(((((((((سكة السلامة ))))))))))
#لولو_محمد
الحلقه العشرون
محمد / انا قولت لاسلام كدا بس برده يا جدع الواحد تعب الترم اللى فات
محمود / بقولك ايه متجيب سيلفى للفيس
محمد / قشطه تعال
محمد و محمود يتصوروا تليفون محمد يرن
محمد / عن اذنك
محمود / سلملى عليها
محمد يبصله و يدحك و يروح بعيد
محمد / انتى فين يا بنتى
.........................
سندس / قولى الاول ايه رايك فى حنان و شوق عرفتهم بزمتك
محمد / لا بصراحه فنانه انا بقول نفتحلك كوافيره عندنا فى الحاره تكسبى دهب
سندس / كوافيره فى عينك اسمها ميك اب ارتيست
محمد / ماشى انتى فين بقى
سندس / نازله السلم معلش اتاخرت فى اللبس تعال بقى خدنى
محمد / هوا
....................
عند ناهد
حنان بتهزر مع حمدى تشوف ابراهيم و اخته هند داخلين
حنان / مين عزمهم دول
شوق / انا عزمتهم عشان يشوفوا رفضوا مين
حمدى / عفارم يا شوق والله ملعوبه
حنان / انت بتشجعها
شوق / كسروا قلب اخويا فيوم و حسروه على حاله خليهم يجوا و يشوفوه دلوقت عشان يعيشوا باقى عمرهم يتحسروا هما على حالهم
شوق تقوم و تسلم على هند و ابراهيم يروح يقف فى جنب
هند / ايه الحلاوه دى
شوق/ ميرسى سلامه اشترهولى اوووه قصدى اسلام
هند / شوق اوعى تكونى زعلانه منى انتى عارفه ان مليش يد فى اللى حصل و لو كان عليا
شوق / ملوش لازمه الكلام ده دلوقت انتى شايفه اسلام بقى فين دلوقت يعنى الحفله مليانه بنات وزرا و بنات محافظين و سيدات اعمال يعنى انتى فاهمه
هند / عن اذنك
شوق / نورتى يا قلبى
مصطفى يدخل
مصطفى / انا معرفتكيش
شوق / حلو بجد
مصطفى / جدا مع انى زعلان منك اوى
شوق / ليه بس
مصطفى / انا عارف انك اتنقلتى نقله تانيه بس يعنى مش تسالى عن جيرانك
شوق / و الله كان غصب عنى انا مروحتش هناك و لا مره و بصراحه انكسفت اتصل مكنتش عارفه هتصل اقول ايه اصلا
مصطفى / اى حاجه ان شالله
شوق / و بعدين انت بتسبقنى و تلومنى مانت لو كنت عاوز تتصل مكنت اتصلت
مصطفى / بصراحه خفت اسببلك مشاكل
شوق / على العموم ملحوقه انا متاكده اننا هنتقابل تانى
مصطفى / اكيد
شوق / عملت ايه مع اخواتك
مصطفى / صالحتهم و كلو بقى زى الفل
شوق / الحمد لله فرحتلك والله
مصطفى / و انا فرحت اكتر لما شوفتك النهرده
شوق تبتسم
.............................
