(((((((سكة السلامة )))))))
#لولو_محمد
الحلقه الثالثه و الاربعون
سندس / و اهون عليك ادارى العنين الجميله دى ورا فاترينه
سندس تبربش و تسبل
محمد / يا شيخه اتلهى بصى انا مش هاخد البدله دى
سندس / يا سلام انا اروح اللف و اتعب و فى الاخر متاخدهاش دانت هتلبسها غصب عنك
محمد / دانا لو هحضر عريان مش هلبس مطرح يوسف بتاعك ده
سندس / وماله هو احنا نطول
محمد / احترمى نفسك
……………………….
سندس / هههههههههههههههههههههه ياعم روح كدا دانا بيتهيالى انك بتستحمى بهدومك قال تحضر عريان قال بقولك ايه متعملش فيلم لو عشان يوسف ففى عشرين واحد قاسوها قبل يوسف و بعدين انا اخر واحده قيساها فيعتبر هتلبس مطرحى و اسمع انت متطولش تلبس مطرحى
سندس تقلع البدله و تنزل البنطلون
محمد / انتى بتعملى ايه
سندس / لبساها فوق هدومى متخافش خد قيس
محمد / يا مجنونه
سندس / انا متاكده انك هتبقى احلى واحد فى الفرح
محمد / طب مش هتورينى فستانك
سندس / ثوانى هروح اقيسه و انت قيس البدله انا جبت البنطلون واسع شويه عشان الجبس
محمد / حاضر يلا روحى
..........................
فى اوضه سندس
سندس بتفتح الباب تلاقى اسلام يعدى يشوفها بالفستان
اسلام / ايه القمر ده
اسلام يمسك ايدها و يلفها
اسلام / كدا حنان هتزعل
سندس / بجد
اسلام / انتى اجمل بنت شوفتها فى حياتى
ساره تدخل
ساره / انت بقيت بتقول الكلمه دى كتير و للكل على فكره
اسلام / معزور مانا فى بيت كل اللى فيه مزز مش كدا انا انسان برضه
ساره / ههههههههههههههههه حلو اوى عليكى ايه السلسله دى
سندس / هديه من محمد حلوه صح انا هحضر الفرح كدا هعمل شعرى بس و الميكب و تاج سمبل و بس حلو
اسلام / الحلو حلو حتى لو صاحى من النوم
مهاب يعدى
اسلام / و الوحش وحش حتى لو بيستحمى كل يوم
مهاب / ايه القمر ده
سندس / برافو مفيش حد مشافش فستانى متصورونى و تنزلوها عالنت
صمت ثوانى
اسلام / دانا هنشرها فى الجرانين بس يوم الفرح بقى يلا روحى شوفى طريقك
مهاب / ثوانى ثوانى ايه ده مش لايقه ابدا ايه ده بنت محمود المصرى تلبس سلسله رخيصه اوى كدا و ايه الموديل البلدى ده جبتيها منين دى
سندس تشد السلسله من ايده
مهاب / ايه يا سندس معندكيش كوليه سوليتير الناس تقول عليكى ايه ابقى خدى واحد من بتوع فريده ولا اقولك انا هبقى اجيبلك واحد هديه
سندس / متتعبش نفسك يا ابيه انا السلسله دى عجبانى و بالنسبالى احلى من احلى كوليه و مش هقلعها
مهاب / براحتك عن اذنكوا ورايا شغل
اسلام / انا هنزل ابص عالناس اللى تحت مشيو و لا لا
اسلام يمشى ورا مهاب
ساره / السلسله حلوه على فكره و رقيقه
سندس / شكرا
................................
فى اوضه محمد سندس تدخل بالبجامه ترزع نفسها عالسرير
محمد / مجاش مقاسك و لا ايه
سندس / لبسته و لسه بطلع من باب الاوضه لقيت مصر كلها فوشى مفيش حد مشافوش
محمد / الا انا
سندس / خلاص بقى اتقفلت
محمد / متلبسيهوش تعالى ننزل بكره ننقى واحد غيره
سندس / انت بتقول ايه
محمد يقعد جنبها
محمد / مش انتى اتقفلتى خلاص متلبسيهوش فجايهم انا هخطفك بكره ساعتين نجيب واحد جديد و لا من شاف و لا من درى
سندس / دا امتى بقى اذا كان الناس هيجوا بكره الساعه 2
محمد / المحلات بتفتح من الضهر نفطر و ننزل علاطول ايه رايك
سندس / ماشى انت مقيستش البدله ليه
محمد / قستها و خنقتنى فقلعتها
سندس / ههههههههههههههههههه خلاص نجيبلك غيرها انت كمان
محمد / بقول كدا برضه
سندس / ههههههههههههههههههههههههههههههههه الواحد ميعرفش يتصرف من دماغه ابدا
محمد / هو فيكى دماغ اصلا
سندس تبصله و تبص الناحيه التانيه و هو يدحك و يمسك نفسه قبل متاخد بالها و يعمل جد
..........................
