((((((((((سكة السلامه )))))))))))))))
#لولو_محمد
الحلقه لسابعه عشر
سلامه / اخر الكلام ان كنت فاكر ان الحركه الهبله دى هتهتنى فاحب اقولك انى ربايه شوارع و هردهالك
مهاب / فى ايه هتحرق عربيتى و لا الفيلا و لا الشركه و لا ايه
سلامه / هحرق قلبك على فلوسى اللى تحت ايدك لما اخدها منك
مهاب / ربنا يوفقك صحيح انا بكره هروح ابص عالنتيجه هو انا مقولتلكش انا ماسك كنترول رابعه
مهاب يبص لمحمد
محمد / و تفرق فى ايه النتيجه مع واحد مليونير
محمد يبص لسلامه و يبتسموا و يبصوا لمهاب و يسيبوه و يمشوا
.........................
فى اوضه ساره
ساره قاعده على سريرها و بتعيط و تفتكر
////////////////////////////
فى شقه فخمه ساره 19 سنه نايمه على سرير مهاب يدخل يقعد جنبها و يلعب فى شعرها
مهاب / ايه يا بنتى كل ده نوم
ساره تفتح عينها و تفتح دراعها و تنام فى حضنه
ساره / صباح الخير على فين بدرى كدا
مهاب / انا رايح الكليه انتى كمان المفروض تلبسى و تروحى
ساره / كليه ايه اللى اروحها بس و انا معايا المنهج هنا
مهاب / انا عاوز اكلمك فى حاجه
ساره / خير يا حبيبى
مهاب / الاول انتى خدتى الحبايه
ساره / يووه عليك والله باخدها كل يوم باخدها و فى نفس المعاد و برده كل يوم تسالنى ايه بقى
مهاب / بطمن والله بس يا قلبى
ساره/ متخافش باخدها المهم كنت عاوز تقول ايه
مهاب / انتى عارفه ان عموا راجع مالسفر النهرده هو و طنط
ساره / ياربى متفكرنيش مش هعرف اجى هنا براحتى و هنرجع للتزويغ و الحجج تانى
مهاب / انا كلمته و اتفقت معاه
ساره / على ايه
مهاب / انه يخطبلى بنته النهرده
ساره تقوم تقعد
ساره / بجد
مهاب / ايوه
ساره تقف و تتنطت عالسرير يشدها يقعدها
مهاب / اعقلى يا بنتى
ساره / اعقل ايه انت خليت فيا عقل يا خبر دانا يادوب انزل
مهاب / الله رايحه فين
ساره / الله هو مش انا عروسه و لازم اجهز وسع وسع
مهاب / وسعت
.........................
فى الكوافير
تليفون ساره يرن
ساره / الو ..... ايوه يا مامى انا فى البيوتى سنتر ..... الف حمدالله عالسلامه ...... ساعه بالكتير و هكون عندكم مش هتاخر سلام
..............
فى البيت
ساره تركن العربيه و تنزل و هى لابسه فستان قصير منفوش و عامله شعرها و ميكب و لا احلى عروسه و تدخل الفيلا تلاقيهم كلهم متجمعين وواقفين حوالين كنبه و بيدحكوا تحط ايدها على كتف اميره اميره توسعلها تلاقى مهاب بيلبس فريده خاتم و ناهد بتزرغط
فريده / بس يا تيته الله
ناهد / حفيدتى الصغيره بتتخطب فى ايه طب دانا هملى الدنيا زغاريط النهرده
ست / ساره حبيبتى حمدالله عالسلامه تعالى اوريكى جبتلك ايه تعالى
الست تشد ساره و هى متنحه فى الخاتم و عنيها كلها دموع
فريده / شوفتى مهاب كان عاملهالى مفاجاه فى احلى من كدا ايه رايك فى الخاتم
ساره تبص لمهاب و الدموع تنزل من عينها شاب جنب اميره متابع
الشاب/ ايه يابنتى كل ده عشان مستنيناكيش يا ستى ملحوقه ابقى رديهالهم فى خطوبتك تعالى تعالى
الشاب و الست بيشدوا ساره تقع فى الارض و صوت صريخ من البنات
/////////////////////////////////
باب اوضه ساره يخبط ساره تمسح دموعها
ساره / ادخل
