سكه السلامه بقلم / لولو_محمد (كامله )

الحلقه ٧٦

((((((سكة السلامة ))))))
#لولو_محمد
الحلقه السادسة و السبعون
ميرنا / انا دخلت اجيبها لقيتك بتزعق لو سمحت يا محمد عيب كدا مينفعش تقف عالباب
محمد ينفخ و يدخل
ميرنا / الحمام من هنا تعال
محمد يدخل ورا ميرنا تقفل الباب و تشاورله عالحمام
ميرنا / هجيب السلسله و اجى
يدخل و يجى يقفل الباب يلاقيه منغير مفتاح يستغرب يقلع التيشيرت و يحاول يغسل البقعه ميرنا تدخل و شايله فى ايدها فوطه و لابسه السلسله تبص فى المرايه
ميرنا/ بزمتك مش لايقه عليا
…………………………
محمد / اقلعيها قبل متوسخيها
ميرنا / ربنا يسامحك
ميرنا تجيبه من فوق لتحت يحاول يلبس التيشيرت مبلول تمنعه و تقرب منه و تحط ايدها عليه
ميرنا / انت ليه مش قادر تشوفنى فيها ايه زياده عنى
محمد / انتى متجيش ضافر من اللى بتقصه من رجلها هاتى
ميرنا / متزعلش اتفضل
ميرنا تقلع السلسله و تحطها فى ايده
محمد / مين اللى بعت الصور
ميرنا / روبى
محمد يسيبها و يمشى و التيشيرت فى ايده
..............................
فى الفيلا سندس نايمه تصحى تبص حواليها محمد مش موجود تجيلها رساله عالواتس كذا رساله ورا بعض بسرعه بسرعه تمسك الموبايل باستغراب و تفتح تلاقى رقم غريب و صور كتير تنزل بالصور اول صوره ميرنا ماسكه ايد محمد عالباب تانى صوره ميرنا حاطه ايدها على محمد تالت صوره ميرنا لابسه السلسله رابع صوره محمد قالع التيشيرت و ميرنا حاطه ايدها عليه نفسها يعلى و تبدا تعيط و تصرخ و تكسر فكل حاجه حواليها اسلام يدخل يحاول يهديها مش عارف
اسلام / سندس مالك اهدى اهدى
سندس / لااااااااااااااااااااااااا
اسلام / سندس بس
فريده تدخل تجرى
فريده / مالها
اسلام / مش عارف مش عارف
فريده تلاقى الموبايل فى الارض تفتحه تشوف الصور
فريده / اسلام
اميره و طارق يدخلوا طارق يجرى يجيب حقنه من شنطته و يعبيها و يرجع تانى و اسلام يمسك سندس اللى مبتبطلش صريخ و يديهالها سندس تحرك ايدها و الحقنه تعورها
اسلام / حاسب يا طارق
.........................
