سكه السلامه بقلم / لولو_محمد (كامله )

الحلقه ٥٣

(((((((سكة السلامة ))))))
#لولو_محمد
الحلقه الثالثه و الخمسون
سندس / وااااو صحبتى عندها شقه هناك ناحيه ماكدونالدز كدا
محمود / اه احنا الشارع اللى قبله و انتى رايحه المنتزه عرفاه
سندس / اه و اكيد طبعا عالبحر
محمود / لا والله جوه تالت عماره بس بنشوف البحر اكمننا فى التاسع
سندس / اه كويس تلاقيها حر اكمنها قبلى
محمود / لا دى شقه فى النص لا قبلى و لا بحرى
سندس / ياخبر دانا فوقتك معلش سورى عشمى بقى
محمود / ولا يهمك
سندس / اوك لما محمد يصحى بقى ابقى اكلمه سورى تانى سلام
......................
فى المكتب
اسلام / اللى بحاول اقوله ان مينفعش ندخل حياتنا الخاصه فى الشغل
شوق / مش فاهمه
اسلام / مالاخر كدا مصطفى كلمنى امبارح
شوق / انا مش فاهمه هو مدايق من عبده ليه انا اكدتله ان الموضوع انتهى مش لدرجه انه يشتكيلك يعنى
اسلام / عبده ايه
شوق / امال
اسلام / مصطفى طلب ايدك منى
شوق عنيها توسع عالاخر
اسلام / انا قولتله هسالها و كلمت محمد قال ان مصطفى شاب كويس
شوق / انا مش عارفه اقول ايه
اسلام / محدش هيضغط عليكى و زى مقولت الموضوع ملوش اى علاقه بالشغل و خدى وقتك فكرى و صلى استخاره
شوق / ايوه ايوه انا فعلا محتاجه يومين افكر
اسلام / تمام هبلغه
شوق / اه قوله انها هتفكر يعنى
اسلام / هقوله حاضر ههههههه
شوق / انا هطلع ابص على سندس بقى عن اذنك
شوق تمشى و اول متقفل باب المكتب تعمل يس بايدها و تطلع تجرى على اوضه سندس تفتح الباب متلاقيهاش
............................
عند محمد الباب يخبط
الاول / افتح يا عصام انت اللى عالحرف
عصام يقوم و هو نايم يفتح الباب ربع فتحه سندس واقفه
سندس / محمد موجود
عصام يفوق و يسند عالحيطه و يمسك الباب بايده
عصام / اؤمرى يا قمر
سندس تشخط فيه / اتعدل و انت بتكلمنى بقولك محمد موجود
الاول يقوم و هو بيدعك فى عينه
الاول / فى ايه يابنى
عصام / مش عارف بس اموت و اعرف
سندس / انت هتستهبل
محمود يصحى يطلع بره يشوف سندس يتفزع
محمود / نهار كاروهات اسود فاسمر وسع ياض منك له وسعوا سندس انتى بتعملى هنا ازاى عرفتى مكانا من... يابنت اللعيبه
سندس تبتسم و تزقهم و تدخل تدور على محمد
الاول / مين دى يا جدعان
عصام / هى دى بقى
محمود / وله اعدل تطير فدى رقاب
سندس تدخل الاوضه تلاقى سمره نايم و محمد نايم عالحرف تهزه يقوم يشوفها يتفزع
محمد / ايه ؟؟؟
سندس / سيربرايز
محمد / مفاجاه الهم انتى اتجننتى انتى بتعملى ايه هنا
التلاته التانين يصحوا محمد يشدها يطلعها بره
محمد / انتى اكيد بتهرجى لا انا اكيد بحلم انتى عرفتى العنوان منين اصلا
عصام / بالراحه ياعم تتكسر فى ايدك
محمد / اخرس ياله
سندس تبصله و عنيها كلها دموع
