سكه السلامه بقلم / لولو_محمد (كامله )

الحلقه ٢٩

((((((((سكة السلامة )))))))
#لولو_محمد
الحلقه التاسعه و العشرون
اسلام يسند محمد لسريره سندس تروح تفتح الستاره متعلق تحتها حبل حروف حمدالله عالسلامه يا محمد
سندس  / انا اللى عملاها ايه رايك
محمد / انا هاخد عالدلع ده
سندس / قوم بس و ملكش دعوه
اسلام / انا هروح الشركه لو عوزت اى حاجه كلمنى
سندس / متقلقش عليه دا فى عنيا
محمد / متتاخرش ابوس ايدك
………………………………….
سندس / اخرس
محمد / حاضر
سندس تروح تقعد جنب محمد
محمد / اقفلى الستاره عاوز انام
سندس تجرى تقفل الستاره و تطفى النور و تروح تقعد تلعب فى الموبايل
محمد / بالنسبه لعاوز انام
سندس / متنام هو انا حوشتك انا مش عامله صوت
محمد / هى اوضتك موحشتكيش
سندس / دى اوضتى لحد متخف
محمد / اللهم طولك ياروح
سندس / امين
............................
فى الشركه
ساره / شوفت مش قولتلك احمد البرباوى اعتزر عن الاجتماع بيقول ان فى شركه تانيه قدمتله عرض احسن
اسلام / سبيه محدش هياخد رزقك احنا نركز فى شغلنا و هو يلاقى شغل يتلهى فيه بدل ميفضالنا
ساره / تمام بالنسبه لمشروع انتاج العربيات اللى كنت
اسلام / انا متابع التقدم بنفسى و اتكلمت مع مدير المصنع و قالى انه هيتم تشغيل مبدئى للخط فى خلال شهرين بالكتير
ساره / الله انت معدتش محتاجنى خلاص
اسلام / و ان اقدر استغنى برضه
ساره / انا زعلانه عشان اميره اوى
اسلام / هى عرفت طريقهم و الباقى قرارها بقى ياتسافر و تكمل معاهم يتبعد و تقضيها زيارات و مش عاوز حد يضغط عليها فى الموضوع ده لو سمحتى
ساره / حاضر
...........................
فى الفيلا
محمد نايم و سندس قاعده بتلعب فى الموبايل تجيلها رساله عالواتس
سندس / حمد الله عالسلامه يارب تكونوا بخير
سندس تكتب / مين
توصلها رساله
سندس / يوسف جبر اللى قابلتك فى الحادثه انا رنيت على نفسى و خدت الرقم عشان ابقى اطمن عليكى لان لقيت الجو صعب فى المستشفى و الوقت كان اتاخر و مقدرتش استنى اسف لو كنت ازعجتك
سندس تكتب / معلش مش واخده بالى مين يعنى
تجيلها رساله
سندس / انا وصحبى يوم الحادثه بتاعتك انتى و اخوكى كنا معدين و كلمت الاسعاف
سندس تتحمس و تكتب
سندس / ايوه ايوه شكرا حقيقى انا ملقتش فرصه انى اشكركوا بجد انا مش عارفه منغيركوا كنت عملت ايه و بجد انا مديونالكوا بحياتى ميرسى كتير اوى
سندس توصلها رساله
سندس / على ايه انا جيت المستشفى على فكره تانى يوم بس كنتوا نايمين فمشيت تانى
سندس تكتب / انت بعت ورد صح بيتهيالى
سندس توصلها رساله
سندس / ايوه اعمل ايه يعنى كنت خايف اتصل اعمل مشكله بس لما روحت النهرده ملقتكوش ملقتش حل تانى حقيقى
سندس تكتب / تعبت نفسك تروح مرتين وورد حقيقى ميرسى على زوقك
