((((((سكة السلامة ))))))
#لولو_محمد
الحلقه السابعه و الثلاثون
محمد / متزعلش اصلنا مش تربيه فلل فحوار الصحوبيه ده مش واخدين عليه
يوسف / خلاص سميها اى حاجه تانيه انا معنديش اى مانع تربطنى بسندس نفس العلاقه اللى بتربطك بيها
محمد / احلم على قدك
سندس / انتوا ليه لازم تصنفوا كل حاجه عادى يعنى احنا هنضيع اليوم واقفين ها تحب تتفرج عالمكان الاول و لا تخش فى التمرين
يوسف / هو السلم ده بيودى على فين
سندس / تعال اوريك
سندس تاخد يوسف تحت و محمد يفضل واقف يتفرج عليهم و هو مدايق
.........................
فى الصاله
ناهد / بتعملوا ايه يا بنات
شوق / بنتفرج على موديلات فساتين الافراح
ناهد / ورونى
اسلام يدخل يرزع نفسه عالكنبه
ناهد / مالك يابنى فى ايه
اسلام / هطق
حنان / فى ايه يا سلامه مالك
اسلام / الجدع اللى جوه ده بس العيب مش عليه العيب عالحيوانه اللى حطتنى فى موقف زى ده
ناهد / اهدى يا حبيبى دا مهما كان ضيف
اسلام / طب متنادوا ماجى تروقله اوضتى يقيل فيها حبه هو فى ايه يا جدعان انتوا عاوزين تجننونى
ناهد/ هههههههههههههههه ربنا ميحرمنى منك ابدا يا حبيبى احمد ربنا كنا فين انها تجيب صحابها و تقابلهم هنا تحت عنينا اهون بكتير من زمان والله كان قلبى بيتحرق عليها كل يوم
اسلام / سلامه قلبك يا ست الكل
ناهد / كانت تخرج متاخر و تبات للصبح و لا نعرف كانت فين و لا رجعت امتى و لا لبسها و شكلها كنت كل يوم بستعوض فيها ربنا
اسلام / الحمد لله بس يا جماعه حسوا بيا
حنان / محمد معاهم اهدى
اسلام / هديت انا كدا صح محمد معاهم
مهاب يدخل
مهاب / مالك يا اسلام شكلك عصبى فى حاجه مديقاك و لا حاجه
اسلام / لا مفيش
مهاب / انا برده مالعيله قولى يمكن اقدر اساعدك
اسلام / انا هقوم اشوف ساره فين عن اذنكوا
اسلام يقوم
مهاب / البيت ده معدلوش كبير
ناهد / كبيره كان قاعد قدامك روح اللحقه لو عاوز منه حاجه
مهاب يبص لناهد و يقوم و هى تدحك
..................
فى الجيم
يوسف و سندس بيتمرنوا فتنس يوسف يوقف فجاه و يروح يشرب ميه
سندس / لحقت تتعب
يوسف / لا بس انتى مش مركزه عماله تبصى فوق كل شويه
سندس / صعبان عليا قعدته لوحده اوى
يوسف / ميروح يقعد مع العيله ايه يعنى لازم حد يراقبنا
سندس / بتقول ايه يا يوسف هو مش قاعد يراقبنا
يوسف / امال يعنى قاعد ليه لو حاولت اعمل حاجه هيقدر يعمل حاجه بوضعه ده
سندس / وماله وضعه يعنى
يوسف / اهدى انا مش قصدى انا اقصد ان لو هو قاعد عشان مثلا لو قليت معاكى كان الاولى اسلام يفضل اسلام صح
سندس / اه
يوسف / ميرنا قالتلى ان محمد مش اخوكى هى حكتلى الحكايه كلها الحقيقه
سندس / محمد اكتر من اخ
يوسف / واضح
سندس / مهما حكيتلك
يوسف / بتحبيه
سندس / انت بتقول ايه
