سكه السلامه بقلم / لولو_محمد (كامله )

الحلقه ٣٨

((((((((سكة السلامة )))))))
#لولو_محمد
الحلقه الثامنه و الثلاثون
محمد / انا و سلامه
سندس / هههههههههههههههههههههههههههههههههههه
محمد / دلوقت بتدحكى محدش شافك و انتى زى الكتكوت المبلول
سندس / ههههههههه انا مش هكدب انا مخفتش فى حياتى كدا
محمد / تعرفى كام مره سلامه حدفنى بالشبشب او باى سلاح حائر طائر جنبه
سندس / كتير ؟؟؟
محمد / عمرها مجت فيا مش شطاره منى هو بينشن بعيد
سندس / بس انا اول مره اقف اشوفه عصبى كدا و خصوصا بعد مكسر الباب النهرده معرفش
…………………..
محمد / و البركه فمين دانتى تخرجى لوح التلج عن شعوره مبالك بسلامه دا لو لقى خصله من حنان و لا شوق باينه كان بيعلقهم مبالكوا انتوا فى البيت ده اللى حالتكوا صعبه
سندس / متخليكوا اوبن مايندد بقى
محمد / فى فرق بين الاوبن مايند و انك تبقى .... بت متفوريش دمى
سندس / و على ايه مش ناقصه نكد
محمد / انا كنت جاى اقولك ...تصبحى على خير
سندس / كنت ابعتها واتس
محمد / اه بس قولت اطمن عليكى بنفسى احسن
سندس / اوك
محمد / تصبحى على خير
سندس / انا هوصلك الاوضه
محمد / ملوش لزمه كملى مزاكره
سندس / كان ممكن تقول مهنش عليا تنامى زعلانه و جيت اصالحك بس تقول ايه بقى دماغ صعيدى
محمد / ان كان عاجبك
سندس/ عاجبنى يلا تعال اوصلك بفكر انام جنب ساره
محمد / اشمعن
سندس / مش عارفه السرير مليان كتب و مكسله اروقه
محمد / هههههههههههههههههه اصلا دى منظر اوضه دانا اوضتى متروقه عنها فى بنت فى الدنيا اوضتها كدا هتبقى ام ازاى انتى هتعلمى عيالك يبقوا مبهدلين فنفسهم كدا
سندس / متموتنى احسن لا نافعه ام و لا هلاقى حد يرضى بيا و مدلعه دانا مفييش ميزه على كدا
محمد / سبحان الله نعمل ايه بقى قدرنا
سندس / عالعموم من هنا لحد مخلص الكليه ان ملقتش اللى يتجوزنى هقبل بيك
محمد / تفى من بقك انا ناقص
سندس / ههههههههههههه انت تطول اصلا يلا يلا تموت فى الرغى تموت
محمد / هههههههههههه
......................
فى اوضه ناهد
ناهد / ههههههههههههههههههههههه
سندس / انتى بتدحكى يا تيته
ناهد / تعرفوا يا بنات الواد اسلام بيفكرنى بجدكوا الله يرحمه كان حمش و دمه حامى عمره مكان عاجبه الحال المايل ابدا
ساره / الله يرحمه
سندس / انتى هتشتغلينى امال لو مكنتش شايفه صوركوا القديمه بالمينى جيب و لا ميوهاتكوا فى مطروح يا تيته
ناهد / يابنتى الكل كان بيلبس كدا اياميها الناس كانوا غير الناس و الاخلاق غير الاخلاق و بعدين ربنا هدانا
سندس / يا شيخه انتوا اللبسوا و تعالوا اخنقونا
ناهد / بنت ابوكى سبيهم يا ماما صغيرين يا ماما خليهم يعيشوا سنهم يا ماما لما بوظكوا بس الواد اسلام هيلمكوا
ساره / فرحانه فينا انتى
ناهد / انا فرحانه بلمتكوا حوليا و خصوصا الخفاش بتاعى دى
سندس / ههههههههههههههه انتوا عارفين بفكر فى ايه
ساره / استر يارب   
سندس / انزل عالترامبولين و افضل انط و انط لحد ملمس السحاب
ساره / ههههههههههههههههههه البت دى لاسعه
سندس / بس هو فى مشكله
ناهد / خير
سندس / انا قولت ليوسف انى هكون الكوتش المره الجايه
ناهد / انا هنام
ساره / و انا نمت خلاص
سندس / بعتونى طب خدونى جنبكوا
ناهد تمد ايدها و تاخد كل واحده فى ناحيه و يناموا جنب بعض
....................
