سكه السلامه بقلم / لولو_محمد (كامله )

الحلقه ٢١

(((((((((سكة السلامه )))))))
#لولو_محمد
الحلقه الواحد و العشرون
محمد / امال تخيلى كدا الراجل شغال تمن ساعات و مروح طالع عينه و يلاقى مراته مش عامله اكل يلاااااهوى عليها
سندس / لو متجوزنى اطبخله ميتجوز ماجى احسن
محمد / وماله و هى ماجى وحشه
سندس / انت جاى تنقطنى
محمد / الا ايه اللى انتى لابساه ده صحيح هدومك يا صغيره يا كبيره مفيش حته واحده توحد ربنا على مقاسك
سندس تحط ايدها فى وسطها
محمد / بس ليكى حق يعنى انتى ملكيش مقاس اصلا هدوم الاطفال صغيره و هدوم الكبار واسعه كان نموك وقف عند السن المحيير
سندس / مزاجك رايق ما شاء الله
........................
محمد / ابدا مخنوق لدرجه ان هاين عليا ارمى روحى مالبلكونه بس قولت فى ايه يا محمد بيسعدك اكتر من انك ترخم عالهبله سندس
سندس تروح تقعد جنبه و هى بتدحك
سندس / هبله ؟؟؟
محمد / والله كنت بقول طفسه و عصبيه و لسانك طويل و بتاكلى و انتى نايمه و بتاكلى اصلا زى الفار و قصيره و ممصوصه و نومك تقيل و لا بتعرفى تروقى و لا تطبخى و كمان هبله مش عارف انا والله
سندس / مفيش ميزه انا
محمد / اهو نعمل ايه قدر الواحد كدا لازم يستحمل و يحتسب بقى ربنا يعوضه خير
سندس / ربنا يصبرك
محمد / بس متزعليش هو الواحد مننا كدا مبيشوفش مميزات اخته الا لما بيجى حد يفكر يتجوزها ساعتها بيشوفها ملاك و كتير عليه
سندس / شكلك عمرك مهتشوفنى عدله
محمد / متياسيش بالسرعه دى اكيد فى يوم من الايام فى واحد هينطس فى نظره و يجى يتقدملك و احنا برده هنتساهل معاه يعنى مش لازم شبكه و مهر و شقه و عفش هو ياخدك كفايه عليه و ربنا يعينه بقى يشوف ظلم مين فى حياته بقى
سندس تبتسم و محمد عامل انه بيتكلم جد سندس تطبطب على ضهره يبصلها
سندس / فداك
محمد / خد الشر وراح بس يعنى
سندس / مسيرك فى يوم كنت هتنقل منه و يمكن كنت تبنى لنفسك بيت تلم فيه ولادك زى ماباباك الله يرحمه عمل
محمد / معيش غير الصوره دى دلوقت
محمد يطلع من محفظته صوره صغيره ليه و لاخواته و باباه و مامته
محمد / اخر حاجه باقيه تفكرنى بيهم
سندس/ لا فى اسلام و حنان و شوق كلو محفور فى قلبك لو كانت الصور هى اللى بتفكرنا باللى سابونا يعنى
محمد / يعنى ؟؟
سندس / انا بقالى سنتين مفتحتش اللبومات صورى مع انى كنت بحب اتصور اوى اهو يمكن بس منستش
سندس تدمع و محمد يناولها الساندوتش تقعد تاكل
محمد / متاخديش عالدلع ده
سندس / خساره فيا
محمد/ مفيش حاجه خساره فاختى الصغيره
سندس تبتسم و هو يقوم يجيب الصينيه و يحطها عالسرير و يقعدوا ياكلوا
.........................