سلامه يدخل
سلامه / عامله ايه دلوقت
ساره / كويسه الحمد لله اتصلت عليك كتير مردتش
سلامه يتنهد / معلش كنت مشغول
ساره / خير
سلامه / الميكروباص اتحرق
ساره / يا خبر و مين عمل كدا .... متقولش مهاب ؟؟؟
سلامه / تصدقى انه اعترف تحت و تصدقى بجاحه اكتر من انه بيهددنى بمستقبل محمد
ساره / انا اسفه انى ورطتكوا مع حيوان زى ده
سلامه / انتى كنتى خارجه من عنده بتعيطى ليه
ساره / مفيش مجرد شوفته بتقفلى يومى
سلامه / لا يا ساره فى حاجه
ساره / متشغلش بالك انت انا واخده على كدا تمن سنين فى الهم ده هتعمل ايه انت
سلامه / و لا حاجه مدام محدش اتعور خلاص محمد اللى زعلان اوى لما ربنا يكرمنى و التحاليل تبان هجيبله واحد بداله دا برده بتاع ابوه الله يرحمه
ساره / و تستنى ليه انا رايى نقول لتيته هى هتتصرف
سلامه / و لو مطلعتش اسلام
ساره / هتطلع احنا بناكد بس انت اسلام المصرى
سلامه / ميمكن مهاب بيلعب بيكى يا ساره
ساره / مستحيل رد فعله و كل اللى بيعمله بيقول انك اسلام فعلا و انه متاكد من كدا
سلامه / انتى عارفه مكان اوضتى لو حبيتى تتكلمى فى اى وقت انتى عارفه طريقى حتى لو نايم صحينى
ساره / شكرا
سلامه / عن اذنك
سلامه يمشى و يقفل الباب وراه و ساره تكمل عياط سندس تفتح الباب و تدخل
سندس / انا اتخانقت مالبيت ده خلاص
ساره / و مين سمعك بس ملناش مكان غيره
سندس/ ازاى يعنى داحنا لينا مكان فى كل حته
ساره / و هتسيبى تيته هتسيبى اخواتك و اهلك
سندس / قال يعنى احنا فارقين مع حد
ساره / محمد عامل ايه
سندس / و انا مالى و مال محمد
ساره / هو مقالكيش انا فكراكى مدايقه عشان عارفه
سندس / عارفه ايه ايه اللى حصل
ساره / الميكروباص بتاعهم اتحرق
سندس / نو واى
ساره / يس واى دا اللى حصل
سندس / عن اذنك
..........................
فى اوضه محمد
سندس تفتح الباب تلاقيه بيصلى تروح تقعد جنبه و تفضل بصاله و هى مبتسمه اول ميسلم يبصلها
محمد / خير
سندس تبص قدامها شويه و بعدين تبصله
سندس / انا جايه احزرك لو فكرت تردلى مقلب الصبح او تقرب من هدومى احنا معدناش صحاب عشان نعمل مقالب او نهزر سوا ماشى
محمد / مش فى دماغى اصلا
سندس/ انا بقول بس
محمد / ماشى قولتى خلاص حاجه تانى
سندس / لا انا الغلطانه انى جيتلك اصلا فاكر نفسك مين يعنى
محمد يتنرفز/ حته سواق ميكروباص و لا راح و لا جه انتى اللى فاكره نفسك مين فاكره نفسك مركز الكون فاكر انك مهمه اوى انى اسيب كل اللى ورايا و اللى قدامى و افكر ازاى اردلك حركات العيال بتاعتك
سندس / مش انا اللى حرقت الميكروباص متطلعش فيا همك
محمد / تصدقى انا الغلطان انى قاعد هنا اصلا انا راجع بيتنا
محمد يجى يمشى سندس تمسك ايده يبص وراه يلاقيها بتعيط
سندس / متمشيش
محمد / ليه
سندس / منغير سبب
محمد / مفيش حاجه اسمها منغير سبب
سندس / اش فهمك انت يعنى حاجات كتير بتحصل منغير سبب كل حاجه بتحصل منغير سبب مش لازم يكون فى سبب
محمد / انتى مجنونه يا بت
سندس / اه عاجبك و لا لا
محمد / و ان قولت لا
سندس / تبقى غبى و يلا غور من وشى
محمد / دى اوضتى
سندس / غبى
سندس تسيب الاوضه و تمشى
..........................
