((((((سكة السلامة )))))))
#لولو_محمد
الحلقه الواحد و الثلاثون
سندس / اسمعنى لو سمحت
محمد / طبعا
سندس / انت عارف انى جيت غلطه
محمد / مفيش حاج
سندس / من يوم متولدت و انا بيتقالى كدا من يوم متولدت و انا بحاول اخلى الكل فخور بيا بابا و ماما و زياد بحاول اكون احسن حاجه
محمد / انتى
سندس / متخلنيش اضربك بقى اسمعنى انا عمرى مقولت الكلام ده و مش سهل اقوله
…………………………………..
محمد يحط ايده على بقه
سندس / لما صحيت فى المستشفى ملقتهمش حسيت ان تعبى كله راح حسيت انى عمرى مهكون كفايه فليه اتعب بقى ليه مختارش ناس قليله عشان اقل حاجه اعملها تبقى اعلى منهم فاهم
محمد يهز راسه
سندس / يعنى بدل مصاحب الاوائل و انافس عالترتيب مصاحب مدبلرين مثلا يعنى و انافس عالنجاح صافى ... بس انا مش كدا على فكره انا مش كدا
محمد يهز راسه اه
سندس / انا توهت فتره بس انا ممكن ارجع صح
محمد يبتسم اوى
سندس / صح ؟؟؟
محمد / اه صح
سندس /انا لما بدايق باخد العربيه و اجرى على الليكس بس المرادى حسيت انى ... انت فاهم ... تايهه مليش مكان هروح فين .... انت غالى عندى اوى يا محمد مش عاوزه اخسرك مش هقدر اخسرك اصلا مش عاوزه اخسر اخويا الكبير
محمد / مش هسمحلك اصلا
سندس تبتسم / انت هتساعدنى ارجع صح
محمد / تصدقى لو قولتلك ان من اول يوم شوفتك حتى مع كل القرف اللى كان فيكى
سندس تبص الناحيه التانيه يعدل راسها
محمد / كنت عارف انك مش كدا كنت عارف ان كل الحركات اللى بتعمليها بتحاولى تدارى بيها حاجه حلوه اوى جواكى
سندس / ايوه بس انا كنت رخمه اوى معاك
محمد / رخامه حلوه
سندس / استنى هاجى
سندس تروح اوضتها و ترجع بازازه برفان مفتوحه و التانيه اختها بس مقفوله تديله المقفوله
محمد / ايه دى
سندس/ هديه
محمد / شكرا بس ايه المناسبه
سندس / زمان مش فاكره امتى بالظبط كان عيد ميلاد بابا نزلت انا و زياد ننقى هديه عجبنى اوى البرفيوم ده و اشتريته كان جديد و مش منتشر و الليجانت حقيقى بموت فيه المهم زياد لما لقانى حباها اوى كدا اشتراله واحده و هما الاتنين مبقوش بيحطوا غير منها
سندس تمسك ايد محمد و ترش عليه محمد يشمها يبرق سندس تبتسم بابتسامه مكسوره
سندس / انا برشه على ايدى لما بيوحشونى يعنى اى حاجه تيجى من ريحه الحبايب زى مبيقولوا يعنى ههه شغل مجانين بقى
محمد / انا اسف
سندس / دى عشانك عشان انت عندى فغلاوتهم و صدقنى مفيش حد فى الدنيا وصل للغلاوه دى ابدا لو يعنى تقبل يكون عندك اخت او بنت زيى
محمد يبصلها و يسكت تبتسم
سندس / تمام انا هروح انام بقى و اشوفك الصبح تصبح على خير سلام
سندس تاخد نفس عميق و تمشى و محمد مصدوم
....................