فى الشركه تانى يوم
اسلام قاعد عالمكتب ماهى تدخل بملف يبص فى الورق و يمضى
ماهى / خير سلامتك
اسلام / حاجه بسيطه متشغليش بالك
ماهى / انا عيد ميلادى الاسبوع الجاى
اسلام / كل سنه و انتى طيبه
ماهى / انا بصيت فى جدول المواعيد حضرتك فاضى فقولت اتشجع و اعزمك
اسلام يبصلها / ربنا يسهل
ماهى / عن اذن حضرتك
ماهى تطلع و ساره تدخل شايله ملف تحطه قدامه و هى مبتسمه
اسلام / خير
ساره / بص بنفسك دى معدلات الاداء من يوم ممسكت
اسلام / واضح انها كلها عليت مبروك
ساره / البركه فى المدير الجديد
اسلام / وهو المدير الجديد بيفهم ايه فى الشغل البركه فى الجندى المجهول
ساره / ليه يعنى مانت خريج تجاره و فاهم
اسلام / و هو اى واحد خريج تجاره يجى يمسك شركه كانت خربت انا عندى استاذه شاطره
ساره / بالنسبه لمهاب فهو عرض الاسهم اللى اشتراها للبيع طبعا فرق السعر كبير يعنى مكنش بيخسر زى مكنت فاكر
اسلام / اشتريها
ساره / بتقول ايه
اسلام / بقولك اشتريها و اى اسهم تتعرض للبيع اشتريها
ساره / ايوه بس دا مبلغ كبير
اسلام / صدقينى المكسب الحقيقى هو ان ميبقاش فى حد بيدخل فى الاداره
ساره / انا لسه مش فاهمه هو ايه خطته بالظبط
اسلام / تعرفى تنسيه اخره ايه يعنى خد موظفين مننا جبنا غيرهم تانى يوم و احسن خد مشاريع ربنا رزقنا باحسن منها و ان كان قلل ربحه فاحنا زودنا ربحنا
ساره / اللى تشوفه
اسلام / وراكى حاجه بالليل
ساره / لا خير
اسلام / عاوز اروح السيما اسف السينما
ساره / هههههههههه
اسلام / هنخرج على سبعه كدا نحجز و نتفرج و بعدين نتعشى و نروح ايه رايك
ساره/ لا انا بقول نتعشى الاول و ندخل فيلم عشره
اسلام / و هو كذالك
ساره / احجز كام تزكره و فيلم ايه
اسلام / سيبى الموضوع ده عليا
ساره / اوك عن اذنك
اسلام / اتفضلى
........................
فى الكليه فى محاضره لمهاب تليفون مهاب يرن
مهاب / ثوانى
مهاب ياخد التليفون فى جنب و يرد
سمره / من امتى بقى بيطول فى الشرح كدا
محمد / فضى كان بيدخل نص ساعه يرمى الكلمتين و يجرى عالشركه كان بيقول الدقيقه بفلوس
سمره / دا لو يطول ياخدنا وقت اضافى كان خدنا
مهاب يبصلهم
مهاب / انتوا الاتنين بره و متحضروليش تانى
محمد يقوم يبتسم و يطلع فى هدوء و منى بتبص عليه
.....................
