سكه السلامه بقلم / لولو_محمد (كامله )

الحلقه ٣٦

((((((((((سكة السلامة ))))))))
#لولو_محمد
الحلقه السادسة و الثلاثون

محمد / ماشى يا بخيله كلمتى سى يوسف
سندس / قولتله الموبايل بيفصل و هحطه فى الشاحن و اخش انام
محمد / كدبتى ليه
سندس / مين انت عشان تحاسبنى
محمد / انا جاى اراضيكى متسوقيش فيها الحق عليا يعنى مهنش عليا انام و انتى زعلانه
سندس / و مين قالك انك فارق معايا
محمد / ماشى انا قايم
سندس / استنى هنا رايح فين متخالينيش ادايقك بقى
…………………………….
محمد / انا مدايق خلقه مخنوق اول مره فى حياتى ابقى متكتف كدا كنت بروح الكليه و اطلع اروح يا الشغل يا الجيم و اروح ازاكر و انام عمرى ممديت ايدى اخد فلوس مصروف عمرى مقعدت فى البيت زى الحريم كدا
سندس / فتره و هتعدى
محمد / فتره خنقانى
سندس / طب بص تعال نخرج بكره
محمد / والله و اتفقتى هتروحى فين انتى و سى يوسف بقى
سندس / انت ايه مشكلتك مع يوسف على فكره انا كدا فهمت انت مش مخنوق عشان زهقان مالقاعده انت مخنوق عشان يوسف بيكلمنى صح
محمد / اه و ده كمان مين هو عشان يتصل بيكى و يقعد يدحك يعنى ايه هو ناسى نفسه و لا ايه فى مواعيد يتصل بيها اصلا و لا يتصل ليه من اساسه مين هو اصلا ابن مين فى مصر عشان يكلمك و لا يهزر معاكى
سندس / انت بتغير بقى
محمد / طبعا بغير
سندس عنيها تنور و الدحكه كبيره
محمد / انا لسه قايلك قد ايه انتى غاليه عندى يعنى اكيد مش هسمح لحد انه يقرب كدا بالساهل
سندس / انت ازاى عسل كدا
محمد / بس يابت
سندس/ على فكره هو اتصل عشان عاوز يتكلم معايا و انا قولتله انى بكره مش فاضيه و قالى انه هيبقى يجى الكليه كتير عشان يتعرف عليا اكتر و كان عاوز يجى البيت بكره
محمد / والله و ايه كمان
سندس / المفروض بصفتك اخويا زى مبتقول تتعرف على صحابى عشان تعرف الحلو مالوحش و توجهنى
محمد / قال يعنى هتسمعى كلامى
سندس / هسمع
محمد / خلاص اقطعى معاه هو وحش
سندس / هسمع لو بتتكلم جد انت تعرفه منين عشان تقول عنه وحش اصلا
محمد / اهو بقى
سندس / محمد
محمد / ايه عوزانى اركب ارايل و اشوف واحد بيكلمك متاخر و يقعد يدحك و يهزر و افرح يعنى
سندس / الساعه مجتش عشره حتى
محمد / كان عاوز يجى بكره صح
سندس / اه
محمد / خلاص خليه يجى اهو يتعرف على سلامه و ان كنت انتى شايفانى اوفر فشوفى سلامه بقى هيعمل فى امه ايه
سندس / لا مانا مش هعزم حد فبيتى عشان تهزقوه و بعدين انت اصلا مش المفروض تتكلم عن يوسف كدا دا انقذ حياتك
محمد / تانى لو كان فاكر ان انتى هتكونى تمن حياتى يبقى غلطان لان حياتى كلها متساويش ضافر من رجلك و بعدين حكايه الصحوبيه دى مبتاكلش معايا انا انتى شوفتيلى صحبات بنات خالص الولد يصاحب رجاله و البت تصاحب بنات خلصت مش صعبه يعنى
سندس / انا هخليه بكره يتعرف على اسلام و تيته انت معاك حق هو لو وحش هيبان بكره صح
محمد / ماشى خلينى وراكى للاخر
سندس تدحك
محمد / بس يابت
سندس تدحك اكتر
..........................
