك على العموم لو حبيتى تحكى فى اى وقت انا هسمعك اوك
شوق / شكرا
سندس تطلع مالاوضه و محمد واقف يبصلها
سندس / اديها وقت
محمد / مانا لازم افهم
سندس / مش كل حاجه عافيه على فكره البنات بتيجى بالراحه
محمد / والله لو عملنالكوا قرود مهنفهمكوا
سندس / مش لازم تفهمونا حبونا كفايه عليكوا
محمد / اه صح
سندس / انت تطول
محمد / بصى لحجمك و بعدين اتكلمى و بعدين انا زعلان منك اصلا
سندس / مش من حقك تزعل على فكره انا مبمنعكش تخرج مع صحابك و بعدين يا سيدى متقلقش انا عارفه ايه الممنوعات و مش هعملها ممنوع رقص بره البيت ممنوع اللمس و دا منغير متقول يعنى ممنوع التاخير حاجه تانى
محمد / ممنوع كريم و امثاله
سندس / هههههههههههههههههه لا بقى متافورش انا مبحبش حد يخنقنى انا حره ماشى انا هروح اوضتى ابقى اتصل بمصطفى يمكن تفهم منه حاجه
محمد / اوك ماشى
................................
فى امريكا
اسلام فى اوضته بينه و بين اوضه ساره باب يخبط متردش يفضل واقف يخبط تانى متردش يفتح الباب يلاقيها نايمه بهدومها عالكنبه يروح يجيب مخده و غطا و يحطها بالراحه تحت راسها و يغطيها و يقفل الباب و يمشى ساره تصحى على صوت قفل الباب تلاقى نفسها متغطيه تبص يمين و شمال و تقوم تقعد و تبص عالباب و تقوم تدخل الحمام
........................
فى البيت الكل قاعد بيتغدى
مهاب / مفيش اخبار من ساره
سندس / كلمتنى الفجر و بتسلم عليكوا كلكوا
فريده / الله يسلمها
مهاب / هيجوا امتى
سندس / دول لسه مسافرين سيبوهم ينبسطوا والله انا كان نفسى اكون معاهم اوى بس نقول ايه حكم القوى
سندس تخبط محمد فى رجله من تحت الترابيزه يشرق حنان تناوله ميه يشرب يبص لسندس و هى ماسكه نفسها مالدحك
مهاب / انا بتاكد انهم مبسوطين بس
سندس / لا اطمنوا مبسوطين جدا بعتولى الصور امبارح بجد وهم هوريهالكوا
فريده / بعد الاكل
سندس / حاضر
ناهد / ها يا حنون اخبارك ايه
حنان / كلو تمام يا تيته ربنا يخليكى فاضل عالفرش
سندس / ممكن اساعد
حنان / طبعا لما سلامه يرجع بس
سندس / باذن الله اعملى حسابك انا هنقيلك فستان الفرح زى فستان الحفله
حنان / اكيد طبعا
مصطفى يدخل شوق تبصله
محمد / اتاخرت كدا ليه تعال حماتك بتحبك
مصطفى / الاقيها بس انا اسف والله النهرده كان فى انترفيو و مردتش اجل حد لبكره
فريده / و لقيت حد كويس
مصطفى / لقيت كذا حد و باذن الله نبدا من بكره
مهاب / كويس مع انى مش شايف ان المقر مناسب كنت خدت حاجه جنبنا يعنى عشان بهدله المواصلات
مصطفى يبص يمين و شمال
مصطفى / مانا بدات فعلا ادور على شقه جنب الشركه و هنقل فى اسرع وقت
شوق تحط طبق لمصطفى
مصطفى / شكرا
محمد / سلامه عارف الموضوع ده
فريده / و هو مفيش حد فيكوا بيعرف يتصرف منغير سلامه يعنى
محمد / سلامه قال ان مصطفى يفضل هنا لحد ميرجع
مهاب / احنا معترضناش البيت واسع بس احنا بنتكلم للمصلحه العامه
سندس / انا بقى مش معاكوا انا رايى ان الموضوع ده بايد مصطفى لوحده سورى يعنى ان كنت بشيل الالقاب بس الحقيقه بتشرقنى
مصطفى / هههههههههههههههه خدى راحتك
سندس / مصطفى المفروض يكون موجود فى المكان اللى يريحه
شوق / بس مصطفى خسر كتير فى الحريق
سندس / ايوه مقولتش حاجه بس افرضى مصطفى مش مرتاح هنا يعنى راحته المفروض تكون رقم واحد
شوق / و هو مش هيرتاح معانا ليه يعنى ناقصه ايه هاه ناقصك ايه
مصطفى / مفيش بالعكس
محمد / شوق
شوق / انا شبعت عن اذنكوا
شوق تطلع اوضتها و سندس تطلع وراها و حنان بعدهم
اميره / انا لازم امشى ورايا شغل عن اذنكوا
مهاب / اخبار الكليه ايه يا محمد
محمد / الحمد لله تمام
فريده / شد حيلك عاوزين تقدير
مهاب / محمد دا تلميذى النجيب مش كدا يا محمد
محمد / شكرا
محمد يبص فى طبقه و يرجع يبص على مهاب يلاقيه باصصله
.................................
