سكه السلامه بقلم / لولو_محمد (كامله )

الحلقه ١٦

(((((((((سكة السلامة )))))))
#لولو_محمد
الحلقه السادسة عشر
محمد / هاتيهم و انا اللى هحفل عليكى و عليهم
سندس / انت هتهدننى و لا ايه فوق شوف انت بتكلم مين
محمد / هكون بكلم مين يعنى حته بت اوزعه مجنونه لسانها طويل
سندس/ احترس من كل من اقترب من الارض
محمد / مبخافش
سندس / خمس دقايق لو ملبستش هسيبك و امشى
محمد يجرى عالحمام و سندس واقفه بتدحك
..............
على حمام السباحه
سلامه / بس يا ستى و اتقمصت و مشيت و فريده مشوفتهاش و لا هى و لا العيال قولت اروح الشركه يمكن افهم اى حاجه ابدا فضلت رايح جاى و من قسم لقسم ابص فى ورق و ملفات و اللعب عالكومبيوتر و اللعب فى الموبايل و اخر مزهقت روحت اتغديت و قعدت مع تيته شويه و بعدين طلعت نمت
ساره / طبعا تيته مصدقت لقت حد يسمعها و هرتك حكاوى
سلامه / احلى حكوى
ساره / ليه خكتلك ايه
سلامه / حكتلى يوم ولادتى وقد ايه كانوا كلهم فرحانين و السبوع بتاعى و  حكتلى كمان ازاى بابا و ماما شافوا بعض و حكتلى عنك
ساره / عنى
سلامه / بصراحه انا اللى سالت
ساره / ليه
سلامه / اممم بصراحه عندى فضول اعرف حاجات كتير اوى يعنى انتى جازفتى بكل حاجه عشان خاطر
ساره / انت جيت وسطينا انت متخيل انى بصحى كل يوم مش عارفه اختى روحت و لا لا و الشخص الوحيد اللى عارف هى فعلا فين هو اوطى شخص خلقه ربنا منتهى الرعب
سلامه / تيته قالتلى انك و مهاب يعنى
ساره / للاسف مهاب اللى ربانى كان بالنسبالى اخ و صاحب و
سلامه / سكتى ليه
ساره / ابويا مات تلت مرات يا سلامه انا البنت الوحيده فى الكون اللى ابوها مات قدامها تلت مرات و فى كل مره نفس الحزن قلبى وجعنى معدليش غير ساندى
سلامه / تيته لو سمعتك تزعل
ساره / تيته ناهد دى مكعب السكر اللى محلى حياتى بجد مفيش كدا ابدا
سلامه / انا اسف تانى بس بجد مهاب اكبر منك ب 16 سنه
ساره / انت مصر يعنى
سلامه / لا خلاص خلاص كفايه امبارح عليكى انا بس مش قادر افهم فريده اسف اسف خلاص خلينا فىكى انتى احكى عملتى ايه فى البلد
ساره / روحت هناك و كالعاده قابلت ابن عمى معتز اكتر بنى ادم خنيق ممكن تقابله فى حياتك ايه اللى انتى لابساه ده مش متحجبه ليه مش عامله ليه مش المفروض تبعتى فلوس عشان فواتير الغاز و الميه بتاعه شقتكوا
سلامه / و انتى قاعده فيها
ساره / لا و المفروض انها مقفوله بس تخيل بتجيلنا فواتير ميه و غاز و كهربا و مش قليله كمان بس انا مبروحش غير يوم واحد فى السنه
سلامه / حد غيرك معاه المفتاح
ساره / اللى دايقنى المرادى بجد مرات عمى بتقولى انها مش هتسكت على قعادى منغير جواز و ان الناس هتتكلم علينا و انها هتدورلى على عريس مع انى كبيره و الناس فى البلد بيحبوا البنات الصغيرين
سلامه / ههههههههههههههههه
ساره / بتدحك انا اصلا مش عارفه بحكيلك ليه
سلامه / خلاص مش هدحك تانى
ساره / طب ادحك على دى معتز السنه اللى فاتت اتقدملى قالى ايه بقى شوف
سلامه / ادينى
ساره / معتز ده اصلا متجوز و عنده ولدين و هو اكبر منى ب 7 سنين و جه و قالى انه مش قابل على كرامته انى اعيش فى بيت ناس غرب يصرفوا عليا و انه فكر على اساس ان عنده مخ يعنى