قدام اوضه ساره سلامه واقف ساند عالباب
ساره / تصبح على خير
اسلام / اليوم خلص بدرى اوى
ساره / بدرى ايه الساعه داخله على اتنين
اسلام / طب بقول خساره يعنى ننام بدرى و بكره اجازه متخليكى سهرانه معايا للفجر الواد محمد ادانى فلاشه منزل عليها شويه افلام انما ايه عجب
ساره / انت تعبت اوى النهرده من بدرى و انت صاحى ارتاح
اسلام / خليكى جدعه بقى دا يوم فى السنه عشان ابقى اسهر معاكى يوم عيد ميلادى
ساره / امتى صحيح
اسلام / انهى واحد فيهم بصى هو ياما 12/6 يا 18/2 اختارى اللى يناسبك
ساره / هههههههههههههههههه
اسلام / والله مبهزر سلامه كان فى شهر 6 و اسلام فى 2
ساره / هختار 2 الاقرب و بعدين انت بقيت اسلام خلاص انسى سلامه بقى
اسلام / من فات قديمه تاه
ساره / معاك حق
اسلام / غيرى هدومك و شوفى حاجه مريحه و انا هنزل اعمل اتنين نسكافيه عجب و استناكى نتفرج على الفيلم سوا
ساره / ماشى
اسلام / و النبى عسل
ساره / عن اذنك
اسلام / متتاخريش سلام
.....................
فى المطبخ
اسلام واقف بيعمل الرغوه بالمكنه و هو بيغنى
اسلام / مفيش صاحب يتصاحب مفيش راجل بقى راجل طلع سلاحك متكامل
سندس / ابيه
اسلام يتخض
اسلام / سندس ازيك انتى لسه صاحيه
سندس / مستنياك
اسلام يسيب اللى فى ايده و يشيل اللبن من عالنار و يقعد على اقرب كرسى و يقعدها
اسلام / فى ايه خير
سندس / انا عزمت واحد صاحبى بكره هنا
اسلام / عزمتى مين
سندس / بص انا عارفه انك مش هتفهمنى بس يوسف شخصيه كويسه و انا عوزاك تتعرف عليه
اسلام / يوسف مين
سندس / يوسف جبر ساعدنى يوم الحادثه و فضل معانا فى المستشفى شاب كويس و من عيله و انا عزمته يتعرف على عيلتى بليز يا ابيه بليز قابله حلو
اسلام يبص الناحيه التانيه
سندس/ انا عمرى معملت حاجه من ورا اهلى صحابى دايما كنت بجيبهم البيت و مش عاوزه حاجه تتغير انت اتكلم معاه انا متاكده انك هتلاقيه كويس
اسلام / انتى عزمتيه
سندس / اه
اسلام / خلاص ضيفك هو ضيفى هقابله و اتعرف عليه بس لو لقيته وحش
سندس / اوعدك انك لو لقيته وحش انا هقطع معاه
اسلام /هو محمد يعرف يوسف ده
سندس / اه بس محمد عصبى اليومين دول مش طايق حد دا طردنى من اوضته النهرده و انا اللى مرضتش اخرج معاكوا عشان افضل معاه بس هو صالحنى و قالى انه مخنوق من القاعده منغير شغل مش عارفه وحشاه اوى سواقه الميكروباص
اسلام / الشغل مش عيب يابنت ابويا الميكروباص ده هو اللى عملنا رجاله و هو اللى حط لحم على كتافنا
سندس / ايوه يعنى بس انتوا فوسط تانى دلوقت
اسلام / سبحان مغير الاحوال يا سندس زى منمت صحيت لقيت عندى فلوس كتير مش بعيد انام و اصحى الاقينى بقيت شحات
سندس / انا هطلع انام بقى ميرسى اوى يا ابيه بجد هنام مرتاحه
اسلام / اهم حاجه عندى
سندس تطلع
