سكه السلامه بقلم / لولو_محمد (كامله )

الحلقه ١٩

((((((((سكة السلامه ))))))))
#لولو_محمد
الحلقه التاسعه عشر
سندس / اخبار الهدوم ايه
اسلام / هو فى زوق فوق زوقك
سندس / انت بتعمل ايه هنا
محمد / اسلام كان بيقيس و نشوف
سندس / تشوف ايه قولتلك طلعله الهدوم و تعال هو يقيس براحته ورانا حاجات نعملها انت شكلك مساعد فاشل اصلا
محمد / شايف
اسلام / تصبحوا على خير شباب
محمد / نام نام
سندس / يلا بقى اتحرك
................
فى المكتب تحت
عبد الرزاق داخل معاه لحاف فيبر و مخده و وراه ماجى معاها صينيه عليها مجين نسكافيه و طبق هرم ساندوتشات
محمد / هو فى ايه
سندس / هنسهر للصبح قولت اعمل احتياطاتى
محمد / استر ياللى بتستر
سندس / بص دا سر بنا انا معايا الباسورد للاب توب بتاع ابيه مهاب بس طبعا هو ميعرفش
محمد / و هتعملى ايه يعنى
سندس / لسته المدعويين موجوده هنا اللى بتتبعت فى كل حفله احنا هنسرقها و نعدل فيها
محمد / طب متستاذنى و تاخديها
سندس / و لما استاذن مش هيبقوا ساعدونى؟؟ انا قولتلهم مش عاوزه مساعده
محمد / دماغ العيال دى
سندس / اقفل الباب
محمد / حاضر هنروح فى داهيه على ايدك انا عارف
سندس تفتح اللاب و تحط الباسورد تفتح و تدخل تدور عالليسته تلاقى ملف مكتوب نتيجه رابعه 1 و ملف نتيجه رابعه
محمد / استنى استنى افتحى كدا اما اشوف النتيجه
سندس / لو مش الدحيحه اللى زيك جابوا تقدير مين هيجيب
سندس تفتح ملف نتيجه رابعه 1 و محمد يبص على اسمه يلاقى قدام اسمه كلو اصفار و محمود و سمره جايبين درجات كويسيه يسهم ثوانى
سندس / اكيد فى حاجه غلط انت يعنى مدخلتش الامتحان و لا ايه مستحيل طبعا بكره الصبح هسال ابيه
محمد / مفيش داعى
سندس / اكيد فى حاجه غلط
محمد / و انتى مش عارفه الغلط فين
سندس تفتح نتيجه رابعه و تدور على اسم محمد تلاقى قدامه درجات عاليه
سندس / شوفت اهو الملف بعد التعديل عشان تصدقنى
محمد / او الاصلى
محمد ينسخ درجاته من الملف ده للملف ده و يعمل حفظ
سندس / ليه عملت كدا
محمد / هو مش المفروض محدش يعرف ان معاكى الباس
سندس / اه
محمد / طيب و انا مغلطتش فى النتيجه انا بس ظبطت درجاتى بحق ربنا مزودتهاش درجه عشان لو حصلت لخبظه و لا حاجه مع ان يعنى التعديل الوحيد فى نتيجتى ده مبيفهمكيش اى حاجه
سندس / عادى يعنى بتحصل
محمد / صح
الباب يخبط سندس تطبع ملف لسته المعازيم و تروح تفتح تلاقى عبد الرازق شايل كرتونه تاخدها منه و تقفل الباب تانى
محمد / ايه ده
سندس / الدعوات وصلت اتفضل اللسته دى عوزاك تكتب اسامى و عناوين كل اللى انت عاوز تعزمهم
محمد / تمام
سندس / و انا هكتب عالكروت و اللى هعمله كرت هحط قدامه علامه
محمد / تمام بس ممكن اتعشى الاول
سندس / مبتبطلش اكل انت ناولنى واحد
محمد / ههههههههههههه اتفضلى
الصبح بدرى
محمد عمال يكتب فى الدعوات و يحطها فى الصندوق و مش واخد باله ان سندس نامت جنبه
محمد / انا خلصت الورق اللى معايا كلو
