سكه السلامه بقلم / لولو_محمد (كامله )

الحلقه ٤٩

((((((سكة السلامة )))))
#لولو_محمد
الحلقه التاسعه و الاربعون
مهاب / العيال دول كدابين
الظابط / حضرتك كنت فين من الساعه 6.5 ل9.5
مهاب / كنت مكان مكنت اصلا مش منحقك تبدئ التحقيق معايا فغير وجود المحامى بتاعى
الظابط / انت مش هتعرفنى شغلى انت متهم بسرقه تلت عربيات ملاكى
............................
مهاب / انت عارف انت بتكلم مين تلت عربيات دول اجيبهم بمرتب شهر واحد عربيات ايه اللى اسرقها
الظابط / و خطف و تعذيب سته من طلابك فى الكليه
مهاب / العيال دول كدابين العيال دول انا اتسببت فى رفدهم مالكليه عشان كدا بيحاولوا يشوهو صورتى
الظابط / و هو ده بالظبط اللى قالوه ان حضرتك عملت كدا عشان دايقوا مرات حضرتك فى الكليه
مهاب / انا لو كنت عاوز اكبر الموضوع مكان من ساعتها هستنى ليه دلوقت
الظابط / حضرتك كنت فين النهرده من 6.5 ل 9.5
..................
فى القسم اسلام واقف بره فريده تدخل
فريده / فى ايه يا اسلام اتاخر اوى انا قلقت
اسلام / المحامى بتاعكوا يا ستى لسه مجاش
فريده / انت بتقول ايه
اسلام / بقول اللى حصل بقالهم ساعه بيحققوا معاه جوه و مش راضى يقول كان فين
فريده / انا مش فاهمه اصلا
اسلام / خطف العيال بتوع الكليه و سرق عربياتهم
فريده / مهاب عمره ميعمل كدا
اسلام / انا هكلم المحامى تانى
فريده / تمام
اسلام يروح يقف فى جنب
اسلام / كفايه اوى كدا تعال بقى .... سلام
اسلام يرجع لفريده و يديها موبايلها
فريده / جاى
اسلام / فى الطريق الدنيا زحمه معلش
فريده / انا مش قادره اصدق
اسلام / هو ليه مش عاوز يقول كان فين هو بيعمل ايه يعنى دى الطريقه الوحيده اللى تخليه يخرج منها ان يكون ليه حجه غياب
فريده / انا هتصرف
فريده تمسك التليفون و تعمل مكالمه
فريده / الو ازيك يا ماهى .... الحمد لله بقولك مهاب كان عندك
اسلام يبرقلها
فريده / ممسوك فى قسم و مش عاوز يقول كان فين .... تمام هستناكى
اسلام / دا بجد
فريده / قولها
اسلام / انتى عارفه انه بيخونك
فريده / انا مش هبله اوى كدا يعنى
اسلام / و ايه اللى جابرك على كدا ايه اللى جابرك
فريده / انا عارفه مصلحتى كويس
اسلام / انا ماشى سلام
.................
فى الفيلا
محمد / ابن الكلب
اسلام / انا حسيت انه مش عاوز يقولى هو فين عشان كدا خليت المحامى يتاخر بس مكنتش متخيل انه بيخونها و مع مين
محمد / كدا اللعبه وسعت اوى
اسلام / مهاب سلط كريم على سندس و مرافق ماهى
محمد / اللى زى ده ممكن يعمل اى حاجه يا برنس
اسلام / بس اللى غلط فيه زمان مش هيكرره
محمد / او هيكرره صح
اسلام / متدخلش الشك فقلبى سندس معاك طول الوقت و انت عارف بتكلم مين كويس
الباب بيخبط
اسلام / ادخل
سندس / بتعملوا ايه
محمد / عاوزه ايه يا حشريه
سندس / فريق يوسف كسب البطوله و هو عازمنا بكره على حفله عاملها
محمد / ربنا يسهل
سندس تبص لاسلام
اسلام / ايه هو عازمنى انا كمان و لا ايه
سندس / انا باخد الاذن اهو عشان تعرفوا انى مؤدبه
اسلام / ههههههههههههههه بموت فيكى
سندس / شايف الناس اللى بتفهم
محمد / اشبعى بيه
سندس / انا هروح انام بقى تصبحو على خير
سندس تطلع و تقفل الباب
اسلام / لو مهاب عاوز يعيد حوار كريم اكيد مش هينقى واد خرع
محمد / لا يا راجل مش للدرجادى الواد شكله ابن ناس
اسلام / بالظبط راجل و ابن ناس النوع اللى هيجيب نتيجه
محمد / طب و العمل
اسلام / هتصرف انا متشغلش بالك المهم البت دى فعينك اما نشوف اخرتها
محمد / ماشى تصبح على خير
.....................