اسلام / اللبن برد .... هو ده فعلا اللى ناقص اتعرف على صاحبها ... ازيك يا سلامه انا جاى اصاحب اختك اتفضل يا حبيبى انا هروح اظبط الاريال و ارجعلك .... والله كتير كتير بجد
اسلام يرمى المج باللى فيه فى الحوض و ينفخ ساره تدخل
ساره / مالك
اسلام / هو انتوا ايه نظامكوا فى البيت ده ابويا كانت ظروفه ايه بالظبط
ساره / مش فاهمه
اسلام / طارق كان صاحب اميره من يوم مدخلت المدرسه و كبروا سوا و اتجوزوا فى الاخر و كان فى زياد مع سندس هو البيت ده كان سايب كدا ليه
ساره / انا عارفه انه صعب عليك يعنى احنا مختلفين شويه عن مكان مانت متربيت
اسلام / لا مختلفين كتير حضرتك مختلفين اوى
ساره / ايوه بس بابا الله يرحمه كان دايما يقول ربى بنتك على الثقه اديها حريتها و تابعها عشان متاثرش على شخصيتها و اختياراتها
اسلام / انك تسبيها تروح و تيجى مع شباب تانين
ساره / لا مهو مش اى حد طارق و زياد كانوا متربيين معانا عارفينهم و عارفين اهاليهم من سنين و العلاقه كانت قدام الكل و معروف حدودها و لو كان زياد لسه عايش انه متاكده انها كانت استمرت
اسلام / و انتى يا ساره
ساره تتنهد و تدمع / انا مكنتش بسمع كلام حد يعنى اقل حاجه بتاثر فى الطفل لما روحت عند عموا زمان قالولى ان امى رمتنى عشان واحد تانى قالولى ان امي مصدقت ابويا مات و راحت اتجوزت و رمتنى مع ان بابا كان متوفى من تلت سنين ساعتها و هى بتربينى لوحدها بس انا كنت لوحدى و كلامهم كان قاسى مكنش بيهون عليا غير زيارته و انه الوحيد اللى مبعنيش و انه متمسك بيا اوى شارينى مع ان امى نفسها باعتنى مكنتش اعرف انها بتيجى و هما مبيرضوش يخلوها تشوفنى حط نفسك مكانى
اسلام يقرب و يمسح دموعها بايده
ساره / حط نفسك مكانى كان عندى كام سنه انا افهم ايه انا كل حاجه جوايا اتلخبطت موازينى باظت بقى هو بس اللى يهمنى رايه هو الصح لانه اشترانى هو اللى عاوزنى هو اللى باقى عليا حط نفسك مكانى هتعمل ايه هتصدقه و لا لا هتثق فيه و لا لا
اسلام / هثق هثق اهدى
ساره / غلطت و دفعت تمن غلطتى عشر سنين من عمرى ندم بس اعمل ايه مقدرش اعيد الزمن مقدرش اصلح اللى فات اعمل ايه قولى اعمل ايه
اسلام / خلاص يا ساره خلاص اهدى انا اسف
ساره تعيط اوى
اسلام / لا كدا مش نافع نسكافيه نديها كاكاو بقى
ساره تدحك و هى وشها كلو دموع
اسلام / محدش فينا معملش حاجه فى حياته يندم عليها حتى لو كانت موقف تافه بس اكيد كلنا بنغلط احنا بشر المهم لما نغلط نرمى ورا ضهرنا و نبص لبكره انتى لسه صغيره و الدنيا كلها قدامك بصى انا هخليها كركديه بقى عشان اعصابك تهدى و انا هعمل لنفسى قهوه عشان اهدى انا كمان
ساره / هو ايه اللى فتح السيره دى
اسلام / سندس يا ستى عزمت واحد من صحابها بكره عشان نتعرف عليه
ساره / دا كويس على فكره