طارق / غصب عنى هى مبتثبتش
سندس / لا لا حرام لا
فريده / اسلام
اسلام / ايه
فريده تديله الموبايل يشوف الصور و يبدا على وشه علامات الغضب
سندس / لا ... لا
صوت مهاب بيكلم محمد تحت
مهاب / اللحق سندس بتصرخ فوق لولا رجلى كنت جريت عليها بس لسه بتوجعنى تخيل
محمد يبصله و يطلع يجرى يلاقى اسلام مقابله عالسلم
اسلام / على فين
محمد / مالها سندس
اسلام / ميخصكش اطلع بره
محمد / سلامه
اسلام / اسلام و ليك اسلام بيه المصرى اطلع بره بيتى
محمد / ايه اللى جرالك فى ايه
صوت صريخ اميره فوق اسلام يطلع يجرى و محمد وراه سندس عالارض و طارق بيعملها سى بى ار
اميره / انا هطلب الاسعاف
اسلام / مالها ايه اللى حصل
فريده / معرفناش نهديها فجاه وقعت فى الارض و قطعت النفس
طارق بيضغط على صدر سندس
طارق / واحد اتنين تلاته اربعه خمسه سته سبعه تمانيه تسعه عشره فوقى
محمد يقعد على ركبه مصدوم و السلسله فايده
طارق / واحد اتنين تلاته اربعه خمسه سته سبعه تمانيه تسعه عشره
الكل مصدوم و بيعيط
محمد / فوقى
سندس تبربش
طارق / الحمد لله
محمد / سندس
اسلام يشده من هدومه بره
محمد / فيك ايه
اسلام / روح للى كنت عندها انت ملكش مكان هنا
محمد / انت بتقول ايه
اسلام / احنا عرفنا كل حاجه يا مؤرف يلا غور كلامك بعد كدا مع المحامى بتاعى انت فاهم
محمد / انا معملتش حاجه غلط
فريده تطلع
فريده / ابوس ايديكوا ارحموا البنت انزلوا اتخانقوا بعيد مبتفصلش عياط ابوس ايديكوا
اسلام يبص تحت يلاقى مهاب بيخرج من باب الفيلا ينزل يجرى وراه
فريده / محمد ارجوك امشى
محمد / انا معملتش حاجه معملتش حاجه
محمد يدخل الاوضه سندس تحط راسها فى صدر اميره
طارق / وقت تانى يا محمد
محمد يطلع السلسله و يحطها فى ايد سندس و هو بيعيط
محمد / انا كنت بجيبلك دى عارف انها غاليه عندك مكنش ينفع اسيبها عندها
سندس تبصله و الدموع ماليه عينها و هى نايمه عالسرير و توقع السلسله من ايدها و تحط راسها فى صدر اميره محمد ياخد السلسله
محمد / انا معملتش حاجه
طارق يدى لمحمد الموبايل يشوف الصور
طارق / وقت تانى يا محمد
محمد / انا معملتش حاجه على الاقل اسمعونى
طارق / امشى لو سمحت
طارق ياخد محمد بره الاوضه و هو عينه على سندس مش عاوزه تبصله محمد يبص لطارق
طارق / امشى لو سمحت امشى
محمد يبصله و عينه كلها دموع
محمد / ليه محدش مصدقنى انا
طارق / ميهمناش انت متفرقش خالص دلوقت سندس تهمنا ابعد امشى بالزوق احسن
محمد يبص لطارق و يمشى
......................
فى الجنينه
مهاب ماشى و اسلام بيجرى وراه يحصله
اسلام / انت رايح فين
مهاب / ورايا شغل
اسلام / اسف يتاجل ساره اهم
مهاب / تمام هى فين ساره بقى
اسلام / لحد مساره تبان انت مش هتغفل عن عينى
مهاب / اسلام للصبر حدود
اسلام / مش بمزاجك مش هشيل عينى من عليك انا عارف انك عارف مكانها هدوئك بياكدلى انك عارف مكانها
مهاب / انا ورايا اجتماع مهم
اسلام / هاجى معاك
مهاب / انت عبيط و لا ايه حكايتك
اسلام / لو مقعدتش بالزوق هقعدك بالعافيه
مهاب / متقدرش تعملى حاجه لو عندك دليل واحد انى انا اللى خطفت ساره قدمه للنيابه و هى تحبسنى لكن انت مين عشان تحبسنى
محمد يطلع من جنبهم يحط السلسله فايد اسلام و يركب عربيته بمنتهى العصبيه و يمشى
مهاب / عيلتك الكبيره اتفكت يا سلامه خسرت اعز حاجه على قلبك مش كدا كنت بتقولى انك هتحرق قلبى صح مفكرتش للحظه ان النار اللى بتدفيك دى ممكن تحرقك مش كدا
اسلام / محمد هيجيب دليل برائته لكن انت
مهاب / دليل برائته من ايه يا اسلام و يا ترى على ميجيبه اختك المسكينه هتفضل عايشه
اسلام / متحاولش برده عينى عليك
مهاب / عن اذنك
مهاب يركب عربيته و يمشى اسلام يطلع تليفونه و يتصل
اسلام / اتحرك يا مصطفى خليكوا متابعينه .... سلام
.......................................
