سكه السلامه بقلم / لولو_محمد (كامله )

الحلقه ٦٨

((((((سكة السلامة )))))
#لولو_محمد
الحلقه الثامنه و الستون
محمد / و بعد مبقى جنبها تبدا تدور على غيرى صح
سمره / انت لسه شايفها وحشه لسه شايف ساندى مش حاسس باى تغير
محمد / انا خايف اكون غلطان
سمره / انت اصلى غلطان يا صاحبى سندس متستاهلش منك كدا سندس عملت المستحيل عشانك المستحيل حرفيا
محمد / انت كنت مبهور بيها من الاول
سمره / و انت كارهها من الاول
محمد / انا مبكرههاش انا بس
.................................
سمره / خايف انت خايف تجرحك خايف تبيعك
محمد / يا سمره الشيك ده عشان اقدر اعملها الفرح اللى هى بتحلم بيه عشان تيته عارفه كويس انى مش هقدر
سمره / و ليه مش هتقدر ان شاء الله مانت ربنا فاتحها عليك من وسع و عندك سنتر مكنتش تحلم بيه انت لسه فاكر نفسك محمد البرنس سواق الميكروباص انسى بقى و بص لبكره السنتر هيتفتح يوم الخميس و باذن الله هيدخلك بدل الجنيه الف
محمد / و دا هيمسح اللى فات
سمره / انت مين ياله البرنس اللى اعرفه كان فخور بشغلته اللى ورثها عن ابوه كان بيطحن نفسه ليل نهار عشان يلم تمن شبكه لواحده بنت كلب جاى دلوقت للى شرياك و تقول الكلام ده
محمد يبصله و يسكت
سمره / انت ملكش عندى اكتر مالنصيح... حقك عليا لو كنت اتعصبت عليك بس انت عارف انى بحبك و عارف كويس انى مش عاوز غير مصلحتك
محمد / انا بقول ابعد كام يوم افكر مع نفسى و اشوف
سمره / هى فكره يعنى تشوف هتقدر تبعد عنها و لا لا هتعمل ايه فغيابك بس انت شايف ان ده الوقت المناسب يا محمد
محمد / طول مهى قدامى انا مشدود طول مهى بتتنطت قدامى مبعرفش اشد بلاقى نفسى فملكوتها
سمره / مهو ده الحب يا صاحبى
محمد يبص فى الارض و ينفخ
سمره / بص روح و غير هدومك و احضر العزا و تعال بات معايا بالليل ماشى
محمد / ماشى
.................
فى اوضه سندس
سندس قاعده وواخده ركبها فى حضها عالسرير و لفه نفسها بشال جدتها و بتعيط لوحدها ساره تدخل و معاها صينيه اكل
ساره / انتى صاحيه انا فكرتك نمتى
سندس مبتردش
ساره / قومى كلى لقمه
سندس / مش جعانه
ساره / محدش له نفس ياكل بس
سندس / هو محمد و اسلام لسه مرجعوش
ساره / اسلام راح لطارق يساعده عشان العزا و اكيد محمد هيروح عليهم
سندس / ماشى
ساره / انا مش هكرر غلطتى سندس انا جنبك لو احتجتى تتكلمى تعملى اى حاجه انا فضيالك
سندس / و جوزك ؟؟؟
ساره / و اسلام و اسلام كمان معندوش اهم منك يا بنتى
سندس / ماشى
سندس تنام عالسرير
ساره / تحبى اخلينى جنبك
سندس / لا شكرا روحى شوفى اللى وراكى انا كويسه
ساره / سندس انا هسيب الاكل و هاجى كل شويه اطمن عليكى
سندس متردش و ساره تمشى
..........................