فى اوضه محمد
محمد نايم و اسلام جنبه يرش فى الهوا و تنزل عليه يشمها يقوم يقعد
اسلام / اشمعن انت و انا لا فيك ايه يعنى هاه شافت فيك ايه يعنى
محمد / مش عارف و مش عارف افرح و لا اخاف رمت عليا حجر و مشيت
اسلام / حجر انت عبيط يلا انت كنت تطول واحده تعملك القيمه دى كلها
محمد / و دى المشكله سندس حساسه اوى مشاعرها ممشياها عقلها ضرب من زمان انا قد المسؤليه دى انت عارفنى انا حتى هم اخواتى البنات مبشيلوش انت اللى بتشيله
اسلام / ايوه و ده اللى مجننى انها اختارتك انت
محمد / انت غيران منى
اسلام / هطق انا اولى انا اخوها تصدق اوعى
اسلام يمسك الازازه و يفضل يبخ على نفسه لحد ممحمد ياخدها
اسلام / انا اولى
محمد / بتقولى تقبل يكون عندك اخت او بنت زيى
اسلام / قولتلها ايه
محمد / لسانى كان متلجم اصلا من موضوع الريحه ده انت متخيل كام مره جرحتها بالموضوع ده كام مره قولتلها انتى بتحطى برفان رجالى و دحكت عليها انا اشتريت لها برفان رجالى فى عيد ميلادها
اسلام / بس مكنتش تعرف
محمد / يعنى اه احنا كنا اخوات اه بس ناقر و نقير و كان ماشى حالى بنبسط لما بستفزها و تناقر فيا جو البتاع ده انت عارف مبعرفش اتعامل مع المشاعر دى
اسلام / على رايك انا نفسى اتنرفزت انا غلطت فايه قصرت معاها فى ايه ليه انا لا
محمد / اطلع بره
اسلام / انا بسال يعنى
محمد / اطلع بره بدل مبص روح نام
اسلام / رايح يا عيله مجانين مفيكوش عاقل
محمد / مانت كبيرنا يلا اطفى النور سبنى انام و هات الازازه دى بتاعتى انت متضمنش
محمد ياخد الازازه فحضنه و ينام و اسلام واقف يدحك يغطيه و يطفى النور و يمشى
.............................
فى المطبخ الصبح
اسلام واقف يرب بيض ساره تدخل تقف جنبه يتخض
ساره / معقول محستش بيا داخله
اسلام / كنت سرحان صباح الخير نمتى كويس
ساره / بصراحه لا
اسلام / و لا انا كان هاين عليا اصحيكى بس صعبتى عليا قولت تعبانه و ترتاح منمتيش ليه ان شاء الله
ساره / سيبك منى البيت ده مبيخلاش مالمفاجات يوم سندس تحضر الفطار و يوم انت فى ايه هاه احكى
اسلام / مفيش جعت قولت اعمل لقمه مفيهاش حاجه يعنى
ساره / اها طب مطلبتش من ماجى ليه
اسلام / مش ناقصنى ايد يعنى هقلى بيضتين مفيهاش حاجه
ساره / اممم ريحه الفول جامده ممكن ادوق
اسلام / بتستاذنى كلى هقلى البيض و نفطر سوا
ساره / فى حاجه صح
اسلام / هو انا اخ وحش
ساره / ليه بتقول كدا
اسلام / منمتش طول الليل بفكر انا ايه اللى قصرت فيه ناحيتها يعنى ليه مش معتبرانى اخوها
ساره / فريده
اسلام / سندس
ساره / مستحيل سندس بتحبك اوى
اسلام / مش باين
ساره / انتوا اتخانقتوا و لا ايه
اسلام / ادت ازازه برفان لمحمد كان بابا الله يرحمه بيحط منها
ساره / اووووه
اسلام / اوووه ايه
ساره / بص هى سندس رومانسيه شويه يعنى ليها تصرفات كدا يعنى مثلا ممكن ترش شويه بيرفيوم عالمخده قبل متنام بتعيط جامد اوى لما بتتفرج على فيلم دراما و تلقى عنيها قلبت قلوب لما تتفرج على مشهد رومانسى بس هى بتدارى كل ده على فكره بتعتبره ناحيه ضعيفه فيها لو حد شافها هيستغلها
اسلام / ايه الهبل ده
ساره / والله مره الزفت مهاب فكر يعنى يقرب منها انه يحط بيرفيوم بابا قلبت الدنيا فضلت تصرخ فيه و مهديتش الا لما اداها الازازه و كسرتها البيت كلو بقت رحته كدا مقولكش سابت البيت و بقت تنام فى الجنينه