محمد يبص يلاقى سندس نايمه و الورق معاها ياخده منها و يعدل راسها و يغطيها و يكمل هو مهاب يجى يفتح الباب مبيفتحش يخبط محمد يروح يفتحله يدخل يلاقى سندس نايمه عالكنبه و متغطيه
مهاب / هى حصلت قله الادب دى فى البيت هنا
محمد / قله ادب ايه حضرتك فاهم غلط
مهاب / ليه هو حد بلغنى انا شوفت بعينى
سندس تصحى
سندس / فى ايه يا ابيه
مهاب / انتى كمان مش عارفه فى ايه
الكل ينزل بسرعه من فوق على صوت مهاب
ساره / فى ايه
مهاب / اتفضلى يا ست هانم البيه اللى فتحناله بيتنا بيعمل ايه مع اختك فى المكتب و قافلين عليهم الباب و مستغطيين
سندس / مفيش حاجه حصلت والله احنا كنا بنكتب الدعوات و انا غفلت مش اكتر من كدا
مهاب / انتى كمان بتدافعى عنه
ساره / مش كل الناس زيك على فكره
مهاب / شجعيها بس مترجعيش تقولى مهاب اللى بوظها
اسلام / خلاص محمد اطلع اوضتك سندس انتى كمان
سندس / مش هطلع انا معملتش حاجه غلط
مهاب / انا مشوفتش بجاحه كدا
سندس / و لا انا انت شوفتنا فى اى وضع مخل
مهاب / قافلين على نفسكوا بالمفتاح ليه
فريده / مهاب معاه حق و طيشك ده اللى هيوديكى فى داهيه على فكره
سندس / و على ايه بناقص الداهيه خالص عن اذنكوا
سندس تطلع تجرى على فوق و هى مفلوقه مالعياط محمد يطلع وراها
مهاب / مفيش فايده فى البيت ده ابدا
مهاب يدخل المكتب يفتح اللابتوب و ياخد النتيجه 1 على الفلاشه و يقفل اللاب و يقوم ساره تدخل و تلم الدعوات و الورق و ترتبهم
ساره / انا متاكده ان محمد و سندس مكنوش بيعملوا حاجه غلط
اسلام / بس دا ميمنعش انهم حطوا نفسهم فى وضع غلط و لازم اتكلم معاهم فيه بس نشوف بس اللى فى ايدك ده و بعدين نطلع
ساره و اسلام يقعدوا يظبطوا الدعوات و يكملوها
..........................
فى اوضه سندس
سندس واقفه قدام البلكونه بتعيط محمد يخبط و يدخل
محمد / اجى ؟؟
سندس تمسح دموعها و تبتسم
سندس / طبعا تعال
محمد / انتى معملتيش حاجه غلط
سندس / لا عملت و بعمل و هعمل انا كلى غلط اصلا انا اساسا جيت الدنيا غلطه
محمد / مفيش حد بيجى غلطه
سندس / هقولك ايه بس مش عارفه ليه وجعتنى المرادى انا كنت خدت على كدا خلاص
سندس تدمع و تحاول تدارى دموعها
محمد / كل الاخوات بيتخانقوا على فكره و
سندس / على قد مبخاف مالوحده على قد مبحبها اوى الوحده امان
محمد / الوحده وحشه
سندس / كدب فكر فيها كدا وانت لوحدك مين ممكن ياذيك مين ممكن يجرحك مش هتبقى مستنى حاجه من حد مش هتستنى اهتمام من حد
محمد / بس لو احتجتى مش هتلاقى حد
سندس دموعها تنزل غصب عنها و محمد باصص عليها
سندس / عادى المفروض تتعود انك متحتاجش حاجه من حد عشان يوم مهتحتاج بجد مش هتلاقى اصلا حد هتتصل هتلاقيهم اوت اوف سيرفيس محدش هيرد مهما هتنادى محدش هيسمع
سندس تعيط و محمد يمسح دموعها