يوسف/ انا عارف اننا لسه متعرفين على بعض قريب و اكيد يعنى ملحقتيش تثقى فيا بس يعنى ... بصى هو الحقيقه انا اللى لفت انتباهى ليكى انى عمرى مشوفت اخت فى حاله زى دى بسبب اخوها اه طبعا بيبقى فى حب بس مش عارف اوصفلك يمكن فهمت بعد كدا لما عرفت انكوا مش اخوات يعنى غالبا الاخوات بيبقى فى بينهم شويه مناقره كدا
سندس / ههههههههههههههههههه
محمد فوق يبص الناحيه التانيه و ينفخ
سندس / بص حاجه حاجه بالنسبه انى مبثقش فيك فدا موضوع تانى اولا انا مش سهل تقرب منى بالسرعه دى بس اللى انت عملته خلانى مديونالك باكتر من عمرى لو فى عندى حاجه اغلى هديهالك حقيقى و موضوع المناقره زى مبتقول فصدقنى انا من يوم معرفت محمد حتى قبل معرف انه اخويا و احنا مبنعملش حاجه غير اننا نتخانق حتى النهرده احنا متخانقين و امبارح و علاطول يعنى لو اتفقنا دقيقه بنتخانق عشره
يوسف / هههههههههههه
سندس /والله اما بقى موضوع اننا مش اخوات فيمكن ده اكتر حاجه مديقانى يعنى تفتكر ربنا مبيحبنيش للدرجه دى انه مستكتر عليا اخ زى ده
يوسف / لا دى حكايه بقى
سندس / انت جاى تتمرن و لا جاى تحكى
يوسف / احكى
سندس / ههههههههههههههههههههههههههههههه
محمد يقوم و يمشى و يرزع الباب سندس تبص متليقهوش تمشى و تنفخ
سندس / متيجى نروح نقعد معاه
يوسف / لو ده هيبسطك معنديش مانع ثوانى اللم حاجتى
يوسف بيلم حاجته
يوسف / مكملتيش الحكايه يعنى ايه بقى اخ زى ده
سندس / لو فتحتنى فى الكلام عن مميزات محمد مش هنخلص
يوسف / للدرجادى
سندس / و اكتر
يوسف / و متاكده انكوا اخوات بس
يوسف ياخد شنطته و يطلع السلم و يبص لسندس
يوسف / مش جايه و لا ايه
سندس / جايه .. جايه
.................................
فى الجنينه ساره قاعده بتشرب عصير اسلام يعدى يخطفه منها و يرزع نفسه عالكرسى
اسلام / حقيقى محتاجه
ساره تبتسم / اتفضل مالك
اسلام / انا كنت فاكر انى بعرف اتحكم فى غضبى اكتر من كدا بس الوضح انى كنت غلطان
ساره / ليه ايه حصل
اسلام / لا هو هيحصل اكيد هيحصل
ساره / ايه اللى حصل طيب
يوسف يطلع هو و سندس من باب الجيم اللى بيطل على حمام السباحه اسلام يشرب العصير كله مره واحده و يرزع الكاسه و يقوم ساره تقوم تجرى وراه
اسلام / هو محمد فين
سندس / معرفش بدور عليه
يوسف / انا هستاذن بقى ميرسى عالوقت الظريف حقيقى استمتعت
ساره / على فين معقول هتمشى منغير متتغدى معانا
اسلام يجز على سنانه و يضم صوابعه بوكس
يوسف / مره تانيه
سندس / المره الجايه انا اللى هبقى الكوتش
يوسف / لا بالراحه عليا انا مش قدك ههههههههه سعيد انى اتعرفت عليكوا بس لازم امشى
اسلام مبتسم و هو قافل بقه يوسف يمشى و اول ميبعد شويه اسلام يضرب ايده فى الباب الازاز الازاز ينزل حتت سندس و ساره يتخضوا يوسف يبص وراه اسلام يحط ايده ورا ضهره
اسلام /رزعته جامد الازاز اتكسر هبقى اجيب حد يغيره متاخدش فبالك
يوسف يبتسم و يمشى ساره تبص لسندس و تغمزها يمشوا بسرعه بعيد اسلام يبص على ايده يلاقى دم ينطر ايده و يطلع اوضه محمد
.....................
