(((((((((سكة السلامة )))))))))
#لولو_محمد
الحلقه الثالثه و الثلاثون
سندس / ربنا يخليك ليا
محمد / امين امين
سندس / ههههههههههههههههههههههههههههههه
محمد يبصلها و يبتسم
سندس / انت بتعمل كدا ازاى
محمد / ايه
سندس تشاور على دحكتها
محمد / قولتلك قبل كدا اعمل اراجوز و اشوفك بتدحكى بس نقول ايه زاكره سمك اضربى بقى انا جعان
سندس تاخد صابع و هى بتدحك
................................
بالليل
ساره نايمه على بطنها بتحلم
/////////////////////////
فى شقه مهاب ساره 18 سنه نايمه على ضهرها مهاب يدخل بكبايه ينسون دافيه
مهاب / قومى اشربى دى هتريح بطنك
ساره / تسلم يا حبيبى تعبتك اوى
مهاب / تعبك راحه ساره تستاخر شويه و مهاب ينام جنبها و ياخدها فى حضنه
ساره / و لا ادويه العالم تخفف وجعى قد حضنك
مهاب / كنت هعيش ازاى منغيرك يا ساره كنت عايش ازاى من قبلك خدى اشربى عشان لو مجابتش نتيجه هدعكلك ضهرك
ساره تنام على بطنها مهاب يدحك
////////////////////////////
صوت خبط عالباب ساره تمسح دموعها و تقوم تفتح تلاقى اسلام ماسك فى ايده مجين نسكافيه
اسلام / مكنش جايلى نوم مش عارف صحيتك انا اسف
ساره / ابدا تعال نشربهم سوا
اسلام و ساره يدخلوا ويسيبوا الباب مفتوح
اسلام / انا مش عارف كنت بفكر فى ايه بصراحه بس
ساره / خير معملت انا كنت محتاجاه جدا و مكسله اقوم اعمل او حتى اطلب من حد
اسلام / تعبتى اوى النهرده بس حقيقى تسلم ايدك
ساره / متاخدش على كدا ها هتتعلم الرقص امتى
اسلام يقوم يقف و يحط المج
اسلام / دلوقت لو تحبى انا جاهز
اسلام يمسك ايدها و يقومها
ساره / مش قادره ضهرى واجعنى اوى
اسلام / بطلى كسل بقى يلا
اسلام يحط ايده على وسطها و يمسك ايدها التانيه مهاب يدخل عنيه تطق شرار و يدخل يشد ساره بعيد و يزقها عالسرير بعيد و يزق اسلام
اسلام / انت اتجننت
مهاب / انا كنت مجنون لما سمحتلك تقرب منها مالاول اصلا اخرج بره
ساره / انت مين اداك الحق تدخل اوضتى اصلا اطلع بره
مهاب يرفع ايده اسلام يمسكها و يديله بالتانيه بوكس و اسلام يصرخ فيه
اسلام / قولتلك مليون مره اوعى تقرب منها انت فاهم لو قربت منها تانى هقتلك سامعنى
مهاب يقوم و يحضن اسلام من وسطه و يزقه يوقعه ساره تصرخ اسلام يضرب مهاب فى وشه و يقوم
اسلام / انا لحد دلوقت مراعى انك جوز اختى
ساره بتعيط / انت عاوز منى ايه اكتر من كدا عاوز ايه ياخى دانا مكرهتش فى حياتى قدك بكرهك بكرهك ابعد عنى بقى حرام عليك حرام عليك
اسلام يطبطب على ساره
اسلام / اهدى خلاص
مهاب يشوفه يتنرفز زياده و يزق اسلام بعيد عنها
مهاب / قولتلك ابعد عنها
اسلام يضربه بالرجل يوقعه و يشده من هدومه يطلع يلاقى الكل بيطلع من اوضهم يبص يمين و شمال
طارق / فى ايه
اسلام / اقسم بالله العظيم لو قربت من ساره تانى لو لمحتك بس جنبها مهيكفينى فيك موتك انت فاهم و لا لا
الكل يبص لمهاب يقوم و يعدل نفسه
مهاب / انت هتستهبل دانا ظابطوا سوا
ساره / ليه هو زيك
اسلام يبص لساره مهاب يمشى و يروح اوضته
اسلام / يعنى ايه هو زيك
ساره تبص لاسلام و تبص حواليها و تدخل تقفل باب اوضتها
اسلام / هى تقصد ايه بهو زيك