فى الهول محمد واقف تحت بيلعب فى الموبايل يسمع تكات كعب عالسلم يبص يلاقى سندس نازله بفستان للركبه بودريه منفوش بحزام سلفر و كمام تل و صدر تل مشغولين بالسلفر و شعرها لحد كتافها بنى و تاج رقيق و مكياج رقيق فى غايه الجمال توصل قدامه و تقف و هو متنح فيها
سندس / احم احم
محمد / ازاى بتعملى كدا
سندس / بعمل ايه
محمد /بتحلوى كدا
سندس / انا حلوه فى كل الاحوال
محمد / اه صح و بعدين استنى هنا ايه الفستان ده
سندس / ايه ماله
محمد / هو ايه اللى ماله هو فين الفستان اصلا رجليكى باينه و اديكى باينه و كلك باينه مجبتيش زى حنان و شوق ليه بلاش مجبتيش زى ساره و اميره فستان طويل ليه
سندس / لما ابقى قدهم هلبس زيهم و بعدين مهو بكم اهو
محمد / صبرنى يارب
سندس/ بجد بقى ايه رايك بزمتك مش قمر
محمد / مانتى قولتيها انتى قمر فى كل الحالات
سندس / ميرسى
محمد / متاخديش على كدا بكره هشوف شغلى معاكى عالفستان ده بس نعدى الليله
سندس / هههههههههههههه بكره بقى
محمد يانج سندس و يروحوا بره ساره تشوفهم تغمز لسلامه يبص يلاقيهم مانجين و بيدحكوا لبعض حنان و حمدى يبصوا عليهم و بعدهم شوق و مصطفى سندس و محمد يروحوا يسلموا على سلامه
سلامه / ايه القمر ده هو النهرده اربعتاشر عربى
سندس / ميرسى
سلامه / تعالى ناخد صوره سوا بقى
سندس تشد محمد و يقفوا جنب سلامه و ساره تروح تقف جنب محمد الناحيه التانيه سندس تحط ايدها اليمين على كتف محمد و تبصه يبصلها تتاخد الصوره و هما مبتسمين لبعض ميرنا تدخل المكان لابسه فستان احمر فوق الركبه بكم قطيفه و حزام دهبى تشوف المنظر تروح تسلم على سندس و اسلام
ميرنا / حمدالله عالسلامه انا ميرنا صاحبه ساندى الانتيم
سلامه / تشرفنا
ميرنا / لا برافو مكنتش متخيله المكان بالروعه انا قولت مالاول ان ساندى هى احسن ايفنت بلانر
سندس / عيب يا بنتى بس شوفتى لما غطيت المكان و حطيت التكييفات الاستاند المكان بقى دافى ازاى كاننا جوه بالظبط
ميرنا / مش بيفوتك حاجه
سندس / طبعا
ميرنا / ممكن ثوانى
سندس / عن اذنكوا
ميرنا تاخد سندس على جنب
ميرنا / اخوكى طلع قمر
سندس / للاسف اكبر منك باتناشر سنه على الاقل
ميرنا / فرق السن عمره مكان عائق فى طريق الحب
سندس / اه طبعا انتى هتقوليلى
ميرنا / ههههههههههه بقولك ايه ايه الاخبار ها
سندس / اخبار ايه
ميرنا / بلاش صياعه يا سندس محمد عدوك اللدود
سندس / محمد شخصيه كويسه جدا اعترف انى مكنتش فهماه كويس بس انا سعيده انى كسبت اخ
ميرنا / لا و النبى عليا انا
سندس / انا اصلا محسبتكيش على الصوره بتاعه الحفله
ميرنا / و قفلانك تانى يوم الموبايل عشان تهربى مالجمهور انتى اصلا شوفتى جروب التليجرام البنات انتحرت لما شافوكى معاه ملهمش امل طبعا قصادك
سندس / ملهمش امل منغيرى محمد مش تافه على فكره عشان تعجبه البنات الواقعه دى
ميرنا / و ايه كمان
سندس / هو ايه اللى ايه كمان سيبك انتى جايه لوحدك يعنى
ميرنا / لا طبعا مش لوحدى انا ظبطت ماجد
سندس / نو واى
ميرنا / اهو لما شاف الصوره ملقاش حد يواسيه غيرى
سندس / نفسى تبطلى تصطادى فى الميه العكره
ميرنا / انتى محتاجاه فى ايه يعنى ممحمد موجود و متاكده انه يغيظ كريم اكتر من عشره زى ماجد
سندس / انا مبحاولش اغيظ كريم كريم بجد الفتره اللى فاتت بقى لا يطاق
ميرنا / انتى عارفه ظروفه على فكره هيجى مع ماجد انا بس سبقتهم
سندس / انا اصلا عزمتهم فى الاول و الاخر انتوا صحابى و لازم تقفوا جنبى فيوم زى ده
ميرنا/ طبعا يا قلبى طبعا
.....................