سندس توصلها رساله / ازاى بس ياريت كل الاخوات بيحبوا اخواتهم زيك كدا
محمد يصحى
محمد / تيك تيك تيك تيك بترغى مع مين يابت
سندس / مش هتصدق فاكر الاتنين اللى نقلوك المستشفى
محمد / مالهم
سندس / واحد منهم بيكلمنى بيطمن عليك طلع اللى كان باعت الورد يوسف جبر فاكر لما ساره قالت حد عارفه و محدش عرفه فاكر
محمد / و سى يوسف ده جاب رقمك منين يا ست سندس هانم مانا شكل موتى على اديكى
سندس / مهو يوم الحادثه موبايلى كان معاه على فكره شخصيه محترمه جدا انت متخيل الموبايل و العربيه بالمفتاح كانوا معاه و هو وصلهم المستشفى و فضل مستنى اما فريده جت و اداهملها و كمان راح المستشفى مرتين و بعت ورد
محمد / مش متفائل اصلا يعنى بيكلمك بمناسبه ايه
سندس / مبقولك بيطمن عليك
محمد / كتر خيره اقفلى معاه بقى و شكرا على كدا
سندس / عيب يا محمد برضه انا مديوناله بحياتى
محمد / انا اللى مديونله ماشى ملكيش انتى دعوه
سندس / بجد
محمد / انا مش قادرلك المسكن مهمدنى
سندس / خلاص خلاص هقفل نام و ارتاح
سندس تجيلها رساله واتس
محمد/ يوووه هاتى كدا
سندس / دى ميرنا دى ميرنا بتقول هتيجى تطمن عليك عشان معرفتش تيجى المستشفى
محمد / كل اللى تعرفيهم قطعيه واحده
سندس / ميرسى
..................................
فى شركه مصطفى
شوق بتكتب عالكمبيوتر حرف حرف البنت البلوند بتكتب بسرعه اوى و تقوم من عالجهاز و شوق متبعاها تقف جنب الطبعه و تطبع و تروح لشوق
البنت / شوق بليز ممكن تكعبى دول اصلى مش بعرف استخدم المكنه
شوق / لبنى يا حبيبتى انا دورى هنا مش انى اشتغل مكانك اتعلمى
لبنى /ميرسى عن اذنك
لبنى تقوم تخبط على مصطفى و تدخل المكتب و تقفل الباب و هى بتبتسم لشوق من تحت الدرس
شوق / بقى كدا ماشى يانا يانتى يانا يانتى
.........................
فى كافيه كبير
واحد / حمدالله عالسلامه يا مهاب بيه والله قطعت بينا و بالشركه
مهاب / قول كلام غير ده قال يعنى كنت سالت
الراجل / يا مهاب بيه
مهاب / متحطش تكليف اسمع انا اسست شركتى الخاصه و قولت ان اول واحد لازم يشتغل معايا لازم يكون انت يا فريد بيه
فريد / ايوه بس
مهاب / متقلقش نفس الاتفاق و نفس المزايا
فريد / يا مهاب بيه اعزرنى يعنى انا وضعى فى الشركه
مهاب / مش معنى ان اسلام ملقاش عليكوا حاجه انكوا مكنتوش بتسرقوا معايا بس الحقيقه انا اللى كنت بنضف وراكوا كنت شايل الورق ده لوقت عوزه انت كدا كدا خالى شغل و ان كنت مشيت سكيتى عشان انا مالعيله فانا بمجرد مهدى الورق اللى معايا لاسلام انت هتتحبس
فريد / ايه ده ايه ده
مهاب / دى نسخه مالورق اللى عندى عليك و على ممدوح بيه ادرسوها سوا و كلمونى نمضى العقود بعد متستقيلوا عن اذنك انا ورايا مشوار مهم اوى
..............................
