((((((سكة السلامة )))))
#لولو_محمد
الحلقه السابعه و الستون
مهاب / امال مكاني فين امتي كانلي مكان وسطيكوا
ناهد/ انت واعي للي بتقوله
مهاب / انتي اللي شايفه فيه ايه يزيد ايه هو عني قوليلي
ناهد / دا كلام امك
مهاب / امي اللي عمرها مكانت عجباكي
ناهد / امك اللي كانت طماعه مبتشبعش
مهاب / امي مكنتش بتطلب اكتر من حقها حقها و حقي حقي اللي انتي خدتيه مني و ادتيه لاسلام
...............................
ناهد / انت بتقول ايه
مهاب / فيه ايه زياده عني شوفتي فيه ايه كان ايه سبب فرحتك المهوله بيه
ناهد / فرحتي بولاده اسلام مكنتش تفرق عن فرحتي باي واحد فيكوا القرف اللي فدماغك ده تاثير سم امك
مهاب / ليه هي امي اللي مصدقت ان اسلام رجع امي اللي جابت حته سواق و عيشته هو و زبالته وسطينا من قبل حتي متاكد انه حفيدها كفايه بقي كفياكي
ناهد / الزباله دول انضف منك
مهاب / بقى كدا على العموم جه الوقت اللى اكمل فيه اللى واضح ان امى مكملتوش حقى هيرجع فلوسى هترجع و حبيبك اللى انتى فرحانه بيه و طايره كدا هجيبه تحت رجليا ميت
ناهد تحط ايدها على قلبها
ناهد / اللى امك مكملتوش
مهاب / ايه يا تيته اتفاجئتى ليه اذا كانت حفيدتك فريده هانم عارفه
ناهد تتنفس بصعوبه
مهاب / عمرك مسالتى نفسك انا ليه اتجوزت فريده مع ان الكل عارف انى بحب ساره عشان الفلوس ؟؟؟ لا عشان فريده كانت هتحكى كل حاجه
ناهد بصعوبه/ انت كداب
مهاب / فريده خلتنى اسيب مراتى و اتجوزها اه يا تيته ساره مراتى كنت بجيبلها حبوب منع الحمل بايدى دي
ناهد تقع فى الارض و ايدها على قلبها
مهاب / ايه يا تيته تعبانه و لا حاجه
ناهد / الدوا
مهاب / محتاجه الحبايه يا تيته قلبك واجعك يا خساره .. حقيقى يا خساره انا ورايا فرح لازم احضره ابقى خلى اسلام بقى يجيبلك الدوا من فوق
ناهد تنام فى الارض و مهاب واقف يبص عليها و هى بتبصله مهاب يقعد عالارض جنبها
مهاب / ابقى سلميلى على بابا عشان وحشنى
ناهد تموت مهاب يغمض عنيها و يعيط و ياخدها فى حضنه و يقوم يجيب التليفون و يتصل
فريده / ازيك يا حبيبى عامل ايه
مهاب / تيته ... تعيشى انتى
...........................
عند الماذون الكل متجمع و ساره بتمضى على القسيمه و هى مبسوطه و سندس واقفه جنبها فرحانه و بتبص لمحمد بيدحك تليفون طارق يرن
اميره / مين
طارق / فريده هطلع بره ارد عليها
طارق يطلع بره
طارق / الو .........لا معاكى .... هبلغهم حاضر
طارق يقفل و اميره تطلع
اميره / انت روحت فين يابنى تعال يلا
طارق واقف مسهم
اميره / فى حاجه يا طارق
طارق / لا يا حبيبتى مفيش حاجه انا جاى اهو
اميره تدخل و طارق وراها اول معينه تيجى فعين اسلام الفرحه تروح من وش اسلام
طارق يكتب رساله و يبعتها تليفون محمد و تليفون اسلام يرنوا فنفس الوقت يفتحوا الرساله و يبصوا لبعض بخضه
سندس / هو احنا كدا خلصنا نطلع بقى نحتفل و لا هتاخد عروستك و تهرب و لا ايه
محمد / انا بقول نروح
سندس / ليه اليوم لسه فاوله على العموم احنا مش هنبقى عوازل يعنى تعال احنا نتفسح انا و انت انا عاوزه اجيب كام طقم جديد على زوقك
طارق/ انا بقول نروح عشان تيته
اميره / صح احنا سايبنها لوحدها
ساره / ياريتها كانت هنا اكيد كانت فرحت معانا اوى
اسلام يبص لطارق و يبص لساره ساره تبصله يبص الناحيه التانيه
محمد / يلا يا جماعه نروح
سندس / انتوا مملين اوى يلا نروح
.....................