فى اوضه ساره
سندس / هههههههههههههههههههههههههه
ساره / انتى بتدحكى الحمد لله عدت على خير
سندس / هههههههههههههههه
ساره / اسلام مش زى مهاب اسلام دمه حامى
سندس / انتى مش هتروحى حفله حبيبه صحبتك
ساره / كنت هروح بس مش عارفه دلوقت الوضع اتغير
سندس / ولا اتغير و لا حاجه قومى اللبسى و انا هاجى معاكى انا كمان عاوزه اغير جو و ابعد عن البيت حبه
ساره / يا شيخه دانتى مرضتيش تيجى عيد ميلادى امبارح و تبعدى عن البيت
سندس / كنت غلطانه مجاليش غير حرقه الدم
ساره / اتخانقتوا و لا ايه انا بسال ليه دانتوا لو متخانقتوش تموتوا
سندس / بس المرادى كبيره
ساره / ليه
سندس / معرفش هو فجاه كدا بيتعصب و مش بس كدا بيغلط كمان
ساره / يعنى ان كان اسلام كسر الازاز بايده فما بالك بمحمد بقى
سندس / اوووه صح و دا كمان بقولك ايه اللبسى و انا هروح ابص على اسلام و لما تجهزى قوليلى انا مش هاخد وقت
ساره / مش هتاخدى وقت صح
سندس / بت اللبسى حاجه عدله اكيد البت المايعه دى هتبقى هناك و تقعد تقول كلامها اياه ده
ساره / انتى ليه حطاها فى دماغك
سندس / عشان انتى اختى و مستحيل اسمح لوحده تقول عنك كلام وحش هى اصلا متطولش تبقى كعب الهيل بتاعك اللبسى الفستان الاسود اللى بفيونكا من الضهر تحفه عليكى و الجو حلو هيبقى مناسب جدا
ساره / لا مش عارفه
سندس / انتى عندك كام سنه هتسبيه لامتى اقولك هاتيه انا عينى فيه اصلا
ساره / ههههههههههه ميغلاش عليكى
سندس / اللبسيه النهرده و بعد كدا هاخده بس اللبسيه و اظبطى شعرك خليها تولع انتى اخت سندس المصرى يعنى بيوتى ايكون يلا هيت ايت
سندس تغمز ساره و تمشى
ساره / مجنونه
سندس تبصلها و تدحك ساره تدخل
.....................
فى اوضه محمد محمد بيلف شاش على ايد اسلام
محمد / كان هيحصل ايه لو كان فوشه بدل الازاز يعنى ياريتنى كنت انا ياخى والله ياريتنى كنت انا
اسلام / عدت عدت قدامنا احسن
محمد / والله
اسلام / الدور و الباقى على اللى طلع ينام و سابهم لوحدهم
محمد / ياريتنى عرفت انام حطيت الهيدفون و شغلت الاغانى عالعالى كنت هطق ابو الجبس اللى مكتفنى كدا يا جدع
اسلام / اهدى ياعم وله هو حصل حاجه
محمد / و هسكت يعنى اخرهم لما تعبوا وقفوا يدحكوا شويه فدايقت
اسلام / على ايه
محمد / مسمعتش
الباب يخبط و يتفتح سندس تدخل تبوس اسلام من خده و تحط ايدها حوالين رقبته و تحضنه من ورا
اسلام / متحاوليش
سندس / سلامه ايدك
اسلام / الحمد لله
سندس تبص لمحمد مش باصصلها
سندس / يوسف بيسلم عليك
محمد يبصلها و يبص الناحيه التانيه
سندس / انا اطمنت عليك يا ابيه هروح اللبس بقى عشان خارجه
اسلام يقوم يقف
اسلام / على فين بقى ان شاء الله
سندس / عيد ميلاد حبيبه صاحبه ساره
اسلام / مقالتليش انها خارجه بس مفيش مشكله هبعت معاكوا السواق يوصلكوا و يستناكوا يجيبكوا
سندس / طب متيجى تغير جو المكان هنا خنقه
سندس تبص لمحمد تلاقيه بكتم دحكته و اسلام بيبص عليهم هما الاتنين
اسلام / لا هنا حلو هو حد لاقى
سندس / نعمل ايه بقى يلا هروح اللبس سى يو
اسلام / هههههههههه سلام
سندس تمشى و اسلام يرمى نفسه عالسرير
اسلام / فكها يا خنقه
محمد يدحك و اسلام يدحك
.......................