فى اوضه سندس
محمد يخبط و يدخل يلاقيها بتلعب فى الموبايل تسيبه و تقوم تقف سندس تتكلم بحزن و بهدوء تعاتب
محمد / انا خبطت على فكره
سندس / عاوز ايه
محمد / انا جاى اعتزر انى زعقت فوشك انتى معاكى حق مينفعش اطلع فيكى همى
سندس / مينفعش تدحك عليا و تخلينى اسيب الحفله عشان تخرجنى و فى الاخر تسبنى فى الشارع و تمشى دى حركات عيال على فكره
محمد/ و اللى عملتيه
سندس / انت مش لسه قايل انى مجنونه
محمد / انتى مين
سندس / يعنى ايه انا مين
محمد / و لا حاجه لو عاوزه ممكن بكره اعوضك
سندس / لا بكره الجمعه مبخرجش ليا طقوس كدا بحب اعملها
محمد / اوك اللى يريحك بس انا مديونلك برده
سندس / كنت بحاول اقولك ان مينفعش نسمح لحد يهينكوا هنا او بره عشان بيبقى صعب عليا اسمع كلام عنكوا انتوا اهلى برده دلوقت
محمد / مش فاهم
سندس / عن الاتيكيت خناقه فريده الصبح و الكلام اللى قالوه لاسلام
محمد / معرفش حاجه عن الموضوع ده انتى عشان كدا كنتى عاوزه الكورس
سندس / شوفت بقى انك غبى
محمد / انتى اللى اسلوبك وحش لو كنتى فهمتينى بالراحه زى دلوقت كنت فهمت
سندس / انا لما بتعصب مبعرفش اعبر و كنت مخنوقه اوى ساعتها و انت بدل متسمع سبتنى و مشيت
سندس تدمع
محمد / انا اسف
سندس / انا مش زعلانه منك دا عادى مكنتش مستنيه منك حاجه اصلا كتر خيرك انك لسه بتتعامل معايا بعد كل اللى عملته معاك
محمد / انتى كويسه
سندس / لا
محمد / طب اقعدى نتكلم
سندس / لا انا عاوزه انام
محمد / لىه متقوليش ان دا مقلب جديد هتعمليه فيا عشان بجد صدقته
سندس تبصله و تسكت
محمد / انتى بتعيطى بجد
سندس / انا مش عوزاكوا تمشوا ابدا حتى لو هستحمل واحد غبى زيك
محمد يدحك
محمد / و انا كمان مش عاوز امشى على فكره حتى لو هستحمل مجنونه زيك نامى ياختى
محمد يطلع مالاوضه و يروح اوضته يلاقى موبايله بيرن يرد
محمد / ايوه يا سمره ازيك
سمره / مبتردش ليه يا زفت اتصلت مليون مره
محمد / مكنتش فى الاوضه و نسيت الموبايل ازيك واحشنى
سمره / يا راجل انت فاكرنا بس حقك الصراحه انا لو مكانك كنت بعت اهلى ذات نفسهم
محمد / والله مقادرلك انت اصلا مش عارف اللى جرالى
سمره / انا سمعت اللى حصل فى الميكروباص بس مفتكرش ان ده يفرق معاك دلوقت
محمد / يا سلام
سمره / ايه ده هو يفرق انا اسف انا فاكرك يعنى اكمنك
محمد / انا هنا مع اخويا و لحد النهرده بنصرف من جيبنا لحد مالتحاليل تبان
سمره / اخبارها ايه
محمد / هتبان كمان يومين بالكتير باذن الله
سمره / انت غبى ياله
محمد / ههههههههههههه لا دا فى اجماع بقى
سمره / ايه
محمد / متاخدش بالك
سمره / بكلمك عن سندس ياله صورتكوا مولعاها
محمد / صوره ايه
سمره / انت مش عايش معانا و لا ايه دا الفيس مقلوب من امبارح واحده فى اولى اسمها ميرنا الوكيل نزلت صور من حفله كدا و فيهم صوره ليك انت و سندس و انتوا حاضنين بعض بس صوره جامده
محمد / بتهزر ابعتلى الصوره دى
سمره / انت هتصيع عليا ايه فوتوشوب يعنى استنى هبعتهالك عالواتس
محمد / اولا ميرنا دى صاحبه سندس كنا فى حفله فعلا امبارح بس احنا مكملناش ربع ساعه و مشينا
محمد تجيله رساله صورته هو و سندس بيرقصوا سلو هى حاطه ايدها حوالين رقبته و هو حطت ايده على وسطها و بيبصوا فى عنين بعض و مبتسمين
سمره / على فكره البت ايناس عملت منشن فى الصوره لمنى و منى عملت لايك يا معلم
محمد / انا مالى انا بمنى و لا بزفت
سمره / بس اقسم بالله لايقين على بعض و لا نجوم السيما ياله
محمد / ياخى اتلهى
سمره / بقولك ايه هشوفك بكره ماشى
محمد / بالليل حاضر
سمره / قشطه سلام بقى عشان الرصيد
محمد / سلام
محمد يفتح الصوره و يبص فيها تانى و يبتسم و يروح اوضه سندس يلاقيها نامت
محمد / ايه العسل ده صحيح نوم الظالم عباده
محمد يغطيها و يطفى النور و يخرج و يقفل الباب وراه
............................
