(((((((((((((سكة السلامه )))))))
#لولو_محمد
الحلقه الخامسه عشر
سلامه / البيت منور باهله
ناهد / سلامه مكنش عاوز يجى الا لما التحاليل تبان بس انا اللى صممت
مهاب / والله يا تيته هو معزور برده خايف يحلم و ياخد عالعيشه دى و يرجع فى الاخر على فشوش بس نقول ايه انا رايح الجامعه عشان النتيجه
سلامه / ربنا معاك
مهاب / نورتوا البيت
سلامه / دا نورك
صوت اغانى عالى من فوق طبل و رزع
ناهد / العفريته الصغيره صحيت اخيرا
سلامه / سندس
ناهد / هو فى غيرها البنت دى طيرت نفوخى من كتر جنانها
......................
سلامه / عيله سبيها تنبسط
ناهد / عيله ايه انا متجوزه جدك اصغر منها و مخلفه ابوك و انا قدها
حنان / انا على كدا معنسه
محمد / طب سيبى الكلام ده لشوق على الاقل انتى مخطوبه
ناهد / صحيح لازم نعزم خطيبك عندنا هنا يوم عشان يعرف ان خطيبته ليها عيله كبيره وراها
سلامه / حمدى ميفرقش معاه الحاجات دى يا تيته هو راجل و ابن حلال
ناهد / على الاقل اشوفه و اسلم عليه
حنان / طبعا يا تيته
اندونيسيه تدخل
البنت / فطار جاهز
ناهد / شكرا ماجى .. مرضتش افطر الا لما تيجوا
سلامه / سبقناكى يا تيته
ناهد / يعنى هفطر لوحدى
محمد/ اكيد سندس مفطرتش مش بتقولى لسه صاحيه
ناهد / سندس تفطر لا انسى هتلاقيها نازله دلوقت لابسه هدوم اراجوزات و حاطه سماعات فى ودانها و الموبايل فى جيبها و بتصرخ و تقول
سندس / النسكافيه يا ماجى
الكل يبص عند السلم يلاقوا سندس لابسه شورت جينز و عليه بلوفر واسع جدا مغطيه اصفر و الهاند فرى و ايسكاب اصفر و شعرها يادوب خارج منه و بتلعب فى الموبايل
ناهد / قولت و لا مقولتش
سندس بصوت عالى / ايه دا حمد الله عالسلامه
سندس تروح تحضن سلامه
سندس بصوت عالى / جيت امتى
سلامه / لسه واصلين
سندس / ايه
سلامه / لسه واصليين
سندس تبصله محمد يقوم يشد السماعه من ودنها
سندس / اااه ايه ده بتوجع
محمد / احسن منصدع من صريخك
سندس / انت تطول اصلا انا صريخى غنى
محمد / واضح
سلامه / مترحموا بعض بقى انتوا ايه
سندس / هو اللى ابتدى كان المفروض تضربه دا وجع اختك
سلامه يضرب محمد على كتفه بالراحه خالص و محمد يدحك
سندس / شكرا انا هخرج عاوزين حاجه
سلامه / اه ياريت
سندس / خير قول
سلامه / عاوزك تلبسى هدومك
سندس / مانا لابسه فى ايه
ناهد / متحاولش يا بنى مفيش فايده
سندس / اه طبعا تيته لقت اللى تتفق معاه عليا
ناهد / يا بنتى الشورت قصير خليه بنطالون
سندس / الله يرحم ايامك يا تيته المينى جيب اللى فوق الركبه بشبرين
ناهد / زمن غير الزمن و اخلاق غير الاخلاق
حنان / يمكن ميكونليش حق ادخل بس يا سندس انتى لسه تعبانه و انك تخرجى فى الجو ده باللبس ده هتعييى زياده يا حبيبتى و احنا خايفين عليكى
سندس / نونو انا بحب ساندى اوى بليز انسى سندس ده خالص انا اصلا كلها كام سنه و اغيره رسمى عشان الناس دى مش عاوزين يغيرهولى
ناهد / شوفت
سلامه / لما تتمى واحد و عشرين نتكلم فى موضوع الاسم خلينا فى الشورت
سندس / يا الله هتاخر ورايا يوم طويل اوى
محمد / اه صح