فى عربيه محمد محمد سايق و اسلام جنبه وورا سندس و ساره سندس تمد ايدها عشان تشغل الكاسيت
سندس /انا هشغل اغانى
سندس تيجى تشغل الكاسيت محمد يزق ايدها
سندس / فى ايه انا شيفاكوا ساكتين قولت افرفشكوا احنا ففرح يعنى
محمد / معلش انا مصدع شويه بس
سندس / مصدع؟؟؟ و انت يا اسلام لحقت تندم و لا ايه معلش يا ابيه الجواز شر لابد منه هههههههههههه
ساره / يا شيخه
سندس / بهزر معاكى
ساره / و انت ايه رايك فى الموضوع ده يا اسلام
اسلام / خد يمين يا محمد عشان الشارع ده زحمه عاوزين نروح بسرعه
سندس / اووووووووووه مستعجل
محمد يبص على سندس فى المرايه يلاقيها بتدحك
ساره / هو مش المفروض كانوا يجوا معانا اهل مصطفى يعنى
اسلام / معلش مره تانيه
سندس / طب هو ايه اللى هيحصل دلوقت انا برده مش فاهمه احنا هنحتفل لوحدينا يعنى و شوق و مصطفى و اهله هيحتفلوا لوحدهم مكنا اتلمينا فمكان و عملنا حفله كبيره واحده بالمناسبتين يعنى
ساره / يمكن شوق و مصطفى كانوا مجهزين خطط من الاول مثلا دا حقها برده
سندس / طب و ايه اللى كان هيحصل لو شاركناهم فرحتهم برده يعنى
محمد / سندس انا قولتلك مصدع صح ممكن تسكتى شويه
سندس تبص على محمد فى المرايه
سندس / اتكتمت
اسلام / وصلنا خلاص اهدى
سندس / انا مش مجنونه عشان تقولى اهدى
محمد يدخل الفيلا سندس تبص مالشباك تلاقى عربيه غريبه
سندس / عربيه ايه دى
ساره تبص عالعربيه و تبص على اسلام تلاقيه ساكت و بيبصلها بحزن تدمع و تدخل تجرى على جوه سندس تبص لاسلام و تبص لمحمد
سندس / عربيه ايه دى يا ابيه هاه ؟؟؟ عربيه ايه ؟؟؟
اسلام يروح يحضن سندس سندس تبعد
سندس / لا
سندس تبصلهم بحزن و تجرى على جوه و هى بتعيط تلاقى اميره و فريده بيعيطوا
سندس / لا انتوا فاهمين لا
سندس تجرى على اوضه جدتها تلاقيها فاضيه تنزل تجرى على تحت
سندس / تيته فين هاه تيته فين
اسلام ياخدها فحضنه و هى تحاول تزقه و هى بتعيط
سندس / تيته فين اوعى لا تيته لا
اميره / اهدى يا حبيبتى
سندس / محدش يقولى اهدى
فريده / تيته بيغسلوها جوه
سندس تبص عالكل و هى بتعيط و بعدين تمسح دموعها
سندس / انا طالعه انام ياريت محدش يصحينى
سندس تيجى تطلع محمد يمسك ايدها تشد ايدها من ايده و تطلع و هى بتجر نفسها و تدخل اوضه جدتها و تمسك الشال بتاعها و تغطى بيه نفسها و تنام فى سريرها
..................
تحت
محمد / انا هطلع ابص عليها
مهاب يطلع من جوه
مهاب / احنا جاهزين عشان الدفنه
اسلام / ساره خليكى هنا مع سندس
ساره تهز راسها اه و هى بتعيط و الكل يمشى و محمد بيبص عالسلم فوق اسلام يخبط ايده و يمشى محمد يمشى وراه
.......................
فى اوضه ناهد ساره تدخل و تنام جنب سندس و هى بتعيط
سندس / عقلى بيكرهنى اوى عمال يطلعلى كل الزكريات الوحشه اللى زعلتها فيها كل مره قالتلى هموت بسببك كل مره اتخانقت معايا و سبتها و مشيت او رديت عليها وحش عقلى مش راضى يرحمنى
ساره تحضنها
ساره / عارفه انتى حاسه بايه
سندس تزقها و تقوم تقف و تصرخ فيها
سندس / لا مش حاسه طول عمرك حبيبتها اللى مريحاها طول عمرها بتقول مفيش زى ساره طول عمرها بتحبك عمرك مزعلتيها عمرك محاولتى ...