فى اوضه محمد
ميرنا معاها ورد
ميرنا / الف الف سلامه بجد زعلت اوى عشانك
سندس / الحمد لله عدت
محمد / تعبتى نفسك
ميرنا / انا بجد حاسه بالذنب اوى نحيتك اكيد البنات كلهم حسدونى انى برقص معاك
محمد / لا لو كدا بقى يبقى الشباب حسدونى انا ان معايا سندس
سندس تبص لمحمد و تبتسم و تبص لميرنا
ميرنا / على العموم لو عوزت اى حاجه فى اى وقت قولى بس بجد
سندس / ليه مانتى قاعده لحقتى عاوزه تمشى
ميرنا تتفاجئ و تبص لمحمد و تبص لسندس
ميرنا / اااااااااا اصل انا ورايا مشوار مهم عن اذنكوا
سندس / انتى عارفه الطريق بقى مش محتاجه اوصلك
ميرنا / طبعا طبعا
ميرنا تخرج
محمد / انتى تقريبا كرشتيها
سندس / بص انا فى حاجتين مبحبهمش الواد اللى شايف نفسه و البنت اللى بتتسهوك و دى مش ميرنا اللى اعرفها اكيد
محمد / ههههههههههههههه و مدام مش بتحبيها مصحباها ليه
سندس / عشان هى مش كدا هى متغيره الفتره دى و بجد مش عارفه ليه و الموضوع مدايقنى و خايفه احرجها
محمد / تتكلمى معاها احسن متخسريها
سندس / اوك هبقى اشوف انا الموضوع ده المهم تقوم انت بقى
محمد / لو عليا عاوز اقوم امبارح مش النهرده
شوق تدخل
شوق / ازيك يا محمد سندس عوزاكى
سندس تبص لمحمد و تمشى مع شوق تروح اوضتها
...........................
فى اوضه شوق
شوق / اللى اسمها لبنى دى فرسانى قولتى اغير لبسى و غيرت و مخدش باله و لا علق بكلمه حتى و بعدين دلوقت كل شويه تدخل المكتب و تقفل الباب و انا اهرى و انكت فى نفسى بره
سندس / بقولك ايه لو مصطفى ده مش شايفك احلى البنات يبقى بناقصه
شوق / دا اخرك يعنى
سندس / شوشو حبيبى انتى احلى من لبنى دى مليون مره
شوق/ انتى اصلا مشوفتيهاش
سندس / منغير مشوفها هى تعرف تعمل حله محشى جامده من بتوعك
شوق/ و انا اش عرفنى
سندس / شوق حبيبتى خليكى واثقه فنفسك
شوق / يعنى مش هتقدرى تساعدينى
سندس / انا عمرى محاولت اللفت انتباه حد ليا
شوق / انا اصلا معرفش ابقى زيك
سندس / و دا احلى حاجه فيكى انك مميزه مش زى اى حد لازم تحبى نفسك انا بحبها على فكره و كلنا بنحبك كدا والله
شوق / بتتكلمى جد
سندس / والله العظيم
شوق / معاكى حق انا مش محتاجه اللفت انتباهه هو اللى محتاج يلفت انتباهى اصلا
سندس / جدعه
شوق / انا ست قويه و مفتريه
سندس / ايوه
شوق / ومش اى راجل يهزنى
سندس / هو ده
........................
فى الهول تحت مهاب يدخل من باب الفيلا يلاقى اسلام نازل من عالسلم
اسلام / افندم اؤمر
مهاب / دا بيتى
اسلام / حقيقي؟؟ بانهى وش
مهاب / انت ملكش اى حق انك تمنعنى ادخل
اسلام / لما تحاول تخرب على اختى و تحاول تاذى اخواتى و تسرقنى و تسرق عيلتى يبقى تحمد ربنا مليون مره انى سايبك عايش اصلا انت ملكش حاجه هنا
احمد ينزل من فوق جرى
احمد / وحشتنى اوى يا بابا جبتلى ايه معاك مالسفر
مهاب يبص لاسلام و فريده تنزل
فريده / له مراته و عياله تعال يا حبيبى فوق ارتاح مالسفر
مهاب يطلع و اسلام واقف يضرب كف على كف و ينفخ
.....................