بعد العزا
اسلام / هى عامله ايه
ساره / ساكته خالص مرضيتش تقابل حد و كل مدخل الاقيها نايمه
اسلام / خشى ارتاحى و انا هطلع ابص عليها
ساره / اسلام كنت عاوزه استاذنك يعنى
اسلام / تمام تمام مفيش مشكله مكنتش ناوى على حاجه اصلا اكيد مش هبدا حياتى معاكى فيوم زى ده يلا قدر الله و ما شاء فعل لعله خير
ساره / تعال نطمن على سندس و نخلينا جنبها النهرده كانت لوحدها وقت طويل اوى
اسلام / تمام
اسلام و ساره يطلعوا و مهاب قاعد مع الباقين متابعهم
مهاب / والله عيب بجد
طارق / هو ايه اللى عيب
مهاب / البيه شايف واقف ازاى و جدته لسه ميته صحيح هو يعنى كان شاف منها ايه و لا حتى اتعلق بيها
طارق / واحد و مراته يوم فرحهم عاوزهم يقفوا ازاى كفايه اوي ان فرحتهم ماتت للمره التانيه
اميره / بس على الاقل المرادى اتجوزوا خلاص
فريده / انتوا بتتكلموا جد هما كتبوا الكتاب
اميره / اه كانوا بيشتروا الشبكه و فجاه طقت لاسلام و خطفهم و طلعوا عالماذون اتصلوا بينا و هما هناك روحنا و هما بيخلصوا
فريده / فرحتلهم اوى
مهاب قاعد بيغلى و بيبص على اسلام و هو ماسك ايد ساره و طالع معاها
اميره / مسكينه ساره
طارق / قدر الله و ما شاء فعل انا هطلع اطمن عالاولاد
اميره / تصبحوا على خير
........................
فى اوضه سندس
ساره تروح تنام جنبها و اسلام يروح الناحيه التانيه
اسلام / سندس قومى كلى لقمه
سندس / مش جعانه عاوزه انام
ساره / انتى نايمه من ساعه مرجعنا
سندس / انتوا مش فرحكوا النهرده متروحوا تناموا
اسلام / دا حيالله كتب كتاب و انا بصراحه اخاف انام لوحدى البت دى تعمل فيا حاجه
سندس تبتسم بصعوبه
اسلام / هو انا دمى تقيل اوى كدا
سندس / انا تعبانه اوى
اسلام / قوليلى ايه يريحك و انا اعمله
سندس / سبونى انام مش عاوزه اصحى مش عاوزه افتح عينى
ساره / طب ممكن نخلينا جنبك مش هنعمل صوت
سندس / خليكوا
ساره و اسلام يناموا جنبها و سندس فى النص
.............................
فى اوضه مهاب
فريده / انا مش قادره اصدق تيته كانت كويسه الصبح تروح تدى الوصيه للمحامى و تروح تموت
مهاب / انتى كنتى بتفكرى تكتبى وصيتك صح مش ناويه تحطى سى محمد فيها انتى كمان
فريده / انت عارف كويس ليه تيته ادت الخاتم لمحمد
مهاب / انتى فاكره ان محمد بيحب سندس محمد بيكره سندس محمد طمعان ففلوس سندس كل اللى يهمه هو الفلوس و بس
فريده / بس هو شاب كويس
مهاب / محمد فاكر انه لما يقرب من اختك هيضمن التقدير و التعيين هيضمن انه هيتعامل معامله احسن
فريده / محمد شاطر و انت ادرى منى بده درجاته طول السنين اللى فاتت ...
مهاب / درجاته متسواش حاجه طول مابن العميد فدفعته انتى عارفه كويس ان محمد عمره مهيتعين
فريده / هو حد كلمك فى الموضوع ده
مهاب / محدش كلمنى بس انا عارف كويس و انتى عارفه
فريده / الولد نفسيته هتدمر
مهاب / فكرى فاختك شويه فكرى هيعمل فيها ايه لما يعرف فكرى هيفش غله فيها ازاى اختك مدمره خلقه
تليفون مهاب يرن
فريده / مين
مهاب / شغل
مهاب يطلع البلكونه
مهاب / ايه الاخبار .....انا مش عارف اقولك ايه......... انا كنت متاكد انك مش هتخزلينى ...... هههههههههه.... طبعا طبعا اول مهشوفك هديكى المكافاه اللى تستحقيها ..... قولى لصحبتك ملوش لزوم التعب ...... انا زهقت اصلا .... كان معاكى حق ... سلام
مهاب يقفل يلف يلاقى فريده وراه
فريده / خير
مهاب / دى مناقصه و ريست علينا
فريده / مناقصه اتنين بالليل و صاحبه مين اللى ملوش لازمه تعبها
مهاب / دى شركه منافسه مسكاها واحده ست خدت قرشين و سحبت الملف بتاعها فمبقاش فى غيرنا فهنفوز بالتزكيه
فريده / اه فهمت
مهاب / انا مكنتش مجبر انى اجاوب بس عشان انا مقدر ان اعصابك تعبانه انا
فريده/ شكرا
مهاب / العفو ... هروح ابص عالاولاد نامى انتى
.....................