اسلام / من انهى اتجاه يعنى لو انا ماشى مع واحد صاحبى فى الشارع مثلا و جه سلم عليا الواد ده هعرفه ازاى دا فلان صاحب اختى الله يحرق دى فكره دمى فار لمجرد انى اتخيلتها متكتبهاش عليا يارب
ساره / هههههههههههههههههه
اسلام / انتى بتدحكى
ساره / انت مكبر الموضوع اوى اتعرف عليه يمكن يطلع كويس
اسلام / و يمكن يطلع وحش
ساره / لو وحش اكيد هيبان يعنى و بعدين هى اكيد ليها زمايل و اصدقاء انك تكون عارفهم و عارف اهاليهم و تربيتهم احسن من انها تكون من ورا ضهرك
اسلام / يا ستى مختلفناش بس يعنى متصاحب بنات من يوم معرفت البت دى و مسمعتش غير اسم ميرنا اللى محمد اساسا مش طايق سيرتها و الباقى كلهم عيال شمال من كريم لماجد يا قلبى لا تحزن و لسه اما نشوف سى يوسف دا كمان
ساره / كريم ده مهاب اللى مشجعها عليه و هى مجبتش حد هنا من يوم مبابا مات فانها تجيب حد ده كويس انها تبدا تثق ان ليها عيله ده فحد ذاته كويس سندس بترجع تانى مينفعش نبعدها لازم نعمل المستحيل عشان نشدها
اسلام / والله انا عديت المستحيل بمراحل ياختاااااايى بمراحل
ساره / معلش اختك الصغيره ايه احنا هنقضيها كلام فين النسكافيه بتاعى
اسلام / ثوانى اعملك غيره
ساره / انا هساعدك وسع
........................
تانى يوم فى اوضه محمد سندس تفتح الباب تلاقيه قاعد فى البلكونه على كرسى و جنبه فطار تخطف باتيهه و تاكلها
سندس / و انا اللى جايه اصحيك صباح الخير مفطرتش ليه
محمد / مش جعان كلى انتى
سندس / مالك مش فى المود ليه مش انا كلمت اسلام امبارح و قولتله ان يوسف جاى
محمد / كويس
سندس/ هو ايه اللى كويس فى ايه يابنى مالك مش تقوم يلا عشان تنزل معايا
محمد / مليش مزاج انزل انا هقعد ازاكر هنا و قولت لاسلام يبعتلى اكلى فى اوضتى
سندس / ايوه بس النهرده يوم مهم انا عوزاك تتعرف على يوسف
محمد / انتى مش لسه قايله انك طلبتى من اسلام افرق فى ايه انا يعنى
سندس / لا تفرق و مهم اوى كمان
محمد / و انا قولتلك رايى و معجبكيش ايه عوزانى اقول الراى اللى يعجبك يعنى خلاص هو زى الفل و تمام
سندس / انت ليه متغير معايا كدا
محمد / عشان خسرت الرهان
سندس / رهان ؟؟ رهان ايه
محمد / كنت متراهن مع نفسى انك غير ان فكرتى عنك غلط بس طلعت غلطان انتى مجرد واحده مدلعه متعرفش الفرق بين العيب و الحرام و لا الصح و الغلط متعرفش غير اللعب و التفاهه و بس متعرفش تشيل مسؤليه و لا حتى حاسه باللى حواليها روحى يلا شوفى اللى وراكى شوفى باقى ايه فى حياتك سليم تبوظيه
سندس / انت امبارح
محمد / كنت غلطان
سندس / لو القاعده خنقاك تعال نخرج
محمد / ملكيش دعوه بيه روحى يلا اجهزى زمان ضيفك جاى هو اولى باهتمامك اتفضلى انا مش فاضيلك
سندس تبصله و تحط باقى البتيهه من ايدها و تمشى و هو يبص الناحيه التانيه و ينفخ
........................