فى اوضه شوق
حنان / هتقولى فى ايه و لا اديكى كف على وشك اجيبك ارض
سندس / ايه
حنان / هى مبتجيش غير كدا بت تفقع
شوق / مخنوقه يا حنان
سندس / تحبى اطلع بره
شوق / لا
سندس / بجد ميرسى
سندس تنط جنب شوق
حنان / مجانين زى بعض انا جعانه هنزل اكمل اكل فكى
شوق تبص لحنان و حنان تمشى و تغمز لسندس تهز راسها
سندس / ها فى ايه بقى
شوق / مرهقه باين
سندس / ايه بقولك ايه مالاخر كدا واضح ان مصطفى السبب
شوق / انتى بتقولى ايه مصطفى مين ده اللى ادايق عشانه
سندس/ بجد طب ماشى براحتك بقى
سندس تيجى تقوم شوق تمسكها
شوق / هو باين عليا اوى كدا
سندس / انتى مشوفتيش نفسك كلتينى لما قولت يمشى
شوق / بصى انا مش هكدب عليكى انا مش عارفه
سندس / مش عارفه ايه
شوق / مش عارفه بعمل كدا ليه بس النهرده حصلت معايا حاجه اول مره اعملها
سندس / متنجزى بقى هنفجر مالفضول
شوق / النهرده فى الانترفيو دخلت بنت كدا ملزقه فى نفسها تحسى انك لو لمستيها هتتكسر من كتر رقتها و انا انتى عارفه جعفر اللى جوايا مسيطر
سندس / هو فى احلى من جعفر
شوق / انتى اللى بتقولى كدا بصى لنفسك
سندس / ميرسى
شوق / هضربك
سندس / خلاص خلاص بصى هو فارق معاكى اوى يعنى
شوق / هو مين
سندس / مش وقت غباء مصطفى مين يعنى
شوق / مهو ده اللى لخبطنى انا مفيش بينى و بينه اى حاجه و لا حتى اعجاب ليه فرق معايا مش عارفه
سندس / معرفش بس يعنى انتى مشكلتك لو كانت فى البنت بس مكنتيش ادايقتى تحت
شوق / لا انا اصلا مش طيقاه عشان هو وافق و شغلها
سندس / اه صح
شوق / انا اتخنقت منك امشى
سندس / تعرفى انا لو مكانك هعمل ايه منغير زعل
شوق / مش هزعل
سندس / اولا هشيل القشره القديمه دى و اظبط نفسى انتى مشوفتيش نفسك فى الحفله كنتى قمر مش عارفه بقى فين هدومك الجديده
شوق / الله مانا كنت لابسه العبايه الجديده
سندس / عبايه ايه يا بنتى انتى كام سنه للكلام ده
شوق / انا مقدرش اللبس زيك
سندس / دا حقيقى بس ميمنعش اننا ممكن نعمل تويسته صغيره فى اللوك بتاعك
شوق / تفتكرى
سندس / اكيد بصى انا خارجه النهرده بكره بعد الكليه هاخدك و نغير شكلك خالص
شوق / تغيرينى خالص على اساس انى كدا وحشه يعنى
سندس / لا طبعا انتى قمر بس انتى دلوقت فى مستوى غير المستوى
شوق / ماشى اجرب
محمد يدخل و فايده طبقين
محمد / مكلتوش جبتلكوا الاكل
سندس / ميرسى
محمد / ايه مش هتحكى
سندس/ متقلقش انا هتصرف
محمد / كدا قلقت اكتر
سندس / اخص عليك حقيقى كسرت قلبى فين الثقه
محمد / انا رايح انام صاحى من بدرى لو حبيتى تتكلمى يا شوشو صحينى
سندس / مش هتعرف تساعدها اصلا
محمد يبص لسندس و هى تبصله بطرف علينها و تدحك يمشى و هو بيضرب كف على كف
.............................
فى الجنينه بالليل
مصطفى / والله يابنى معارف هى فجاه ادايقت و مشيت حتى مرضيتش تخلينى اروحها ... محمد محمد
محمد / معلش يا مصطفى مكنتش مركز كنت بتقول ايه
مصطفى / فى حاجه
محمد يبص فى الساعه
محمد / انا رايح مشوار كدا عن اذنك
مصطفى / اجى معاك
محمد / لا شكرا
محمد يمشى و هو بيبرطم
محمد / انا الغلطان اصلا اللى زى دى تتربط فى رجل السرير عشان تعرف ان الله حق لكن انا اسيبها تخرج مع الحيوان ده
.......................
محمد يوصل للعربيه يلاقى عربيه كريم داخله و فيها سندس جنب كريم يقف ورا شجره يبص عليهم كريم يحاول يبوس سندس تبعده
كريم / مش قولتى ان انا و محمد اخواتك
سندس تنزل مالعربيه كريم ينزل وراها يمسكها من ايدها
سندس / للمره المليون يا كريم مبجيش كدا
كريم / انا مش فاهمك بصراحه
سندس / امشى يا كريم
كريم / متستغليش حبى ليكى انك تلعبى بيا للصبر حدود
سندس / امشى
كريم / متزعليش بقى لما تلاقى غيرك معايا
سندس واقفه تبصله يركب العربيه و يرجع لورا و هى واقفه تمسك زلطه مالارض و تحدفها وراه
سندس / حيوان متخلف بجد
محمد يسقف بالراحه سندس تبص ناحيته
سندس / انت هنا من امتى
محمد / من بدرى
محمد يمشى و هى واقفه تنفخ
.............................