سندس / اه صح فعلا انا عكس ناس تانين عندى حياه بعيشها مش بقعد فى البيت زى العواجيز
ناهد / و مالهم العواجيز يا بنت
سندس / نخلينا فى الشورت احسن و لا ايه
سلامه / هههههههههههههههههه اقسم بالله لو فى حاجه خلتنى اجى البيت ده هى انتى
سندس / انا عارفه حب من اول نظره كلهم بيحصلهم كدا لما يشوفونى
محمد / يا شيخه اتوكسى
سندس / انت مالك انت اش دخلك انت بهزر مع اخويا اش فهمك انت
سندس تشاور بصباعها فى عين محمد و هو يفاديها مره فى التانيه يمسك ايدها
سندس / سيب ايدى بدل والله
محمد / شم يا سلامه و قول رايك
سندس تشد ايدها
سندس / انت فاكر نفسك ايه انت هنا فى بيتى اوعى تفكر هسكتلك لما تغلط فيا اللزم حدودك معايا انت فاهم
سلامه / محمد كان بيهزر معاكى
سندس / ميهزرش ان كان عالشورت هغيره و مش عشان خاطر حد عشان انا لسه عيانه زى محنان قالت انا اصلا محدش يفرق معايا انتوا فاهمين
سندس تسيبهم و تطلع تجرى
ناهد / انا اسفه بس انا مش عارفه ايه اللى جرالها
سلامه / متبقاش تهزر معاها تانى
محمد / مجنونه و ربنا
.................
فى بيوتى سنتر كبير
سندس قاعده بيتعملها باديكير لرجليها لابسه بنطلون مقطع على اخره تليفونها يرن ترد
سندس / عاوز ايه
كريم / انتى صحيح رايحه حفله ماجد الزايد النهرده
سندس / انا اولردى بجهز
كريم / طب مقولتليش ليه
سندس / و المفروض اقلك رايحه فين و جايه منين و لا ايه
كريم / انتى بتعملى كدا ليه
سندس / كريم احنا متفقين انى مبسمحش لمخلوق يغلط فيا صح
كريم / انا غرت لما عرفت انك نمتى فى بيت الزفت محمد ده
سندس / انا انام مكان مانا عاوزه محدش له حكم عليا
كريم / بس انتى عارفه انا قد ايه بحبك
سندس / كريم انا قولتلك مالبدايه انك البست فرند بتاعى مش البوى فريند اوك
كريم / ايوه بس
سندس / مفيش اى حاجه اتغيرت يا كريم و مش معنى انى مش برضى احرجك قدام الناس انك تصدق بجد ان فى بنا حاجه
كريم / دا رايك يعنى
سندس / و لو سمحت بقى بليز انا مش فاضيه اتكلم دلوقت
كريم / ليه وراكى ايه
سندس / هرسم تاتو فيها حاجه
كريم / انا هاجى الحفله
سندس / براحتك يعنى انت و ماجد بقى
كريم / هصالحك على فكره
سندس / ربنا يسهل سلام بقى
كريم / سلام
........................
فى الفيلا بالليل
قدام اوضه سندس محمد يخبط
سندس من جوه / ادخل
محمد يدخل يلاقى الاوضه مبهدله عالاخر و سندس قاعده على السرير مدياله ضهرها لابسه بلوزه كت شيفون زرقه ضهرها كلو مفتوح ماعدا الياقه و باين ضهرها تاتو عقرب على ضهرها كلو و بتلبس الشوز
محمد / انا اسف انتى اللى قولتى ادخل
محمد يجى يطلع بره سندس تقوم تقف و تلفله
سندس / استنى فى ايه
محمد يرجع يلاقيها لابسه جيب شورت سلفر قشر سمك و كعب عالى سلفر و البلوزه مقفوله لحد الرقبه ليكرا تقيل
سندس / خير فى حاجه
محمد / ااااه اااام
سندس تروح تقف قدام المرايه و تظبط المكياج
محمد / انتى خارجه
سندس / اه رايحه نايت بارتى فى حاجه
محمد / الساعه حداشر
سندس/ مقولتلك نايت بارتى
محمد / انتى هتروحى كدا
سندس / لا طبعا ...هلبس الجاكيت الجلد اللى عالسرير ده
محمد يمسك الجاكيت و يحطه تانى
