سكه السلامه بقلم / لولو_محمد (كامله )

الحلقه ٥٢

((((((سكة السلامة )))))))
#لولو_محمد
الحلقه الثانيه و الخمسون
   اسلام / بص هو محمد مسافر النهرده بالليل هكلمه الاول و اشوف رايه و هى هكلمها بكره الصبح باذن الله لو مجدش فى البيت ده مصيبه اديك شايف ماسكين ديل قطه كلنا
مصطفى / لا ان شاء الله مش هيحصل حاجه
اسلام / تشرب ايه بقى نسيت اضايفك
مصطفى / لا انا هخلع عشان تلحق تكلم محمد
اسلام / دانت مستعجل بجد بقى
مصطفى يبتسم
اسلام / ماشى يا درش
....................
فى اوضه محمد اسلام يدخل
اسلام / جهزت كل حاجه
محمد / عادى يعنى مش فاضل غير الميوه هبقى اشتريه من هناك
اسلام / سلمت على سندس
محمد / هو انا مهاجر
اسلام / انت زعلان منها و لا ايه
محمد / لا بس مش عارف قفشت لما عرفت ان انا مسافر
اسلام / خمسه و هتلاقيها جايه بقولك ايه مصطفى كلمنى
محمد / خير
اسلام / عاوز شوق
محمد / مصطفى ابن حلال و ميتخيرش عن حمدى وقف معانا فالمره قبل الحلوه
اسلام / معاك حق افرض شوق رفضت
محمد / و لا اى حاجه مفيش نصيب بس مفتكرش هترفض مصطفى ميتعيبش بس اسالها برده
اسلام / عالبركه
محمد / متيجى معايا اسلم على سندس قبل ممشى
اسلام / ههههههههههههه خايف و لا ايه تعال ههههههههههههههه
فى اوضه سندس اسلام يفتح الباب يلاقيها نايمه و حاضنه المخده يروح جنبها و يخبط على كتفها تفتح عينها بالراحه
اسلام / محمد عاوز يسلم عليكى قبل ميسافر
سندس / عاوزه انام
اسلام / هيمشى
سندس / اقفل الباب وراك يا ابيه
سندس تحط الغطا على راسها و اسلام يطلع بره
اسلام / باعتك يلا اتكل على الله
محمد يرفع حاجبه اسلام يحرك كتافه معرفش محمد يزقه و يدخل
محمد / انتى يا بت قومى
سندس / عاوز ايه
محمد / عاوز اسلم عليكى
سندس / و انا مش عاوزه روح يلا لاصحابك روحوا انبسطوا
محمد / هههههههههههههه هننبسط بس سلمى عليا الاول
سندس / سلام خلاص امشى بقى
محمد/ طب ورينى الدحكه الحلوه بقى بدل الميه و حداشر دى
سندس تكشر اكتر محمد يقعد جنبها
محمد / احسن بدل معد طول الطريق افكر فدحكتك و اسرح و اتقلب انا و العيال
سندس تزقه /بعد الشر
محمد / ههههههههههههههههههه هبقى اكلمك اول موصل متعمليش مشاكل مش ان غاب القط اللعب يا فار انتى فاهمه اقطم رقبتك
سندس تطلع لسانها يدحك
محمد / سلام يا عسل
محمد يمشى و هى قاعده مربعه ايديها و مدايقه
.........................