محمد / انا كل مقول عقلت و بطلت جنان تفاجئينى ببلوه جديده فى واحده عاقله تعمل كدا اسمعى انا جبت اخرى منك انتى هتنزلى مصر حالا و الا قسما برب العزه
سندس / و على ايه منغير حلفان انا كدا كدا ماشيه
سندس تضغط على زرار الاسانسير و متستناش يطلع تنزل عالسلم تجرى و هى بتعيط
سمره / بلح
محمد يبصله و هو مخنوق يكون الاسانسير وصل يفتحه و ينزل بيه اول مالاسانسير يوصل يفتح الباب جرى يلاقى سندس نازله تجرى و هى بتعيط يوقف قدامها تحاول تيجى يمين يروح يمين تروح شمال يروح شمال
سندس / عاوز ايه تانى سبنى امشى
محمد يقرب بالراحه و يوطى على راسها و يبوسها
محمد / حقك عليا انا اسف
سندس / انا مكنتش بحاول احرجك قدام صحابك انا بس
محمد / عارف خلاص عارف
سندس / لا مش عارف انت لو عارف مكنتش عملت معايا كدا انت مش عارف اى حاجه انا روحت امبارح لماجد روحت دقيقتين و مشيت مقدرتش اقعد وسطيهم معدليش حد معدليش اى حد
محمد / خلاص بقى اسف بطلى عياط
تليفون سندس يرن تفتح الشنطه و تطلع الموبايل اسلام تبص لمحمد و تديله الموبايل
محمد /ايوه يا سلامه
اسلام / مين محمد
محمد / اه سندس جتلى
اسلام / ادينى البت دى
محمد / هديهالك لما تهدى هى مش ناقصه
اسلام / ليه مالها ايه اللى حصل
محمد / هى كويسه بعدين نتكلم
اسلام / ماشى ابقى كلمنى
محمد يقفل السكه و يبص لسندس لسه بتعيط يمسح دموعها
محمد / استنينى فى العربيه هطلع اغير هدومى و نتمشى شويه ماشى
سندس / لا انا هروح شقتى
محمد/ ماشى اسبقينى و انا هغير هدومى و احصلك
سندس / لا انا عاوزه ابقى لوحدى عن اذنك
سندس تمشى محمد يمسكها من ايدها
محمد / انا سامحتك لما جبتى الواد يضربنى و لما عايرتينى بمنى و لما حاولتى تسقطينى و غيرها و غيرها تحبى اكمل عد سامحينى مره
سندس / كلهم قالولى ابعد عنك شويه اديك برسونال اسبيس قالولى انك هتزهق
محمد / اغبيه كلهم اغبيه
سندس / اهو
محمد / احنا ست شباب فوق فى اوضه و صاله و انا صحيت من النوم لقيتك فى اوضتى اللى نايم فيها انا و تلت شباب بتصحينى مستنيه منى انهى رده فعل يا سندس
سندس / انك تفرح
محمد / والله
سندس / معرفش مفكرتش
محمد / بس بانهى قوه كونيه خارقه عرفتى مكانى صحيح
سندس / جرجرت محمود فى الكلام و هو نايم سمره كان هيفقسها بسهوله بس محمود طيب
محمد / و انتى مش سهله يا بت
سندس / مش هكررها
محمد / انا جعان هغير هدومى و اعزمك عالفطار ماشى متمشيش انا اصلا مش عارف مستنينى ايه فوق عالتاليس اللى هاخده بسببك
سندس/ يولعوا
محمد / استنينى فى العربيه
سندس / العربيه فى الشمس
محمد / ههههههههههههههه استنينى فى الكافيه اللى عالناصيه ممكن
سندس / ماشى
محمد / مش هتاخر خمس دقايق و نازل
محمد يركب الاسانسير و يطلع تانى
..........................