محدش يرد و الكل يدخل اوضته معدا سندس واقفه مسنده محمد و شوق و حنان اسلام يبص لسندس
سندس / متبصليش انا مليش دعوه
اسلام / مهاب كان بيدخل لساره الاوضه
سندس / اه كتير
اسلام / و ازاى تسكتوا ازاى فريده تسكت ازاى تيته تسكت
سندس / تيته متعرفش يعنى محدش بيبقى عارف فساعتها هى بتحكيلى ساعات لما بلاقيها بتعيط بس مش دايما
اسلام / اول مره انام من سنين؟؟؟ انتوا بتهزروا والله
اسلام يروح على اوضه مهاب و يرزع عالباب فريده تفتح و هى متعصبه
اسلام / ناديله
فريده / الموضوع خلص يا اسلام و لو سمحت عاوزين ننام
اسلام / و رحمه امى لو قرب منها تانى مهرحمه
فريده / انا هشوف الموضوع ده بنفسى متقلقش
اسلام / ماشى تصبحى على خير ...يا اختى
فريده / و انت من اهله
فريده تقفل الباب و تدخل الاوضه و تبص لمهاب بيتحرك يمين و شمال و هو متنرفز
فريده / كنت محتار بين ساره و الفلوس جه هو خد ساره و خد الفلوس
مهاب يبصلها بنرفزه
مهاب / خلى ليلتك تعدى
فريده / ليه احنا لسه فى اولها خليها تستنى
مهاب / عفاريت الدنيا بتتنطت فوشى مش عاوز ائذيكى
فريده / انا هنام و انت اقعد اغلى مع نفسك قدامك حل من اتنين يا تنام فى سريرى زى العيل الصغير يا تشوفلك حته تانيه تفرك فيها
مهاب / هغور من وشك
فريده / ترجع بالسلامه يا حبيبى تصبح على خير
......................
فى اوضه ساره
ساره قاعده ورا الباب بتعيط الباب يخبط
ساره / عاوزه ابقى لوحدى سيبونى لوحدى
سندس / انا سندس افتحى
ساره / سبينى لوحدى
اسلام / افتحى يا ساره انا سلامه
ساره تفتح ووشها كلو احمر
ساره / انهى جزء من كلمه سبونى لوحدى مش فاهمينه سيبونى لوحدى انسونى شويه ارحمونى بقى ارحمونى
ساره ترزع الباب و الكل بره يبصوا لبعض
محمد / انا بقول نسيبها تهدى و بعدين تتكلم معاها
سندس / انا كمان بقول كدا
اسلام / ادخلوا ناموا انا هسهر شويه تصبحوا على خير
باب اوضه مهاب يتفتح و مهاب يطلع منها و يبص لاسلام و عنيهم بتطق شرار لحد ميمشى
محمد / فاضل ايه معرفناهوش عن الكلب ده
سندس / كتيييييييييير يلا تصبحوا على خير
.........................
فى العربيه
مهاب سايق و مش طايق نفسه
/////////////////////////////
فى شقه مهاب ساره نايمه فى السرير و مهاب حاضنها
مهاب / انتى كويسه يا حبيبتى
ساره / اه
مهاب / لو تعبانه نروح المستشفى
ساره / لا
مهاب / حبيبتى انا مش عارف عملت كدا ازاى
ساره / حبيبى بتقول ايه انا كدا كدا بتاعتك النهرده بكره
مهاب / بتحبينى يا ساره
ساره / انا عمرى محبيت و لا هحب غيرك عمرى محبيت حد قدك اصلا
مهاب / ربنا يخليكى ليا يا قلبى
////////////////////////////
فى الفيلا فى اوضه ساره
ساره بتعيط / انت عاوز منى ايه اكتر من كدا عاوز ايه ياخى دانا مكرهتش فى حياتى قدك بكرهك بكرهك ابعد عنى بقى حرام عليك حرام عليك
////////////////////
مهاب يضرب الدركسيون بعصبيه و يمسك موبايله و يتصل
مهاب / ايوه يا قلبى ... لا طبعا مقدرش انساكى .... قابلينى فى شقتى .... هستناكى ... سلام يا قلبى سلام ...... والله لوريك يابن الكلب والله لوريك
...........................