فى اوضه محمد
محمد نايم عالسرير بيلعب فى الموبايل مهاب و فريده يفتحوا الباب و يدخلوا محمد يتعدل
مهاب / اول معرفت باللى جرالك ركبت اول طياره و جيت اطمن عليك
محمد / فيك الخير والله يا دكتور
مهاب / انا اللى حقيقى مش فاهمه ازاى تتخانق و معاك سندس يا محمد كان ممكن تتاذى بسببك
فريده / الحمد لله جت سليمه
مهاب / انا بنبهه بس عشان يبقى ياخد باله المره الجايه
محمد / متخفش عليها اخواتها لسه مماتوش
مهاب / الحمد لله ياترى ايه اللى هيحصلها لو دا حصل برده مفيش حاجه بعيد على ربنا
سندس تدخل الاوضه و معاها عصير
سندس / عملتهولك بنفسى .... ايه ده ازيك يا ابيه جيت امتى
محمد / جاى يوصينى عليكى
سندس / متخافش هو مش محتاج وصايه ... خد اشرب عملتهولك بنفسى
مهاب / على العموم انا قاعد فى مصر شويه بفتح شركتى
سندس / مبروك يا ابيه
مهاب / لو احتجتوا اى حاجه كلمونى
فريده / نكلمك ايه انت لحقت تيجى
مهاب / انا فلتى مش بعيد
فريده / مفيش الكلام ده انت هتعيش وسطينا
اسلام يدخل
اسلام / سبيه على راحته اخاف لميرتاحش هنا
مهاب / لا دا بيتى و اكيد هكون مرتاح بس المشكله انت هتبقى مرتاح و انا هنا
اسلام / انا ابن سوق و اعجبك
مهاب / ماشى
اسلام / نورتنا
صوت اطفال تحت
سندس / هو فى ايه تحت
فريده / معرفش احمد و اسلام راحو التمرين مع ماجى و لسه بدرى على رجوعهم
سندس تطلع تبص تلاقى طارق و الاولاد تحت و معاهم شنط تصرخ
سندس/ ابيه طارق جيه ابيه طارق جيه
سندس تنزل السلم جرى و الكل يطلع من كل حته سندس تحضن طارق
سندس /وحشتنى اوى يا ابيه
سندس تنزل فيه ضرب
طارق / خلاص خلاص حرمت والله مهعمل كدا تانى
سندس/ عشان تبقى تسبنى تانى
طارق /اختك معملتهاش
اميره تدخل/ لسه
طارق / انا نزلت نهائى
اميره تبتسم
طارق / البلد دى احسن منغيرها فيها حياتى
مهاب من فوق / حمدالله عالسلامه
مهاب يبص لطارق
طارق / عاش من شافك
مهاب / نورت بيتك والله المفروض نحتفل النهرده العيله و لاول مره تتجمع
طارق / بس للاسف مش بسببك بسبب النجم ده
اسلام يحضن طارق
اسلام / كنت عارف انك هتيجى
طارق / حبيبى يا سمسم لو سمحتلى طبعا
اسلام / اسمحلك دانا هكتبه فى البطاقه
سندس / اول ممحمد يقوم بالسلامه لازم نعمل حفله جامده اوى
اسلام / قريب ان شاء الله هيقوم قريب
مهاب يبتسم
.....................................