عند سلامه مهاب يروح يقف يتصور جنبه و يسلم عليه و يحضنه و ساره واقفه مستغربه
مهاب / نورت العيله
سلامه / منوره باهلها
مهاب / اوعى تزعل منى انا بس بهزر معاك
سلامه / خد راحتك
تليفون سلامه يرن
مهاب / رد رد لتكون حاجه مهمه و لا حاجه
سلامه / اللو .... ايه ... امتى ... انا جاى حالا
سلامه يقفل السكه يلاقى حمدى و مصطفى بيجروا عليه
حمدى / اللحق البيت بيولع
سلامه / عرفت يلا
سلامه يشاور لمحمد يجرى و صحابه يجروا وراه سندس تجرى على ساره
سندس / ايه اللى حصل
ساره / اسالى البيه
مهاب / و انا مالى انا واقف معاكوا اهو
ساره / هتدفع التمن غالى
مهاب / اعصابك يا قلبى
ساره / اقفلى الحفله يا سندس لو حد سالك قولى مثلا
سندس / هتصرف متقلقيش عشر دقايق و هتلاقى البيت فاضى
ساره / انا هاخد تيته اطلعها اوضتها المكان هنا محتاج تنضيف
......................
فى الحاره عالقهوه الكل متبهدل
حمدى / والله الراجل ده لازم يتادب زودها اوى
مصطفى / الحمد لله جت على قد كدا
حمدى / انت بتقول ايه يا جدع الميكروباص و بعدين البيت
محمد / و نتيجتى و كل ذكرياتنا و حاجتنا اللى كانت فى البيت
سلامه / و حاجه مصطفى
مصطفى / اللى يجى فى الريش بقشيش و مدام محدش اتعور خلاص يبقى حصل خير
سلامه / على العموم انا هعوضك عن كل حاجه خسرتها فى البيت
محمد / و هتعوضنا ازاى بقى يا سلامه هترجع بيت ابويا و امى
سلامه / هبنيه على اعلى حاجه هخليه يتحكى بيه و بكره تشوف
محمد / اه صح
سلامه / قصدك بايه باه صح
محمد / قصدى انه لازم يدفع التمن
سلامه / هدفعه و رحمه امى لندمه و بكره تقول سلامه البرنس قال
محمد / نندمه نندمه
سلامه / نندمه
...........................
فى الفيلا
محمد و سلامه و مصطفى يدخلوا
مصطفى / ملوش لزوم
شوق و حنان و اميره و ساندى و ساره يجروا عليهم
شوق / ايه اللى حصل خير
محمد / البيت اتحرق
شوق / ايه ازاى
حنان / حد اتعور
محمد / الحمد لله لا
اميره / الحمد لله الباقى يتعوض
شوق تعيط
شوق / مش كل حاجه بتتعوض يا اميره دا كان بيت اهلى كان زكريات عمرى صورى و صور ابويا و امى ياريتنى جبتها معايا يا ريتنى مسبتها
محمد / اهدى يا شوق مش كدا
شوق تطلع تجرى على اوضتها و حنان وراها
محمد / انا طالع انام تعال معايا يا مصطفى
مصطفى و محمد يطلعوا
سلامه / ساره بخصوص القضيه انا رجعت فى كلامى كلمى المحامى و اعملى اجتماع لمجلس الاداره بكره ضرورى
ساره / حاضر
سلامه يسيبهم و يطلع التلت بنات واقفين يبصوا لبعض
................................