فى الكافيتريا
سندس / هو اتجنن و لا ايه
محمد / فكك دا اقل واجب بعد خناقه امبارح
سندس تمسك ايد محمد
سندس / انا هكلمه متدايقش نفسك
محمد / متشغليش بالك انتى اخره يعمله
منى تدخل سندس تمسك ايد محمد اكتر
منى / ممكن لو سمحت ثوانى
سندس / زى مانتى شايفه رجله مكسوره و مش هيقدر يقف
منى / و انتى المحامى بتاعه
سندس / انتى حاجبه الفيو عنى من فضلك امشى
منى / محمد لو سمحت
محمد / زى مقالتلك انا مش قادر اقوم و مقدرش اطلب من صحابى يقومولك فلو عندك حاجه ضرورى قوليها قدامهم
منى / سلامتك عن اذنكوا
سندس / بانهى عين دى جايه تكلمك لا حقيقى مشوفتش كدا
ميرنا / ميمكن لسه بتحبه
سندس / تعرفى تخليكى فى حالك
محمد يبص الناحيه التانيه يلاقى منى قعدت فى جنب لوحدها و بتمسح خدها بايدها يبص ناحيه سندس بتكلم ميرنا و يرجع يبصلها تانى يلاقيها بصاله يقوم سندس تبصله
سندس / رايح فين
محمد يمشى ناحيه منى و هو بيتعكز
ميرنا / رايلحها مكان مالاول يعنى
سندس تشوف المنظر علامات الحزن تبان على وشها
ميرنا / انا عن نفسى الفضول هيموتنى عاوزه اعرف هتقوله ايه يعنى
سندس مبتشيليش عنها من على محمد لحد ميقعد جنب منى تشد حاجتها و تقوم
ميرنا / انتى يا بنتى رايحه فين ساندى انتى يا بنتى
محمود / هو فى ايه
سمره يهز كتافه معرفش
ميرنا / ساندى و دماغها من يومها كدا محدش يعرفلها حاله
...........................
عند منى
محمد / خير
منى / هو صحيح دكتور مهاب طردك عشان انت مصاحب اخته
محمد يبتسم و يحط ايده على بقه
محمد / انتى مقومانى من هناك عشان تسالينى حاجه زى دى انا قولت مثلا هتسقطى و محتاجه مساعده متخانقه مع اهلك عالمصروف زى زمان
منى / لو سمحت يا محمد انا قولتلك هرجعلك الفلوس
محمد / فلوس ايه يا منى هاتى مالاخر ماشى لخصى
منى / بيقولوا انك مصاحب البت دى بيقولوا انها بتصرف عليك
محمد / يخصك
منى / حافظ عالصوره اللى ليك عندى
محمد / انا مبتعلمش ضيعتى كتير من وقتى زمان و لسه بديكى وقت عن اذنك
منى / اشبع بيها بس عاوزه اقولك ان مفيش موبايل فى الكليه معليهوش صوره للهانم مره بفستان و مره بميوه
محمد / اللى بتتكلمى عنها دى تبقى اخت سلامه و الفلوس اللى معايا دى مش واخدها منها واخدها من سلامه من ورثه لما لقى اهله و لا انتى و لا اى مخلوق له الحق انه يحاسبنى على تصرفاتى و صورتى اللى عندك احرقيها زى محرقت انا صورتك من زمان و ابقى سلميلى عالمحروس شكله مش مكفيكى فبتدورى فدفاترك القديمه بالاذن
محمد يقوم يروح ناحيه ترابيزته سندس مش قاعده يقف
محمد/ سندس فين
ميرنا / قامت بعدك علاطول و تليفونها مقفول كلمتها كتير مفيش فايده
محمد ينفخ و يهز راسه
محمد / انا ماشى
محمود / تعال اوصلك
محمد / يلا
محمود و محمد يمشوا
ميرنا / مش البت دى كانت حبيبه محمد برده
سمره / كانت انا اصلا مش مصدق انه راح كلمها بعد اللى عملته
ميرنا / انا شوفت دبله فى ايدها
سمره / اه اقولك ايه البت دى كانت لازقه لمحمد فى الكليه طول الوقت بيزاكرلها و يصورلها المحاضرات و الورق و مش بس كدا دا قالها انه عاوز يتقدم قالتله ان ابوها عاوز شبكه بتلاتين الواد موت نفسه شغل و نص اللى كان بيقبضه كان بيجيبلها بيه هدايا و كان عاملها مصروف لايدها و فى الاخر اكتشف انها بتتجوز مع انها كانت بتكلمه عادى و مقالتلوش انها متقدملها حد مثلا و لا اى حاجه
ميرنا / معقول هو فى كدا
سمره / اللى حصل حقيقى مشوفتش فبجاحتها اصلا حاولت تكلمه كذا مره بعد متجوزت بس هو مدهاش وش مش عارف ليه اداها النهرده بصراحه 
ميرنا / خير خير كلو خير
....................