سندس / بيقولوا عنى هنا انى انانيه ..بس.. عمرهم فكروا انا ليه انانيه ... عمرهم فكروا انا ليه مش مقدره غير نفسى عشان باختصار نفسى هى الحاجه الوحيده اللى عمرها مهتسبنى حتى لو هموت هتموت معايا عمرى مهصحى ادور عليها و مش هلاقيها عمرى مهكلمها و مش هترد عمرها مهتسبنى ابدا عمرها
سندس تعيط على اخرها محمد ياخدها فى حضنه سندس تزقه
سندس / ابعد عنى انا بكرهك مش عوزاك جنبى مش عوزاك فى حياتى مش عاوزه حد سبونى لوحدى ابعدوا عنى
محمد / يااااه احساس العجز ده طلع وحش اوى
سندس تبصله بوشها الاحمر اللى كله دموع
محمد / احساس انى عاجز قدام دموعك كفيل انه يهد اجدعها جبل عقلى مشلول لسانى تقيل مش عارف اقولك ايه ممكن تخلينى جنبك ان كنتى مش محتاجانى اعتبرى ان انا اللى محتاجلك اقسم بالله مستعد اعمل اراجوز دلوقت بس عشان تدحكى
سندس / يا سلام ليه يعنى
محمد / مش عارف بس قلبى وجعنى اوى
سندس / طب اتشقلب ورينى
محمد / ههههههههه امم اخرتها ماشى
محمد يتشقلب فى الارض و سندس تدحك
سندس / انت مجنون انت صدقت
محمد / مش عاوزك تعيطى و مستعد اعمل قرد لو ده هيدحكك 
سندس / اخرج من حياتى يا محمد امشى ارجع بيتكوا ابعد عنى مش عاوزه اشوفك تانى ابعد امشى امشى
سندس تفضل تزق محمد لحد متطلعه مالاوضه و تقفل الباب وراه و تفضل تعيط محمد يفضل واقف عالباب و سندس بتبص على خيال رجله من جوه و بعدين يمشى تدخل و تفضل تعيط باب الاوضه يخبط
سندس / مين
محمد / انا مش قادر امشى افتحى
سندس تمسح دموعها و تقوم تفتح
سندس / عاوز ايه
محمد / هسمع الكلام بس دخلينى
سندس تبتسم
محمد / هقعد مؤدب مش هعمل مشاكل والله بس دخلينى
سندس /ادخل يا محمد
ساره و سلامه يدخلوا
ساره / احنا كملنا الدعوات و رتبناها و ضيفنا الناس اللى تخصنا راجعى كدا
سندس / و الباقيين ضافو
ساره / ايون كلنا كلنا تحت ضيفنا
سندس / هاتى
اسلام / هو انا ممكن اقعد لوحدى شويه مع سندس
محمد / لا
اسلام / افندم
محمد / انا مش طالع انا اتشقلبت عشان افضل هنا فمش طالع
محمد يقعد فى الارض و سندس بتدحك تقعد جنبه
اسلام / منها و الليها نعود و ادى قاعده
اسلام يقعد جنبهم
ساره / انتوا بتعملوا ايه
سلامه يشدها تقعد جنبهم
سلامه / اللى حصل تحت كان غلط
سندس / وفر
سلامه / انا لسه مخلصتش انا لو روحت كارفور مثلا و مسكت ازازه عصير و فتحتها و شربت و حد شافنى من بعيد و انا بشرب هيقول عليا ايه
محمد / اكيد بتسرق
سلامه / مع انى هحاسب عليها بس هو ميعرفش انى هحاسب عليها بس هو مشافش غير انى بشرب من حاجه مش بتاعتى
سندس / و هو ماله و يفرق معاك فى ايه يعنى طظ
سلامه / احنا مش عايشين لوحدنا على فكره
سندس / انا لوحدى
سندس تقوم و تقف محمد يقف معاها
محمد / و لما اضربك هتزعلى
اسلام / انا اللى هقوم انفخكوا انتوا الاتنين اترزعوا
محمد و سندس يقعدوا و هما بيبصوا لبعض
اسلام / انا عارف انكوا مكنتوش بتعملوا حاجه غلط بس انتوا حطيتوا نفسكوا فى وضع شبهه يعنى كنتوا جوه ماشى قافلين الباب ليه و بالمفتاح كمان ليه ليه
سندس / ليا اسبابى
اسلام / يبقى تستحملى اتهامات الناس ليكى