فريده تنام و تستغطى مهاب يطلع بره الاوضه يقابل محمد طالع عالسلم
مهاب / كنت بدور عليك
محمد / خير
مهاب / مبروك
محمد / الله يبارك فيك خير
مهاب / نجحت عرفتهالك من قبل متخلص حتى فى الكنترول
محمد / شكرا
مهاب / محمد كنت عاوز اسالك حاجه
محمد / اتفضل يا دكتور
مهاب/ انت عارف ان ابن عميد الكليه دفعتك
محمد / هيتعين معيد صح عادى انا ماقلم نفسى من اول يوم عرفت انه ابن العميد انا برده عايش فى البلد دى بقالى كتير
مهاب / مش زعلان
محمد / و دا يجى ايه جنب اللى حصل النهرده
مهاب / غريبه انك تزعل بعد متيته الله يرحمها ادتك الخاتم اللى كانت ناويه تديه لسندس هديه جوازها و شيك عشان تعملها الفرح اللى بتحلم بيه
محمد / انت شايف ان ده تعويض كفايه
مهاب / الله الله انت كنت عاوز تورث معانا بقى
محمد / الفلوس مش كل حاجه فى حاجات اهم بس بما انك وحيد و مفيش حد طايقك عمرك مهتفهم يعنى ايه انك تخسر حد بتحبه عن اذنك
محمد يدى ضهره لمحمد و يمشى
مهاب / مكنش المفروض تدينى ضهرك يا محمد كدا الضربه هتوجعك اكتر
.......................
فى اوضه محمد
محمد يطلع مالحمام يفرد السجاده و يصلى ركعه التانيه التالته سندس تدخل تلاقيه بيصلى تروح جرى تلبس اسدال و ترجع تقعد جنبه بالظبط و هو بيقول التحيات محمد يسلم و يبصلها باستغراب
سندس بصوت مكسور / حرما
محمد / مينفعش تقعدى جنبى على فكره
سندس بحزن / ليه انا عملت ايه
محمد / لا مش انتى مينفعش تصلى جنبى
سندس / شوق صلت
محمد / بصى الستات بتقف جنب بعض منغير امام الرجاله بيقف امام و وراه الرجاله رجاله و ستات مع بعض الرجاله قدام و الستات ورا وقدام امام راجل فهمتى
سندس / مكنتش اعرف
محمد / انتى اتوضيتى اصلا
سندس / نسيت
محمد يبتسم
محمد / قومى اتوضى هنصلى تانى
سندس / هو انت بتصلى ايه دلوقت
محمد / مخنوق فقولت اصلى لحد مفك
سندس تقوم تدخل الحمام و شويه و ترجع تقف وراه بخطوه يطلع قدام شويه و يصلى تانى اول ميسجد يسمع صوت عياط سندس يخلص الركعه التانيه و يسلم و يبصلها يلاقيها بتعيط على اخرها
محمد / انتى كويسه
سندس بتبص فى الارض محمد يقرب منها
محمد / بتعيطى ليه
سندس تترمى فحضنه و تعيط على اخرها محمد يبان عليه علامات الضيق و يبعد ايدها عنه و يقوم يقف و يسحب مفاتيحه من عالترابيزه و يمشى سندس تمشى وراه تلاقيه نازل عالسلم و مبيبصش وراه تغمض عينها اللى مبتبطلش دموع تسمع صوت مهاب من وراها
مهاب/ سندس انتى واقفه هنا ليه كدا
سندس / مفيش يا ابيه كنت بصلى
مهاب / باين مالاسدال هو انتى اتخانقتى مع محمد هو زعلك قالك حاجه
سندس / ابدا
مهاب / متزعليش منه هو برده معزور يعنى كانت فرصته فى التعيين عاليه بس انا مكنش ينفع ادخل
سندس / مش فاهمه