اسلام / بتتكلمى جد
ساره / كان يوم ميعلم بيه الا ربنا طبعا فريده مسكتها تريقه لما قالت يا بس بس فريده كدا اصلا تحسها
اسلام / لوح تلج
ساره تبصله
اسلام / ايه حقيقه مبتتحركش لاى موقف مشوفتهاش مره انفعلت فى اى خناقه او شده فى البيت مش كدا يعنى
حنان تدخل
حنان / كنت شوفوها لما سندس عملت الحادثه كانت هتتجنن ممشيتش الا لما سندس فاقت
اسلام / صباح الخير
حنان / صباح النور يا قلبى اساعدك
اسلام / تسلمى
حنان / فريده مش حجر على فكره هى بس مبتحبش تبان مهتمه يعنى عندها الانا عاليه شويه
اسلام / مش عارف يعنى
ساره / بما ان العيله كلها اتلمت منشوف موضوع الفرح
حنان / مش لما محمد يقوم بالسلامه
اسلام / مهو زى القرد اهو ماله
ساره / يا حقود
اسلام / ايه
حنان / هو فى ايه
ساره / اسلام بيغير من محمد
حنان تبص لسلامه
سلامه / ايه مكنتش بغير عليكى فى ايه
حنان / و الا طب كان يبقى حد يكلمنى انا و لا شوق ياربى يقلب الشارع دم ماما كانت تقوله هتخوف العرسان و توقف حالهم كان يقول لو مكنش راجل كفايه انه يجى بناقصه مبديش اخواتى لتيوس
ساره / ههههههههههههههههههه
سلامه / انا لو عليا مكنتش اديتهم خالص بس نقول ايه
ساره / دا جنان بقى ايه هتخللهم جنبك
حنان / سميه حب ميغركيش المنظر ده جواه ملبن
سلامه يبص لحنان
سلامه / انا غلطان كنت قعدت و انتوا تحضروا الفطار
ساره / كنت هتفطر نسكافيه و باتيه لان للاسف خبرتى فى المطبخ صفر
سلامه / و بتقوليها فوشى كدا عادى
ساره / يعنى انا و المطبخ مبنتفقش
سلامه / طب ايه رايك ان انا مش هتغدى النهرده غير من ايدك
ساره / يبقى هتجوع يا حبيبى ... اوه اسفه يعنى
سلامه / احم على فكره انا عنيد جدا و ادى الفطار مش فاطر شوفى بقى هتغدينى ايه
حنان / انا هطلع اصحى شوق اتخانقوا براحتكوا
سلامه / استنى عاوزك انتى هتراقبى البت دى عشان لو جابت دليفرى او حد ساعدها اى كان اللى هتطبخيه يا ساره هاكله بس النهرده مش هاكل غير عمايل ايدك
ساره / نشوف هتستحمل قد ايه
سلامه و ساره يبصوا لبعض و رافعين حواجبهم
.............................
فى اوضه محمد
محمد نايم و سندس نايمه جنبه مكان اسلام و هى مبتسمه و بتحلم يصحى يتمطع يشوفها يبتسم
محمد / ابن مين يا مصر اللى ربنا بيحبه اوى عشان يصحى على اصطباحه حلوه كدا
محمد يتابعها بابتسامه و هى بتحلم و ابتسامتها بتزيد
محمد / بتحلمى بايه يابت هاه مداهيه لتكونى بتحلمى بحد من الاشكال الزباله اللى تعرفيهم
محمد يبص الناحيه التانيه و يجى يقوم يبصلها تانى يلاقيها مبتسمه
محمد / ايه هى هتنام للعصر و لا ايه ..... انتى يابنتى اصحى
سندس / ايه فى ايه
محمد / هو ايه اللى فى ايه هو احتلال هو انتى مش كنتى روحتى تنامى فى اوضتك فى ايه الواحد مبياخدش راحته
سندس/ هو انا نمت
محمد / ايه يعنى بتمشى و انتى نايمه نمتى فى اوضتك صحيتى لقيتى نفسك هنا مثلا بطلى محن بقى
سندس / ربنا يسامحك انا معرفتش انام قولت اجى اقعد معاك لما جيت لقيتك نايم بس ريحه البرفيوم كانت ماليه الاوضه و المخده ف
محمد / اه دا اسلام كان راشش هنا
سندس/ انت اديت الازازه لاسلام