فى الحاره فى شقه حنان
حنان / و هى عامله ايه دلوقت
محمد / زفت زفت لو شوفتيها اه لو شوفتيها قلبى لسه وجعنى من منظرها
حمدى / انت هتقعد تولول زى الحريم
محمد / عاوزنى اعمل ايه محدش عاوز يسمعنى
حمدى / مش هيسمعوك انت اه بس انت لازم تثبت ان بنت الكلب دى كدابه لازم تقلب الملعوب ده فوق دماغهم
محمد / عاوزنى اعمل ايه يعنى
حمدى / انا اللى هقولك يا ابن البرنس امال لو مكنتش المقصات فكرتك
محمد يبصله و يمسك موبايله و يطلع البلكونه
محمد / ازيك
ميرنا / خير
محمد / انا اسف انا كنت غلطان
ميرنا / فى ايه
محمد / اسلام طردنى مالبيت
ميرنا / ليه
محمد / معرفش انا روحت من عندك لقيته بيقولى كلامك مع المحامى و طردنى حتى سندس مرضيتش تقابلنى
ميرنا / ازاى الكلام ده ليه يعنى
محمد / معرفش قعد يقول كلام عن ساره و انى ازاى اسيبه فوقت زى ده لوحده و اننا مش اخوات دا بيقولى انه نضفنى و عملنى بنى ادم نسى اصله دا لولا ابويا كان زمانه بيبيع مناديل فى الاشارات
ميرنا / هى الفلوس دايما بتغير
محمد / طب هو زعلان عشان مراته لكن سندس تبيعنى ليه انا اسف مش المفروض انى ادخلك فى مشاكلى بس الحقيقه انتى اول واحده جت فبالى ... من ساعه مكنا سوا فى حاجه اتحركت جوايا عاوز اشوفك اوى عاوز ابقى معاكى
صمت
محمد / انا اسف انا عارف انى
ميرنا / هستناك فى الفيلا
محمد / لا مش عاوز اجى الفيلا انا مخنوق و عاوز ابقى لوحدى بس فنفس الوقت عاوز ابقى معاكى انتى فهمانى انا اول مره احس الاحساس ده انا تعبان اوى يا ميرنا تعبان بجد
ميرنا / انت فين
محمد / هتيجى بجد بجد مستعده تيجى عشانى بجد
ميرنا / انا معجبه بيك من اول مره شوفتك و سندس عارفه كل مكنت احاول اقرب منك كانت تبعدنى بتقولى انها بتحمى اخوها
محمد / دا كان كل اللى هاممها توصلى و لما وصلت للى هى عوزاه خلاص افتكرت انى حته السواق خلاص معدتش قادره تشوفنى عاوزه تدور عالجديد
ميرنا / هى سندس كدا
محمد / ارجوكى يا ميرنا تعالى انا بجد مش قادر اتكلم
ميرنا / تحب اجيلك شقتك
محمد / شقتى
حمدى يشاورله لا لا
محمد / لا مش هينفع الحاره هتشوفك اختى ساكنه فى نفس الشارع مش هيسيبوكى فى حالك مش هيخلونا على راحتنا بصى هقابلك فى شقه واحد صاحبى
ميرنا / تمام ابعتلى العنوان
محمد / هكلمه و ابعتلك العنوان
ميرنا / هستناك سلام
محمد / سلام
محمد يقفل
حمدى / يابن اللعيبه دانا صدقت
محمد / ان مطلعت عينها مبقاش انا بس هبعتلها انهى عنوان
حمدى / شقه فخرى
محمد / لا يا جدع
حمدى / بقولك ايه انسب مكان شقه شمال اصلا اقولك انا هكلم سيد يظبط الليله هو له كلام مع الواد ده
محمد / تمام و انا هكلم الرجاله
...................
فى عربيه مهاب
مهاب ماشى رايح عالفيلا يبص فى المرايه يلاقى عربيه ماشيه وراه يحود من اول تقاطع تحود وراه و يفضل سايق يحاول يفلت منها و يزود السرعه بس هى برده وراه
....................