تحت عالفطار الكل بيفطر سندس تعدى و تنزل الجيم منغير متسلم
اسلام / عن اذنكوا
اسلام يقوم يجرى وراها سندس تدخل الجيم و تشغل الترديميل و تحط الهاند فرى فودانها و تجرى عليه اسلام يدخل وراها
اسلام / سندس ... سندس
اسلام يشد الهاند فرى
اسلام / فى ايه مالك
سندس / مفيش روح اسال اخوك فى ايه معندوش غيرى حيطه مايله يطلع فيها همه فاكر نفسه ايه يعنى هاه فاكر نفسه مين يكلمنى كدا قال مدلعه قال انا حره فى حياتى هو ماله هو
اسلام / طب اهدى و انزلى قوليلى ايه اللى حصل طيب
سندس / معرفش اساله هو امبارح جه و اعتزر و قولت خلاص لقيته الصبح ولا حاجه اتغيرت هو فى ايه كل واحد فيه اللى مكفيه هو بيعمل معايا كدا ليه هاه
سندس تنزل لاسلام
سندس / هو فاكر انى هموت عليه يعنى مقدرش اعيش منغيره هو فاكر انه اشترانى انا الف من يتمنى يتكلم معايا مليون كمان مش الف ملايين
سلامه / اهدى طيب انا مش فاهم مالك
سندس / روح قوله هو الخسران انا اللى مش عوزاه و لو جه يصالحنى تانى عمرى مهعبره انت فاهم عمرى مهعبره انا الحق عليا اصلا انى عبرته مالاول سامع عمرى مهعبره لو بيموت قدامى عمرى مهعبره
الباب يتفتح و محمد يدخل و هو ساند عالعكاز سندس تجرى تجيبله كرسى اسلام يفتح بقه
محمد / البيه مش جاى و لا ايه
اسلام / ياولاد المجانين انت مش قولتلى انك مش نازل تقابل حد
محمد / اتخنقت قولت اغير جو هتحبسونى يعنى
اسلام / لا ازاى
سندس تبصله
محمد / و انتى اعملى حسابك انى رافض الفكره مش معنى انى هقابله يبقى موافق انا هقابله عشان يعرف ان ليكى اهل و لو فى دماغه حاجه كدا و لا كدا يشيلها من الاول انتى فاهمه
سندس تبتسم و تهز راسها ساره تفتح الباب
ساره / يوسف جه قاعد بره
اسلام / انا جايله ... خليكوا هنا هتكلم معاه كلمتين و ابعتهولكوا
سندس / انا جا..
اسلام / خليكى قولت
ساره / انا هبقى معاه
ساره و اسلام يمشوا
محمد / مالك مش على بعضك ليه هو كان جاى يتقدملك
سندس / لا طبعا بس انت و اسلام متنضمنوش ممكن تحرجونى
محمد / والله مبناقصنا ياختى عشان تطمنى و بلاها احراج
سندس / مقصدش لكن اكيد بابا كان هيتعامل بشكل مختلف
محمد / الله يرحمه
سندس / الله يرحمه
محمد يبص الناحيه التانيه
...............................
بره
ناهد / نورتنا يا حبيبى تعال افطر
يوسف / سبقتكوا انا بفطر بدرى
ناهد / احنا كل الايام بنفطر بدرى الا الجمعه فطارنا غدانا هههههههههههههههه
يوسف / الف هنا
طارق / انت بتشتغل ايه يا يوسف سورى يعنى شكلك كبير شويه عالدراسه
يوسف / انا اصلا خريج تربيه رياضيه و بشتغل فى مدرسه انترناشونال مدرب احمال لفرق كره القدم فى المدرسه
مهاب / و دى مرتبها كويس يعنى
يوسف / والله حضرتك انا العائد المادى مش فدماغى دلوقت انا بحب شغلى فده اهم حاجه
فريده / ايوه بس يعنى لازم يبقى عندك طموح اكيد مش هتعيش على مرتب المدرسه طول عمرك
اسلام يدخل
اسلام/ اسلام المصرى اخو سندس الكبير
يوسف / اهلا وسهلا تشرفنا
اسلام / مالك متوتر كدا ليه
يوسف / ابدا و لا حاجه
اسلام/ تعال نشرب شاى فى الجنينه و نتكلم انا و انت حبه راجل لراجل على مسندس تخلص اللى فايدها
يوسف / اتفضل حضرتك اتفضل
يوسف و اسلام يمشوا
ساره / فلوس ايه و مرتب ايه اللى بتسلوه عليهم هو جاى يتقدملها
فريده / الله مش لازم نعرف عنه كل حاجه يعنى و زى مقولت اهم حاجه الطموح
ساره تمشى تروح ورا اسلام و يوسف
........................