فى الطريق محمد سايق و محمود جنبه و وورا سمره وواحد كمان بكرش صغير
محمود / متشغل اغانى ياعم
محمد / و انت اتشليت متشغل
محمود / ماشى
محمود يشغل اغنيه اه لو لعبت يا زهر
الشاب / والله و الزهر ملعبش غير معاك انت يا برنس
سمره / سيبه فحاله يا فقر دا مفيش منحوس قده
الشاب / سمعت الله يعينك يا صاحبى دى عين واعره
محمد / انتوا واخدينى تكدرونى و لا تنسونى مين اللى جاب السئيل دا معانا مكنا بعتناه مع الشربجى و بسيونى مواصلات احسن
الشاب / اخص عليك يا برنس دانا عوصه حبيبك
محمد / ولا اعرفك
الشاب / صحيح القرش بيغير
محمد / هركن و انزلك
تليفون محمد يرن محمود يمسكه
محمود / سندس
عوصه / اللعب مين دى
سمره ينغزه
محمد / انا قولت زمانك نايمه
سندس / معرفتش انام لسه قدامكوا كتير
محمد /هههههههههههههه ليه سايق طياره
سندس / اوعى ..تسوق على مهلك و تربط الحزام
محمد / هههههههههههه حاضر يا ماما
سندس / كلمنى لما توصل
محمد / حاضر
سندس / سلام
محمد / سلام
محمد يقفل
عوصه / مين سندس دى يا برنس الجو الجديد و لا ايه
محمد / ستك ياله سندس دى اختى
عوصه / عندها يا حبيبى طب قول بنت خالتى تتبلع انت عندك كام اخت
سمره / يا بقف افهم مش انت عارف ان سلامه لقى عيلته
عوصه / اه
سمره / اهى سندس دى بقى اخر العنقود
عوصه / لا ساندى اخر العنقود انتوا حكيتوا ان اسمها ساندى المجنونه
محمد / دا الدلع اسمها الحقيقى سندس
محمود / و الحمد لله عقلت دلوقت فمتوديناش فداهيه بقى و اتلم
سمره يغمز عوصه و يعمل بايده قلب بس مدارى عشان محمد ميشوفوش عوصه يرفع حاجبه سمره يهز راسه
عوصه / و سندس دى حلوه يا برنس
محمد / ملكش فيه و غير الموضوع بدل منزلك على جنبك
عوصه / بق انت متقدرش تعيش منغيرى اصلا
محمد / نجرب
عوصه / لا ياعم و على ايه هسكت خالص على الاغانى يا محمود على على
......................
فى الشقه
محمد يسلم على اتنين تانين
واحد / ايه رايكوا
محمد / اوضه واحده ليه يا بخله مقولت كبروها المرادى
سمره / هو المصيف يحلى الا فى الزنقه
عوصه / يا جدعان مقولتلكوا الفلوس غيرته
التانى / بقولك ايه الاوضه جوه سريرين و بره الكنبه بتتفتح سرير عاوز اكتر من كدا ايه كل اتنين جنب بعض
عوصه يحضن محمد
عوصه / انا هنام جنبك
محمد / دا فى الحلم يا حبيبى نفس التقسيمه ياخويا
سمره / انام فى الارض اهون المره اللى فاتت زقنى من عالسرير الواد ده غشيم فنومته
محمد / ههههههههههههههه مش هنسى يوميها صحينا على صوت حته قلم
سمره / تخيل نفسك نايم فى امان الله و بتحلم بقى و مستكنيص هوب تلاقى نفسك عالارض كان لازم انتقم
عوصه / بس بقى قفايا نقح عليا
محمد / هههههههههههههههههه طب يلا حطوا الشنط و يلا عشان نصيع و لا هنقضيها فى البيت و لا ايه
الاول/ فشر
عوصه / مش ناسى حاجه يا برنس
عوصه يغمزله و محمد مش فاهم
عوصه / مصر ياعم التقرير سندس يخربيت غبائك
محمد / فكرتنى انا فى البلكونه خمسه
محمد يطلع البلكونه
محمد / نمتى ؟؟
سندس / لا مش جايلى نوم
محمد / احنا وصلنا خلاص اطمنى
سندس/ تمام مش عاوز تقولى حاجه قبل منام
محمد / اممممم لا مبحبش اللعبه دى هههههههههههههه
سندس / تصبحى على خير يا سندس مثلا انتى صاحيه من بدرى اوى و تعبتى و لازم تنامى بقى يا سندس مثلا
محمد / هههههههههههههههههه تصبحى على خير يا سندس و استغطى كويس
سندس / هههههههههههههههههه
عوصه وواحد بيتودودوا و يقربوا مالبلكونه
واحد بمياصه / هيهيهي
عوصه بمياصه / يلا بقى يا حماده لابرد
محمد يضير و يقلع الشبشب و يحدفه فيهم و ينفخ و الكل بيدحك جوه
محمد / دول صحابى بيهزروا
سندس / عادى يعنى انا مالى
محمد / والله مبكدب
سندس/ مفيش مشكله روحلهم بقى انا هنام
محمد / تصبحى على خير
سندس / و انت من اهله
محمد ينسى يقفل الخط و يدخل
محمد / جرا ايه يا كلب منك له
التانى / خلص ياعم عاوزين ننزل نشوف حاجه طريه بدل القاعده الناشفه دى
سندس تقفل السكه و تنفخ و تقوم
محمد / دا على اساس ان فى واحده عاقله هتبص لخلقكوا دى
عوصه / هههههههههههههههههههه الجبهه ادمرت يا جدعان
محمود / فرحان اوى يلا انجر قدامنا مبيجيش من وراك الا المشاكل
......................