مهاب / انتى عارفه البلد و السستم العميد ادخل زمان عشان ساره تنجح و دلوقت ابنه هيتعين معيد و محمد المرشح الاول
سندس / يعنى محمد مش هيتعين
مهاب / انا كنت فاكره مدايق عشان كدا هو مش المفروض بيقولك كل حاجه
سندس تبص فى الارض
مهاب / انا بصراحه مستغرب يعنى امال مديكى سلسله امه و رايح جاى معاكى و جاى فوقت مهم زى ده يتقمص و يمشى انا ليا كلام تانى معاه
سندس / ابيه لو سمحت
مهاب / هو كان فاكر ايه لما هيقرب من اختى هيضمن التعيين مهو كان لازم ياهل نفسه من اول يوم
سندس / محمد مش كدا
مهاب / ليه محمد مش كدا ليه
سندس / عشان هو مش مصلحجى يا ابيه انا عرفاه كويس
مهاب / كنتى عارفه كريم صح انتى صغيره يا سندس اختياراتك مش مدروسه متبصليش كدا مش معنى انى كنت موافق على خروجاتك مع كريم انى كنت موافق عليه انا بس كنت بحاول اربيكى بالطريقه اللى اتربيت بيها كنت بديكى الاسبايس بتاعتك عشان تتعلمى بنفسك الصح مالغلط بس كنت علاطول فضهرك
سندس / لا يا ابيه محمد هو اللى كان فضهرى
مهاب / تمام يا سندس تمام عن اذنك
سندس تدخل اوضتها تلاقى اسلام و ساره واخدين السرير كلو تاخد موبايلها و تروح اوضه محمد و تتصل بيه يكنسل عليها
سندس / رد
سندس تتصل تانى تالت رابع يكنسل سندس تعيط و تبعتله عالواتس
سندس / اسفه
مقراهاش تستنى شويه و تتصل تانى ميردش تتصل تالت التليفون مقفول تضم ركبها على صدرها و تقعد تعيط لحد متروح فى النوم تصحى تانى يوم على صوت الدولاب بيتفتح
محمد / انا اسف صحيتك
سندس / اتصلت بيك كتير
محمد / الموبايل فصل
سندس / كنت فين
محمد / قولتلك انى مخنوق
سندس / كنا بنصلى سوا
محمد يبص فى الارض و يبص الناحيه التانيه
سندس / خلاص انا اسفه انا اسفه
سندس تبص عالارض تلاقى شنطه صغيره و محمد فايده هدوم
سندس / ايه ده
محمد / شنطه
سندس وشها يتخطف و الدموع تنزل منها
سندس / انت هتمشى
محمد / هروح عند سمره يومين
سندس / هتمشى ؟؟
محمد / مكنش المفروض ارجع امبارح
سندس / كل ده عشان اترميت فحضنك
محمد / لا
سندس / امال عشان التعيين انا ذنبى ايه
محمد / سندس افهمى
سندس / افهم ايه افهم انك ماشى و سايبنى سايبنى دلوقت
محمد / انا محتاج وقت
سندس / و انا ؟؟؟
محمد يسكت سندس تمسح دموعها و تبصله و هو باصص لفوق مش عليها تمد ايدها فى الدولاب تشد قميص و بنطلون
سندس / الطقم ده بيبقى حلو عليك خده
سندس توصل للباب و ترجع و هو يبصلها
سندس / انا اسفه يا محمد على كل حاجه
سندس تبصله و تروح اوضتها و هى بتتنفض تنط فى النص بين اسلام و ساره يصحوا تحط راسها فصدر اسلام و هى بتتنفض
اسلام/ سندس مالك
سندس/ عاوزه انام
اسلام / انتى كنتى فين
ساره/ سندس انتى كويسه
سندس / عاوزه انام
سندس تحضن اسلام اوى يحضنها و يبص لساره
...................