فى الحفله تانى يوم
سندس / عساسيل اوى ما شاء الله
يوسف / عقبالك
سندس / ميرسى
يوسف / اخبار الجيم بتاعك ايه يا محمد
محمد / بيشطبوا فيه اهو على متخرج يكون اتفرش يشتغل علاطول
يوسف / ربنا يوفقك
سندس / شوفلنا بقى شويه من صحابك يكونوا مدربين كويسين
يوسف / ربنا يسهل
محمد / نروح بقى و لا ايه
سندس / اوك
يوسف / طب هشوفكوا تانى امتى
محمد / ربنا يسهل على تليفونات بقى
................
فى الشركه اسلام
مصطفى / انت دلوقت عاوز ايه
اسلام / عاوزك تشوفلى طريقه اراقب بيها كل اللى فى الشركه
مصطفى / انت فاهمنى غلط و بعدين مهما حاولت تبقى حويط اكيد هتعدى منك حاجه
اسلام / امبارح لو مكنتش فريده ادخلت عمرى مكنت هعرف ان ماهى بنت كلب
مصطفى / متاخذنيش كان باين عليها
اسلام / مبدقش يعنى بقول ان بعض الظن اثم
مصطفى / بص انت تشوف حد بتثق فيه و تخليه جنبك لان بصراحه مهاب ده طلع سم
اسلام /لا بس اتربى برده امبارح شويه
مصطفى / هههههههههه الفكره دى جاتلك منين يابن اللعيبه انت
ساره تدخل
ساره / سورى
اسلام / تعالى تعالى
ساره تدخل
ساره / ازيك يا مصطفى
مصطفى / تمام
ساره / هو انت هتنزل اعلان عشان تشوف حد بدل ماهى
اسلام / لا نقى حد كويس من جوه الشركه و حاولى يكون على قد متقدرى اهل ثقه
مصطفى / عين العقل و انا هسطبلك برنامج عالجهاز بتاعك يسجل فيديو لاى حد هيفتح الجهاز بتاعك
اسلام / مصلحه
ساره / و سجل ليا انا كمان هو فى حد غيرى ممكن يشوف التسجيلات دى
مصطفى / لا
ساره / تمام نزلهولى
مصطفى / حاضر
........................
فى الامتحانات
محمد قاعد بيزاكر سندس تدخل شايله شويه كتب و تحطهم عالسرير عنده و تفرشهم محمد يبصلها
محمد / بتعملى ايه
سندس / قولت اجى جنبك نسلى بعض
محمد / تنورى
سندس تبدا تقرا من الكتاب بصوت عالى
محمد / بت بت
سندس / اسفه خلاص
....................
فى الفيلا بعد كام يوم
فريده / اسلام انت فاضى
اسلام / طبعا تعالى
فريده / انا كنت عاوزه اتكلم معاك فى حاجه بس متردده
اسلام / لا طبعا اتفضلى تعالى خير
فريده / بص اولا انا عاوزه اشكرك انك مقولتش لحد على اى حاجه بخصوص حوار مهاب و ماهى
اسلام يبص الناحيه التانيه
فريده / بص انا عارفه انك مش هتفهمنى بس انا ام و قبل اى حاجه ببص على مصلحه عيالى يعنى انت عارف ان الجو الاسرى ضرورى
اسلام / والله
فريده / انا حربت الدنيا عشان اتجوز مهاب و مش هسمح لحد يشمت فيا ماشى
اسلام / ساره مثلا
فريده / مهاب اكبر منها بستاشر سنه هى كانت بتعند معايا مش اكتر حب ايه مع الفرق دا كلو
اسلام / مبتكلمش فى النقطه دى
فريده / مش ساره بس كل العيله قالتلى مهاب لا مهاب مش كويس بس انا مصدقتش
اسلام / و عشان محدش يشمت هتكملى فى الوحله دى مهاب بياذى كل اللى فالبيت
فريده / مبيضربش حد على ايده
اسلام / انتى شكرتينى عاوزه حاجه تانى
فريده / اه
اسلام / اؤمرينى
فريده / انت صحيح دفعت لامجد صقر  ربع مليون جنيه عشان يتاخر على مهاب فى القسم
اسلام / حصل
فريده / ليه استفدت ايه
اسلام / المفروض يشكرنى لانى وريته ان المحامى بتاعه ابن كلب بتاع فلوس و باعه فى اول فرصه
فريده / استفدت ايه
اسلام / انا كنت بضغط عليه بس عشان نعرف هو كان فين كنت حاسس انه مخبى حاجه بس عمرى مكان فبالى حاجه زى دى
فريده / انا مش عارفه اقولك ايه
اسلام / حاولى تنسى الناس شويه حاولى تفكرى فى عيلتك و فنفسك يستاهلوا منك كدا