محمد / سندس انا كنت جاى
سندس / تعتزر ماشى انجز عشان مش فاضيه
محمد / انا كنت جاى اطمن عليكى عشان خرجتى و رجعتى و مكلمتيش حد و لا خرجتى من اوضتك
سندس / اه نمت شويه و لما صحيت لبست
محمد / الحفله دى فيها شباب
سندس / اولا ملكش فيه ثانيا اه مليانه ثالثا لو عاوز تيجى قدامك ربع ساعه تلبس على مكمل الاكسيسوريز بتاعتى ممكن اخدك معايا
محمد / انا مليش حكم عليكى بس سلامه
سندس / اسمع يا محمد انا عنيده بما فيه الكفايه فلو فاكر ان سلامه هيلويلى دراعى تبقى غلطان انا حبيت سلامه حقيقى لانى فرحت جدا ان عندى اخ ولد اب تانى بس لو جاى يتحكم فيا و يخنقنى يبقى هيخسرنى
محمد / انتى اللى بتخسرى نفسك بلبسك ده و منظرك و البتاع اللى على ضهرك
سندس / تحفه صح
محمد / بشع مرعب بجد ليه بتعملى كدا اى حد هيشوفك هيقول عنك ايه
سندس / ميولعوا كلهم مالاخر انزل اجرى على سلامه قوله سندس رايحه حفله و مش لابسه كويس و خليه يجى يتنرفز عليا هسمع كلامه و اللبس اللى هو عاوزه و اول مخرج من باب الفيلا هقلع هدومه و هلبس هدمى عادى
محمد / و ان مسمحلكيش اصلا
سندس / مش بمزاجه حتى لو هنط من فوق سور الفيلا مش بمزاج حد
محمد / انتى ليه بتعملى كدا بجد
سندس / يفرق معاكوا فى ايه دى حياتى و انا حره فيها
محمد / مين قالك كدا على فكره انتى
سندس / انت صدعتنى اطلع بره و زى مقولتلك انزل اجرى عيط لسلامه تحت يلا بره بره
محمد يبص فى عينها و يطلع
.......................
فى العربيه
سندس تركب تشغل التكييف و تظبط المرايات محمد يركب جنبها
سندس / عاوز ايه كفايه اوى نرفزه فيا ليوم واحد
محمد / قولتى ممكن اجى معاكى
سندس / قولت ممكن بس مقولتش هاخدك
محمد / ارجوكى خدينى معاكى من فضلك لو سمحتى بليز بليز بليز خدينى معاكى
سندس / دى حفله هنرقص و ننبسط لو هتعمل اى مشاكل و تفضحنى يبقى تنزل حالا
محمد / اوعدك انى مش هبدء اى مشاكل
سندس / اوك يلا
..........................
فى فيلا ماجد
سندس تدخل و محمد وراها بيبص يمين و شمال ماجد يشوفها من بعيد يجرى عليهم و يسلم بالايد يجى يبوس ترجع لورا
ماجد / برده ماشى يا ستى هعديها بمزاجى
سندس / لا يا بابا انا اللى هعديها عشان بس ...عشان مودى مش تمام و محتاجه للحفله غير كدا انت عارف كنت عملت ايه
ماجد يحط ايده على خده
ماجد / و ماله يا قلبى اهو على الاقل ايدك الحلوه هتلمس خدودى
سندس / هههههههههههههههههههههه اوووه نسيت ماجد محمد محمد ماجد
ماجد / منور يا برنس
سندس / ايه ده انتوا تعرفوا بعض
ماجد / لا اول مره اشوفه
سندس / اصل اسمه برنس فعلا
محمد / محمد البرنس
ماجد / ههههههههه صدفه سعيده تعال اما اعرفك على باقى الشله
محمد و سندس يدخلوا جوه سندس تيجى تقلع الجاكت محمد يرده عليها تانى تبصله يهزلها راسه بليز تنفخ و تلبسه تانى تتحرك لجوه تلاقى كريم و ميرنا و معاهم صاحبهم التالت مالكافيه
سندس / هاى شباب
ميرنا / واااااو مقولتيش ان محمد جاى معاكى
سندس / صعب عليا اسيبه فى البيت قولت اجيبه يغير جو ههههههههههه
محمد يبتسم بسخافه
كريم / ازيك ساندى
سندس / تمام ازيك