فى المكتب تحت
مهاب / صباحيه مباركه
اسلام / الله يبارك فيك بتعمل ايه هنا
مهاب / كنت بخلص شويه اوراق قبل ممشى
اسلام / تمام
مهاب / اخبار سندس ايه
اسلام / كويسه
مهاب / مش باين اخوك زعلها اوى بالليل قولتلها انه معدش محتاجلها بس هى شيفاه اكبر من كدا
اسلام / مسمحلكش تجيب سيره محمد على لسانك
مهاب / اسف اسف بالراحه انا برده راجل عاجز زى مانت شايف رابط ايدى و رجلى اكيد مش هقدر اقف قصادك انا ماشى
اسلام / فستين داهيه
مهاب يمشى و فريده تدخل تجرى على اسلام
فريده / فى ايه يا اسلام بتزعق ليه كدا
اسلام / انا تعبت انتى مرتاحه للى احنا فيه مرتاحه للى انتى فيه انتى اللى مكتفانى ليه
ماجى تدخل
ماجى / تليفون مدام فريده
فريده تمسك الموبايل
فريده / الو ... مين ...ايوه يا روبى خير ... طب اهدى اهدى انا فى الفيلا.... لا مش هنا كنتى عوزاه .... موضوع خاص اوك هستناكى تعالى .... سلام
اسلام / ليا اسال مين
فريده / روبى صاحبه سندس واضح ان عندها مشكله كبيره اصلا البنت دى مكنتش مظبوطه خالص الترم ده
اسلام / تمام انا هروح مشوار و ارجع ابقى اطلعى بصى على سندس وضعها يبكى
فريده تهز راسها و اسلام يمشى
...........................
فى السنتر
محمود / كدا مفيش قشايه ناقصه عالافتتاح
محمد / تمام
محمود / انت كويس
محمد / منمتش كويس
محمود / الله يعينك انا قولت انك عمرك مهتيجى النهرده على الاقل تقعد جنب سندس اكيد وضعها صعب اوى دلوقت
محمد / يقطع القلب
محمود / و جالك قلب تسبها يا صاحبى
محمد يسكت و اسلام يدخل
اسلام / كفايا عليك كدا يا محمود انا هكمل معاه من هنا
محمود يبص لاسلام يلاقيه جد يمشى منغير و لا كلمه
اسلام / ايه اللى حصل امبارح
محمد / محصلش حاجه
اسلام / تانى ايه اللى حصل امبارح كنت فين و جيت امتى و ايه اللى جرا و ايه اللى مشاك
محمد / بعد العزا روحت وصلت مصطفى و حمدى و بعدين بصيت عالشقه و جيت اروح لقيت نفسى مخنوق
اسلام / و بعدين انجز
محمد / روحت اتوضيت و صليت سندس جت تصلى جنبى
اسلام / ها
محمد / مشيت و رجعت الصبح اخد غيار و انا قاعد عند سمره
اسلام / ايه اللى حصل بينك و بين سندس امبارح
محمد / محصلش حاجه
اسلام / انت اتخانقت معاها عشان التعيين
محمد / لا
اسلام / امال مهاب بيقول كدا ليه
محمد / دا ابن كلب انا اصلا مكنتش اعرف هو اللى قابلنى و انا راجع و قالى و انا قولتله ميهمنيش و دخلت اصلى و لما سندس جت صلينا سوا فعلا بس متخانقناش
اسلام/ انت كان ممكن تصلى عند سمره كان ممكن تصلى فاى حته ايه اللى رجعك لو مكنتش ناوى تمشى فهمنى ايه اللى حصل
محمد / اللى حصل انى ضعفت
.............................