فريده / انا عملت ايه انا عايشه فحالى
اسلام / السكوت عالغلط اشتراك فيه على فكره
فريده / انا مبخشش معركه خسرانه
اسلام / مش مقتنع
فريده / مهاب شال البيت ده سنتين كاملين لما بابا مات
اسلام / بجد
فريده / و قبله كان دراع بابا اليمين انا عارفه ان مهاب فيه عيوب بس انا متاكده انه مش وحش اوى كدا هو بس
اسلام / هو بس ايه بيخونك و مش بس كدا بيتهجم على اختك فى بيتك و فوجودك
فريده / مفيش بين مهاب و ساره اى حاجه هى اللى بترمى نفسها عليه
اسلام / والله
فريده / ساره اغمى عليها و فقدت النطق لما عرفت انه خطبنى انا ساره حاربته بكل الطرق من يوم متجوزنى
اسلام / و هى اللى جابتنى هنا
فريده / جابتك عشان تحرم مهاب مالورث و عشان سهل تتحكم فيك ساره مش ملاك
اسلام / و انا مش اهبل و لا عيل عشان حد يتحكم فيا
فريده / بتحبها
اسلام / و دا ايه علاقته
فريده / اصلها نفس البصه و نفس الدفاع المستميت عنها هى فيها ايه يعنى
اسلام / مش عارف انتى بتتكلمى عن ايه
فريده / خد بالك من نفسك
اسلام / خدى انتى بالك من نفسك خدى بالك كويس اوى
فريده / اوك سلام
.......................
بعد كام يوم مهاب دخل الفيلا
اسلام / مهاب
مهاب يقف
اسلام / انت مخاصمنى و لا ايه
مهاب / ازاى انا بس مشغول شويه
اسلام / انا بطمن بس عن اذنك
مهاب / سلامه
اسلام / نعمين
مهاب / اخبار الشركه ايه
اسلام / يعنى مش عارف
مهاب / ههههههههههههههههه لا عارف
اسلام / طب بتسال ليه
مهاب / بحاول اديك فرصه تفتح معايا الموضوع اللى بقالك كتير اوى مش عارف تفتحه انا ممكن افتحه بس لو اعرف هو انهى واحد فيهم
اسلام / هما كتير اوى كدا
مهاب / هههههههههههههههههههه
اسلام / خلينا فى اللى يخصك فريده
مهاب / مالها
اسلام / لو خنتها تانى
مهاب / تانى و تالت و رابع مش احسن متجوز عليها
اسلام / والله هى بقت كدا دلوقت
مهاب / انت مش عارف اختك باين عليك بص يا سلامه اجدع واحده فى البيت ده فريده ضاربه دماغ اللى يجى يجى و اللى يروح يروح اهم حاجه عندها ان محفظتها مليانه خليك زيها هترتاح
اسلام / انا مش هعديها
مهاب / اوعى تفتكر ان انا اللى هعديها يا سلامه اتفاقك مع امجد صقر و العيال اللى سلطتهم عليا و
اسلام / و ايه
مهاب/ و شويه الهفات اللى انت ممشيهم ورايا
اسلام / اش عرفك ان انا اللى عملت كل ده امجد اه معترف انا بس زى مقولت لفريده المفروض تشكرنى انى وريتك انه ابن كلب واطى
مهاب / متشكرين يا سيدى بس زى مقولتلك انا مش هعديها
اسلام / و مستنى ايه
مهاب / كلو باوانه يابن عمى كلو باوانه
اسلام / تانس و تشرف فاى وقت
ساره تدخل
ساره / اسلام ممكن ثوانى
اسلام / طبعا يا قلبى اؤمرى عن اذنك يا مهاب باشا
اسلام يمشى مع ساره و مهاب هيطق
اسلام / خير
ساره / اشمعن هنا مفيش يا قلبى
اسلام يدحك بصوت عالى
ساره / بطل
اسلام / اسف
ساره تتنهد
اسلام / لا بجد خير
ساره / سندس كلمتنى و قالت ان الفلوس هتخلص و لسه فاضل حاجات كتير مجتش
اسلام / و دى محتاجه سؤال يعنى
ساره / اه محتاجه انك تتكلم مع محمد بس انت معرفتش منى عشان ميقفش على سندس هو عاوز يفتح باللى معاه و بعدين يطور و هى عاوزه تفتح كلو برفكت يعنى شادين على بعض و دا وقت امتحانات مش عاوزاهم يتوتروا
اسلام / هتصرف انا خلاص تمام
ساره / انا عامله ايسكريم اجيبلك
اسلام / و ماله ... يا قلبى
ساره / ههههههههههههه مجنون
اسلام / اشمعن انا
....................