فى اوضه ساره ساره تفتح تلاقى اسلام كان هيخبط هما الاتنين يتخضوا و يدحكوا ساره لابسه بوت اسمر لحد الركبه بكعب و فوقيه فستان مقفول تيبست لحد الركبه ساده بحزام استراس
اسلام / ااااه
ساره / ايدك عامله ايه دلوقت
اسلام / اه ايدى لا كويس الحمد لله معلش انفعلت شويه بس انتى فاهمه يعنى
ساره / حصل خير
اسلام / سمعت انك خارجه رايحه عيد ميلاد صحبتك
ساره / مكنتش هروح بس سندس صممت قالت مخنوقه قولت فرصه يعنى و اهو معايا احسن
اسلام / تمام
ساره / كنت هنسى الهديه ثوانى
ساره تدخل جوه ضهر الفستان مكشوف للاخر بفيونكه ترجع لاسلام تلاقيه باين عليه العصبيه
ساره / تمام
اسلام / انتى خارجه كدا
ساره / ايه
سندس تدخل
سندس / شوفتى جهزت قبلك
اسلام يبص على سندس يلاقيها لابسه فستان احمر كب للركبه تيبست و هيلز و مسيبه شعرها القصير يفتح بقه
سندس / تحفه صح انا كمان اول مشوفته اشتريته وش
اسلام / تعالى يا سندس هنا
ساره تهز راسها لا سندس تقرب شويه
اسلام / لفى كدا انتى كمان مانا ناقص
سندس / ايه
اسلام / لفى كدا خديلك برويته لفى يا حبيبتى لفى
سندس تلف اسلام يوطى يقلع جزمته ساره تقفل الباب بسرعه و سندس تدخل اقرب اوضه و تقفل الباب اسلام يحدف فرده الجزمه فى الباب و هو بيزعق على اخره
اسلام / جرا ايه يا جزم انتوا عاوزين تجننونى و لا ايه
الكل يطلع من الاوض ماعدا ساره و سندس قافلين على نفسهم الباب
اسلام / ورحمه امى اللى هشوفها لابسه فيكوا كدا تانى لجيبها من شعرها فاهمين و لا لا
طارق / فى ايه يا اسلام اهدى
اسلام / محدش يدخل ... قمصان النوم دى يا جزم متطلعوش بيها بره اوضه النوم انتوا فاهمين و لا لا
مفيش نفس اسلام يزعق على اخره
اسلام / ردواااا
ساره و سندس / حاضر
اسلام / ان كان على سندس فقولنا عيله و نلمها انما انتى يا كبيره
مهاب / فى ايه هنا انت فاكر نفسك فى الموقف ازاى تعلى صوتك كدا
اسلام / ابعد عن وشى السعادى .... و نفس الكلام لاى واحده فى البيت ده انا فاض بيا منكوا هو انا هاخد بالى من ايه و لا ايه الجو حر معلش اعرقوا شويه بدل متتحرقوا فجنهم
طارق يدحك اسلام يبصله بعصبيه و يمشى
مهاب / اما صحيح ربايه شوارع
محمد / طب متنزل الشارع يمكن تسترجل شويه
مهاب يروح لمحمد
مهاب / انت بتقول ايه
محمد / من قال ايه سمع
طارق / ايه يا رجاله اهدوا على بعض مش كدا
مهاب /لو مكنتش مدغدغ كان هيبقالى تصرف تانى معاك
محمد / دا من حظك انت
مهاب/ دا مبقاش بيت دا بقى سرك
مهاب يمشى و سندس تفتح الباب تبص بالراحه تلاقى محمد واقف
سندس / مشى
محمد / ههههههههههههههه
سندس / بتدحك على ايه
محمد / على المسكين اللى جننتيه دانا اللى اخوه مشوفتوش اتعصب كدا عمره
سندس / اوعى كدا
سندس تروح اوضه ساره و الكل يروح اوضته
..........................