محمد / لا لا معايا هنا اسكتى دا هيموت مالغيظ هههههههه تعرفى بيقولى اشمعن انا مدتنيش دانا اخوها هى مبتحبنيش و لا ايه و كان طمعان فيها بس انا منعته ههههههههه دى بتاعتى انا
سندس تقوم تقف
سندس / عن اذنك
محمد / سندس انتى رايحه فين
سندس / امممم
محمد / كنتى بتحلمى بمين يابت ها انطقى
سندس / و انت اش عرفك انى كنت بحلم بحد يعنى
محمد / بقك كان مالودن للودن اعترفى بالزوق احسلك
سندس تقعد و تحكى لمحمد و هو مهتم اوى
سندس / اووووه بص انا كنت فى المطبخ
محمد / ايوه
سندس/ بحضر عشان فى شقه حلوه اوى
محمد / شقه ايه
سندس / مش عارفه بس مشوفتهاش قبل كدا
محمد / و بعدين
سندس / كنت عماله ازوق فى الاكل و اهتم بيه و مبسوطه اوى و انا بعمله حتى اللانشون كنت لفه كل واحده اسطوانه و حطه فيها نص خله سنان فى طرفها زاتونه و رصاهم فى الطبق على شكل ورده و فى زاتون فى النص
محمد / مهو ده كبيرك يعنى واحده طفسه زيك عايشه تاكل حتى و هى نايمه تحلم بالاكل
سندس / لا الكوميك بقى لما خدت الاطباق و طلعت عالسفره كان فى حد قاعد مدينى ضهره
محمد البسمه تروح من وشه و يهتم اكتر
سندس / حطيت الاطباق عالسفره و حطيت ايدى على كتفه ووطيت بوسته من خده و قولتله العشا جاهز يا حبيبى
محمد / و دا مين ابن الجزمه دا بقى ان شاء الله
سندس / متشتمش نفسك يا حبيبى
محمد / اييييه
سندس / مش بقولك كوميك دا ولا فيلم خيال علمى اساسا يعنى هههههههههههههه
محمد /و بعدين عملنا ايه
سندس / مفيش قومنا روحنا عالسفره نتعشى
محمد / و بعدين و بعدين
سندس / و لا قبلين صحتنى من قبل حتى محط لقمه واحده فبقى تعبت فى الوقفه فى المطبخ و فى الاخر مكلتوش
محمد يمسك المخده و يحدفها بيها
سندس / اه ايه
محمد / يا طفسه يا بتاعه بطنك امال لو بيبان عليكى امال لو مكنتيش عمله زى خله السنان يا .... اقول ايه بس انجرى يلا حضريلى الفطار
سندس / انت عبيط و لا ايه خدامتك انا و لا ايه
محمد / فالحه بس تعمليلى العشا
سندس / دا كان فى الحلم يا بابا حلم خيال خيال
محمد / انتى تطولى اصلا
سندس / اتكلم على قدك انا اطول النجوم يا حبيبى الدور و الباقى عليك انت
محمد / اه صح
سندس / بكره تشوف انا مليون من يتمنى ابصله اصلا
محمد / البلد مليانه عيال سيس بالهبل
سندس / قصدك ان مفيش راجل حقيقى ممكن يعجب بيا صح
محمد / و لا فى الحلم يا ماما
سندس / بكره تشوف
ساره تدخل الاوضه
ساره / شوفولكوا حل اسلام اتجنن خلاص
سندس و محمد يقطعوا خناقهم و يبصولها اسلام و حنان يدخلوا وراها
اسلام / انا قررت و انتهى انا النهرده مش هحط فى بقى غير اللى ساره تطبخه
سندس / ياريت تكون اتعشيت كويس لانك هتصوم لبكره
ساره / قوليله انا مبعرفش اطبخ
محمد / اتعلمى سهله
سندس و ساره يبصوا لمحمد و اسلام يسلم عليه
محمد / انا بقترح يعنى
سندس / انتوا الرجاله فاكرين ان المطبخ ده حاجه سهله
حنان / مش معجزه يعنى
سندس / نونو حبيبى بليز
حنان / انا بتكلم جد ايه الصعب فى كفته و مكرونه مثلا
محمد / لا كفته و مكرونه ايه احنا بنتعامل مع هواه و لا ايه محشى
اسلام / ايوه محشى
ساره / لا الجنان ده وراثى بقى
اسلام / والله لو وراثى فعلى الاقل عرفتوا سندس طالعه لمين
محمد يدحك و يضرب هاى فيف لاسلام
محمد / انا كمان بقول انى مش هاكل غير من ايد قلبى و عيونى سندستى