فى اوضه اسلام
اسلام قاعد عالسرير بيغلى و يفرك يمسك الموبايل و يتصل
اسلام / اسف صحيتك
ساره / مكنتش نمت
اسلام / متعرفيش مهاب فين
ساره / لا خد فريده و العيال و سافروا
اسلام / فجاه كدا
ساره / متخيل انه هيستناك المرادى بس فريده قالت لتيته انهم حاجزين من يومين و متفقين هيسافروا بعد الحفله بس مجابوش سيره مهاب عنده اجتماع مهم فى تركيا و هى قالت فرصه يتفسحوا
اسلام / اه صح و ماله
ساره / انت هتعمل ايه
اسلام / هحول حياته جحيم هعرفه ان الله حق
ساره / خد بالك انت مش قده على الاقل مش دلوقت
اسلام / لا معلش انتى متعرفنيش لسه اى حد بيقرب من اهلى باكله
ساره / بص انا عوزاك تهدى عشان متغلطش ميزه مهاب ان مفيش حاجه بتستفزه هادى و بارد و بيفكر فى كل حاجه مبيفوتش تفصيله
اسلام / انا اول حاجه هرفع القضيه عشان اخد فلوسى منه لاخر جنيه
ساره / تمام
اسلام / و هاخد منه الشركه اول مهيرجع يلم حاجته و يمشى
ساره / مش هتقدر
اسلام / مبقاش سلامه البرنس ان مقدمش استقالته فى خلال اسبوعين شهر بالكتير
ساره / مهاب مبيستسلمش بالسهوله دى
اسلام / هنشوف ثالت حاجه لازم نلاقى طريقه عشان نجيب عيال اميره
ساره / انا رايى دى تبقى رقم واحد
اسلام / ربنا يسهل نمشى فى التلاته
ساره /اوك
اسلام / انا اسف تانى بس صدقينى انتى الوحيده اللى فى دماغى
ساره / ولا يهمك امال انا هنا ليه
اسلام / انا والله لولا فريده و عيالها كان زمانى رابطه و ساحله بس اعمل ايه مكتفينى مانا مش هيتم ولاد اختى يعنى
ساره / اهدى مش هتودى نفسك فى داهيه فى واحد زى ده
اسلام / ولا هاخد فيه ساعه
ساره / تشرب حاجه
اسلام / ايه
ساره / هنزل اشرب نسكافيه اعملك
اسلام / لا مش عاوز اتعبك
ساره / انا اصلا مش جايلى نوم
اسلام / خلاص ماشى ننزل
.........................
فى الشركه بعد كام يوم
مهاب يدخل متنرفز مكتبه يلاقى اسلام قاعد فيه و بيبصله و رافع حاجبه و مبتسم
مهاب / اوعى تنسى نفسك
اسلام / ياريت انت تفتكرها و انت بتكلم رئيس مجلس اداره الشركه الجديد
مهاب / تفهم انت ايه فيها لو هتعند معايا على خرابها
اسلام / انا و محمد و ساره من يوم الحفله و احنا مطبقين هنا راجعنا كل الحسابات طول السنتين اللى فاتوا تخيل كميه التعب اللى تعبناه انت عارف ان انا تجاره برده صح
مهاب / لا
اسلام / اديك عرفت و طبعا انت عارف احنا لقينا كميه بلاوى قد ايه فى الحسابات انا بقى قدمتها للمجلس و اديت نسخه منها للمحامى عشان يحطها فى ملف القضيه
مهاب / قضيه ايه
اسلام / انت فاكر ان اللى انت عملته هيعدى بالساهل انا هاخد حقى منك تالت و متلت انا هاخد منك كل جنيه خدته فى غيابى هخليك عالحديده
مهاب / لو تقدر
اسلام / مجلس الاداره قرر الاستغناء عن خدماتك تقدر تروح و متفوتش عالحسابات لتطلع مديون هههههه
مهاب يبص لاسلام و يقرب منه
مهاب / اوعى يغرك هدوئى
اسلام / انا عارف انك بتغلى من جوه فمتقلقش
مهاب/ انت بتلعب بالنار و افتكر انها مش هتحرقك لوحدك
اسلام / مش هتحرق غيرك اطلع بره مكتبى