فى الفيلا
محمد يدخل هو و محمود
محمود / هروح انا بقى
ناهد / اقعد يا حبيبى كلك لقمه ....ايه ده سندس فين
محمد / هى لسه مروحتش
ناهد / لا هى مش كانت معاك
محمود / اصل
محمد / انا تعبت فروحت بدرى و نسيت ان عندها محاضره معلش مرهق اوى منمتش
محمود يبص لمحمد
محمود / لو عوزت حاجه كلمنى
محمد / معلش ساعدنى اطلع اوضتى
ناهد / مش هتاكل يا حبيبى
محمد / تسلم ايدك يا تيته بس مش جعان دلوقت
ناهد / ماشى يا حبيبى اطلع ارتاح
....................
فى الكوافير
سندس تعمل شعرها و تتكلم فى التليفون
سندس / يعنى لو كنت فاضى
يوسف / افضالك
سندس / اوك انا قدامي ساعه تقريبا
يوسف / تمام فى كافيه حلو اوى انا متاكد انه هيعجبك
سندس / اوك ابعتلى العنوان فى مسج و انا هخلص و اروح هناك
يوسف / تمام اول متطلعى رنيلى انا كدا كدا لابس
سندس / اوك سلام
..........................
فى البيت
محمد بيتكلم فى التليفون
محمد / انا مش عارف بس هى لسه مجتش و ميرنا قالت انها مشيت
سلامه / طب ايه اللى حصل
محمد / معرفش بس مشيت فجاه و تليفونها مقفول قولت يمكن ساره عارفه حاجه
سلامه / ياربى على سندس و ايامها البت دى مبتهمدش
محمد / انا هشوف السواق و اطلع على شقه اسكندريه هى لما بتدايق بتكون هناك
سلامه / و اش عرفك انها مدايقه
محمد / امال مشيت فجاه ليه مستنتنيش ليه و قافله تليفونها و مروحتش لحد دلوقت ليه انا هتجنن
سلامه / ارتاح انت و خليك فى البيت عشان لو جت تكلمنى ابعتلى العنوان و انا هروحلها بنفسى
محمد / طب لو لقيتها بالراحه ماشى
سلامه / ماشى ماشى ابعت بس العنوان
.......................
فى الكافيه
يوسف قاعد سندس تروح تقعد قدامه بشعر طويل احمر و عدسات زرقه
يوسف / سندس انا معرفتكيش
سندس / قولت اعمل نيولوك بقالى كتير معملتش يجى شهر و اكتر مش فاكره
يوسف / انتى كويسه
سندس / اه الحمد لله تمام و انت
يوسف / بصى لو جايه تقوليلى اننا منتكلمش تانى او ان اهلك منعوكى مالكلام معايا فانا
سندس / لا خالص انا مش عارفه انا كلمتك ليه بس انت الوحيد اللى جيت فبالى ساعتها
يوسف / اتخانقتى مع محمد
سندس / ايه جاب سيره محمد هو فى ايه محمد محمد هو ربنا مخلقش الا محمد فى مليون واحد غير محمد فى فى مصر تسعين مليون واحد غير محمد الدنيا مش قايمه على محمد يعنى
يوسف / من اول مره شوفتك و انا مش عارف ليه لزقتى فى عقلى و مش راضيه تخرجى بس كل مبتعامل معاكى اكتر نظرتى ليكى بتتغير على فكره
سندس / طبعا هتقولى انى البنت المدلعه اللى معندهاش اى احساس بالمسؤليه و الكلام ده
يوسف / بالعكس هو انتى مختلفه اه مدلعه ممكن بس بيتهيالى مقابلتش واحده قد المسؤليه زيك هو بس سنك صعب شويه ستاشر باين
سندس / سبعتاشر و نص
يوسف / ههههه لا كبيره
سندس / انا اسفه انى نزلتك بس حسيت ان كل الابواب مقفوله فوشى