ماجد / ساندى ايه انتى هتقضيها رغى و لا ايه يلا هشغلك الاغنيه اللى بتحبيها قومى نرقص بقى
محمد / اه بس سندس عيانه عندها دور برد و
سندس / خفيت لما شوفتك يا حبيبى
سندس تحط ايدها على كتف محمد و هى مبتسمه و فجاه البسمه تروح و تلف لماجد
سندس / يلا يا ميدو
ماجد ياخد سندس و يروحوا عالدانس فلور ميرنا تيجى تقف جنب محمد و تناوله كوبايه عصير
ميرنا/ لو بتموت هترقص
محمد يبصلها
ميرنا / هو انت صحيح هتعيش مع سندس فى نفس البيت
محمد / اه
اغنيه جينرال ديجرى بام بالام بالام تشتغل و محمد بيبص على سندس و ماجد و هما بيتنطتوا ويرقصوا عليها
ميرنا / يا بختها الله الاغنيه دى بحبها اوى تعال ارقص معايا
محمد / مبعرفش ارقص اسف
ميرنا / خساره
ميرنا تمشى و كريم يجى يقف مكانها
كريم / الاستبن
محمد / ايه
كريم / ماجد الزايد ابوه رجل اعمال كويتى كبير اوى عنده استعداد يرمى نفسه تحت القطر عشان ساندى تبصله
محمد و لا يتهز و كريم بيبص عليه و يرجع يبص تانى على سندس و هى بتدحك على اخرها
كريم / بس للاسف هى مش بتعبره و لا بتديله وش
محمد / باين
كريم / عشان انا و هى متاخنقين بس فبتغيظنى بيه
محمد / و انا يفرق معايا فى ايه كلامك ده
كريم / انا بقولك بس عشان تلحق نفسك متدخلش نفسك فى لعبه مانتش قدها عشان اخرك هتبقى فرده استبن تانيه تغيظنى بيها لما ازعلها
ابتسامه كبيره مستفزه مع نظره ثقه على عنين محمد تقفل كريم و تخليه يمشى محمد يقفل وشه و يروح لسندس تكون اغنيه اى وانت تو سبيند مى لايف تايم لافينج يو محمد يروح ناحيه سندس
محمد / معلش بس دى اغنيه ممكن اعرف ارقص عليها
سندس / تعال سورى يا ماجد
سندس تلف ايدها حوالين رقبه محمد و هو يادوب حاطت ايده على وسطها و بيرقص معاها
سندس / مانت بترقص حلو اهو
محمد / احنا بنعمل ايه هنا
سندس / بنرقص
محمد / مش مرتاح
سندس / ايه لحقت تزهق
محمد / مش هكدب عليكى حاسس بشويه شماته بنت كلب حقيقى فى اللى اسمه كريم ده زمانه هيطق منى قال اخرك استبن ليا
سندس تدحك على اخرها و تميل لورا و محمد يمسكها و هو مبتسم و الناحيه التانيه كريم و ماجد واقفين جنب بعض بيتابعوا يبصوا لبعض يكشروا فى وش بعض و كل واحد يروح فى ناحيه
محمد / ماله الجوهرى هاه ماله
سندس / انت جاى معايا عشان تروحنى صح
محمد / وواضح انى فاشل اوى فى الموضوع ده
سندس / اممم تدفع كام و اروح معاك
محمد / خليكى حنينه انا على قدى
سندس / متعلقش على لبسى تانى
محمد / انتى بقيتى تخصينى زيك زى حنان و شوق بدايق لو حد بص عليكى و انا معاكى و متاكد ان الكل هنا عينه راشقه فى جسمك محروق دمى والله انتى بتفرحى لما بتحرقى دمى خلاص نجحتى نمشى بقى
سندس / خلاص تعزمنى بكره طول اليوم فسحه جامده
محمد / بس كدا تؤمرى بس نمشى من هنا بقى
سندس / انا اصلا كنت جايه احرق دم كريم بس انت قومت بالواجب معاه
محمد / انا ازاى
سندس / اصل احنا متخانقين بسببك لما عرف انى نمت عندكوا اتهبل و نمتى فى اوضته و كلام هبل كدا متخلف اساسا
محمد / هو اصلا شكله سبحان الله كدا قفيل يلا نمشى بقى
سندس / يلا يا برنس
.......................