سلامه / هههههههههههههه
ساره / و استخار ربنا و قرر انه يطبق شرع ربنا و انى اكون زوجه تانيه
سلامه / ههههههههههههههههههه اسف اسف و قولتى ايه
ساره / قولتله هصلى استخاره و ارد عليك و لحد النهرده مردتش
سلامه / ههههههههههههههههههههههههههههههه لا بجد مش اسف انا اصلا مش قادر
مهاب واقف فى بلكونه اوضته بيتفرج عليهم و هما بيدحكوا
ساره / بطل بقى انا مدايقه
سلامه / حد فى الدنيا يدايق و هو عايش فى فيلم كوميدى زى ده
ساره / و حياه اغلى حاجه عندك يا سلامه متطلع واطى فى الاخر لانك الامل اللى باقى
سلامه / انا يوم ممهاب ادانى الشيك مش الفلوس اللى عمتنى الخوف يا ساره خوفى من انى مكنش قد المسؤليه خصوصا بعد معرفت حوار ساندى و فريده و اميره هقدر اساعد بجد و لا لا هكون قد المسؤليه و لا لا
ساره / مجرد انك تخاف دا شئ كويس يعنى على الاقل هتحاول بكل طاقتك
سلامه / و مين فى الدنيا ميحاربش عشانكوا
ساره تبتسم مهاب يدخل
مهاب / بسم الله ما شاء الله العيله كلها فى البيت النهرده
سلامه / ازيك يا مهاب اتفضل اقعد
مهاب / اخاف اكون عزول
ساره / انا هقوم اشوف اخبار الفطار ايه عن اذنكوا
ساره تقوم و مهاب يقعد مكانها
مهاب / قالولى انك كنت فى الشركه امبارح
سلامه / انا كنت فى حتت كتير اوى امبارح
مهاب / طب معدتش عليا فى المكتب ليه
سلامه / محبتش ازعجك
مهاب / مفيش نمله بتخش الشركه الا لما بعرف دخلت امتى و خرجت امتى و عملت ايه
سلامه / انت فاضى بقى
مهاب / تقدر تقول بعرف انظم وقتى
سلامه / كويس
مهاب / انا عاوزك تعرف انك لو اسلام ده شئ يفرحنى بس لو مطلعتش هو
سلامه/ وفر كلامك كام يوم بس هانت و كلنا هنعرف
مهاب / انا بس بتكلم عن سيبانك شغلك و اكل عيشك
سلامه / متشلش همى عن اذنك
......................
فى اوضه محمد
محمد يطلع مالحمام يلاقى سندس نايمه عالسرير على بطنها و بتلعب رجليها و بتلعب فى موبايله يحدف عليها الفوطه و يبدا يدور فى الدولاب
محمد / بتاعك ده
سندس / لو عليه حاجه تخاف منها ابقى اعمله باسورد
محمد / لا و اخاف من ايه خدى راحتك
سندس / انت عارف انا لقيت ايه لما صحيت
محمد / ايه العقرب بتاعك سابك و مشى
سندس / بطل رخامه لقيت 58 مسد كول و اتناشر رساله
محمد / هههههههههههههههههه كريم اكيد هو فى واحد واقع كدا
سندس / لا مش كريم او على الاقل مش كلهم
محمد / فين فنلاتى
سندس / فى مكان ما
محمد يبصلها و يربع ايده و هى بتلعب فى الموبايل
محمد / دا اخرك يعنى فى الصياعه
سندس / المهم كنت بقولك ان
محمد / ثوانى و جايلك
سندس / انت هتضيع اليوم كدا يلا عاوزين نمشى
محمد يطلع مالاوضه و سندس بتجرى وراه
سندس / انت يابنى اسمع بس
محمد يروح اوضه سلامه و يفتح الدولاب و ياخد منه فنله
سندس / بتهزر
محمد / فكرانى هغلب
سندس / حطتهم تحت السرير ممكن ترجعها بقى
محمد / لا مضمنكيش بصراحه
سندس / انا عامله عليك و بعدين مش عاوز تسمع ايه اللى حصل و احنا نايمين امبارح
محمد / اخد حمامى الاول عشان افوقلك
سندس / انت هتقضى نص عمرك فى الحمام ايه الهم ده انا نازله افطر
محمد / ابقى سيبى حاجه للغلابه مش عارف انا بتودى فين دى
سندس تزغده يدحك
..........................