الكل متجمع
فريده / والله يا طارق على قد زعلى على قد فرحتى برجوعك
اسلام / كلنا فرحنا و الاحلى كمان المفاجاه
طارق / مكنش ينفع مرجعش و زى مقولت انا حياتى هنا
سندس تدخل
شوق / عشتيه
سندس / اه و اخد الدوا و هينام
مهاب / شايفك مهتمه اوى بمحمد ايه قررتى تسيبى التجاره و تدخلى تمريض
سندس / انت بتقول ايه يا ابيه دا كان هيموت بسببى الحمد لله معرفش لو مكنش معايا كان هيجرالى ايه انا حقيقى مديوناله بحياتى
مهاب / بيتهيالى العكس و بعدين هو يعنى عملك ايه مهو ادغدغ اهو
سندس/ لا على فكره هو انضرب عشان كان مشغول بيا لو كان لوحده كان ظبطهم
مهاب / يا شيخه
سندس / طبعا
اسلام / ميغركش ولاد حسن البرنس عصبهم ناشف
مهاب / النشفان الزياده بيكسر
اسلام / صح بيكسر بس مبيتكسرش
مهاب يبتسم / حلوه
اسلام / فى منها كتير جرب انت بس
مهاب / و اجرب ليه مهو كلو تحت ايدى
اسلام / هنشوف
طارق / على قد مانتوا واحشينى بس بفتح عينى بالعافيه
مهاب / خلى ماجى ترتبله الاوضه اللى جنبى بيتهيالى لسه فاضيه
سندس / ايه ده اوضه ايه اللى تترتب مهو اوضته موجوده
الكل يبص لسندس اسلام يبتسم
اسلام / ايه يا اميره جوزك راجع مالسفر ساعديه يرتاح
طارق / انا فعلا تعبان اوى
اميره / نورت بيتك يا طارق اتفضل
طارق يحضن اسلام اسلام يوشوشه
اسلام / سندس ادتك فرصه العمر لو ضيعتها هنفخك
طارق / ادعيلى
اسلام / محتاجها فعلا ههههههههههه
طارق يدحك و يوطى على ايد ناهد يبوسها
طارق / وحشتينى يا تيته انا عارف انك زعلانه منى بس
ناهد / نورت بيتك يابنى كمل بيك و بعيالك مكانتك فقلبى عمرها مهتتهز و ان كان على شويه التراب اللى جم عليها مالركنه بايدك تنضفهم
طارق / ربنا يخليكى ليا
ناهد / و يخليك يا حبيبى
طارق يطلع مع اميره
فريده / انا كمان عندى تمرين يوجا الصبح تصبحوا على خير
مهاب / صحيح عملتوا لمحمد مرضى عشان لو اتاخد غياب ميتمنعش من دخول الامتحانات و كدا
فريده / انا عملتله طبعا
مهاب / سندس بقى لازم تروح
سندس / ان شاء الله طبعا بكره اجازه هروح مالحد
مهاب / باذن الله يا حبيبتى باذن الله
..............................
فى اوضه اميره
اميره بتوضب السرير طارق يطلع مالحمام
اميره / انت راجع تعبان مالسفر تقدر تاخد السرير و انا هروح ....
طارق / هو مش كفايه انى سبت كل اللى ورايا و اللى قدامى هناك و رجعتلك عشان تسامحينى
اميره / انت سبتنى قبل كدا عشانهم نعتبر خالصين
طارق / طب و قلبى اللى وجعنى كل يوم فبعدك
اميره تمسك مخده و تديهاله
اميره / مخدتى من سنتين منشفتش بسببك امسك
طارق / مش عدل انا سبت مخدتى هناك
اميره / اه صح
طارق يقرب خطوه
طارق / كان فى بنت بنضاره و تقويم سنان زمان بتنطق السين ثه
اميره ترتبك
طارق / نفثى اكل دره مشوى بث بيبوظ ثنانى
اميره تبتسم
طارق / لما هكبر هبقى دكتوره ثنان عشان اخترع بديل للتقويم الثفت ده
اميره / عاوز ايه يعنى
طارق / لو فيوم شوفتيها قوليلها انى بموت فيها قوليلها ان كان حواليا بنات اشكال و اللوان
اميره تحط ايدها فى وسطها
طارق / مشوفتش احلى منها محبتش غيرها الحب الاول و الاخير
اميره / صح
……………………………