ساره / متشيليش نفسك فوق طاقتك
سندس تعيط / طاقتها ؟؟ لا متخافيش ياما شالت و ياما هتشيل دانا بقيت خايفه افرح بقيت خايفه ادحك ليه النهرده ليه
ساره / اهدى يا سندس
سندس تصرخ / متقوليش اهدى ابوس رجلك متقوليش اهدى النهرده كان اسعد يوم فحياتى ليه ينتهى كدا ليه ههههههههههههههههههههههههههههه
سندس تدحك بشكل هستيرى
ساره / انا هجيبلك عصير
سندس تدحك / هههههههههههههههههههههههه مانا بدحك عشان كدا شوفتينى و انا فقر اخد الميداليه الدهب و راجعه فرحانه انام اصحى الاقى بابا و ماما و اعز اصحابى ماتوا كلهم و انا رجلى مكسوره و مش هقدر اللعب تانى زى الاول اخف و اقف على رجلى اروح التمرين الاقى الكل سبقنى الاقى اللى اقل منى عليوا و انا لسه فمكانى يتصلح حالى و احب ميبصليش حتى كتب كتاب اختى اتسمم افرح و ارقص و انبسط جدتى تموت ههههههههههههههه عمرك شوفتى فقر اكتر من كدا ههههههههههههههههههههههههه
ساره / حبيبتى يا سندس
سندس / ابعدى عنى ابعدى لحسن تتاذى انتى كمان ابعدى
ساره تحضنها و سندس تعيط فحضنها
سندس / اوعى تسبينى لوحدى
ساره / مليش فى الدنيا غيرك
سندس / انا خايفه اوى خايفه اوى
ساره / بس يا قلبى بس
سندس / عاوزه انام
سندس تنام عالسرير و هى ملفوفه بالشال و ساره تنام جنبها و هى حضناها اوى
................................
فى المقابر
محمد واقف فجنب لوحده اسلام يروحله
اسلام / يلا نروح
محمد / روحوا انتوا هبقى احصلك
اسلام / هتروح فين يعنى
محمد / هعدى على ابويا و امى
اسلام / لو كنا فوقت تانى كنت جيت معاك بس
محمد / انا اصلا عاوز ابقى لوحدى معلش روح انت
اسلام / انت كويس
محمد / كانت طيبه اوى يا سلامه
اميره تدخل
اميره / اسلام فى حاجه عاوزه اقولهالك
اسلام / خير
اميره / تيته طلبت منى الصبح نعدى عالمحامى قبل منروح للدكتور
اسلام / خير
اميره / كانت بتديله وصيتها الاخيره
اسلام / وصيه
اميره / انا هتصل بالمحامى هى طلبت منى ان الوصيه تتفتح يوم وفاتها
اسلام / ماشى
اميره / محمد انت كمان لو سمحت
محمد يبص لاسلام و يرجع يبص لاميره
اميره / تيته طلبت منى ان كلنا نكون موجودين حتى انت
محمد / حاضر يلا بينا
.......................
فى الفيلا
راجل كبير محترم قاعد و الكل حواليه ماعدا سندس
مهاب / اتفضل يا استاذ فؤاد
فؤاد / الوصيه بتقول متتفتحش الا و كلكوا موجودين فريده و اميره و اسلام و ساره و مهاب و طارق و محمد و سندس
سندس تنزل من فوق لابسه اسود
مهاب / كلنا هنا
فؤاد يفتح ظرف كبير و يطلع منه ورقه
فؤاد / حبايبى سمحونى ان كنت زعلتكوا انا اكيد مكنتش اقصد و اخر حاجه اتمناها انى اكون سبب فى دموعكوا وصيتى ليكوا تاخدوا بالكوا من بعض مهاب يا اول فرحتى مفرحتش فدنيتى بحاجه قد فرحتى و انا بشيلك فحضنى شوفتك و انت بتكبر قدامى يوم بعد يوم عمرى مخفت على حد قد مكنت خايفه عليك كنت خايفه عليك من نفسك قبل اى حد قلبى كان بيتقطع فكل مره كنت بتاذى نفسك فيها متستغربش انت عمرك ماذيت غير نفسك اتغير يابنى ارجع مهاب بتاع زمان ارجع لنفسك يابنى
فريده تمسك ايد مهاب يمسك فيها جامد تطبطب عليه