الكل متجمع عالسفره ماعدا حنان و سندس و محمد سندس تنزل عالسلم
اميره / مش معقول سندس صاحيه بدرى
سندس / متاخدوش على كدا
سلامه / امال محمد و حنان فين
شوق / حنان نزلت من بدرى تجيب حاجات للشقه هى و حمدى مهى قيلالك امبارح
سلامه / اه عارف بس مكنتش فاكر هينزلوا بدرى كدا
شوق / اهو قالوا يخلصوا بدرى بدرى
سلامه / محدش صحى محمد
محمد ينزل و شايل هدوم بيضه و سندس تمنع نفسها مالدحك بالعافيه و يروح و يرميهم على راسها تسخسخ مالدحك
مهاب / ايه ده يا محمد
محمد / اسالها يا دكتور
سلامه يقوم يبص على الهدوم اللى عالارض يلاقيها مقطعه كلها
محمد / البت دى تروح دكتور نفسى عندها عقد مالفنلات شوفت عملت ايه فى هدومى انا خدت واحده من دولابك خمسه و نازل
مهاب / انتى اللى عملتى كدا
سندس / ايه كنت زهقانه و هو بيطول اوى فى الحمام
ناهد / البت دى لسعت خلاص
سندس / امممم ايه الفطار الجامد ده
سلامه / لو قربتى من دولابى هعلقك
سندس / ههههههههههه كاس و ماشى يا ابيه كاس و ماشى
سلامه / حزرتك
الكل يقعد ياكل سلامه يمسك رغيفين عيش بلدى و يضربهم فى بعض و يفركهم و الكل بيبص عليه و يمسك واحد و يقطع لقمه و يغمس فول و ياكل احمد يمد ايده و يعمل زى خاله بالعيش
فريده / احمد حبيبى مبنعملش كدا
احمد / ليه مخالوا عمل
فريده تبص لسلامه
فريده / حبيبى احنا قولنا بناكل ازاى
احمد / حاضر يا مامى
احمد يجيب توستايه و يدهنها عسل و ياكل
فريده / شاطر
الكل ياكل فى هدوء سلامه يمد ايده و ياخد بيضه مسلوقه و يخبطها فى راسه و يقشرها اسلام الصغير يدحك و يقلده
فريده / لا بقى كدا كتير فى ايه
ناهد / فى ايه يا فريده متكبريش الموضوع
فريده / طبعا و انتوا يهمكوا فى ايه عادى لما نروح نفطر وسط الناس فى يوم تلاقى ولاد فريده المصرى بيسقفوا بالعيش و يكسروا البيض براسهم عادى مش كدا و لسه ياما هنشوف .... ماجى بعد كدا انا و الولاد هنفطر لوحدينا فى اوضتى .... انا رايحه النادى عن اذنكم يلا يا ولاد هنتاخر عالتمرين
فريده تاخد العيال و تمشى و ساره تمسك ايد سلامه و مهاب باصص
مهاب / متزعلش يا سلامه هى طبعا متقصدش تهينك بس انت عارف احنا بنتعامل مع ارقى طبقات المجتمع عن اذنكوا
مهاب يقوم
شوق / هو ايه الهبل ده
سلامه / انا شبعت عن اذنكوا
شوق / سده تسد نفسهم هو فى كدا
ساره / انا كمان شبعت عن اذنكوا
ساره تقوم و را سلامه و محمد بنزل
محمد / انا جاهز
سندس / انا كمان شبعت يلا يا محمد
محمد / طب افطر طيب
سندس / قولت يلا
محمد يشد شريحه رومى و يمشى وراها
شوق / ملعونه الفلوس اللى متخليش الواحد يتهنى بلقمه
ناهد / صدقتى يا بنتى والله صدقتى
ناهد تبص لاميره و ياكلو
.......................
