((((سكة السلامة )))))))
#لولو_محمد
الحلقه الثالثه
سلامه / دى صناديق جوازكوا انتوا و انا مش همد ايدى عليها
حنان / متمدش احنا هنمد بقولك ايه انت اخونا الكبير اه بس تعمل حسابك بكره تنزل تجيب طقم جديد و نروح نتكلم عالبت هند
شوق / الا اذا كانت البت مش عاجباك
سلامه يبص لمحمد
محمد / انا كمان مش شايف اى سبب انك تستنى يعنى العمر اللى بيروح مبيرجعش
سلامه / طب سيبوها لله بس ادورها فى نفوخى حبه
............................
فى الفيلا عند مهاب
مهاب يصحى يبص على فريده نايمه جنبه يقوم و يطلع بره ينزل تحت يلاقى ساندى داخله
مهاب / هى الحفله كانت وحشه اوى كدا
ساندى / كريم قفش
مهاب / ليه هو الميوه كان جامد اوى كدا
ساندى / هو اللى متخلف اصلا
مهاب / هو فعلا متخلف انه يزعل مزه فجمالك
ساندى / قوله بس صدقنى مش هيعرف ينام النهرده
مهاب / ههههههههههههههههههههه هو اللى يشوفك يعرف ينام
سندس / هههههههههههههه تصبح على خير يا ابيه بكره الجمعه و اهى فرصه تيته تصحى مره تلاقينى فى البيت
مهاب / هههههههههههههههههههههه ماشى
مهاب يدخل المكتب و يتصل بالتليفون
مهاب / ايه الاخبار ...... هههههههههههه .............مشوفتش فى خيابتك ........اما نشوف ......لا طبعا ولا الهوى ...... تيجى الصبح تصالحها بدل متحلقلك ...........سلام
مهاب يقف يفكر شويه و يبص لفوق و يطلع على اوضه ساره يدخل يلاقيها نايمه لابسه بجامه بنطلون مشجر واسع و بدى اسود حمالات يقعد عالسرير جنيها يبص عليها و هى نايمه و يمسك شعرها بايده بالراحه منغير ميصحيها و بعدين يلمس وشها بضهر ايده تقوم مفزوعه
ساره / انت بتعمل ايه فى اوضتى يا حيوان انت
مهاب / وحشتينى جيت اشوفك
ساره / اطلع بره بدل ورحمه بابا اصرخ و اللم عليك البيت كلو
مهاب / اصرخى لميهم مش فارق معايا
ساره / مانت بجح
مهاب / بس بحبك
ساره / اطلع بره انت سامع بره اوضتى
مهاب / و انتى من اهله يا ساره
مهاب يطلع مالاوضه ساره تاخد رجليها فى حضنها و تفضل تعيط و بعدين تقوم تلبس الروب و تروح على اوضه جدتهم و تنام فى حضنها
الست / انتى بتعيطى ليه
ساره / مفيش
الست / لا فى احكى الزفت ده عمل ايه تانى
ساره / مفيش يا تيته مفيش
الست / لو كان اسلام هنا مكناش بقينا فى الوضع اللى احنا فيه بس تقولى ايه منهم لله اللى ضيعوه و ضيعونا معاه
الست تقوم تفتح الدرج و تطلع صوره طفل سنتين و نص
ساره / امور اوى يا تيته
الست / اه فعلا انا قلبى بيقولى انه لسه عايش و بيقولى كمان انه بيدور علينا
ساره تتنهد و تغمض عنيها
................................