فى اوضه حنان
حنان / ادى اللى كنت خايفه منه
شوق / ليه مش كنتى اول واحده مشجعاه
حنان / انا كنت مشجعاه انه يلاقى اهله بس كنت خايفه ان اكيد الموضوع مش هيكون بالساهل كدا
شوق / قدر الله و ما شاء فعل والله تيته زعلت اوى لما عرفت و قالت هتجيب واحد احدث موديل هديه طبعا فريده هانم اعترضت ميكروباص ايه يا تيته اللى بتقولى عليه
حنان / انا مش فاهماها خالص فريده دى حاجه صعبه بصراحه
شوق / قال اخته الكبيره قال سيبك ها هتخرجوا تانى امتى
حنان / مش عارفه متفقناش
شوق / خايبه نامى نامى
حنان / سبتلك الشطاره
شوق / صحيح مقالكيش اى حاجه عن مصطفى
حنان / لا متكلمناش عنه خالص الصراحه
شوق / طب نامى نامى
.......................
تانى يوم الصبح محمد يفتح اوضه سندس يلاقيها مترتبه عالاخر و سندس مش فيها
محمد / بتتعبى اوى والله يا ماجى
محمد يقفل الباب و ينزل تحت يلاقى ناهد قاعده يقعد جنبها و يبوس ايدها
ناهد / باستك العافيه يا حبيبى عامل ايه
محمد / الحمد لله هى سندس خرجت و لا ايه
ناهد / لا النهرده الجمعه والله يابنى الجمعه بالنسبالى عيد اليوم الوحيد اللى ببقى عارفه فيه سندس فين
محمد / هههههههههههههه امال ملقتهاش فى اوضتها يعنى
ناهد / هتلاقيها فى الجيم
محمد / الله مش قولتى انها مبتخرجش
ناهد / ههههههههههههههههههههه الجيم تحت بص امشى كدا طوالى هتلاقى باب عاليمين ده الجيم هنا
محمد / بسم الله ما شاء الله فى جيم فى الفيلا طب كنتوا قولوا كنت اعتكفت فيه هطلع اغير و اروح ازوره بقى
ناهد / هههههههههههههه يديك العافيه يابنى
محمد / امين يا تيته انا و انتى يارب
....................