سندس / دا فى الحلم
محمد / اهون عليكى تسبينى جعان
ساره / تعرفى يا سندس انا بقول نخرج نروح الاسبا نعمل داى يوز و نسيبهم فى احلامهم
حنان / اجى معاكم
محمد و اسلام يبصولها
حنان / لا يعنى انا بقول يوم تانى عشان يعنى اقصد ايه انتوا قدها هتخلوا الرجاله تشمت فيكوا و لا ايه
سندس / انتى اصلا فى صفهم
حنان / استغفر الله بقى دى اخرتها
اسلام / انا بقول يادوب تلحقوا تبدئوا عشان انا متعشتش و جعان
ساره / احسن كل مجعت بدرى كل مقومت تاكل بدرى
اسلام يقوم يروح يقف قدامها
اسلام / انتى عمرك متتخيلى انا راسى ناشفه قد ايه
ساره / و دى مشكلتى يعنى
اسلام / اعتبريها درس فى الاعتماد على النفس
محمد / ايوه افرضى فيوم توهتى فى الصحره يعنى متعرفيش تعملى لنفسك لقمه
اسلام / مثلا
سندس / دول مجانين رسمى والله
ساره / حقيقى هو انا لو توهت فى الصحره هعمل محشى
حنان / وجهه نظر
اسلام و محمد يبصولها
حنان / انا هنزل اشوف مكونات المحشى فى المطبخ عشان لو حاجه ناقصه اللحق ابعت اجيبها
اسلام / ميرسى يا نونو
محمد / انا واقع مالجوع مش هاخد الدوا على معده فاضيه
سندس / متاخدش يلا يا ساره
ساره / يلا يا حبيبتى
ساره و سندس يمشى
محمد / رايى نبعت شوق تسرق حاجه مالمطبخ عشان كبيرنا هناكل سلطه ارانب مع البنتين دول
اسلام / بقيت خفيف كدا ليه يطلع منهم بس محتاجين زقه
محمد / يمكن
اسلام / بس كويس انك حشرت سندس
محمد / بحس بمتعه رهيبه لما بنكشها مش عارف شكلها و هى متعصبه و رافعه مناخيرها لفوق و بتكابر كدا فظيع عسل بجد
اسلام / القط ميحبش الا خناقه باين
محمد / باين ههههههههههههه
.....................
فى كافيه
ساره / بيتهيالى فهموا خلاص نروح بقى
سندس / الست اللى مبتعرفش تعمل محشى متبقاش ست مستفز
ساره / بخصوص المستفز انتى اديتى لمحمد ازازه برفيوم من بتوع بابا
سندس / اااااااااه اه ايه يعنى محمد زى اخويا بالظبط
ساره / و دا اللى اسلام قاله بس كان اولى تدى لاسلام
سندس / انا عارفه ان اسلام بيحبنى بس بحس..... ان محمد مختلف
ساره / تفتكرى
سندس / مش سهل انك تلاقى حد بيهتم بيكى بيدحكك بياخد باله منك
ساره / فعلا مش سهل ابدا
سندس / انتى اكتر واحده عارفه نوعيه الناس اللى بتعرف عليهم واحد غير محمد مكنش عمره بص فوشى بعد كل اللى عملته
ساره / مننساش موضوع العربيه و الجراج لما جالك
سندس / ايوه مكنش مضطر يعنى ..... تعرفى انه كان ليله كل امتحان يبعتلى عالواتس يستفزنى يقولى بطلى لعب و زاكرى و مانتش فالحه كنت بزاكر ....متساليش هو كدا بحس انى عاوزه اسمع كلامه مستفز بس حلو يعنى فاهمه
ساره / فاهمه
سندس / هو بيقول اننا زى توم اند جيرى يعنى مش طايقين بعض بس منستغناش عن بعض كدا فهمتى حاجه
ساره / هو انا حاسه ان كلنا فاهمين بس انتوا لا
سندس / مش فاهمه
ساره / فى كميا عاليه اوى بينكوا مختلفين مش هننكر بس فى حاجه اكيد
سندس / اى يكن فانا واثقه انه يستاهل ثقتى فيه
ساره / و انا كمان
سندس / انتى بقى ايه حكايتك فى لمعه فى عينك
ساره / لمعه ايه
…………………………………..
أنت تقرأ
سكه السلامه بقلم / لولو_محمد (كامله )
Romanceشاب فقير يجد اهله الاثرياء بعد غياب عشرون عاما ليجد نفسه امام تحديات كثيره لم يكن يتوقعها