تانى يوم الصبح
الكل قاعد بيفطر فى صمت رهيب سندس تنزل من فوق و هى نص فوقان
سندس / وحدووووه
الست / لا اله الا الله دا ايه الهنا ده ست سندس هتفطر معانا النهرده
سندس / متاخديش على كدا ازيك يا تيته
سندس تبوس جدتها و تقف جنب مهاب و تمد ايدها و تخطف توسته و شريحه رومى
مهاب / متقعدى تاكلى زى الناس يا بنتى
سندس / مش فاضيه يا ابيه والله انا يادوب افطر و ادخل الجيم
الخدامه تدخل و شايله بوكيه ورد
الخدامه / استاذ كريم بره و باعت ده لساندى هانم
مهاب / خليه يتفضل
سندس تروح تاخد الورد و الخدامه تتحرك و ترجع بكريم يروح يبوس ايد الست الكبيره و يسلم على مهاب
مهاب / اقعد افطر يا كريم اقعد
كريم / ميرسى يا دكتور بس انا كنت جاى لساندى فى موضوع كدا
مهاب / ماشى بس متروحش انا عاوزك
كريم / تحت امرك يا دكتور
كريم و سندس يروحوا الجنينه
الست / انت عاوز تنقطنى يعنى انا مش موافقه تعرفه بره البيت تدخله انت بيتنا
مهاب / يا تيته قدام عنينا احسن من ورانا و اهو كريم نعرفه احسن من عيل مايص منعرفوش
فريده / كريم شاب كويس انا درستله بنفسى السنه اللى فاتت
مهاب / شوفتى
الست / انا شبعت عن اذنكوا
......................
فى الجنينه
كريم / انا معرفتش انام طول الليل و انا مزعلك
سندس / حصل خير بس افتكرها بقى عشان لو اتكررت ورحمه بابى يا كريم لتشوف منى الوش اللى عمرك مشوفته
كريم / حقك عليا بقى مانتى حرقتى دمى برضه بسى ماجد ده
سندس/ عشان تعرف
كريم / خلاص بقى متبقيش رخمه
سندس / بقولك ايه انا معاد التمرين بتاعى جه متيجى معايا الجيم جوه
كريم / اجى اعمل ايه اشيلك ازازه الميه
سندس / براحتك بس انت عارف الجمعه بعمل ايه
كريم / هروح اشوف دكتور مهاب عاوز منى ايه و هبقى احصلك
سندس / اوك سى يو
...................................
فى شقه سلامه
محمد / اخيرا رديتى يا منى والله لو مكنتى رديتى كنت جيتلك
منى / سورى بجد يا محمد كان عندنا ظروف و كدا معلش
محمد / ظروف ايه انتى متخيله انا بقالى يومين بكلمك مش بتردى و اعصابى تعبت من القلق عليكى
منى / حقك عليا يا حبيبى والله معلش غصب عنى
محمد / خير كان فى ايه
منى / شويه مشاكل كدا مع بابا بس متشغلش بالك انت
محمد / انا جبتلك هديه على فكره
منى / بجد
محمد / هتعرفى تيجى تاخديها امتى
منى / انا خارجه بعد يومين رايحه مشوار كدا ممكن انزل ساعه بدرى اقابلك
صوت زغاريط من ورا
محمد / ايه ده
منى / دول ... دا فرح فى الشارع الجيران و ماما بتجاملهم و كدا
محمد / عقبالنا
منى / انا لازم اقفل بقى سلام
محمد / سلام يا قلبى
......................
فى الفيلا
سندس / ممكن اعرف انت زعلان ليه يا ابيه هى تجاره وحشه
مهاب / انا كنت مستنى منك حاجه احسن من كدا
سندس / لا مكنتش مستنى انت بس تيته محفظاك كلمتين فبتقولهملى
مهاب / انا اكبر منك ب25 سنه يعنى لو كنت اتجوزت بدرى كان زمان عندى قدك
سندس / اه دى المفروض بتقولها بدل متقولى اتكلمى باسلوب احسن من كدا مثلا
مهاب / انتى جايبه البرود ده منين
سندس / ليف اذ تو شورت
مهاب / انا عاوزك تطلعى ووشك باين عليه انك متهزقه واضح
سندس / انتوا مكبرين الموضوع ليه اذا كان فى تلاته فى البيت هنا تجاره و بعدين لوك ات ذا برايت سايد اتنين منهم دكاتره فى الكليه يعنى هنجح هنجح يبقى بيس اوى
مهاب / متعتمديش عالموضوع ده انا مبعترفش بالوسايط
سندس / عليا انا برده يا ابيه امال ساره عدت اخر سنه ازاى
مهاب / ساره كان عندها ظروفها
سندس / اللى انت السبب فيها
مهاب يرفع حاجبه
سندس / اوك سورى سورى بعتزر و حاضر هطلع اعيط و اقفل على نفسى اوضتى يومين
مهاب / شاطره اتفضلى
سندس تبص لمهاب و هو مكشر و تخرج مالاوضه
.............................