فى اوضه محمد
مصطفى / كنت هروح ابات عند واحده من اخواتى و خلاص
محمد / متتهد بقى بدل مضربك عالمسا انا ناقصك خد اللبس البجامه دى و اياك تكون بتشخر انا مزاجى مقلوب خلقه
باب الاوضه يخبط محمد يروح يفتح يلاقى ساندى شايله صينيه
محمد / فى ضيف عندى
سندس / عارفه انا خليت ماجى تحضرله عشا
محمد ياخد الصينيه
محمد / فيكى الخير
سندس / انا جهزتلك عشاك انت بايدى تعال عشان تتعشى معايا انا مكلتش حاجه من الفطار
محمد / معلش يا سندس انا بجد مليش نفس
سندس / هتلاقى احلى منى تفتح نفسك
محمد / والله انتى رايقه انا فى ايه و انتى فى ايه
سندس / خلى عندك دم انا بحاول اخفف عنك
محمد / متحاوليش روحى نامى
محمد يدخل و يقفل الباب يلاقى مصطفى بيبصله
محمد / ايه
مصطفى / جتك اوى فى ايه يا جبله بتقولك مكلتش حاجه مالصبح و عملتلك العشا باديها ايه خلاص بعته
محمد / هو ايه اللى بعته
مصطفى / دمك يا بعيد امال لو مكانتش زى القمر
محمد / سندس اكتر انسانه مستفزه فى الوجود لازم اكون هادى عشان اعرف اتعامل معاها
مصطفى / طب تمام مدام ضميرك مرتاح اقعد كل زمانها نامت اصلا
محمد / اكيد هتاكل يعنى هتفضل لبكره يعنى منغير اكل
مصطفى / و انا اش عرفنى انا هات انا جعان انا مكلتش حاجه من ساعه الغدى و هموت مالجوع
محمد يبص لمصطفى و يبص يمين و شمال و يسيبه و يمشى يروح اوضه سندس يخبط سندس تفتح و هى لابسه بلوزه واسعه و طويله مشجره على ليجن اسود و رابطه شعرها ببندانه
محمد / ايه ده
محمد يبص يمين و شمال عالاوض
سندس / عاوز ايه
محمد / اه هى الاوضه صح
سندس/ عاوز ايه
محمد / اتعشيتى
سندس / لا هنام
محمد / طب انا جعان
سندس / انا خليت ماجى تنزل العشى تحت ملوش لازمه
محمد / طب متيجى اعزمك عالعشا فى المطبخ
سندس / شكرا قولت هنام تصبح على خير
سندس تدخل و تقفل الباب فى وش محمد و هو واقف ينفخ و يجز على سنانه
.......................
فى اوضه حنان
حنان / انتى هتفضلى تعيطى طول الليل اخوكى فيه اللى مكفيه متعزبيهوش زياده
شوق / و انتى مش زعلانه
حنان / لا مش زعلانه راح بيت يجى غيره البنيادمين هما اللى مبيتعوضوش و الحمد لله لا حد اتعور و لا حد مات يبقى خلاص و اسلام قال هيبنيه من اول و جديد
شوق / و مصطفى و حاجته و فلوسه و اكل عيشه
حنان / اكيد سلامه هيعوضه اخوكى مبياكلش حق حد
شوق/ و زكرياتنا اللى فيه
حنان / زكرياتك فى عقلك اخوكى بيتحارب و انتى بتفكرى فى ايه بابا لو كان عايش كان قلب الدنيا على اللى يعادى ابنه و انتى بتفكرى فى شويه صور و حيطان
شوق / مش هكدب عليكى مين عارف بكره مخبيلنا ايه الفلوس بتغير البنادمين اديكى شوفتى مهاب الزفت ده اخوكى كان طاير بيه وواخده مثل اعلى اول مالفلوس دخلت طلع حقير و ابن كلب
حنان / سلامه ابن اصول و تربيه ابوكى
شوق / مش عارفه يا حنان بدعى ربنا ميخيبش ظنى ابدا
حنان / لو على عمره ميعملها متخافيش
شوق / يارب
حنان / بس سيبك انتى مصطفى هيفضل معانا هنا
شوق / و انا مالى يعنى
حنان / بقولك ايه الدور ده تعمليه على اخواتك لكن انا ياختى عجناكى باديا دول
شوق / تقصدى ايه
حنان / اقصد وقفه الحفله بالساعه بترغوا و كل شويه تبصى فى الارض و تتكسفى و تدحكى و تروحى بنفسك تجيبيله الطبق و يروح يجيبلك العصير و هاءهاءهاء و هئ هئ هئ
شوق / انا غلطانه اتخمدى يلا نامى نقصاكى انا
حنان / ههههههههههه هنام ياختى هنام
............................