فى حفله عند ماجد
ميرنا / عمرى متخيلت اشوفك هنا
سندس / كنت زهقانه قولت افك
ماجد / اتارى الحفله منوره سيدتى الجميله اهلا اهلا
سندس / ازيك يا ماجد ...يوسف
يوسف / اهلا
ماجد / ضيوف ساندى ضيوفى
يوسف / شكرا
ماجد / الرقصه الاولى شرف مش هياخده غيرى مش فاكر اخر مره كانت امتى بصراحه
سندس / ضهرى واجعنى معلش مره تانيه
ماجد / مالك يا مزه فيكى ايه من امتى
ميرنا/ معلش مرت بظروف صعبه الفتره اللى فاتت
سندس تهز راسها و تروح تقعد و يوسف يقعد جنبها
يوسف / بصراحه لولا ان صوتك مكنش عاجبنى فى التليفون مكنتش وافقت اقابلك فى ايه
سندس / ليه مكنتش هتقابلنى
يوسف / اللى حصل امبارح و لا نسيتى
سندس / كان متنرفز الله يعينه حرقوله الميكروباص و بيته و كل حاجته و دلوقت السنتر
يوسف / بس انا عمرى
سندس / عارفه بليز انا مخنوقه غير السيره
يوسف / انتوا متخانقين و لا ايه
ميرنا تقعد
ميرنا / امال فين المز
سندس/ مين
ميرنا / محمد طبعا مش فك الجبس مجاش ليه
سندس / اساليه مش معاكى رقمه
يوسف / دا الموضوع خطير بقى
سندس / متيجوا نسافر
ميرنا / قشطه فين
سندس / اسكندريه
ميرنا / فين ليه ان شاء الله اسكندريه دلوقت تلاقيه اتردمت فلاحين نو واى
سندس / يعنى ايه فلاحين يعنى ايه مش من حقهم يصيفوا يعنى
ميرنا / لا حقهم بس مش من حقهم انهم يملوا الشوارع زباله و يمشوا بالاندروير و المناظر اللى انتى عرفاها تعرف يا يوسف انا بقالى فوق الخمس سنين مدخلتش اسكندريه فى الوقت ده
يوسف / بصراحه اسكندريه متحلاش الا فى الشتا
ميرنا / واو يا يوسف اه والله
ماجد / احلى عصير لملوك الحفله
ميرنا/ واو انا بحب الاغنيه دى اوى قوم يا يوسف معايا
يوسف / مبعرفش والله
ميرنا / هعلمك تعال بقى مكلنا مكناش بنعرف
يوسف يقوم و ماجد يقعد
ماجد / زعلانه ليه احكيلى
سندس / انا مش زعلانه
ماجد يحط ايده على دقنها
ماجد / عليا برضه دانا افهمك منغير متتكلمى عشان السنتر
سندس / حرقوا السنتر و احنا جواه يا ماجد
ماجد / ساندى المصرى بتخاف مالموت من امتى الله يرحم اما كنتى بتطلعى فوق خالص و تنطى فى البول و لا نسيتى الفيلا و الحفلات و الشله كلو معدلوش طعم منغيرك وحشتينى
سندس / و انتوا كمان وحشتونى بس اهو بقى
ماجد / اشربى العصير
سندس / ميرسى
ماجد / مشربتيش ليه دانا عامله بايدى
سندس / هشرب بس سيبه
ماجد / اخبار محمد ايه
سندس / كويس
ماجد / احسن انه مجاش معاكى كان هيقفل الحفله
سندس / انا ماشيه
يوسف يشوفها قامت يروحلها ميرنا تروح وراه
ماجد / فى ايه يا بنتى انا بهزر معاكى
سندس / انا ماشيه يا يوسف لو الجو عجبك خليك
يوسف / لا خلينى اروحك
يوسف يمشى مع سندس
ميرنا / عمرها مهتتغير لازم تفضل هى سنتر اوف ذا يونيفرس ان مكنتش كريم يبقى محمد يبقى يوسف المهم متسيبش لميرنا حاجه عمرها مهتتغير
ماجد يحط ايده حوالين وسطها
ماجد / و انا روحت فين
ميرنا تحدفله بوسه و يروحوا يرقصوا
..........................