محمد يفتح باب الجيم و يدخل يلاقى اتنين تريدميل فوشه و ازاز على مكان ضلمه يبص على شماله يلاقى ستاره حمره يفتحها يلاقى كميه ميداليات و كؤؤس و صور لسندس و هى صغيره و هى بتتكرم مع بباها و ماماتها و زياد
محمد / انتى مين يا بنتى
محمد يقفل الستاره و يشغل التريدميل و يبدا يجرى عليها شويه و يفتح ازازه الميه و يشرب النور قدامه ينور و اغانى تشتغل و سندس تبان من الازاز و هى لابسه لبس الجمباز تقدم عليها استعراض جمباز محمد يتف الميه تيجى عالازاز ينزل بسرعه يمسحها و يتفرج سندس تنط تلف فى الهوا لفتين و تنزل واقفه و تكمل حركات و محمد واقف مزهول و فاتح بقه من مهارتها يبص على يمينه يلاقى اوكره الباب اللى بينزل للسلم تحت يروح يفتحه تكون الاغنيه خلصت يقف فوق يسقف سندس تنحنى و تحييه
محمد / لا بجد كنتى جامده
محمد ينزل تحت يلاقى صاله جيم كامله مجهزه بكل حاجه ماعدا التريدميل فوق
سندس / انت عرفت هنا لوحدك
محمد / لا تيته قالتلى
سندس / طب يلا عيش بقى و متعطلنيش
محمد/ ممكن اتفرج
سندس / براحتك اقعد
محمد يروح يقعد جنب السماعه و سندس تشغل اغنيه تانيه و تعمل عليها حركات اصعب من اللى قبله و كل متيجى تعمل حركه خطره محمد يقوم يقف و يرجع يقعد
سندس / انت وترتنى ايه عمرك مشوفت جمباز قبل كدا
محمد / انت ازاى ساكته على نفسك المفروض تنافسى فى الاولمبيات على فكره
سندس / ميرسى بس الميداليات مبتستهونيش
محمد / بطلى كدب بقى صورك فى الدولاب بتقول غير كدا
سندس / مكنتش ببقى فرحانه بالميداليه على قد فرحتى بفرحه اهلى بيا
محمد / انتى بتبقى فرحانه و انتى بتعملى الحاجات دى خدت بالى انك بتبقى مبسوطه
سندس / تلت حاجات مقدرش اعيش منغيرهم
محمد / و هما
سندس / الرقص و الاكل و ... وسع كدا انا زهقت مالرقص النهرده عن اذنك بقى اغير المود
محمد / مقولتليش التالته
سندس تجرى عالسلم و محمد وراها ميحصلهاش
محمد / لا بس حلوه الجرايه دى
محمد يشغلها ثوانى و يسمع صوت حاجه بتقع فى الميه يفتح الباب بسرعه و يطلع يقف على حمام السباحه يلاقى سندس بتقب
محمد / انتى مجنونه انتى نطيتى من فوق
سندس / انت بتخاف و لا ايه
.....................
محمد / انتى بتضربى ايه يا بت هاه
سندس تدحك و تغطس و تفضل رايحه جايه خيالها بس اللى باين فى الميه و تطلع تاخد نفس و محمد متابعها سلامه يطلع يقف سندس تشاورله يمسك البشكير و يروح يشدها و يلفها بيه
سندس / شكرا
سلامه يشاور لمحمد يمشى فمحمد يدخل الجيم تانى و سندس تنشف نفسها و تلبس
سلامه / لا بجد ابهرتينى اول مره اشوف حد بيعرف يعوم حلو اوى كدا
سندس / ميرسى
سلامه / تعرفى انا مبعرفش اعوم بس ممكن تبقى تعلمينى
سندس / طبعا اللبس الميوه و انا هعلمك
سلامه / احنا فى شهر اتنين يا حياتى العوم بيسقع
سندس /لا الميه دافيه
سلامه / بس هو فى برده مشكله صغيره
سندس / خير
سلامه / مبحبش الميوهات بصى انا عارف انى جديد و انى مينفعش اتحكم فيكى و انا والله مش بتحكم بس انا اخوكى الكبير و بصراحه ميصحش محمد يشوفك كدا
سندس / لو كنت فى مسابقه كنت
سلامه / منغير متكملى دلوقت فى ميوهات اسلامى و كل انواع الميوهات مش لازم يعنى ده ممكن نخلينا حتى واحده واحده اللى هو شورت و نص كوم ده و بعد كدا نبقى نطوله
سندس / اسلام انا
سلامه / عشان خاطرى يا سندس بجد والله غرت عليكى
سندس / اوك حاضر هشوف
سلامه يقوم يبوس راسها
سلامه / خشى بقى مالبرد و انا هعملك احلى نسكافيه يدفيكى تعالى
سندس تدخل مع سلامه
.............................
أنت تقرأ
سكه السلامه بقلم / لولو_محمد (كامله )
Romansشاب فقير يجد اهله الاثرياء بعد غياب عشرون عاما ليجد نفسه امام تحديات كثيره لم يكن يتوقعها