فى الكليه
ميرنا / صباح الخير
سندس / صباح النور فينك يا بنتى
ميرنا / فينى انا فينك انتى اخبار محمد ايه
سندس / الحمد لله تمام معندوش حاجه مهمه النهرده فهيفوت و باذن الله هيجى بكره
ميرنا / والله عاوزه اجى اطمن عليه تانى بس خايفه اكون بتقل و كدا
سندس / بيتك يا هبله تيجى فى اى وقت
ميرنا / شكلك متغيره فى ايه احكى
سندس / مفيش والله جديد لا فى مش انا عملت محشى امبارح
ميرنا / نو واى
سندس / يس واى استنى انا صورته بصى
ميرنا / وااااو مستحيل بتدحكى عليا
سندس / محمد و ابيه اسلام اتفقوا عليا انا و ساره و قالوا مش هناكل غير محشى من ايدكوا و تعبنا فيه جامد اوى مش متخيله
ميرنا / ااااه محمد طلب محشى من ايدك
سندس / اه يعنى تعبان و كدا
ميرنا / و ماجى واخده اجازه يعنى
سندس / لا طبعا بس اكيد من ايدى طعمه احلى
ميرنا / اكيد
سندس / المهم ان انا مبسوطه النهرده و
ميرنا / فى حفله بالليل عند ماجد
سندس / لا انا باس النهرده مش هينفع
ميرنا / ايه عشان محمد يعنى
سندس / لا والله مش حوار بس انا بفكر اقعد ازاكر شويه بقالى ياما اوى مفتحتش كتاب ههههههه
ميرنا / امممم من اول السنه يمكن ؟؟؟
سندس / هههههههههههه اهو حاجه كدا
كريم يدخل سندس الدحكه تروح
كريم / عاوز اتكلم معاكى
سندس / مفيش كلام بينى و بينك و احمد ربنا ان محمد مش هنا كان زمانه قتلك
كريم / سندس انا
سندس تسيب المكان و تمشى
ميرنا / هو الموضوع باظ للدرجادى بنكوا
كريم / بلاش انتى ماشى
ميرنا / ماشى
...........................
فى البيت
محمد / عايز ايه تانى ابن الكلب ده والله لطلع عينه بكره
سندس / انا مش بحكيلك عشان تتعصب انا بحكيلك عشان تبقى عارف كل حاجه
محمد / بانهى عين يكلمك بانهى وش اصلا يظهر تانى انا لو منه كان زمانى دفنت روحى
سندس / انساه بقى ميستاهلش انا قابلت محمود على فكره قولته الصبح يعدى علينا نروح الكليه كلنا سوا
محمد / كلمنى و قالى
سندس / تمام ... ميرنا بتسلم عليك
محمد / الله يسلمها
سندس / قالتلى ان ماجد عامل حفله
محمد يبصلها
سندس / بس انا قولت مش هروح حفلات الا لما تخف
محمد / ساره عامله ايه
سندس / قافله بابها من امبارح نزلت و رجعت و لسه قافله الباب
محمد / هو مامتك كانت عارفه ان ساره بتحب مهاب
سندس / يووووه متفكرنيش تعرف اه كانت عارفه و كانت مانعه جدا الموضوع بس ساره مكنتش بتسمع لحد كلمه مهاب قبل الكل لو قالها ارمى نفسك فى البحر ترمى اصلا يوم الخطوبه بتاعته ساره وقعت من طولها و ماما حلفتنا كلنا محدش ينطق و قالت انها تعبانه و مفطرتش و كدا و حتى يوميها اصلا كانت عند الكوافير فماما قالت انها كان نفسها تحتفل بخطوبه فريده و راحت الكوافير من بدرى و كدا و محدش قدر يفتح بقه و يتكلم
محمد / بس دا ظلم
سندس / اذا كانت فريده نفسها عارفه ماما قالت ان الاتنين لايقين على بعض و الحمد لله انه نجى بنتها من واحد زى ده طبعا ساره احتاجت وقت عشان تعدى المرحله بس عدتها هو بقى واضح انه مش قادر ينسى
محمد / انتى بتتكلمى كانه عادى
سندس / كل شئ مباح فى الحب و الحرب و هو بيحبها
محمد / انتى هبله عارفه
سندس / ميرسى بص انا كتبت المحاضره لاول مره قولى بقى ايه رايك انفع
محمد / تعالى ورينى
.............................
