سكه السلامه بقلم / لولو_محمد (كامله )

الحلقه ٤٤

((((((((سكة السلامة )))))))
#لولو_محمد
الحلقه الرابعه و الاربعون
فريده / انا هطلع انام عندى حاجات كتير قبل الفرح بكره الصبح معلش عن اذنكم
فريده تطلع و ساره تيجى تمشى مهاب يمسك ايدها
مهاب / طالعه حلوه اوى
ساره / شكرا عن اذنك
مهاب / جبتى القسوه دى منين
ساره / لو سمحت سيب ايدى
مهاب / حتى لو عاوز مش هقدر
………………………..
اسلام يدخل
اسلام / هو احنا فاتنا العشا و لا ايه
ساره / هروح اشوف عن اذنكوا
ساره تمشى
اسلام / لو شوفتك ماسك ايدها بالطريقه دى تانى هكسرهالك
مهاب / باى صفه
اسلام/ بصفتى اخو الهبله اللى رضيت بيك جوز
مهاب / اطلع قولها ولا على ايه انا هطلع اقولها بنفسى عن اذنك ههههههههههههههه
مهاب يطلع و هو بيدحك و اسلام واقف بيغلى و يبص عليه و يبص عاللمه
......................
فى الجنينه متاخر
اسلام يتمشى فى الجنينه يلاقى ساره قاعده على سور البلكونه و سرحانه يبتسم و يفضل باصصلها و يعد بصوت واطى و اول ميوصل ل12 تبصله
ساره / ايه ده انت واقف هنا من امتى
اسلام / 12 ثانيه تقريبا
ساره / ههههههههههههه انت عادتهم
اسلام / يعنى كنت بشوف هتاخدى بالك منى بعد كام سنه
ساره / هههههههههههههه و انت مستعد تفضل واقف تحت بلكونتى سنه
اسلام / عشانك العمر كلو
ساره / ههههههههههههههههههههه
اسلام / بس بشرط انك تفضلى قاعده نفس القاعده دى و انا ببص عليكى
ساره / و لو قولت لا
اسلام / اممممم هفضل قاعد برده يمكن تحنى عليا ببصه
ساره / ههههههههههههههههههههههه
اسلام / او دحكه
ساره / تصبح على خير
اسلام / و انتى من اهله
ساره / كنت فكراك هتستنى احن عليك
اسلام / هتحنى يعنى ؟
ساره / افكر ههههههههههههههههههه تصبح على خير
اسلام يبتسم و يشد كرسى و يقعد و ساره تدخل و هى مبتسمه اوى
......................
فى اوضه سندس
سندس / ممكن تعلقى هدومك فى الدولاب لو تحبى على الاقل الفستان ميتكسرش
نرمين / لا انا هلبس طقم عادى بس عندى فضول اشوف فستانك
سندس / ماشى هوريهولك
سندس تفتح الدولاب و تطلع فستان احمر
نرمين / تحفه حقيقى
سندس تحطه فى الدولاب تانى جنب الفستان الاسود و بعدين تفكر ثانيه و تشد الفستان الاسود
سندس / بقولك ايه ايه رايك فى ده
نرمين / تحفه بس الاحمر احلى بصراحه
سندس / مش عارفه اقولك ايه بس الاسود ده انا لسه شرياه امبارح و كنت هلبسه بس الاحمر عجبنى اكتر لو دا مش هيدايقك ممكن تلبسيه انتى لو تحبى يعنى
نرمين / مش فاهمه
سندس / بقولك لو الاسود ده عاجبك ممكن تلبسيه انتى تقريبا جسمنا واحد
نرمين / والله مش عارفه اقول ايه
سندس / انتى مش لسه من شويه قولتى اننا اخوات انا بلبس من ساره عادى
نرمين / ماشى هقيسه بس مفتكرش هيجى فيا انتى ارفع
سندس / جربى بس
نرمين تقوم تاخد الفستان و تقيسه
نرمين / حلو اوى هنزل بكره الصبح اجيب بدى اسود و طرحه
سندس / و تنزلى ليه استنى هنا ثوانى
سندس تجرى على اوضه شوق تلاقيها بتتكلم واتس تنط جنبها عالسرير تتخض
شوق / فمره هموت مالسكته القلبيه بسببك
سندس / بعد الشر عاوزه استلف منك بدى اسود و طرحه سلفر ستان لو عندك
شوق / فى الدولاب خدى اللى يعجبك
سندس / اوك
سندس تروح تفتح الدولاب و تقلب لحد متلاقى و تاخدهم و بعدين تبص على شوق و هى مبتسمه
سندس / بتعملى ايه
شوق / مانتى لو فضيالى كنت حكيتلك
سندس تنط جنبها عالسرير
سندس / احكى
شوق / بكلم مصطفى هو صالحنى و يعنى
سندس / هو ايه اللى يعنى