سندس / اصلا ميفرقش معايا حد
اسلام / و لا حتى انا
سندس / انا مقولتش كدا
اسلام / سندس انتى بنت كويسه جدا و انا عارف و عارف انك بتحاوطى نافسك باستايل البت اللى بايعه القضيه و مقضياها عشان تدارى شخصيتك الحقيقيه اللى انا عارفها كويس
سندس / ايه الفكسنه دى لا طبعا
محمد / انا كمان بقيت شايف كدا
ساره / و انا
سندس / كلكوا محتاجين تكشفوا نظر
محمد / كان فى واحده بتقول انها النهرده هتقضى اليوم كلو فى الاسبا مساج و جاكوزى و حركات
ساره / انا كمان محتاجه اوى
سلامه / تمام انا ورايا كام مشوار اعملهم و انت خدهم وخليك معاهم
محمد / انا محتاج ميكروباص عشان اخد كل دول و بعدين انا ورمت من لف امبارح مقدرش اللف تانى بصراحه
سلامه / محمد ان شالله تركب فى شنطه العربيه هتروح معاهم
محمد / انا بتعامل وحش اوى فى البيت ده جرا ايه
سلامه يبصله و يرفع حاجبه
محمد / مقولتش لا حاضر
سندس تدحك و محمد يبصلها و يبتسم
.....................
فى البيت تانى يوم
فى اوضه سندس سندس بتقفل الدولاب و محمد قاعد عالسرير
محمد / هلكتونى منكوا لله
سندس / فدانا
محمد / طبعا فداكوا
سندس / ها مقولتليش قررت تلبس انهى بدله بكره
محمد / اى واحده
سندس / الانطباع الاول يدوم و انت اول مره الناس تشوفك و لازم تبقى ترى شيك بجد
محمد / عاوزه ايه طيب
سندس / تعال انا هختارلك واحده على زوقى
محمد / مانتى شرياهم معايا كلهم على زوقك
سندس / انت تمشى ورايا و انت مغمض
محمد / ليه مستغنى عن عمرى
سندس تزغد محمد
محمد / اااوه اسف اسف
سندس / بعد الحفله تاخدنى و تفسحنى سدد ديونك اول باول ماشى
محمد / بس كدا انتى تؤمرى
سندس / تعال يلا انقيلك بدله
.......................
فى المكتب
ساره / كدا الورق كلو خلص بطاقتك و الكريدت كارد بتاعتك و رخصه السواقه انت من اللحظه دى اسلام المصرى
اسلام / بالسرعه دى
ساره / الفلوس بتحرك الحجر يا قلبى
اسلام / يسلم قلبك
ساره تبتسم
ساره / انا بجد نفسى اشوف وش مهاب النهرده لما يعرف القضيه اللى انت هترفعها عليه
اسلام / مش عاوز اعمل كدا بجد انا بقول نبدء من النهرده و اللى خده حلال عليه و اهو برده تعب فيه
ساره / اولا مهاب كان موظف زيه زيى لحد مبابا اتوفى و فجاه بقى رئيس مجلس الاداره و بيتحكم فى كل حاجه لمصلحته هو صدقنى الفلوس دى بتاعتك
اسلام / ساره انا بالنسبالى متفرقش هى فى الاخر رايحه لاختى و عيالها و بعدين
ساره / اللى يريحك انا معاك اى كان قرارك المهم دلوقت لازم تعرف ان بمجرد مالحفله تخلص لازم تتصرف فى موضوع اميره اختك هتتجنن على عيالها
اسلام / هو محدش يعرف هو فين
ساره / كل اللى نعرفه انه سافر كاليفورنيا فى امريكا من تزكره الطيران و مهاب اللى مسك الموضوع و طبعا انت عارف
اسلام / و انا هعرف منين برده
ساره / معرفش نشوف طريقه
اسلام / طب و لما نلاقى العيال هنعمل ايه هنخطفهم
ساره / نلاقيهم الاول و بعدين يحلها حلال
.........................