فى الجنينه سلامه قاعد بيلعب فى الموبايل لوحده ساره تروح لابسه مقفول من الرقبه للكعب
ساره / اقعد و لا هنضرب
سلامه / هههههههههههه اتفضلى
ساره / انا بقالى ربع ساعه واقفه هناك اصل العمر مش بعزقه
سلامه / يا شيخه لا متخافيش انا عمرى ممديت ايدى على بنت
ساره / بتمد الجزمه بس
سلامه / هههههههههههههه لا انا عارف انا بحدفها فين متخافيش
ساره / لسه زعلان
سلامه يبصلها
سلامه / انا مش بتحكم فيكوا على فكره تعرفى لما كنت ببقى راكب المكروباص و اشوف اى واحده لابسه مش كويس مكنتش بلومها كنت بشتم ال .. اللى سابها تنزل من بيتها كدا
ساره / ال ايه
سلامه / كنت هشتم و بعدين مسكت نفسى مش هيجى بعد كل ده و الناس تتكلم عنى
ساره / اوك خلاص اوعدك انا هاخد بالى من لبسى بعد كدا مش هسمح لحد يقول عنك كلمه اوك تصبح على خير
سلامه / انا مخلصتش كلامى على فكره .. درسولك فى الكليه ان البضاعه لما تبقى ماليه السوق بتغلى
ساره / لا بترخص
سلامه / اهى الست كدا كل معرت نفسها بترخص مش بتغلى طبعا هتقولى راجعى و متخلف بس ابن مين فى مصر يستاهل يشوفكوا اصلا ابن مين فى مصر هو دا لو ابن وزير مش من حقه يشوف ضافر منكوا
ساره تبتسم
سلامه / انا نفسى مستاهلش
ساره / خلاص تمام
سلامه / و اسف انى اتعصبت بس هو اليوم من اوله يحرق الدم
ساره / اعملك عصير معايا
سلامه / و اه اسف كمان انك مروحتيش حفله صحبتك
ساره / احسن والله هى كانت هتبقى خروجه تحرق الدم و خلاص
سلامه / ليه يعنى
ساره / اخت صحبتى يا سيدى من النوع اللى بيلعب بالكلام مالك شكلك بقى كدا ليه معقول لسه متخطبتيش اللحقي نفسك قبل مشعرك يبيض كلام من ده يعنى
سلامه / بحاول اتخيلك بالشعر الابيض بيتهيالى مش هيتغير فى ملامحك حاجه
ساره / ههههههههههههه يا سلام
سلامه / انا شوفت صورك من و انتى صغيره ملامحك متغيرتش لسه نفسها بتقولوا عنها ايه البيبى فيس
ساره تبتسم
سلامه / نفس الدحكه و نفس العنين كانك مبتكبريش خليكى كدا علاطول متخليش حاجه تاثر عالدحكه الحلوه دى
ساره تنكسف / طب انا لازم اقوم بقى عن اذنك
ساره تمشى و ترجع تانى
ساره / شكرا
سلامه يبصلها / على ايه
ساره / كل حاجه تصبح على خير
ساره تمشى و اسلام بيبص عليها باستغراب
......................
فى اوضه سندس سندس نايمه عالسرير و فى كتاب فى ايدها محمد يخبط و يفتح الباب تتعدل و تقعد
محمد / متقوليش انك بتزاكرى اكيد انا بحلم
سندس / شوفت و ياريتنى فاهمه حاجه مالها الملخصات يعنى بتجيب مالاخر
محمد / لو فى حاجه واقفه معاكى ممكن اساعدك
سندس / فكيت
محمد / كفايه عليكى واحد مش هنبقى احنا الاتنين عليكى
سندس / الاتنين ؟؟
محمد / انا و سلامه
سندس / هههههههههههههههههههههههههههههههههههه
محمد / دلوقت بتدحكى محدش شافك و انتى زى الكتكوت المبلول
سندس / ههههههههه انا مش هكدب انا مخفتش فى حياتى كدا
محمد / تعرفى كام مره سلامه حدفنى بالشبشب او باى سلاح حائر طائر جنبه
سندس / كتير ؟؟؟
محمد / عمرها مجت فيا مش شطاره منى هو بينشن بعيد
سندس / بس انا اول مره اقف اشوفه عصبى كدا و خصوصا بعد مكسر الباب النهرده معرفش
…………………..
أنت تقرأ
سكه السلامه بقلم / لولو_محمد (كامله )
Romanceشاب فقير يجد اهله الاثرياء بعد غياب عشرون عاما ليجد نفسه امام تحديات كثيره لم يكن يتوقعها