مهاب يبص لاسلام و يمشى و هو خارج يخبط فى ساره
ساره / نورت يا مهاب بيه
اسلام / ساره افتكرى توزعى شهر مكافاه عالموظفين بمناسبه نضافه الشركه مالاشكال ال ... اسف نسيت انك واقفه كنت هشتم
ساره / ههههههههههههههههههه خد راحتك
ساره تبص لمهاب و هو بيغلى يسيبها و يمشى
اسلام / احجزيلنا طيارتين على كاليفورنيا
ساره / انت مجنون هتسافر دلوقت فى الظروف دى
اسلام / فى عيال لازم يرجعوا لامهم
ساره / ناوى على ايه يعنى هتسافر تدور عليهم فى الشوارع
اسلام / مره واحد صاحبى قالى الفلوس بتحل كل حاجه احنا هنسافر هناك و نروح السفاره و نسال لو ملقيناهمش هنشوف وكاله تحريات تساعدنا هنقلب امريكا دى على راس اوباما على اللى جابوهم مش راجع غير بالعيال
ساره / بس دى مجازفه مش فوقتها
اسلام / سندس مشكلتها اتحلت محمد مسيطر عليها و انتى الحمد لله خدتى حقك من مهاب و فريده مفقود فيها الرجا ضاربه دماغ شباشب
ساره / هههههههههههههههههه
اسلام / بتدحكى انا مشوفتش كدا حقيقى دى تصدر البرود فى ازايز مش عايشه معانا اصلا
ساره / هى كدا
اسلام/ مش فاضل غير اميره
ساره / انك تسافر فى الوقت ده تسرع كبير انت مشيت مهاب الشركه محتاجه مدير
اسلام / يعنى اعمل ايه
ساره / اولا الشركه متضمنش مش معنى انك مشيت مهاب يبقى نضفت عيونه فى كل حته له موظف بين كل اتنين على الاقل ولاءه الاول لمهاب بس
اسلام / خلاص انا عاوز اتكلم مع كل الموظفين انا عارف ازاى اظبطهم بس لميهم فى حته
ساره / سهله ادينى ساعه زمن و انا اظبط قاعه المؤتمرات
اسلام / انا اصلا منغيرك مش عارف كنت هعمل ايه
ساره / انا اللى مش عارفه منغيرك كنت هعمل ايه
...........................
بعد كام يوم فى اوضه اسلام الصبح
مصطفى / سلامه انا بجد مش عارف اقولك ايه بس حقيقى مش هينفع افضل هنا اكتر من كدا
سلامه / طبعا على العموم انا محتاجك معايا فى مشوار و بعد كدا براحتك
مصطفى / تمام
سلامه / ننزل نفطر بقى عشان نمشى
مصطفى / يلا
سلامه و مصطفى ينزلوا يلاقوا الكل متجمع يقعدوا
ناهد / صباح الخير يا قلبى
سلامه / صباح الخير يا تيته
محمد / هى سندس مش هتفطر
ساره / حاولت اصحيها بس مفيش فايده غيبوبه
محمد / حقها مهى سهرانه طول الليل بتسمع اغانى و ياريتها موطيه الصوت
فريده / احنا خدنا على كدا سندس مبتراعيش حد
محمد / يمكن مش واخده بالها
فريده / والله ياما طلبنا منها توطى الصوت مفيش فايده فزهقنا
ناهد / صحيح يا حبيبى هتسافروا بكره
اسلام / باذن الله
مهاب / على فين ان شاء الله
اسلام / هنسافر امريكا 
فريده / امريكا
اسلام / اه هروح اتعلم انجليزى ساره بتقول ان احسن طريقه هى الممارسه 
شوق / طب مكنت خدتنا معاكوا
اسلام / كان نفسى بس محمد و سندس عندهم كليه و اميره و فريده عندهم شغل و حنان فى جهازها عشان تنجز بقى و تنزل من على دماغى
حنان / كدا
اسلام / كدا طبعا ايه الراجل مبيبطلش زن مش قادر يستنى و انتى بقى عندك شغل افطرى يلا عشان جايه معايا
مهاب يبص لساره و اسلام و يبص الناحيه التانيه
.........................