فى الفيلا فريده تفتح اللاب و تشوف باقى السديهات واحد التانى التالت
فريده / مين دول
الرابع
فريده / ميرنا ؟؟؟
تقفل السى دى و تفتح غيره
فريده / ساره ... لا لا
فريده تمسك التليفون و هى متنرفزه
فريده / انت فين .... مستنياك فى البيت ....يعنى ايه هتطلع على اسكندريه تعمل ايه هناك دلوقت .... يعنى ايه انا مالى .... الو الو
فريده / الحيوان الحيوان .... انا الغلطانه لما سكت مالاول كان المفروض اواجهه بسى دى روبى كان المفروض افضحه .... كنت اعرف منين كنت اعرف منين بس ياربى ليه كدا حرام
///////////////////////////////////
العيله كلها متجمعه و مهاب بيلبس فريده الدبله و ناهد تزرغط
فريده / بس يا تيته الله
ناهد / حفيدتى الصغيره بتتخطب فى ايه طب دانا هملى الدنيا زغاريط النهرده
الست / ساره حبيبتى حمدالله عالسلامه تعالى اوريكى جبتلك ايه تعالى
الست تشد ساره و هى متنحه فى الخاتم و عنيها كلها دموع
فريده / شوفتى مهاب كان عاملهالى مفاجاه فى احلى من كدا ايه رايك فى الخاتم
ساره تبص لمهاب و الدموع تنزل من عينها طارق جنب اميره متابع
طارق/ ايه يابنتى كل ده عشان مستنيناكيش يا ستى ملحوقه ابقى رديهالهم فى خطوبتك تعالى تعالى
طارق و الست بيشدوا ساره تقع فى الارض
............................
فى اوضه ساره ساره فاقده النطق فريده تدخل
فريده / انتى فاكره بالشويتين بتوعك دول هتبوظيلى فرحى مهاب بيحبنى انا مهاب هيتجوزنى انا بطلى قله ادب بقى
ساره تبصلها و هى بتعيط
فريده / انا قولتلك قبل كدا اتلمى و مش هكررها اتلمى يا ساره ابعدى عن مهاب و بلاش الحركات بتاعتك دى انتى فاهمه
///////////////////////////
فريده / يابن الكلب يابن الكلب يا مهاب يابن الكلب
فريده تحط السيديهات فى درج المكتب و تقفل عليها بالمفتاح و تاخد المفتاح و تحطه فى درج تانى و تاخد شنطتها و تقوم تجرى تقابل اميره بره
اميره / فريده ممكن تقعدى جنب سندس شويه على مروح اعملها شويه شوربه
فريده / اطلبى من ماجى
اميره / اسلام مشاها النهرده
فريده / ممكن ممكن بس بسرعه مستعجله
اميره تنزل و فريده تدخل لسندس تلاقيها نايمه عالسرير بتعيط تروح تقعد جنبها و تاخد راسها فحضنها و تقعد تلعب فى شعرها و هى بتعيط
...........................