فى اوضه سلامه
ساره تخبط و تدخل
ساره / متزعلش هى فريده كدا بتهتم اوى بالمظاهر
سلامه / فريده مغلطتش من حق كل ام انها تحافظ على ولادها و هى اكيد تعبت عشان تربيهم
ساره / انت شايف كدا
سلامه / كل ام بتحلم ان ولادها يكونوا احسن حاجه فى الدنيا و كل اب كمان و انا خالهم المفروض اكون قدوه
ساره / فدى معاك حق
سلامه / بعد مشاب ودوه الكتاب مستحيله طبعا
ساره / هى ايه اللى مستحيله
سلامه / يعنى تفتكرى ممكن اتعلم اكل بالشوكه و السكينه زيكوا كدا ممكن اتعلم اتكلم كدا تفتكرى سهله
ساره / انت بتدور عالسهل من دلوقت مشكله المظاهر دى اقل حاجه فى البيت ده
سلامه / قصدك ايه
ساره / يعنى كلها كام يوم و النتيجه تبان و الحرب تبدا و هدوء مهاب مجننى انا قلت على الاقل ان
تليفون سلامه يرن
سلامه / لا مؤاخذه ثوانى ... الو ايوه يا ابراهيم ازيك .... ايه امتى ده حصل .... انا جاى حالا
ساره / فى ايه خير
سلامه / انا لازم امشى هكلمك بعدين سلام سلام
ساره / طب ابقى طمنى ماشى
سلامه ميردش و ينزل يجرى
......................
فى العربيه
محمد / لا مهو كدا مش هنخلص بقالك ساعه ماسكه الساندوتش و مقطمتيش و لا قطمه
سندس تحط الساندوتش فى الكيسه
سندس / مليش نفس
محمد / ليه
سندس / مفيش
محمد / لا بقولك ايه انا خلقى ديق و اكره ما عليا كلمه مفيش دى بتعصبنى و انا لما بتعصب ببقى غبى
سندس / مش محتاج تتعصب عشان تبقى غبى
محمد / يابت اتلمى انت مش حمل قلم
سندس / قال يعنى تقدر
محمد / مبلاش انتى تتكلمى
سندس / انت غبى غبى غبى اخرك هاته
سندس تنزل مالعربيه و تسند عليها
محمد / هو فى ايه
محمد ينزل و يلف يروح يقف جنبها
محمد / ليه كل ده مالك مكنا كويسين
سندس / اسمع من بكره الصبح انت و شوق و حنان و سلامه هشتركلكوا فى كورسات اتيكيت
محمد / مش عاجبينك احنا مش قد المقام مش كدا
سندس / مش قولتلك انك غبى
محمد / معلش اجى ايه انا جنب ولاد الزوات اللى تعرفيهم هاه و عالعموم انا مش هضيع وقتك اتصلى بكريم هو اذكى منى يلا اركبى عشان اروحك
سندس / مش عاوزه اروح
محمد / المفتاح اهو انا اصلا غلطان انى سايب اكل عيشى و بضيع وقتى مع واحده زيك
سندس / شغل ايه يا فقرى انت الميكروباص بتاعك ده مياكلكش عيش حاف بالنسبه للى انت بقيت فيه
محمد يبصلها من فوق لتحت و يسيبها و يمشى
سندس / غبى
.....................
فى الموقف
ابراهيم واقف مع واحد محمد يدخل
محمد / صباح الخير يا رجاله
ابراهيم / صباح الخير يا محمد انت بتعمل ايه هنا
محمد / هو ايه اللى بعمل ايه
واحد / ربنا يعوض عليكوا يابنى
ابراهيم / مهو عوض انت متعرفش سلامه لقى اهله و طلع مليونير كبير حقه ميزعلش على حته ميكروباص دا يجيب بداله عشره
محمد / ليه ماله الميكروباص ايه اللى حصل
ابراهيم / انت مدريتش انه ولع
محمد يمسك التليفون و يسيبهم و يمشى
......................
قدام الفيلا
محمد و سلامه راكبين العربيه
محمد / انت ناوى على ايه
سلامه / خليك انت بعيد
محمد/ دا ميكروباص ابويا انا اللى اتحرق ماشى
سلامه / من امتى كان فى ابويا و ابوك هاه كان امتى الراجل ده ابويا من قبل حتى ميشوف امك انت فاهم اوعى الجمله دى تتقال على لسانك تانى
محمد / يبقى عالحلوه و المره يا سلامه
سلامه / انا عارف هتعامل ازاى مع الحيوان ده
.....................