فى شقه كبيره جدا
اسلام / ايه رايكم
شوق/ فى ايه
اسلام / الله شركه الكومبيوتر الجديده انا اشتريت المكان باسم شوق و ده شيك يا مصطفى كتعويض عن كل الخساير اللى راحت فى الحريق يارب يكون كفايه
مصطفى / انت بتهزر يا اسلام تعويض ايه و بعدين دا رقم كبير جدا
اسلام / انا عاوز ارجع الاقى اكبر شركه كومبيوتر فى مصر ماهى مديره مكتبى فى الشركه عندها تعليمات انها تساعدكم
بنت قمر تدخل
اسلام / اتاخرتى يا ماهى
ماهى / سورى اسلام بيه بس حقيقى الطريق كان واقف
اسلام / اى حاجه هتحتاجها ماهى هتساعدكم هتوصلكوا بالموردين و العملا و شركات الدعايا و الاعلان اى حاجه تحتاجوها هتساعدكم
شوق / انا برده مش فاهمه انا ايه دخلى
اسلام / انتى مش كنتى السكرتيره بتاعته هناك انتى هتكونى السكرتيره هنا و اه ساره اشتركتلك فى كورسات لغه و اداره
ماهى تدى ورقه لاسلام
اسلام / عاوز ارجع الاقيكى رافعه راسى لو قصرت ارفدها و لا يهمك
مصطفى / انت بتتكلم جد
اسلام / دا وقت هزار عقبال مربنا يقدرنى و اعوض محمد و حنان كمان على اساس ان ده تعويض كافى عن اللى حصل
شوق / يا حبيبى ...
اسلام / انا مش فاضى يا شوق انا مسافر بكره ورايا مليون حاجه انا همشى و ماهى معاكم شوفوا و اتكلموا مش هوصيكوا ارجع الاقى الشركه شغاله متضيعوش وقت يلا يا ساره
ساره و اسلام يمشوا
..........................
فى اوضه محمد
محمد بيلعب ضغط عالارض سندس تدخل محمد يقعد عالارض و يبصلها
سندس / وقفت ليه وصلت لكام خمستاشر
محمد / تسعه و تمانين
سندس / اوووه برافو
محمد / انتى محدش علمك تخبطى قبل متخشى
سندس تقعد عالسرير قدامه
سندس / ليه على اساس انك هتكون بتغير مثلا
محمد / مثلا
سندس / ههههههههههههههه مستحيل انت بتنكسف و بتغير فى الحمام و كمان بتقفل على نفسك بالمفتاح تنكر 
محمد / يتخاف منك والله
سندس / خاف انا زهقانه قوم خرجنى
محمد / سواق الهانم انا
سندس / انت تطول دا ليك الشرف
محمد / اتاخرتى فى الطلب انا متفق نخرج انا و الشباب النهرده
سندس / مفيش مشاكل هتصرف
سندس توصل للباب و تلفله
سندس / كمل وصلهم متين على الاقل مش لعب عيال هو
سندس تغمزله و محمد يبتسم
محمد / حاضر يا كوتش اقفلى الباب وراكى
.....................
بليل على قهوه حمدى
محمد يركن عربيه سودا و ينزل و ينزل من جنبه سمره و محمود من ورا حمدى يطلع يسلم
حمدى / اش اش اش ايه العربيات الجامده دى
محمد / ازيك يابو نسب متغلاش عليك
محمد يبص عالبيت المحروق و يبص لحمدى و يبتسم و يدخلوا جوه
حمدى / ايه اللى فكرك بينا
محمد / بطل هبل انا مبرتاحش غير وسطيكوا
محمود / فقرى من يومه
محمد / يغور العز اللى مليان مشاكل و هموم
سمره / يابنى تهون المشاكل فى العز و ملعون الفقر و ملعون ابوه
تليفون محمد يرن
محمد / اسلام .... الو ايوه يا اسلام ... لا مش معايا هى مش عندك .... يعنى ايه ... يعنى ايه مبتردش ... طب هكلمها لو روحت طمنى ... سلام سلام
محمود / فى ايه يابنى
محمد / ابو الهم عالقرف سندس مروحتش و كانوا فاكرينها معايا
سمره / البت دى هتربيك يا صاحبى
محمد / دى هتجنن اسلام
حمدى / خدت انت على اسم اسلام
محمد / تعددت الاسامى و الشخص واحد
محمد / استنى ... انتى فين يا بنتى و مبترديش ليه .... حفله ايه ... ميرنا ... اوك هاتى العنوان ....اوك سلام .... هتشلنى انا لازم امشى اشوفكوا فى الكليه بكره
محمود / منيجى معاك نشوف الحفله
محمد / اركبوا
محمود و سمره يركبوا و محمد يمشى بالعربيه
.....................