يوسف / لا براحتك تعرفى انا وانا ماشى امبارح قولت مستحيل هتكلمنى تانى و اكيد عملتلى بلوك و ربنا يستر و محصلتش مشكله بسببى امبارح
سندس / انت اقل حاجه حصلت امبارح ههههههههههههه
يوسف / هههههههههههههه بصراحه انا عن نفسى لو عندى اخت زيك اكيد كنت هغير عليها
سندس / من مين منك
يوسف / ااااى بتوجع ايه مش راجل انا و لا ايه
سندس / لا مقصدش والله بس يعنى معرفش بس لا
يوسف / هههههههههههههههه
سندس / طب قولى بتدحك على ايه يعنى النيولوك مجبش نتيجه يمكن انت تجيب
يوسف / تؤ و لا انا هجيب حلك مش عندى
سندس / شكرا
يوسف / ايه رايك نكون اصحاب
سندس / ماحنا اصحاب امال انا بكلمك على اساس ايه
يوسف / لا لو كنا اصحاب كنتى حكيتى محمد عمل ايه دايقك اوى كدا اللس على شعرك
سندس تبصله و هى مستغربه
...........................
قدام البيت فى اسكندريه
سلامه / البواب اكدلى انها مجتش .... هتنزل فين خليك فى البيت يمكن راحت هنا و لا هنا و زمانها راجعه متوترنبش اكتر مانا متوتر .............. محمد بطل جنان و اسمع الكلام زمانها جايه يلا انا راجع هى لو جت هنا البواب هيتصل بيا و انت لو جت اتصل طمنى سلام ... سلام
......................
قدام الفيلا يوسف واقف بيتكلم مع سندس
يوسف / هشوفك بكره زى متفقنا
سندس / متاكد انك معندكش مشكله
يوسف/ انا عارف اننا اتعرفنا من فتره صغيره بس انا متاكد انك هتشكرينى فى الاخر
سندس/ مشكرتكش كفايه على اللى عملته قبل كدا
يوسف / يمكن لو كنتى سالتينى من فتره على حاجه زى دى مكنتش نفعت معايا بس لما اتعرفت عليكى مفتكرش كان ينفع ارفض
سندس / بجد يمكن انت احسن حاجه حصلت من فتره طويله بجد
يوسف / يلا خشى و نامى و ارتاحى و انا هعدى عليكى بكره
سندس / هستناك سلام
سندس تدخل الفيلا و يوسف تمشى تلاقى ساره فوشها
ساره / دا كان يوسف
سندس / اه يوسف
ساره / وايه اللى عملاه فى نفسك ده
سندس / نيولوك مفيهاش حاجه يعنى
ساره / ايه اللى حصل اسلام راحلك اسكندريه و تيته لو شافتك كدا انتى بتعملى كدا ليه
سندس / انا مبعملش حاجه لقيتنى زهقانه روحت الكوافير ايه يعنى مش من حقى اعيش يومين يعنى متدفنونى بقى و ترتاحوا كلكوا
ساره / و يوسف ازاى يجى لحد هنا تانى انتى مشوفتيش اسلام عمل ايه امبارح انتى بتهزرى يا سندس عاوزه تعملى مصيبه
سندس / يوسف معزوم عالغدى عندنا بكره كان فاكر انه عملى مشكله و انا بحاول اثبتله ان مفيش مشكله و ان عيلتى ناس متحضرين
ساره / و هتثبتيله بايه بخمستاشر عشرين غرزه فى دماغه انتى مجنونه
سندس / انا تعبانه و هطلع ارتاح
ساره / موبايلك مقفول ايه
سندس / معمول ايربلان
ساره / انا جبت اخرى حقيقى جبت اخرى منك
سندس / عن اذنك
سندس تدخل الفيلا و تطلع تلاقى محمد واقف
محمد / كنتى فين
سندس متردش و تمشى يمسك ايدها
سندس / انت اتجننت
محمد / اه كنتى فين و ايه اللى عملاه فى نفسك ده
……………………….