فى شركه مصطفى
مصطفى / انتى جيتى امتى
شوق / من بدرى
مصطفى / امال معدتيش عليا ليه زى كل يوم
شوق / هو لازم اعدى عليك و بعدين مفيش داعى ابدا انى كل يوم ادخل اقطع كلامك مع لبنى قولت انت لما هتخلص هتخرج لوحدك تبص علينا و الحمد لله خلصت الساعه واحده
مصطفى / لبنى مجتش النهرده على فكره
شوق / و دا يخصنى فى ايه ... اه لبنى مجتش فقولت اروح اتسلى شويه مع شوق صح
مصطفى / انا معرفش انتى فيكى ايه بس اى كان مفتكرش انه مبرر تكلمينى كدا خصوصا انى حاسس ان فى اتهامات مش كويسه ابدا فى كلامك
شوق / اوووه اسفه اوى واضح ان مزاجك مش رايق ياترى ناقصه ايه النهرده عن اذنك انا مروحه
شوق تيجى تمشى مصطفى يمسكها
شوق / سيب ايدى
مصطفى / مش قبل معرف فى ايه مالك
شوق / مفيش
مصطفى / لا فى
شوق / هو بالعافيه يا اخى
مصطفى / لا مفيش حد يقدر يغصبك على حاجه بس
شوق / اصلا محدش يقدر
مصطفى / انا قولت كدا
شوق / مش بمزاجك
مصطفى ساكت
شوق / خلصت يعنى كدا تمام
مصطفى / واضح انه موضوع كبير اوى حد فى الشركه دايقك
شوق / محدش يقدر
مصطفى / طبعا انتى صاحبه المكان
شوق / قصدك ايه انى بعاملك وحش يعنى عشان انا صاحبه المكان مش عشان انت عملت اى حاجه
مصطفى / مقولتش كدا
شوق / امال تقصد ايه انتى صاحبه المكان يعنى
مصطفى / وقت مستقطع بصى انا كنت جايلك اصلا عشان اقولك ان اجهزه الكومبيوتر الجديده كلها اتباعت و الشحنه الجديده هيحملوها بكره الصبح
شوق / الف مبروك
مصطفى / و بالمناسبه ده السبب ان لبنى النهرده اجازه لانها تعبت معايا اوى الفتره اللى فاتت فى الحوار ده
شوق / قول بقى كدا لبنى بتتعب و انا لا لبنى بتشتغل معاك و فاهمه فى الشغل لكن انا اى كلام مش كدا
مصطفى / لا طبعا مقولتش بس قولت
شوق / مش محتاج تقول عن اذنك
مصطفى / كنت فاكرك هتفرحى بالمكسب
شوق / الفلوس مش كل حاجه اهم حاجه الاخلاق يا استاذ الاخلاق
لبنى تدخل
شوق / اهلا
لبنى / زهقت مالقاعده قولت اجى اشوف الشغل الجديد
شوق / معطلكوش انا بقى عن اذنكوا
مصطفى / طب هوصلك
شوق / السواق تحت
مصطفى / خلاص وصلينى
شوق تبصله مصطفى يبتسم
............................