بعد يومين عالقهوه
سلامه قاعد مع شاب 26 سنه
سلامه / انا والله مفكرتش خالص انى اجرهم بس انا ممكن اجرلك المخزن ماشى بس لو على شقه جنب المخزن حبايبنا كتير بس دا بيت و فيه حريم و كدا
الشاب / انا والله مش هتحسوا بوجودى اصلا مش هطلع الشقه غير عالنوم
سلامه / والله يا بشمهندس انت جاى من طرف الغالى ابو على فيعنى انت ممكن تستلم المخزن من بكره لو حبيت و شوف لو محتاج اى حاجه و يا سيدى مش هحاسبك غير من اول الشهر بس زى متفقنا شهرين مقدم و شهرين تامين اه
الشاب / و الفلوس جاهزه احنا بس نمضى العقود و باذن الله كلو هيبقى تمام
سلامه / خلاص عالبركه و انا هشوفلك حوار الشقه ده قريب اوى باذن الله
الشاب / شكرا الف شكر
......................
عالنيل
محمد / جرا ايه يا بت من اول مخرجنا منطقتيش
منى / محمد انا بصراحه عاوزه اقولك
محمد / خير
منى / انا مسافره انا اقعد عند خالتى يعنى مصيف و كدا
محمد / و دا يدايقك فى ايه بالعكس دا مصيف و بحر و حركات
منى / انا اصلى مش هعرف اكلمك تانى طول مانا هناك
محمد / و هترجعى امتى
منى / مش عارفه لسه
محمد / هو طبعا خبر وحش اوى بس فى خبر حلو ممكن يعنى يفرحك
منى / خير
محمد / انا كملت خمسه و عشرين الف فى واحد جه و اجر المخزن اللى تحت و سلامه ادانى الفلوس يعنى هانت خلاص زى موعدتك الاجازه دى مش هتعدى غير لما اجى اخطبك من ابوكى
منى / و بعدين بقالك قد ايه بتحوش فى الشبكه شوف بقى هتاخد كام سنه توضب فى الشقه و العفش و الفرح
محمد / ايه الوش الجديد ده مانتى عارفه الشقه موجوده ديتها وش دهان و السيراميك على زوقك يعنى ديتها كام عشرين الف كمان و العفش زيهم هتدبر على متخرج اكون دبرتهم و بعدين مانا هشتغل لما اتخرج
منى / هتشتغل ايه يا محمد تباع على الميكروباص و لا فاكر انك هتلاقى شغلانه بالساهل و لا هستناك بقى لما تخلص جيش معلش نسيت ان ملكش جيش
محمد / انتى بتافليها فوشى ليه و بعدين مالها شغلتى مش احسن من عيل سيس امه اللى بتصرف عليه و من امتى مديقاكى اوى شغلتى يا منى
منى / مفيش حقك عليا انا بس مخنوقه شويه
محمد / من ايه
منى / مفيش مانا لسه حكيالك
محمد / بقولك ايه تعرفى متشليش هم و انا موجود يا ستى لو حكمت هطبق و هشتغل صبح و ليل حتى لو منغير سلامه و باذن الله يا ستى هلاقى شغل مهو مش معقول ارتب عالدفعه و فى الاخر اقعد فى البيت دا حتى ميرضيش ربنا فكيها بقى
منى / ربنا يسهل
.............................