فى اوضه محمد
سندس / حلوه اوى دى استنى انا جيبالك هديه تعال ورايا على اوضتى
محمد / يادى الشحطته اتفضلى يا ستى
سندس و محمد يروحوا اوضتها تفتح درج و تطلع علبه و تفتحها فيها جرافات تلبسهاله و هو مبتسم اوى
سندس / بص فى المرايه بقى و قولى ايه رايك فى محمد الجديد
محمد / عادى حلو زى مهو يعنى
سندس / يا سلام ماشى يا حلو
محمد / و ايه بقى مش هشوف فستانك
سندس / لا شوف اللوك على بعضه بكره
محمد / اشمعن يعنى انا هطلع بره اللبسى الفستان
سندس / بكره
محمد / ماشى انا هشوفه عالشماعه وسعى
سندس تقف قدام الدولاب
سندس / على جثتى لو قربت مالدولاب
محمد يحط ايده فوسطها و يرفعها لفوق و يلف بيها و هى بتصرخ بدحك و ينزلها وراه و يفتح الدولاب يلاقى تلت فساتين واحد منهم لون الجرافات  مش باين ملامحه مالكيسه بتاعته يطلعه سندس تشده من ايده و تحطه تانى
محمد / ايوه بقى
سندس / انت رخم على فكره هيبقى عليا احلى
محمد / اكيد طبعا ميرسى عالجرافاته
سندس / افتكر الجمايل يلا على اوضتك عشان هروح للبنات ندلع شويه
محمد / ازاى يعنى
سندس / و انت مالك يا اخى
محمد / بقى كدا ماشى ليكى يوم ياختى
...........................
تانى يوم فى الحفله
ناس كتير و ناهد قاعده على كنبه و جنبها اميره و حنان و حمدى و اسلام واقف جنب ساره بيتكلموا مع صحفيين و محمد واقف فى جنب بيبص حواليه يتصل بالتليفون محدش بيرد سمره و محمود يروحوا يسلموا عليه
محمود / يخربيتك معرفتكش نضفت يابن ال
محمد / اييه
محمود / يابن اللذينه
محمد / ايه رايك
سمره / برنس بجد وربنا
محمد يبص يمين و شمال
سمره / بتدور على مين و انا افيدك
محمد / البوفيه هناك اهو عيش
سمره / جبت مالاخر بالاذن انا
سمره يمشى
محمود / اخبار العيشه هنا ايه
محمد / البيه كان ناوى يسقطنى حاطتلى صفر فى كل المواد
محمود / مين د مهاب
محمد / معاب د معاب د زفت الحمد لله ربنا نجانى بالصدفه بس على الله بقى ميكونش عدلها تانى
محمود / بقولك ايه كبر مخك ابو الشهاده على ابو التعليم انت معاك الورقه الكسبانه دلوقت خلى اخوك يفتحلك اى مشروع و لا يشغلك فى الشركه مالاخر الفلوس هى اللى ماشيه فى البلد دى و لا تدايق نفسك
محمد / انا قولت لاسلام كدا بس برده يا جدع الواحد تعب الترم اللى فات
محمود / بقولك ايه متجيب سيلفى للفيس
محمد / قشطه تعال
محمد و محمود يتصوروا تليفون محمد يرن
محمد / عن اذنك
محمود / سلملى عليها
محمد يبصله و يدحك و يروح بعيد
محمد / انتى فين يا بنتى
.........................