فى السنتر ساره واقفه مع واحد
ساره / هتاخد وقت قد ايه
واحد / اسبوعين بالكتير
ساره / انا عاوزاها احسن مالاول
الراجل / باذن الله
ساره / انا لازم امشى دلوقت لو عوزت اى حاجه كلمنى
الراجل / باذن الله مع الف سلامه
ساره / سلام
ساره تمشى يجيلها تليفون
ساره / ازيك
اسلام / روحتى فين انتى كمان هو انا كل شويه هدور على واحده
ساره / ههههههههههههههه لقيتها
اسلام / مش عاوزه تعرفى هى فين
ساره / اكيد اكيد راحت لمحمد هتكون فين يعنى
اسلام / هههههههههههههه كلمتيها
ساره / انا عندى مخ برده على فكره
اسلام / انتى فين عاوزك
ساره / انا هطلع عالشركه
اسلام / تمام هقابلك هناك سلام
ساره / سلام
....................
فى الشقه فى اسكندريه
سمره / بس هى دى الحكايه كلها
الباب يخبط عصام يقوم يفتح يلاقى محمد
عصام / صالحتها
محمد / انا خارج شويه و راجع
محمد يدخل الاوضه و سمره يدخل وراه
سمره / انا لسه عند رايى اللى يتجوز واحده زى دى ميحتاجش حاجه تانيه مالدنيا
محمد / بص الناحيه التانيه بلبس
سمره يديله ضهره
محمد / بطل هبل سندس مش اكتر من اخت
سمره / واضح واضح
محمد / انا نازل
سمره / محمد اللى فات من عمرك كوم و اللى هيضيع منه لو ضيعت البت دى كوم تانى
محمد / مش هضيعها مفيش اخ بيضيع اخته
سمره / بكره نقعد جنب الحيطه و نسمع الزيطه يا برنس انزل متسبهاش واقفه
محمد يطلع مالاوضه
عصام / متجيب فطار بالمره مدام نازل
محمود يضربه على راسه
عصام / ايه جعان
.....................
محمد ينزل يلاقى سندس واقفه بتتكلم مع البواب
محمد / فى حاجه
سندس / لا مفيش يلا
محمد / يلا
سندس و محمد يمشوا
محمد / كنتوا بتتكلموا فى ايه
سندس / هو انتوا السته فى اوضه واحده ليه مخدتهمش شقتى ليه مش معاك مفتاح هتقعدوا كام يوم
محمد / هههههههههههههههههه
سندس / بتدحك ليه
محمد / طب اجاوب على انهى الاول
سندس / متجاوبش انا اصلا مش عاوزه اعرف
محمد / قولتيلى انك روحتى لماجد امبارح
سندس / اه خدت يوسف و روحت
محمد / يوسف كمان كنت عارف
سندس / زعلان منك اوى على فكره
محمد / انتى مديه للواد ده اهتمام زياده على فكره
سندس رجليها تتنى تيجى تقع محمد يلحقها
محمد / انتى كويسه
سندس / اه
محمد / تعالى نفطر فى الكافيه ده
سندس / اوك تعال
........................
فى الشقه
الاول / و احنا بقى هنفضل قاعدين كدا لحد مالبيه يخلص فسحته مع المزه و يرجع
محمود / لو سمعك هينفخك
عصام / سرحان فى ايه يا محمد
سمره / فى البرنس تفتكروا لسه بيحب منى
محمود / فال الله و لا فالك ليه هو اهبل
سمره / يعنى بفكر قدامه واحده زى سندس اربعه و عشرين ساعه
التانى / اديك قولتها قدامه طول الوقت طبيعى ميشوفهاش
محمود / لا ياعم البرنس مش كدا
التانى/ هو انا بقول بيلعب بيها هو بس مش فاهم مشاعره
عصام / ميمكن اخته بجد ميمكن هى نفسها مبتحبوش
سمره / هتستهبل هو فى واحده تقطع المشوار ده كلو عشان اخوها
محمود / سندس دى مجنونه و انت عارف
سمره / بس لسه عند رايى برده ان جنانها حلو بت دماغ بتعرف تعيش بت تحرك الحجر
محمود / اعدل يا محمد بدل متتعدل بطريقه توجعك
سمره / مش قصدى بس انا مستخسرها فى حد زى كريم و لا يوسف
عصام / مين دول
سمره / ناس بقولكوا ايه انا هنزل اجيب فطار قاعدتكوا تقرف
محمود / هههههههههههه احسن
........................