فى الفيلا
اميره قاعده فى اوضتها و قدامها تورته و فيها شمع و بتغنى هبى بيرث داى تو يو و هى بتعيط ساره تدخل
ساره / ممكن اجى
اميره / طبعا تعالى
اميره تمسح دموعها
ساره / كل سنه و هو طيب
اميره / و انتى طيبه كان نفسى اوى يبقى فى حضنى دلوقت
ساره / و انا كمان والله
اميره / تعرفى انا كنت لسه بفكر فى حياتى بحاول اعرف غلطت فى ايه عشان اتعاقب بالشكل ده
ساره / طارق مش وحش صدقينى اكيد عنده عزره
اميره / انا مش واجعنى بعد عيالى عندى على قد مواجعنى ان طارق هو اللى حارمنى منهم انهى عقاب ده و لا انهى ذنب ام تتحرم من ولادها فجاه كدا
ساره / هيرجع يا اميره صدقينى بكره الحقيقه تبان و يرجع صدقينى
اميره / دا تانى عيد ميلاد لمروان و انا مش جنبه ياترى بيسال عنى تفتكرى سال
ساره / اكيد بيسال اسمعى يا اميره خلى ايمانك بربنا قوى دانتى العقله اللى فينا ارجوكى اهدى احنا كلنا محتاجينك
اميره / البيت ده مش محتاجنى البيت ده محتاج معجزه
ساره تتنهد
............................
فى شقه سلامه
شوق بتنشر الغسيل و تبص من البلكونه مفيش حد تمسك طبق الميه و تكبه فى اللحظه دى الشاب اللى اجر المخزن بيطلع و الميه كلها تنزل عليه
الشاب / جرا ايه ياللى فوق متفتحوا
شوق / لا مؤاخذه مشوفتكش والله انا اسفه فعلا
الشاب / مشوفتنيش ايه و زفت ايه دا ينفع يعنى
حمدى و الناس تقوم من عالقهوه
شوق / جرا ايه مقولتلك اسفه و بعدين دى ميه غسيل يعنى نضيفه
الشاب / العيب مش عليكى العيب على اللى معلموكيش تتعاملى مع الناس ازاى
حمدى / جرا ايه يا سى مصطفى مالك كدا نافش ريشك انت مش عارف انت بتكلم مين و لا ايه
مصطفى / حمدى بقولك ايه متدخلش انت بدل شوف انا عفاريت الدنيا بتتنطت قدامى
شوق / ياخويا اللى يحضر العفريت يصرفه مالك كدا
مصطفى / متخليكى فى حالك يا بت
حمدى / دانت عاوز تتادب بقى
حمدى يمسك فى مصطفى و يوقعه فى الارض حنان تطلع البلكونه و تصرخ هى و شوق سلامه و محمد يدخلوا من على اول الشارع يلاقوا اللمه يجروا عليها و يفضوها
سلامه / فى ايه يا حمدى فى ايه يا بشمهندس
حمدى / الواد ده شتم اختك
محمد يمسك مصطفى من ياقته و يجى يضربه شوق فى ثانيه تكون لابسه الطرحه و فى الشارع
شوق / انا اللى غلطت يا سلامه كبيت الميه بالغلط والله بصيت مكنش فى حد و اعتزرت والله
محمد يمسك ايده فى اخر ثانيه
مصطفى / انا مكنتش عارف انها اختك
مصطفى يبص الناحيه التانيه
سلامه / اطلعى اتفضلوا معايا
مصطفى / لا حصل خير
سلامه / لا محصلش هتمشى ازاى بطينك ده اطلع اطلع و انت يا حمدى معلش عاوزك
فى الشقه شوق تدخل الشقه و تجرى على اوضتها حنان تطلع مالبلكونه سلامه يشاورلها جوه تدخل و يشاور لمصطفى و حمدى يقعدوا فى الصاله و محمد يقعد جنبهم و سلامه يدخل جوه و يطلع بطقم من عنده
سلامه / الحمام من هنا ادخل غير هدومك و اتشطف و تعال عاوزك
مصطفى / محصلش حاجه و ملوش لزوم
محمد / يلا يا بشمهندس متعملش تكليف
مصطفى يبص لحمدى و ياخد الهدوم و يدخل الحمام و هو رايح الحمام شوق كانت فاتحه الباب تلاقى سلامه جاى ووراه مصطفى تقفل الباب جرى