فى اوضه سلامه
محمد / بس و رقصت معاها بدل ماجد ده و جبتها و دخلت نامت عشان تصحى بدرى ناخد اليوم من اوله
سلامه / هنروح بيها فين دى مش عارف انا
محمد / هى بالكلام بتيجى على فكره عاوزه بس حد يسايسها
سلامه / النهرده كانت سنويه والد ساره و سافرت البلد و انا روحت الشركه لوحدى و توهت فضلت قاعد فى المكتب مبعملش اى حاجه و مش فاهم فى اى حاجه و طبعا خايف اسال اى حد عن اى حاجه و فى الاخر اتصلت بيها قالتلى انها مش هتيجى مسكوا فيها
محمد / ملحوقه بكره تتعوض
سلامه / انا عارف انك مش بتطيقها و انها عصبيه بس انا محتاجك الفتره دى كل اللى فى البيت كوم و البت دى كوم تانى
محمد / اعمل ايه يعنى
سلامه / عينك فى وسط راسك عليها لحد مشوف هعمل ايه معاها
محمد / انا بكره هاخدها افسحها مش عارف فين بس هى طلبت ده مقابل انها تمشى
سلامه / اى حاجه تطلبها و متروحش الاماكن دى و متلبسش اللبس ده اعملها حتى لو هتعمل قرد
محمد / اه يا ربى دى اخرتها هعمل قرد لسندس
سلامه / هههههههههههههههههههههههه
محمد / ادحك ادحك متعملها انت قرد و انا اروح الشركه مكانك
سلامه / انا هتصل بساره اشوف هتيجى امتى وسع كدا وسع
.............................
تانى يوم الصبح ساره داخله لابسه اسود و عنيها حمره سلامه يقابلها عالسلم
سلامه / حمدالله عالسلامه
ساره / الله يسلمك سورى بجد على امبارح كان المفروض اخدك الشركه بس هما اخرونى هناك
سلامه / و لا يهمك اطلعى ارتاحى و تتعوض فى اى وقت
ساره / اتعرفت عليهم هنا
سلامه / يومى كان اسوء مما تتخيلى
ساره / طب هغير هدومى و اجيلك عالبول اوك
سلامه / اوك
.......................
فى مطعم
حنان / بس تعرف يا حمدى فكره الفيلا دى طلعت وحشه اوى فى اول كام دقيقه كدا بتنبهر بعد كدا بتلاقى روحك تايهه يعنى انا امبارح قعدت ربع ساعه كامله بدور على شوق تخيل كل اللى فى البيت بمشوا بموبايلات عشان ميتوهوش من بعض
حمدى / يا ستى هانت كلها اسبوعين و النقاشه تخلص و ننزل نجيب العفش يعنى انا والله بقول نتجدعن بقى و نحدد معاد الفرح و ساعتها هتلاقينى على حطه ايدك
حنان / صحيح تيته ناهد عاوزه تعزمك انت و ماما يوم عندنا عشان تتعرف عليكوا
حمدى / دا يشرفنا حددى المعاد بس
حنان / تمام
......................
فى اوضه محمد نايم سندس تفتح الباب و تدخل تقف جنبه شويه و بعدين تمسك المخده و تخبطه على راسه يقوم يقعد و هو مديها ضهره
محمد / مش كدا يا سلامه الله
سندس / احم احم
محمد يتخض و يلف بسرعه يقع عالسرير
سندس / حبيبى لسه نايم .. قوم فز يلا بدل اقسم بالله اتصل بالشله و نعمل حفله فى اوضتك
محمد / هاتيهم و انا اللى هحفل عليكى و عليهم
سندس / انت هتهدننى و لا ايه فوق شوف انت بتكلم مين
محمد / هكون بكلم مين يعنى حته بت اوزعه مجنونه لسانها طويل
سندس/ احترس من كل من اقترب من الارض
محمد / مبخافش
سندس / خمس دقايق لو ملبستش هسيبك و امشى
محمد يجرى عالحمام و سندس واقفه بتدحك
..............
أنت تقرأ
سكه السلامه بقلم / لولو_محمد (كامله )
Romanceشاب فقير يجد اهله الاثرياء بعد غياب عشرون عاما ليجد نفسه امام تحديات كثيره لم يكن يتوقعها