تانى يوم فى بلد ارياف سلامه يركن العربيه قدام بيت و يتنهد
سلامه / وصلنا
ساره / ومالك يعنى
سلامه / مفيش يلا نخلص و نمشى علاطول
ساره / ماشى يلا
سلامه ينزل من العربيه عيال تتلم حوالين العربيه يروح يخبط على باب تفتح بنوته شابه
ست من جوه / مين يا نرمين
نرمين / دا سلامه ياما ... تعال تعال
سلامه يدخل و معاه ساره ست تطلع من جوه تهز راسها لسلامه من بعيد و ساره تبصلهم
الست / عمك فى الارض هتصل بيه يجى
سلامه / هو عبد الهادى هنا
الست / لا خرج
سلامه / طب هستنى فى العربيه
الست / يجازيك ربنا يا سلامه دا بيتك يابنى
سلامه / معلش هستنى فى العربيه عن اذنكوا
الست / طب خلى ضيوفك يرتاحوا و يشربوا شاى
ساره / لا انا هخلينى معاه احسن
ساره تطلع ورا سلامه من البيت و يروحوا عالعربيه
نرمين / هى دى عربيتك يا سلامه
سلامه / عجبتك
نرمين / لا ليك حق تقول اقعد فيها دى فيها تكييف صح
سلامه / اه فيها تحبى تركبى
نرمين / امال محمد مجاش معاك ليه هو لسه زعلان منى
سلامه / لا طبعا هو رجله مكسوره فمستحملش السفر
نرمين / ياحزنى من ايه
سلامه / عادى متاخديش فى بالك انتى لابسه رايحه فى حته اوصلك
نرمين / رايحه الكليه
سلامه / طب تعالى اوصلك و اعدى على عمى فى الارض
نرمين / لامؤاخذه فى السؤال هى دى خطيبتك
ساره / لا ... انا مديره مكتبه
نرمين / متقولى سكرتيرته
سلامه / لا فى فرق ساره هى اللى علمتنى الشغل و هى اللى لقتلى اهلى
نرمين / قرينا فى الجرانين
سلامه / طب تعالى اوصلك عشان متتاخريش
راجل كبير يدخل سلامه يروحله يسلم عليه منغير ابتسامه بين الاتنين
الراجل / منور يا سلامه اتفضل
سلامه / اتفضل يا حج فتحى اتفضل
سلامه يدخل هو و ساره و نرمين وراهم
فتحى / حظك حلو عمتك اتصلت و انا جنب البيت
سلامه / معاك حق ... ده كرت الفرح بتاع حنان بكره ان شاء الله
فتحى / والله فيها الخير افتكرت تعزم عمها يوم الحنه شايفه يا ام عبد الهادى
ساره / والله احنا مستلمين الكروت امبارح و المفروض كان فى مكتب مسؤل عن توزيع الكروت بس اسلام صمم بنفسه يجى يعزم حضرتك
فتحى / و انتى مين يابنتى لامؤاخذه يعنى
نرمين / مديره مكتبه
فتحى / ههههههههههه والله و اتنصفت ياله و بقالك مكتب و ليه مديره لا و ايه هدمه و عربيه لا و بقى اسمك اسلام كمان
سلامه / الحمد لله
تليفون ساره يرن
ساره / عن اذنكوا ... الو ...الو ... الشبكه مش لاقطه
نرمين / اقفى عند الباب
ساره تروح تقف عند الباب
ساره / الو ... الو
ساره تطلع بره تخبط فواحد داخل الموبايل يقع من ايدها على طوبه الشاشه تتكسر يوطى يجيبهولها
الشاب / حقك عليا مخدتش بالى
ساره / حصل خير
اسلام يطلع يسلم على الشاب و ياخده بالحضن
سلامه / اخيرا جيت
عبد الهادى / نورت يابن عمى فينك
سلامه / مانت عارف
ساره / اسلام بليز ممكن موبايلك الموبايل مبيفتحش
عبد الهادى / انا اسف والله
سلامه / فداك يا جدع ... اتفضلى
ساره / ميرسى
ساره تتصل بالتليفون
ساره / الو ... ايوه يا بنتى انا فى البلد عند اسلام ... اه ..... اى واحد يا سندس اى واحد مش هتفرق ... سلام
ساره تدخل تقعد و تدى اسلام موبايله
عبد الهادى / بعتزر تانى
اسلام / خلاص ياعم فداك مليون موبايل ... خير
ساره / سندس بتسالنى تعينلى انهى سارى عامله الحنه هندى
نرمين / حنه مين
ساره / حنان