فى اوضه سندس
محمد يفتح الباب بكوعه و يدخل يلاقى سندس نايمه على وشها عالسرير بالعرض و الاوضه مبهدله و الهدوم فى كل حته و عالكراسى و الترابيزه
محمد / اوضه بنت من انهى اتجاه دى
محمد يشيل الصينيه بايد واحده و يفضى الترابيزه و يحط عليها الصينيه و يروح يقعد عالسرير جنب سندس و يخبط على كتفها
محمد / سندس سندس قومى اتعشى
سندس نايمه / حاضر
سندس تتقلب الناحيه التانيه ووشها يبقى لمحمد و شعرها يغطى وشها
محمد / يعنى طفسه و قولنا وماله عصبيه و قولنا امرنا لله لسانك طويل و قولنا معلش مش منظمه و فوضاويه و قولنا و احنا مالنا لكن نومك تقيل كمان فاضل فيكى ايه يا سندس فاضلك ايه
سندس نايمه محمد يتاخر شعرها من على وشها و يبتسم و يقوم يفتح علبه العصير و يحط فيها الشاليموه و ياخد ساندوتش و يروح جنبها يحط الساندوتش على بقها تقطم قطمه نونو يبتسم و يقرب العصير
محمد / خدمه خمس نجوم والله دانا معملتهاش مع اخواتى
سندس قطمه كمان و قطمه كمان و تفتح عينها تلاقى محمد مبتسم و بياكلها تقوم تقعد فجاه و تبصله بعينها مقفوله و تحاول تستوعب
سندس / انت بتعمل ايه هنا
محمد / قولتى انك مكلتيش فجبت اكل
سندس / مش عاوزه منك حاجه
محمد / دا على اساس ايه انتى ضاربه خمس سندوتشات لحد دلوقت
سندس / ايه
محمد / انا اسمع عن ناس بتتكلم و هى نايمه بتمشى و هى نايمه لكن بتاكل و هى نايمه كمان جديده والله
سندس / انت ازاى تدخل اوضتى اصلا و بعدين اكلت خمس سندوتشات و انا نايمه ليه كنت فغيبوبه
محمد / بهزر معاكى يادوب كام قطمه فار بياكل
محمد يقلد الفار سندس تضربه فى كتفه
محمد / اااه هزار بوابين قومى اتعشى معايا
سندس / مش عوزه منك حاجه انا جيتلك لحد عندك و مشتنى
محمد / ربنا اللى يعلم اللى فيا ماشى
سندس / و انا جيت عشان اخفف عنك عملتلك الاكل بايدى معملتهاش فى حياتى
محمد / انتى هتستعبطى انتى مبتعرفيش تسلقى بيض اصلا
سندس / الله ... ماجى عملت الاكل و انا مليت الساندوتشات و صبيت العصير ورصيت الصينيه عاوز ايه اكتر من كدا
محمد / لا والله كتير تعبتى نفسك
سندس / دا اخرى و ان كان عاجبك
محمد / و ايه اوضتك دى عيالك هيطلعوا زيك
سندس / لما ابقى اتجوز ابقى اشيل هم عيالى
محمد / و مين هيتجوز واحده مبتعرفش تطبخ زيك
سندس / الطبخ مش كل حاجه فى حاجات اهم
محمد يربع / لا يا ماما الطبخ هو كل حاجه حتى قالوا ايه اقرب طريق لقلب جوزك معدته الراجل ممكن يستحمل اى حاجه اى حاجه الا انه يكون جعان
سندس / يا سلام
محمد / امال تخيلى كدا الراجل شغال تمن ساعات و مروح طالع عينه و يلاقى مراته مش عامله اكل يلاااااهوى عليها
سندس / لو متجوزنى اطبخله ميتجوز ماجى احسن
محمد / وماله و هى ماجى وحشه
سندس / انت جاى تنقطنى
محمد / الا ايه اللى انتى لابساه ده صحيح هدومك يا صغيره يا كبيره مفيش حته واحده توحد ربنا على مقاسك
سندس تحط ايدها فى وسطها
محمد / بس ليكى حق يعنى انتى ملكيش مقاس اصلا هدوم الاطفال صغيره و هدوم الكبار واسعه كان نموك وقف عند السن المحيير
سندس / مزاجك رايق ما شاء الله
........................
أنت تقرأ
سكه السلامه بقلم / لولو_محمد (كامله )
Romanceشاب فقير يجد اهله الاثرياء بعد غياب عشرون عاما ليجد نفسه امام تحديات كثيره لم يكن يتوقعها