فؤاد / فريده يا حبيبتى انتى الكبيره من بعدى خدى بالك من اخواتك و لميهم و احتويهم هما محتاجينك دلوقت اكتر من اى وقت تانى اوعى تسمحى لحد ياذيهم خدى بالك من سندس هى محتاجاكى هى محتاجاكوا كلكوا ... سندس يا حبيبتى انا فخوره بيكى اوى من يومك و انتى رافعه راسى و مشرفانى بتباهى بيكى فكل حته
سندس تسيب المكان و تجرى و محمد يجرى وراها
اميره / كمل لو سمحت
فؤاد / انا اسف بس
محمد يرجع و سندس مداريه فيه و يفضل واقف فى جنب و هى تحت باطه و حطه وشها فيه
فؤاد / خدى بالك من نفسك يا حبيبتى مع انى معدتش خايفه عليكى انتى معدتيش لوحدك بس عاوزه اوصيكى على محمد بطلى تناكفيه شويه الواد تعب
محمد يرفع عين سندس ليه و هو مبتسم تبتسم
فؤاد / و انت يا سى محمد اعقل شويه
محمد/ انا ؟؟؟
فؤاد / اعقل شويه انا من اول مره شوفتك فى الحاره و انت دخلت قلبى منغير استاذان دخلت و ربعت و بقيت عندى فغلاوه ولادى فكل يوم فكل موقف صورتك فعينى بقت بتكبر لما مبقيتش شايفه غيرك انا سيبالك هديه صغيره اديها لاغلى بنت على قلبك يوم فرحكوا اللى هيكون هديه منى لبسها احلى فستان و اسعدها و حبها انا معنديش حاجه اغلى منها اديهالك بس انت تستاهل يا حبيبى
فؤاد يطلع مالظرف خاتم فخم جدا
فريده / دا خاتم تيته دى مكنتش بتسمح لينا نلمسه حتى
اميره / كان هديه من جدوا ليها فعيد جوازهم الخمسه و عشرين
الكل بيبص على محمد يمد ايده ياخد الخاتم و هو مش قادر يستوعب و يبص لاسلام
فؤاد / الشيك
محمد ياخد الشيك و يبص فيه يتخض
محمد / دا كتير اوى انا مستاهلش كل ده
سندس / واضح ان تيته كان عندها نظر
فؤاد / اكمل لو سمحتوا اميره لو سمحتى خدى كل هدومى للجمعيات الخيريه الا لو نفسكوا فحاجه منهم مع انى عارفه ان لبسى مش هيليق عليكوا و خدى بالك من جوزك و عيالك اوعى تفارقيهم طارق بيحبك و انت ياواد انت يا طارق مراتك تشيلها فعينك دى اخر فرصه ليك
طارق / فعنيا
فؤاد / حبايبى اسلام و ساره اتجوزوا و افرحوا انتوا لايقين على بعض اوى انسوا اى حاجه وحشه حصلت فى حياتكوا متخلوش حد يوقع بينكوا متخلوش حاجه تفرقكوا و انتى يا بت يا ساره اوعى تتهبلى و تسمى ناهد زى مكونتى عاوزه سميها حاجه حلوه زيك انتى و جوزك الواد ده بيحبك خدى بالك منه انا فرحانه اوى بيكوا يا ولادى و صدقونى كان نفسى احضر فرحكوا كان نفسى اللبسك الطرحه بايدى انتى و اختك و تانى اوعوا تزعلوا عليا اوعوا توقفوا حياتكوا اللى كان هيتجوز يتجوز و اللى كان هيسافر يسافر و اللى كان هيشتغل يشتغل و اللى كانت هترقص تكمل رقص اوعوا توقفوا حياتكوا ربنا يحميكوا
مهاب / خلاص كدا
فؤاد / خلاص
مهاب / انا هقوم اجهز للعزاء عن اذنكوا تعال معايا يا طارق
مهاب يمشى و معاه طارق و البنات يطلعوا فوق و ساره تاخد ايد سندس و يطلعوا وراهم
اسلام / هتروح لبابا
محمد يرفع الخاتم لاسلام
اسلام / هى شافتك تستاهله
محمد / انا محتاج وقت لوحدى عن اذنك
محمد يمشى و اسلام واقف يبص عليه
......................
فى اوضه ناهد
اميره / انا هنفذ وصيه تيته و هبعت الحاجه النهرده الجمعيه حد فيكوا محتاج حاجه
سندس / انا عاوزه الشال ده لو ينفع
فريده / خليهولك طلعى الباقى يا اميره و هروح اجيبلك هدوم من عندى على روح تيته
اميره / تمام
ساره / اساعدك
اميره / اوك
...................