نرمين / الله
ساره / لو بتحبى الحاجات دى تعالى معانا هتنبسطى
فتحى / هى مش كان وراها كليه باين
نرمين / و النبى و النبى
فتحى / انا قولت كلمه
عبد الهادى / مفيهاش حاجه يابا سيبها تروح و احنا كدا كدا هنروح باذن الله بكره الفرح
فتحى / انهى فرح انهى فرح اللى محدش من اصحابه استعنى حتى يجى يعزم
سلامه / والله يا حج محمد رجله مكسوره و حنان و شوق ملخومين فى التوضيبات و انا جيتلك بنفسى
فتحى / و انت مين يعنى تطلع مين
ساره / دا يبق
سلامه يشاورلها
ساره / لحظه معلش الفيلا عندنا واسعه جدا و فيها بدل الاوضه عشره و مفتكرش هتعملوا زحمه و اكيد نرمين هتنبسط يعنى بنات فى بعض و كدا و لو اى حد كمان عاوز يجى البيت زى مقولت واسع
نرمين / و النبى بقى و النبى
فتحى يبصلها
عبد الهادى / ايه رايك يابا اخدها و هجيبها بكره بعد الفرح
فتحى/ هتسافر باختك فى نص الليل
ساره / الجمعه الصبح هيسافروا بالنهار ايه راى حضرتك
فتحى / يابنتى انتى مجيتك على راسى بس
عبد الهادى / خلاص بقى يابا دا فرح بنت اخوك هتزعلها فيوم زى ده هى هتتجوز كام مره و بعدين احنا اهلها و لازم نشرفها
فتحى / انا بقول كدا كانوا لازم يبلغونا من بدرى عشان نقوم بالواجب
سلامه / مباركتك لوحدها اغلى واجب
فتحى يبص الناحيه التانيه
ساره / انا اول مره اقابل حضرتك هتكسفنى يعنى
فتحى / عشان خاطرك انتى بس يا قمر خشى يا نرمين جهزى حاجتك و احنا هنيجى بكره الصبح
ساره / تنوروا
نرمين تجرى على جوه
عبد الهادى / انا هدخل اجيب حاجتى انا كمان
....................
فى الفيلا
حنان لابسه سارى احمر و البنات حواليها بيرسموا حنه و فى اغانى هندى شغاله و البنات عماله ترقص و هما بيدحكوا و محمد قاعد عند حمام السباحه طارق يروح يقف جنبه
طارق / تعرف يوم حنه اميره كانوا عاملين من النوبه سندس كان عندها 9 سنين اياميها تقريبا و مبطلتش رقص و لو حد قالها اقعدى كانت تعيط
محمد / ههههههههههههههههههه
طارق / بس كعاده العيله دى مفيش فرحه بتكمل للاخر ساره و فريده اتخانقوا بسبب مهاب و فريده ضربت ساره بالقلم و الليله اتفضت
محمد / على ايه يعنى بالزمه دى خلقه يتخانقوا عليها
طارق / ههههههههههههههههههههههههه
محمد / انا عارف انها خلقه ربنا بس انا معدتش بقدر ابص فى وشه
طارق / ههههههههههههههههههه يابنى انا بقالى تلاتين سنه مش قادر ابص فوشه و انت من كام شهر بتشتكى
محمد / الله يعينك
طارق / هههههههههههههههههههه
سندس و اميره يطلعوا راسمين على ايديهم حنه
اميره / ايه رايك
طارق / قمر من يومك
محمد / انتى ايه اللى عملاه فنفسك ده يابت
سندس / اش فهمك انت انا بليق فى اى حاجه اصلا
طارق / انتى اللى بتحلى اللبس يا قمر
سندس / شوفت
محمد / مش عاوز يكسر بخاطرك بس
سندس توطى و تحط ايدها على كتفه و كفها بره عشان متعوصوش محمد و تحط عينها فى عينه
سندس / بص فى عينى و قولى انى مش حلوه
محمد / انتى مش حلوه يا سندس
سندس تغل و تسيبه و تمشى و هو بيدحك
طارق / انا لو منك اخاف
محمد يبص لاميره
اميره / جهز شنطتك يا طارق الله اعلم يمكن تحتاج تخيط حاجه و لا بتاع
محمد يبص لاميره
طارق / يلا يا قلبى
اميره / قلبى معاك
محمد / اتشاهد طيب و لا اعمل ايه
اميره و طارق يدخلوا و محمد يفضل لوحده
...............................