سلامه / لو فى حاجه ناقصه نادينى بس
مصطفى يهز راسه و يدخل و سلامه يفتح باب اوضه البنات
سلامه / اربعه شاى
حنان / حاضر
سلامه يبص لشوق و هى مداريه منه و عامله نفسها مشغوله يهز راسه و يمشى
فى الصاله
حمدى / وربنا لو مكنتوا جيتوا كنت شرحته
سلامه / على ايه يعنى الحوار تافه و كان ممكن يتلم
حمدى / كنت عاوزنى اشوفه بيشتم اختك و اسكت
سلامه / كتر خيرك يا حمدى بس انا كفيل باهل بيتى تقولى و انا هتعامل بطريقتى انا كدا لو كان ليا حق ضاع بالخناق بس دا لو كان ليا حق احنا مش بس غلطنا لا غلطنا و بجحنا كمان
محمد / ادى اللى بيجى من ورا البنات
تليفون محمد يرن
محمد / لا مؤاخذه
حمدى / الجو
محمد / اهو قرك ده اللى فقرنى لا دا واحد صاحبى
شوق واقفه فى الطرقه بتتصنط مصطفى يطلع مالحمام و يشوفها
مصطفى / احم احم ...احم احم ... لو سمحتى
شوق تتفزع و تبصله و عينها مفتوحه على اخرها
مصطفى / اعدى ممكن
شوق تهز راسها و هى عينها مفتوحه و تلزق فى الحيطه و هو يعدى تجرى على الاوضه و تقفل الباب وراها محمد يخرج من اوضته و هو متنرفز على اخره
محمد / قسما عظما لو كنت بتكدب مهعتقك
سلامه / فى ايه يا محمد
محمد ميردش و ينزل يجرى سلامه يقوم يجرى وراه ووراهم حمدى و مصطفى حنان طالعه و فى ايدها الشاى شوق تفتح الباب
شوق / هو فى ايه
حنان / مش عارفه هو يوم مش باين من اوله استر يارب
.........................
فى الميكروباص
سلامه / طب فهمنى فى ايه
محمد / منى بتتجوز
حمدى / منى دى الجو
محمد / وربنا لطربق الفرح على اللى خلفوها هى سايبه و لا ايه
سلامه / وقف العربيه يا محمد
محمد / منى كانت معايا قريب كانت متغيره و كان عندها مشاكل مع اهلها اكيد غصبينها
سلامه / حتى و لو خلاص مفيش فى ايدك حاجه وقف العربيه يا محمد
محمد / لا
حمدى / يا محمد اعقل خلاص بقت فى عصمه راجل تانى
محمد/ انت عاوزنى اسكت و هما بيغصبوها تتجوز واحد تانى ميبقاش اسمى على راجل
حمدى يبص لسلامه سلامه يبص مالشباك و مصطفى ساكت بيحاول يستوعب اللى بيتقال
...........................
قدام قاعه افراح كبيره
محمد يركن الميكروباص و ينط منه و الباقين وراه هوا محمد يدخل القاعه و عفاريت الدنيا بتتنطت فى وشه يلاقى منى بترقص و بتدلع على العريس يقف
سلامه / يلا يا محمد
محمد مبيتحركش سلامه و حمدى يشدوه يمشى يرجعوا الميكروباص بس سلامه هو اللى يسوق
سلامه / انا قولت مالاول البت دى مش تمام قولتلك
حمدى / مش وقته يا سلامه مش شايف عامل ازاى
مصطفى / انت عرفت ازاى انها بتتجوز
محمد / واحد صحبى اتصل بيا و قالى
مصطفى / و صحبك عرف منين
محمد يبص الناحيه التانيه
حمدى / سؤال منطقى دفعتك و متعرفش غير يوم الفرح
محمد / مقالتش لحد مالدفعه غير صحبتها الانتيم هى اللى قالت النهرده لصاحبى
سلامه / ربنا نجاك المفروض تفرح
محمد يبص فى الارض و هو مقهور و بيغلى
مصطفى / انا كمان من راى سلامه المفروض تفرح
.....................
أنت تقرأ
سكه السلامه بقلم / لولو_محمد (كامله )
Romanceشاب فقير يجد اهله الاثرياء بعد غياب عشرون عاما ليجد نفسه امام تحديات كثيره لم يكن يتوقعها