فى الجنينه
اسلام / احنا مجتلناش فرصه نشكرك يوم الحادثه و طبعا مهما شكرتك بعدها مش كفايه
يوسف / انا مش شايف اى داعى للشكل انا معملتش غير واجبى يعنى اكيد لو اى حد كان مكانى مكنش هيقول وانا مالى
اسلام / انت اصلك متعرفش محمد و سندس غاليين عليا ازاى
يوسف / ربنا يخليهملك على فكره انا ليا دكتور صاحبى فيزوثيرابيست انا متاكد انه هيساعد محمد يكمل علاجه
اسلام / وماله ابقى سبلى رقمه و انا هشوف الموضوع ده بنفسى
يوسف / اكيد هبقى اسيبه مع الانسه سندس
اسلام / تمام هى سندس فى الجيم تحت هى متعوده تقضى الجمعه كله رياضه
يوسف / اه مانا جيت عشان اتفقنا نتمرن سوا
اسلام / تمام خلينى اوصلك
يوسف / تمام
........................
فى الجيم
سندس تنزل مالتردميل و تشرب ميه
سندس / تفتكر ايه اللى حصل
محمد / اطمنى مدام جوه البيت سلامه مش هيمد ايده بس ربنا يستر بقى لما يخرج منه
سندس / انت بتطمنى و لا بتخوفنى انا اقصد يعنى رايه فيه ايه
محمد / فارق معاكى اوى حضرته
سندس / انت ليه بتتعامل معايا كدا
محمد / معلش انا اصلا خنيق
سندس تقعد على ركبها قدام رجل محمد
سندس / يا محمد انت غالى اوى عندى بليز بلاش الاسلوب ده
محمد / المفروض اعمل ايه يعنى
سندس / المفروض انك ...
الباب يتفتح و يوسف يدخل ووراه اسلام سندس تقوم تقف
سندس / هاى
يوسف / هاى
اسلام / انا هسيبكوا تتمرنوا ...يوسف
يوسف / ايوه
اسلام / سندس اخر العنقود حبيبتى الدلوعه مبستحملش عليها الهوى انا بقولك بس عشان تاخد بالك منها مفتكرش ان رد فعلى هيعجبك لو اتخدشت بس
سندس / ههههههههههههه بطل هزارك ده بقى
اسلام / انا مبهزرش انا بوعده عن اذنكوا
اسلام يمشى و يقفل الباب و يوسف لسه عينه عالباب
محمد / متزعلش اصلنا مش تربيه فلل فحوار الصحوبيه ده مش واخدين عليه
يوسف / خلاص سميها اى حاجه تانيه انا معنديش اى مانع تربطنى بسندس نفس العلاقه اللى بتربطك بيها
محمد / احلم على قدك
سندس / انتوا ليه لازم تصنفوا كل حاجه عادى يعنى احنا هنضيع اليوم واقفين ها تحب تتفرج عالمكان الاول و لا تخش فى التمرين
يوسف / هو السلم ده بيودى على فين
سندس / تعال اوريك
سندس تاخد يوسف تحت و محمد يفضل واقف يتفرج عليهم و هو مدايق
.........................