فى الكافيه
سندس / الحمد لله شبعت اوى
محمد / الحمد لله كنت خايف تكلينى
سندس / اخرس انا مكلتش من امبارح
محمد / ليه كدا
سندس / اهو مكنليش نفس منه لله اللى نكد عليا و لا بلاش
محمد / اه و النبى دا يتيم و غلبان
سندس / هههههههههههههههه
محمد / اى خدعه
سندس / انا مش عاوزه اروح
محمد / سندس انا جاى مع صحابى و عيب اوى انى اسيبهم
سندس / مش مشكله هقعد لوحدى انا نمت فيها لوحدى امبارح على فكره منمتش بمعنى نمت يعنى بس اهو فضلت فيها لحد معرفت مكانكوا
محمد / حسابى مع محمود بعدين
سندس / مش ذنبه انى اذكى منه انا كنت حاطه ايدى على قلبى لتطلع صاحى كانت كل حاجه هتبوظ
محمد / لو كنتى سالتينى عالعنوان كنت اديتهولك على فكره
سندس / بجد
محمد / و لو كنتى اتصلتى و قولتى انك هنا اكيد كنت هاجى اطمن عليكى يعنى
سندس/ انت بتقول كدا بس
محمد / اللى تشوفيه
سندس / انت بتتكلم جد صح مش بتشتغلنى صح
محمد / والله بتكلم جد
سندس تبتسم و تبص عالبحر
سندس / العشق
محمد / حلو اوى فعلا
سندس / هخلينى عندى كلام كتير هحكيهوله
محمد / انا كدا هغير منه
سندس / ههههههههههههههه مانتش قده دا معايا من سنين يعرف عنى كل اسرارى عمرى محكيت لغيره اصله امين عمره ميحكى لحد
محمد / مش بقولك هغير منه هتقوليله ايه بقى لا الاول لما بتحكيله بيرد عليكى
سندس / مره كنت فى الشتا و فضلت ازعق فيه ازعق فيه كنت مخنوقه اوى هوب موجه جامده خبطتنى وقعتنى فى الارض
محمد / ههههههههههههههه متجيش غير بالسك اصلا و عملتى ايه
سندس / بجد قولتله انا اسفه و قعدت اعيط خبطنى موجه تانيه بس التانيه موقعتنيش يمكن عشان انا كنت ساعتها بعيد شويه بس حسيت انه حاسس بيا
محمد / انتى عسل اوى على فكره
سندس / عارفه عارفه
محمد / ههههههههههههههههههههههههه
تليفون محمد يرن
سندس / العيال
محمد / اه
سندس / روحلهم و انا هروح شقتى
محمد / كلمينى اول متوصلى
سندس / تمام يلا سلام
محمد / سلام
.................