فى شقه سمره
سمره / البقاء لله
محمد / كانت ست طيبه اوى
سمره / لما انت عامل كدا امال سندس عامله ازاى
محمد / مش عاوز اقولك
سمره / و انت سايبها و جايلى؟؟؟؟
محمد / مكنش ينفع اروح عند حنان عندها مشاكل مع حماتها و الحمل تاعبها احنا اصلا مقولنالهمش لسه و محمود اكيد لا يعنى عشان اخته فمكنش قدامى غيرك
سمره / انت عبيط ياله دا بيتك و دى اوضتك
محمد / كانها شالت حجر و حطته على قلبى
سمره / للدرجادى كنت بتحبها
محمد يطلع الخاتم و الشيك من جيبه
سمره / يا دين النبى
محمد / تكاليف فرحى و شبكتى بتقولى اديه لاغلى بنت على قلبك
سمره / لو انا فاهم صح هى تقصد صاحبه السلسله صح
محمد / اه سندس
سمره / و ايه المشكله مانت حكتلى انكوا كنتوا زى السمنه عالعسل و رقص و ميه و تلج و لا الافلام
محمد / اديك قولتها افلام
سمره / انت عاوز ايه اكتر من كدا يا محمد عاوزها تيجى بنفسها تقولك انا بحبك ابوس رجلك اتجوزنى يعنى انت مستنى ايه انا اصلا بقولك ايه انت بتحبها و بتغير عليها
محمد ساكت
سمره / انت خايف من ايه يابنى قولى
محمد / احنا مجرد اخوات فكل مره كان بيبقى فى موقف رومانسي بنا كانت دايما تنهيه بانت احسن اخ فى الدنيا و كلام من ده
سمره / معلش يا صاحبى اسمحلى الكلام ده تقوله لواحد غيرى هو فى اخت تنط مالبلكونه عشان اخوها برده و لا فى بنت تنهار و يتعلقلها محاليل عشان اخوها انضرب ماخواتك الاتنين كانوا واقفين اخرهم عيطوا و بلاش دى البرفان بتاع ابوها مدتوش لسلامه ليه مهو اخوها و لو عاوز اكمل عد اكملك يا صاحبى هى قالتلك بحبك مليون مره ياخى بص علي صوركوا سوا بص على بصتها ليك
محمد / مهى نفس البصه يا سمره نفس البصه لو سندس بتحبنى يبقى منى كمان بتحبنى
سمره / انت بتقارن ايه بايه و هى منى عملت عشانك ايه اه ممكن كانت بتبصلك بنظره اعجاب بس ده اخرها
محمد / سندس دماغها سم ممكن تعمل المستحيل عشان توصل للى هى عوزاه
سمره / و ايه اللى هى عوزاه
محمد / افرض كانت بتلعب بيا افرض كانت بترضى غرورها مثلا
سمره / تعمل حله محشى و تقطم ضهرها عشان ترضى غرورها
محمد / قطمته عشان تعجب يوسف
سمره / الغريب انها تحاول تعجب يوسف و هى لابسه سلسله مكتوب عليها محمد و ماشيه بيها فكل حته
محمد / مهو ده اللى مجننى انا مش عارف هى عاوزه ايه بتحبنى و لا بتلعب بيا بتحبنى حب اخوات و لا حب واحد وواحده هى عاوزه ايه
سمره / انت عاوز ايه
محمد / عاوزها
سمره / خلاص روحلها روح قولها انك بتحبها
محمد / و بعدين
سمره / انت ليه خايف اوى كدا من امتى
محمد / انت مشوفتش اللى انا شوفته ماشى دى واحده مستعده تعمل اى حاجه عشان توصل للى هى عوزاه فاكر اسكندريه
سمره / اه صح و اللى عملته فى اسكندريه كمان كنت ناسى و انا بعدلك بتعمل كل ده عشانك عشان تبقى جنبك
محمد / و بعد مبقى جنبها تبدا تدور على غيرى صح
سمره / انت لسه شايفها وحشه لسه شايف ساندى مش حاسس باى تغير
محمد / انا خايف اكون غلطان
سمره / انت اصلى غلطان يا صاحبى سندس متستاهلش منك كدا سندس عملت المستحيل عشانك المستحيل حرفيا
محمد / انت كنت مبهور بيها من الاول
سمره / و انت كارهها من الاول
محمد / انا مبكرههاش انا بس
.................................
أنت تقرأ
سكه السلامه بقلم / لولو_محمد (كامله )
Romanceشاب فقير يجد اهله الاثرياء بعد غياب عشرون عاما ليجد نفسه امام تحديات كثيره لم يكن يتوقعها