فى الكليه اخر يوم فى امتحانات سندس
ميرنا / ايه افراج اخيرا و هنشوفك و لا برده مزنوقه
سندس / امال لو مكنتيش عارفه اللى فيها انا لو مش بزاكر ببقى فى السنتر
ميرنا / ايوه بس احنا لينا حق عليكى اخبار يوسف ايه صحيح
سندس / اخر مره شوفته كانت فى الحفله بعدها اخرنا بنسال على بعض واتس حتى التليفون مبردش
ميرنا / زمانه زهق على فكره
سندس / هو مقدر ظروفى و انى فامتحانات و كدا
ميرنا / محمد خلص
سندس / فاضله بكره
ميرنا / خلص كليه و معندوش جيش و هيشتغل مدير هيلثى سنتر
سندس / و المطلوب
ميرنا / سبحان مغير الاحوال مش ده اللى اول السنه كان شحات و مكنتيش بتطيقيه
سندس / مكنتش بطيقه اه بس كان بيشتغل و بيصرف على نفسه مش شحات
ميرنا/ تفتكرى لما بتيجى سيرتك بيدافع عنك كدا
سندس / جربى
ميرنا / و انا اغلط فصحبتى ليه المهم ماجد بيسلم عليكى و بيقولك فينك
سندس / مش فاضيه
ميرنا / اوك هبلغه
..........................
فى الفيلا
سندس تدخل اوضه محمد و معاها صينيه ساندوتشات
سندس / اخبار اللى رافع راسنا ايه
محمد / خلصت و نازل
سندس / رايح فين دا اخر يوم هتزاكر فيه
محمد / هبص على حاجات فى السنتر
سندس / مفيهوش حاجه انا بصيت عليه بنفسى النهرده كلو تمام
محمد / اعتبريها ساعه رست
سندس / و انا اللى مرضيتش اخرج مع صحابى عشانك يلا روح امشى انا الغلطانه اصلا
محمد / عملتى ايه فى الامتحان
سندس / عدى خلاص و السنه خلصت و هستنى النتيجه ايه قولى فى حاجه واقفه قدامك اشرحهالك
محمد / هههههههههههههههههههههههه
...................
فى شركه الفا
شوق / عبده خد الفواتير دى لو سمحت و ايدها عندك فى مصاريف الشهر ده
عبده / حاضر .... صحيح مفيش اخبار من حنان
شوق / الحمل تاعبها
عبده / بس دى لسه فى الاول
شوق / اه بس طول الوقت ترجيع و كدا و نايمه
عبده / طب مش هتروحى تزوريها
شوق / بروح كل اتنين و خميس
عبده / طب لما تيجى رايحه تانى قوليلى اجى ابص عليها يعنى لو مفيهاش سئاله
شوق / ابدا مفيهاش
مصطفى يدخل
مصطفى / انا نازل لو خلصتى تعالى اوصلك
شوق / اوك ماشى يلا سلام يا عبده
................
فى عربيه مصطفى
شوق بتلعب فى لعبه عالتابلوه
مصطفى / لو عجباكى خديها
شوق / دانا ازودهالك
مصطفى / كنتوا بتتكلموا فى ايه
شوق / حنان
مصطفى / كويس
شوق / كويس
مصطفى / هو انتوا فستختوا خطوبتكوا ليه صحيح
.........................