فى الفيلا
ناهد قاعده محمد يروح يقعد معاها
ناهد / نزلت لوحدك يا حبيبى
محمد / زهقت
ناهد / مالك يا حبيبى فيك ايه
محمد / زهقان قولت انزل اقعد معاكى
ناهد / سندس تحت فى الجيم بتاعها ده قالتلى انها متمرنتش امبارح فهتعوض النهرده
محمد / اه عارف انها تحت
ناهد / فى حاجه مديقاك
محمد / لا يا تيته ربنا يخليكى
..........................
فى الجيم تحت
شوق / انتى هنا و انا دايخه عليكى
سندس بتنهج / فى ايه خير محمد جراله حاجه
شوق / انا اللى هيجرالى
سندس / خير ايه اللى حصل اقعدى
شوق / عملت زى مقولتى و طنشته البيه و لا حاسس انه عمل حاجه
سندس / لانه معملش فعلا يا شوق
شوق / قصدك ايه
سندس / بصى قصص الافلام انك تبقى معاه فى مكان واحد طول الوقت فالطبيعى انه يحبك دى مبتحصلش مش انا اللى هعلمك و بعدين الراجل مدير الشركه و لبنى بنت شاطره و بتشتغل على نفسها
شوق / تصدقى انا الغلطانه
سندس / احنا اتفقنا انك هتشيليه من دماغك على فكره طول مانتى حاطه الحاجه قدام عينك هتفضلى انتى اللى تجرى وراها ارميها ورا ضهرك هتجرى هى وراكى معروفه يعنى
شوق / يتخاف منك يا بت
سندس / اقل حاجه عندى
شوق / تعرفى انه صمم يمشى معايا قالى اوصلك و لما قولتله معايا عربيه قالى وصلينى
سندس / شوفتى و يادوب بداتى تشيليه
شوق / بس لبنى مديقنى وجودها حقيقى
سندس / ميمكن انتى ظلماها
شوق / مش عارفه فى واحده طبيعيه تيجى يوم اجازتها بعد ممصطفى اكدلى انهم اتهلكوا الفتره اللى فاتت عشان يخلصوا الشغل اللى كان وراهم تفتكرى دا تصرف طبيعى
سندس / انا معملش كدا بس ساره تعمل عادى
شوق / لا هى مش زى ساره ساره رقيقه اه بس مش ملزقه فاهمه التانيه لما بتشوف مصطفى بتوطى صوتها خالص و تضم بقها كداهو و تقعد تصوصو تصوصو مانتش فاهمه منها حاجه و تقعد تقرب عالاخر منه قال يعنى عشان يسمعها
سندس / ايه ده انا كنت فاكره النوعيه دى خلصت
شوق / و كل شويه بقى انا هعمل نسكافيه اعملك انا هعمل كابوتشينو اعملك هجيب بيج ماك اجيبلك
سندس / اممم لا الموضوع كدا خطير
شوق / اعمل ايه قوليلى اعمل ايه
سندس / بصى ايه رايك متروحيش الشغل بكره اتصلى بحد تثقى فيه بعيد عن لبنى دى و قوليله انك تعبانه شويه و شوفى لو جه جرى يبقى فى حاجه معبركيش خلاص انسيه بقى
شوق / هيسال يا بنتى انا اخت صاحبه و هو بيحب سلامه جدا
سندس / اووووه مابى ذات ايز ذا بروبليم
شوق تبصلها
سندس / بصى الرجاله بيبقى عندهم كود اور سامثينج كدا ان اخت صحبك تبقى اختى و كدا يعنى فاهمه
شوق / و انا اعمل ايه فى ام الكود ده
سندس / انسيه و زى مقولتلك ارمى الحاجه ورا ضهرك تجرى هى وراكى و لو بيحبك هيجى و لو مجاش يبقى هو الخسران يا بيبى
شوق / مش عارفه
سندس / هو انا ممكن اسالك سؤال
……………………………….
أنت تقرأ
سكه السلامه بقلم / لولو_محمد (كامله )
Romanceشاب فقير يجد اهله الاثرياء بعد غياب عشرون عاما ليجد نفسه امام تحديات كثيره لم يكن يتوقعها