فى الشركه
اسلام / انتى هتجننينى
ساره / انت عمرك محبيت عمرك معملت حاجه مجنونه عشان بتحب
اسلام / لحد دلوقت معملتش بس اكيد هعمل
ساره / هههههههههههههههههه طب ابقى ادينى رنه اتفرج
اسلام / خفه اللى مجننى انى لما كلمتها زعقت فوشى انا عمرى مسكت لحد بس هى كانت
ساره / بتكابر هما الاتنين بيكابروا
اسلام / محمد خارج من علاقه بنت كلب خدت كل اللى عنده كان بيشتغل ليل نهار عشانها كان بيصحى يروح الكليه و يرجع يشتغل معايا و يخلص يطلع على قاعه افراح بره البلد يرجع ينام ساعه و يصلى الفجر و يقعد يزاكر كلمتين او ينام تانى و هكذا مفيش راحه مفيش اجازات و فى الاجازه مكنش بيبطل شغل
ساره / يمكن ده اللى عجب سندس فيه انه راجل و قد المسؤليه
اسلام / سالته مره انت ناوى تكمل بجد قالى بدات ليه مالاول كان بيحط القرش عالقرش عشان يجيبلها الشبكه اللى طلبتها كان عاملها مصروف ايد شهرى كان بيقولى هى مراتى حتى لو قدام ربنا بس كفايه عليا و مدام هى مراتى تبقى ملزمه منى
ساره / ياريتها قدرت
اسلام / مشوفتيهوش و هو بيحرق صورهم مشوفتيهوش و هو واقف اسد
ساره / هو الكسبان على فكره اللى زى دى خسارتها مكسب اللى يبيعك عشان الفلوس عمر الفلوس مهتشبعه عمرها مهتعوضه الحب اللى خسره و على الاقل هو لسه عالبر قدامه بدل الفرصه اتنين و تلاته يقدر يبدا من اول و جديد دى فحد ذاتها نعمه غيره مش لاقيها
اسلام / مالك قلبتيها سواد ليه
ساره/ مفيش غير السيره
صمت ثوانى
اسلام / على فكره انتى صح اللى يبيعك عشان الفلوس يبقى هو الخسران اكيد ربنا عمل كدا عشان انتى تستاهلى حاجه احسن اكيد فى حاجه مستنيه
ساره تدحك بسخريه و تبص الناحيه التانيه
اسلام / اللى يقعدنى كل السنين دى و الاقى اهلى فجاه و اتنقل من سواق ميكروباص بيتحط عليه من اقل عسكرى مرور لراجل اعمال بيسلم على وزير الدخليه بايده فيوم و ليله اللى يخلينى اترفض من بنت يعنى كويسه و كل حاجه بس سبحان الله كانه بيعوضنى عن صبرى كل ده
ساره / سبحان الله انت تستاهل
اسلام / و انتى كمان تستاهلى يا ساره تستاهلى كتير اوى انتى بس اللى مش راضيه تقلعى النضاره السوده دى
اسلام يمسك ايدين ساره
اسلام / بكره احلى اوعدك ان فى حاجات كتير حلوه جايه
ساره تبتسم الباب يتفتح و مهاب يدخل و السكرتيره بتحاول تمنعه يشوفهم و هما قاعدين ماسكين ايدين بعض و بيدحكوا الدحكه تروح
.............................
فى اسكندريه سندس راكبه العربيه قبل عماره محمد بشارعين محمد و اصحابه ينزلوا من العماره و يمشوا ناحيه البحر تنزل مالعربيه و تقفلها و تركب الاسانسير و تطلع تضرب جرس الشقه اللى جنب محمد يفتحلها عيل صغير
سندس / بابا موجود
الولد يدخل يجرى و يرجع معاه راجل
سندس / انا عاوزه اجر الشقه دى اسبوع و هدفع فى اليوم الف جنيه
الراجل / الشقه دى مش للايجار
سندس / تمام تاخد فيها كام و تبيعها
الراجل / انتى شاربه حاجه يا بنتى
سندس تفتح شنطتها و تطلع المحفظه
سندس / انا سندس محمود المصرى دى بطاقتى انا مش مجنونه و لا نصابه انا بس محتاجه الشقه دى اسبوع ضرورى حياه او موت
ست تطلع من جوه
الست / مين يا ابراهيم
سندس / سندس المصرى محتاجه الشقه دى اسبوع هدفع اللى تطلبوه عشر تلاف كويس عشرين الف
الست / انتى بتتكلمى جد
سندس / انا ممكن ادفع الفلوس حالا
سندس تفتح الشنطه و تطلع منها رزمتين متينات و تديهم للست الست تبص لجوزها
.......................