فى الفيلا عند ساره
ساره تفتح عينها بالعافيه تبص عالاكل تلاقيه باظ
ساره / انت فين يا اسلام انا محتاجالك اوى محتاجالك اوى
ساره تعيط
////////////////////////////////////
عالبحر فى اسكندريه ساره و سندس و شوق قاعدين عالشط و محمد و اسلام و صحابهم بيلعبوا كوره
سندس / باصى باصى يلا يا محمد يلا
ساره / محسسانى انك بتفهمى فى الكوره
سندس / هو شرط انى افهم عشان اكون بشجع
الكوره تخبط فى ازازه الميه بين ساره و سندس توقعها سندس تقوم تمسك الكوره
محمد / هاتى الكوره
سندس / انسى
سندس تاخد الكوره و محمد يطلع يجرى وراها اسلام يروح عند ساره
اسلام / بوظت المطش
ساره / كان ممكن تيجى فينا تعورنا
اسلام / كنت قطعتها حتت
ساره / و هى ذنبها ايه العيب عاللى شاطها
اسلام / و اللى شاطها كمان هقطعه حتت
ساره / كلام
اسلام / ورحمه ابويا يا ساره مهرحم اللى يقربلك و لا اللى يقرب من حد من اخواتى
الكوره تخبط فرجل اسلام
محمد / يلا
سندس / انت خميت نعيد السبق
محمد / بعد المطش
محمود / انا اتحرقت مالشمس يا عم انا هنزل الميه شويه
سمره / يلا يا شباب كفايه كوره حبه بحر بقى
صحاب محمد ينزلوا الميه
سندس / انت يا بتاع استنى سابقنى الاول
اسلام / انا هسابقك
ساره / سابقنى انا
سندس / نتسابق كلنا يلا كلو عالخط ريدى استدى جو
محمد و سندس يجروا و شوق بتصور  و اسلام يمسك ايد ساره
ساره / هنخسر
اسلام يدحك
ساره / يا لقيم
/////////////////////////////////
ساره تبتسم و هى بتعيط و تبلع ريقها و تغمض عنيها
............................
فى فيلا اسلام يدخل اوضه سندس يلاقيها نايمه عالسرير و فريده مسنداها و اميره بتاكلها شربه
اسلام / عامله ايه يا قلبى
سندس تهز راسها اه و الدموع نازله منها
اسلام / لا تصدق كل ما تسمع و لا تصدق نصف ما ترى
سندس تبصله اسلام يطلع السلسله
اسلام / محمد ادانى دى قبل ميمشى
سندس تحط راسها فى حضن فريده
اميره / اسلام مش وقته
فريده / لا وقته ميرنا دى بنت مش كويسه انا متاكده ان فى حاجه غلط
اسلام يبص لفريده
اسلام / مالك انتى كمان
فريده / مالى هو فى اكتر ماللى احنا فيه ساره و سندس منه لله اللى كان السبب ... بقولك انا لازم امشى
سندس تمسك فهدوم فريده فريده تحضنها
فريده / انا جنبك مش همشى خلاص اهدى
اميره / كلى يا بنتى عشان خاطرى كلى حبه كمان
سندس تزق الطبق
اميره / ماشى شويه كدا و نبقى نكمل
اسلام / انتى متاكده انها مش محتاجه مستشفى
اميره / هى بقت كويسه الحمد لله محتاجه بس تهدى شويه و تستمر عالدوا
اسلام يمسك ايد سندس تليفونه يرن
اسلام / ثوانى .... الو خير .... راجع ؟؟؟ يمكن نسى حاجه ؟؟؟ هنعرف هنعرف خليكوا عادى برده .... سلام ..... هو مهاب له مكان فى الجونه
فريده / معرفش فى حاجات كتير طلعت معرفهاش بس اشمعن الجونه
اسلام / مهاب فين
فريده / قالى رايح اسكندريه عنده شغل
اسلام يبتسم من تحت و يطبطب على كتف اخته و يقوم فريده تبصله بحزن و تدمع و تبص الناحيه التانيه
اسلام / خليكى جنبها يا اميره لحد متنام ... تعالى يا فريده معايا ثوانى
..........................
فى الشقه ميرنا تركن العربيه و تنزل تتصل بمحمد
محمد / مستنيكى تعالى
ميرنا / ايه المنطقه دى
محمد / كان نفسى اعمل معاكى واجب بس معلش
ميرنا / اوك انا داخله اهو
ميرنا تدخل بيت قديم تلاقى شقه دور ارضى محمد يفتح الباب تروح تحضنه يحضنها و تدخل يقفل الباب تبص تلاقى تمن شباب تانين ميرنا تيجى ترجع تلاقى محمد فوشها
ميرنا / فى ايه يا محمد
محمد / انا اللى المفروض اسال فى ايه يا ميرنا ايه اللى حصل
ميرنا تبلع ريقها و تبص حواليها
محمد / بتحبى الحفلات مش كدا
…………………………