فى العربيه
يوسف / اسلام معاه حق
سندس / انت كمان بتقول كدا
يوسف / بصفتى صديق لازم اقول كدا يعنى كل انسان خصوصيته برضه دا حتى المتجوزين بياخدوا اجازات من بعض يعنى
سندس / ازاى يعنى
يوسف / ينزل يقعد عالقهوه يروح حتى الشغل لازم يبقالك حياتك الخاصه امال كنتى عايشه ازاى قبله يعنى
سندس بصوت واطى اوى  / مكنتش عايشه
يوسف / ايه
سندس / ميرنا و ماجد و حفلات للصبح و رقص مكنش عندى ثانيه فاضيه فحياتى
يوسف / و ايه اللى جد
سندس / معدتش بنبسط معدش الجو ده بيشدنى انسى انسى
يوسف / اصلا الوقت اتاخر روحى نامى انا هوصلك
سندس / انا معايا العربيه متقلقش عليا انا كنت بروح متاخر عن كدا
يوسف / مش كل مره تسلم الجره يا سندس خلينى بس اوصلك و اطمن عليكى
سندس / ملكش دعوه
....................
قدام الفيلا سندس راكبه العربيه لوحدها و بتفكر
اسلام / انا مبحاولش افرق بينكوا بس لازم تحافظى على المسافه اللى مبينكوا
يوسف / لازم يبقالك حياتك الخاصه امال كنتى عايشه ازاى قبله يعنى
سندس / مكنتش عايشه ..... فيها ايه يعنى صح صح
سندس تسوق العربيه و تطلع
......................
فى شقه اسكندريه
سمره / هموت و اناااااااااااااااام
محمد يدخل البلكونه
محمود / زمانهم نايمين الصباح رباح
محمد يرجع و يهز راسه و يدخل جوه و ثوانى و عوصه و الاول يطلعوا بره الاوضه
محمد / هتناموا بره عشان اللى عملتوه
.....................
فى شقه سندس فى اسكندريه
سندس تدخل و هى مدايقه تنفخ و تقفل الباب الحديد بالمفتاح و وراه باب الشقه بالمفتاح و الترباس و تدخل اوضتها و تقفلها بالمفتاح
سندس / ايه ده كلو
........................
فى الفيلا
اسلام / هى سندس لسه مصحيتش
ساره / مشوفتهاش
اسلام / مش معقول يعنى دى نايمه من المغرب
شوق / انا ماشيه بقى عاوزين حاجه
اسلام / اه عاوزك فى موضوع كدا ثوانى فى المكتب
ساره / انا هطلع اصحى سندس
ناهد / افطرى و بعدين اطلعى انا مش هفطر لوحدى يعنى مش كفايه اخواتك مالنجمه باعونى وراحوا النادى
ساره / معلش يا تيته تمرين السباحه بتاع فريده و اميره و طارق عندهم قافله طبيه
ناهد / اميره و طارق دول راخرين دا وقت شحطته ده
ساره / دا احلى مفيهم يا تيته و يمكن الخير ده هو اللى جمعهم على بعض تانى
ناهد / تعرفى يا ساره انا من اول مره شوفتك قولت البت دى هتبقى حته من قلبى
ساره / تسلميلى يا تيته
..................
فى شقه محمد فى اسكندريه الكل نايم
تليفون محمود يرن يرد و هو نص نايم
محمود / الو
سندس / صحيتك سورى بجد
محمود / مين
سندس / سندس اتصلت على محمد غير متاح هو جنبك
محمود / اه ثوانى هصحيه
سندس / لا خلاص سيبه حصل خير زمانكوا سهرانين طول الليل سورى بجد انا هقفل
محمود / محصلش حاجه
سندس/ صحيح عجبتكوا الشقه انا فرشاها بنفسى
محمود / شقه ايه
سندس / هو محمد مخدكوش الشقه بتاعتى
محمود / لا دى شقه ماجرينها
سندس / ليه دا حتى شقتى عالبحر
محمود / دى بناجرها كل سنه اهو جنب المنتزه و كدا
سندس / فى المندره ؟؟
محمود / اه
سندس / وااااو صحبتى عندها شقه هناك ناحيه ماكدونالدز كدا
محمود / اه احنا الشارع اللى قبله و انتى رايحه المنتزه عرفاه
سندس / اه و اكيد طبعا عالبحر
محمود / لا والله جوه تالت عماره بس بنشوف البحر اكمننا فى التاسع
سندس / اه كويس تلاقيها حر اكمنها قبلى
محمود / لا دى شقه فى النص لا قبلى و لا بحرى
سندس / ياخبر دانا فوقتك معلش سورى عشمى بقى
محمود / ولا يهمك
سندس / اوك لما محمد يصحى بقى ابقى اكلمه سورى تانى سلام
......................