فى فيلا ميرنا
فى جنب سندس قاعده بتتهز فى مكانها كريم يقرب منها و معاه عصير يديهولها
سندس / ميرسى تعبت نفسك عالفاضى
كريم / ممكن اعرف بتعملى كدا ليه
سندس / بعمل ايه
كريم / بتتهربى منى مبترديش على تليفوناتى و كذا مره اجيلك مترضيش تقابلينى و حتى فى الحفله مكلمتنيش
سندس / مليش مزاج للحوار ده دى حفله فهاف فن و كدا اوك
كريم / سندس بليز انا معملتش حاجه لكل ده و على كل انا اسف بليز يا سندس بجد كانت اسوء اجازه اليوم كانه سنه
سندس / تصدق فدى معاك حق كانوا اسبوعين بس عدوا كانهم سنه
كريم / انا معرفتش اباركلك عشان رجوع اخوكى على فكره
سندس / اه عشان كنت مهتم بمحمد
كريم / خلاص بقى متبقيش قاسيه دانا كريم بتاعك
سندس / اخر فرصه
كريم / سماح
سندس / يعنى
كريم / طب بدل مانتى قاعده بترقصى فمكانك قومى معايا هشغل اغنيه جامده
سندس / اوك بيس
محمد و محمود و سمره يدخلوا الكل بيرقص
محمود / هناك مع كريم
محمد / مفيش فايده ابو ابوك يا كريم
محمد يروح ناحيه الدانس فلور و هو عصبى و محمود و سمره بيجروا وراه محمد يشد سندس من ايدها و يمشى كريم يمسك ايده
كريم / فى ايه يا بتاع انت
محمد يلف و يديله بالدماغ يوقعه فى الارض الشباب يتجمعوا محمد يفتح مطوته و محمود و سمره يفتحوا مطاويهم وراه
محمد / اللى هيقرب هشقه مفهوم .... امشى قدامى
سندس /اوك اوك بالراحه
سندس تمشى معاهم و ميرنا تقف جنب كريم
ميرنا / قال اخوات قال
......................
فى العربيه محمد مبيتكلمش و باين عليه النرفزه
سمره / هننزل هنا يا برنس نشوفك بكره
محمد يركن العربيه و الشباب ينزلوا
سندس / ايه
..........................
محمد مبيردش و يسوق
سندس/ ممكن تقولى ايه اللى انت عملته ده
محمد / انتى ايه اللى انتى بتعمليه ده هاه الواحد يشيل عينه من عليكى ثانيه
سندس / والله طول البارتى قاعده اول اغنيه اقوم
محمد / ياريتك مقومتى شوفتى كلب منهم اتحرك عشانك كلهم لما شافوا المطوه جابوا ورا و لبسوا طرح شوفتى حد فيهم عمل حاجه عشانك والله قتلتينى والله تعبت منك
سندس / جيت ورايا ليه انت مش مسؤل عنى على فكره مكنتش جيت كنت هروح لوحدى
محمد / اخر مره
سندس / اركن هنزل
محمد / انزلى فى البيت
سندس / اقف بدل ورحمه بابى افتح الباب و انط اقف بقولك
محمد يركن سندس تفتح و تنزل و محمد ينزل وراها يمسك ايدها
سندس / عاوز ايه
محمد / خلاص حقك عليا اركبى
سندس / لا
محمد / اوك همشى معاكى
سندس / ليه مش انا تعباك روح ارتاح
محمد / هرتاح لما اروحك
سندس / متشلش همى انا مش صغيره
محمد / يعنى انتى بجد مش حاسه باى حاجه غلط عملتيها
سندس / اسمع يا محمد انت مش هتغيرنى اوك اقبلنى زى مانا او سبنى زى مانا
محمد / انا عاوزك احسن
سندس / حتى لو... التغيير اكيد بياخد وقت
محمد / هصبر لامتى يعنى
سندس / انا اصلا مش مجبره اتغير عشانك
محمد / لا طبعا مش عشانى انا مالى انا عشانك انتى عشان نفسك و مستقبلك
سندس / و بعدين ايه اللى انت عملته فى الحفله ده انت بتشيل مطوه
محمد / اه من زمان
سندس / انت عارف انك لو اتمسكت بيها تتحبس
محمد / لو بقى
سندس / و انا اللى فظيعه و يتخاف منى
محمد / انتى دانتى ملكيش زيى ربنا يهديكى تعالى اركبى
سندس تروح تركب و هى مبسوطه اوى و بتحاول تدارى محمد يسوق
..............................