فى الصاله اسلام و نيرمين و عبد الهادى و ساره يدخلوا سندس تروح تسلم عليهم و السلسه جوه مش باينه
سندس / هاى سورى الحنه منشفتش
اسلام / اعرفكم اخر العنقود اختى الصغيره سندس
عبد الهادى / اهلا
اسلام / ولاد عمى فتحى اخو بابا حسن الله يرحمه
سندس / اوووه هاى نيس تو ميت يو
اسلام / نرمين و عبد الهادى
سندس / هيليق عليكى اوى البربل تعالى معايا
نرمين / ايوه بس
سندس / متخافيش اطلعى معايا
اسلام / تعال سلم عالعروسه تعال
اسلام ياخد عبد الهادى و سندس تاخد ساره و نرمين و يطلعوا فوق
..........................
فوق
سندس / ايه رايك
نرمين / دا عريان اوى
سندس / مهم لسه معملوش سارى محجبات
ساره/ انا عندى بدرى فى اوضتى نفس اللون ده بالظبط هجيبهولك تلبسيه تحتيه و هشوفلك اسكارف يليق عليه اصبرى
سندس/ طب خدى اللبسى ده بقى بالمره عارفه انك بتحبى الغوامق الاسود ده وهم
نرمين / بس البمبى حلو اوى عليكى
سندس / اه اخدت اصغر مقاس كدا كدا محدش هياخده
نرمين / انتى فى سنه كام
سندس / اولى تجاره و انتى
نرمين / تانيه اداب انجليزى
سندس / حلو اوى
نرمين / تعرفى انا حبيتك اوى من اول مشوفتك
سندس / عندك واتس
نرمين / عندى هاتى رقمك
سندس / بصى انا مش هبطل رغى معاكى اصلا ليا حساب تانى مع محمد ازاى ميقوليش انه له بنت عم حلوه اوى زيك كدا
نرمين / انتى اللى قمر يا قمر
سندس / ايه رايك على مساره تيجى نلعب بالميكب شويه معلش انتى اتاخرتى فالميكب ارتيست تحت انشغلت فرسم التاتوز بس متقلقيش انا احسن منها اصلا هغسل ايدى و هجيلك
.......................
عند حمام السباحه
عبد الهادى / مين ياض اللى علم عليك كدا
سلامه / حصل خير بقى متقلبش على اخوك المواجع
محمد / بدلوا بدلوا
سلامه / هههههههههههههههههههههه انا قولت لماجى ترتبلكوا اوضتين
عبد الهادى / تعيش بس بصراحه الفيلا ترد الروح يا جدع داحنا ساكنين فى اوضه
محمد / مشوفتش الجراج شويه عربيات تفتح اجانسين تلاته
سلامه / دا ايه الحقد دا ياخى انا مش جبتلك واحده
محمد / مبقرش ياعم
سلامه / نورت يا عبده
عبده/ امال يعنى شوق فين
شوق / هنا ازيك يا عبده معلش الحنه لسه منشفتش
عبده / شكلك عسل اوى بالهندى
شوق/ تسلم امال نرمين فين
عبده / طلعت مع ساره و سندس
شوق / اوبا كدا بقى تجهز نفسك للنيولوك بتاعها
عبده / الكتاب بيبان من عنوانه
شوق / عن اذنكوا بقى افك مع البنات حبه
....................
فى اوضه سندس
ساره / طالعه زى القمر انا متاكده ان محدش تحت هيعرفك
نرمين / تفتكروا هعجب
سندس / لا هتغلطى هضرب دانا اللى مظبطاكى
نرمين / ههههههههههههههههه طب يلا بينا بقى تعرفوا انا بحب الرقص الهندى جدا مبقلبش القناه طول مبابا و اخويا بره بس اول مبيجوا بقى بيحتلوا الجهاز
سندس / ههههههههههههههههههه طب يلا
سندس تاخد نرمين و يجروا وسط البنات و ساره نازله بالراحه مهاب يفتح الباب و يدخل هو و فريده
فريده / هو فى ايه
ساره / حنه حنان انتى نسيتى و لا ايه
فريده / انا راجعه تعبانه جدا
مهاب بيبص على ساره
فريده / انا هطلع انام عندى حاجات كتير قبل الفرح بكره الصبح معلش عن اذنكم
فريده تطلع و ساره تيجى تمشى مهاب يمسك ايدها
مهاب / طالعه حلوه اوى
ساره / شكرا عن اذنك
مهاب / جبتى القسوه دى منين
ساره / لو سمحت سيب ايدى
مهاب / حتى لو عاوز مش هقدر
………………………..
أنت تقرأ
سكه السلامه بقلم / لولو_محمد (كامله )
Romanceشاب فقير يجد اهله الاثرياء بعد غياب عشرون عاما ليجد نفسه امام تحديات كثيره لم يكن يتوقعها