فى الفيلا فى المكتب
ساره / ماجى قالت انك عاوزنى
مهاب / مستغناش عنك ابدا
ساره / اخلص عاوز ايه
مهاب / اخبار سلامه ايه
ساره / حد قالك انى السكرتيره بتاعته
مهاب / مستحيل مش مقامك اصلا
ساره  / انا غلطانه عن اذنك
مهاب / مبحبش حد يحط ايده على حاجتى
ساره / هو انا كلمتك
مهاب/ اسمعى يا ساره للمره المليون انتى بتاعتى انا و اى كلب هيقرب منك هندمه
ساره / ااااه هو الموضوع كدا بس فى مشكله المرادى
مهاب / خير ان شاء الله
ساره / معكش ترشى سلامه زى معملت مع احمد
مهاب / لا يا قلبى فهمتينى غلط انا مش هبعد سلامه عنك انتى اللى هتبعديه عشان انتى عارفه كويس ان سلامه مش اوبن مايندد زى احمد يعنى انتى عارفه المستوى ده بيهمه اوى حاجات مش عندك اممم اسف انا اللى خدتها
ساره / كل يوم بتبهرنى بقذرتك
مهاب / روحى قوليله قوليله اللى كان بينى و بينك و شوفى بنفسك بصته ليكى و هتعرفى انى بنقذك من اكبر اهانه ممكن تحصل فى حياتك ابعدى عن الاشكال دى و حافظى على كرامتك احسن
ساره / اولا للمره المليون انا بقى بقولك انى لو هعيش عمرى كله لوحدى اهون مليون مره انى اعيشه معاك ثانيا انا مبتهددش روح قوله انا معنديش اى مانع انى اتعاقب على اكبر غلطه عملتها فى حياتى تانى و تالت و رابع ثالثا للاسف مفيش اى حاجه بينى و بينه انا دايما بنقى الرجاله  الرخيصه فى حياتى
ساره تلف و تمشى ناحيه الباب و هى بتعيط و تخرج بره
......................
فى الهول بره 
ناهد / مساء الخير ياولاد اتاخرتوا كدا ليه الله هى سندس فين يا محمد
محمد / هى مروحتش
ناهد / لا هى مش خرجت معاك مش قولتوا هتتفسحوا
سلامه / انت مروحتهاش قبل متروح الموقف
محمد / احنا اتخانقنا و سبتها و مشيت انا اسف انا هكلمها اشوف هى فين
سندس تدخل تبص عليهم و تطلع اوضتها
ناهد / البنت دى محدش عارفلها حاجه هتموتنى ناقصه عمر فيوم هموت بسببها اكيد
سلامه / مهاب هنا
ناهد / اه فى المكتب جوه
ساره تفتح باب المكتب و تلاقى سلامه بره يشوفها معيطه يروحلها
سلامه / مالك
ساره / مفيش عن اذنكوا
سلامه يفتح باب المكتب و يدخل و محمد وراه
مهاب / ايه يا جماعه قلقنا عليكوا اتصلنا كتير مبتردوش ليه
سلامه / دا اخرك فى الصياعه يعنى
مهاب / افندم
سلامه / ايه عاوز تقول ان ملكش يد فى حرق الميكروباص
مهاب / مقولتش ان ليا و مقولتش ان مليش بس انا امبارح طول النهار فى الكليه بظبط النتيجه و بعد الضهر فى الشركه و بالليل فى عشاء عمل و روحت نمت و النهرده طول النهار فى الكليه و روحت بدرى و مخرجتش
سلامه / اخر الكلام ان كنت فاكر ان الحركه الهبله دى هتهتنى فاحب اقولك انى ربايه شوارع و هردهالك
مهاب / فى ايه هتحرق عربيتى و لا الفيلا و لا الشركه و لا ايه
سلامه / هحرق قلبك على فلوسى اللى تحت ايدك لما اخدها منك
مهاب / ربنا يوفقك صحيح انا بكره هروح ابص عالنتيجه هو انا مقولتلكش انا ماسك كنترول رابعه
مهاب يبص لمحمد
محمد / و تفرق فى ايه النتيجه مع واحد مليونير
محمد يبص لسلامه و يبتسموا و يبصوا لمهاب و يسيبوه و يمشوا
.........................