شوق / واضح ان نصيحتك جابت نتيجه لما رميته ورا ضهرى جرى هوا ورايا بيعاملنى كويس و بيهتم بيا
سندس / اها و بعدين
شوق/ هو ايه اللى بعدين بقولك بيهتم بيا
سندس / مش كفايه يا شوق ميمكن بيهتم عادى يعنى شريكته و اخت صاحبه
شوق / قومى من هنا و هاتى حاجتى
سندس / بصى لازم يعترف بحبه لازم
شوق / هموت قبل ميعملها دا تقيل تقل الخرتيت استنى لحظه انتى عاوزه الحاجات دى ليه
سندس / لنرمين بتقيس فستان فبحاول اظبطلها يعنى
شوق / خدى بالك من نرمين
سندس / دى عسل
شوق / بصى هى مش وحشه بس بتتعامل بعشم اوى يعنى اخر مره جت عندنا اتخانقت جامد مع محمد و مشيت هى و مامتها مقموصين و مجوش عندنا تانى
سندس / اتخانقوا ليه يعنى اكيد رخم عليها زى مبيرخم عليا
شوق / لا دخل الاوضه لقاها لابسه السلسله اللى انتى لبساها دلوقت دى ياختى
سندس تحط ايدها على البجامه مكان السلسله تحتها
شوق / اتخانق جامد قالت انها كانت بتقيسها عشان تعمل زيها و نسيت تقلعها كدا يعنى
سندس / معرفش بس هى ممدتش ايدها على اى حاجه فى اوضتى يعنى
شوق / يوووووه افهمى نرمين معجبه بمحمد و لو شافت السلسله دى هتقوم القيامه فهمتى
سندس / مش فاهمه
شوق / يا ربى على غبائك السلسله دى ماما موصيه محمد و اسلام يدوها لاغلى واحده على قلبهم و محمد لما شافها لبساها اتخانق معاها و هى معجبه بيه فتخيلى لما تشوفك لبساها
سندس / ايوه بس محمد مش معجب بيا
شوق / فهميها انتى بقى انكوا اخوات و الكلام الاهبل بتاعكوا ده بس هى مش هتفهم حاولى تدارى السلسله لحد متمشى خليها جوه كدا زى مهى دا لو عاوزه نصيحتى
سندس / معرفش بصى انا مش هحط فبالى و انتى متطوليش معاه اوعى تلينى الحبل ليبعد
شوق / مش قادره
سندس / هههههههههه يا واقعه ابقى سلميلى عليه تصبحى على خير انا بنام و انا قاعده
سندس تاخد الحاجه و ترجع لنرمين تلاقيها مسيبه شعرها و لابسه تاج من بتوعها
سندس / حلو اوى عليكى قيسى بقى البدى و الطرحه والتاج ده فوقهم و شوفى هيبقى ايه
نرمين / هى حنان حاجزه كوافير كويس اروح معاها
سندس / مش هنروح فى حته هما هيجولنا لحد هنا
نرمين / ميرسى على فكره
سندس / على ايه
نرمين / خلتينى انام معاكى فى اوضتك و كمان هلبس فستانك اكتر من كدا ايه
سندس / اوضتك جاهزه بس يعنى انا مش هشوفك كل يوم
نرمين / انتى لازم تيجى عندنا البلد هعمل معاكى احلى واجب
سندس / اكيد هاجى
نرمين / اغير بقى عشان انام
سندس / احسن حاجه
.................
فى اوضه ساره ساره نايمه عالسرير باصه على باب البلكونه و مبتسمه تقوم تقرب متشوفش حاجه تفتح الباب و تقرب شويه تلاقيه قاعد مكانه و باصصلها و مبتسم تبتسم
ساره / بطل لعب و اطلع نام
اسلام / هنام هنا
ساره / فين عالارض
اسلام / عمرك مجربتى تنامى تحت النجوم
ساره / لا شكرا مش فاضيه اعيى
اسلام / السما النهرده صافيه تعالى متسبنيش اعد النجوم لوحدى
ساره / انت مجنون انت عارف
اسلام / ههههههههههههههههههه هى جت عليا مكل اللى فالبيت ده مجانين اشمعن انا
ساره / هههههههههههههههههه
اسلام يبصلها و هو مبتسم اوى
ساره / اشمعن انا يعنى اللى هفضل عاقله
اسلام / هو ده
ساره / اعملى نسكافيه على منزل
اسلام / اعتبريه حصل
ساره / هههههههههههههههههههههه
اسلام / ههههههههههههههههههههههه
.............................
فى اوضه محمد
عبده / بقالى ساعه بتكلم و انت معلقتش حتى
محمد / اعلق على ايه على خبتك فى حد فى الدنيا يسيب شغلانه زى دى عشان سبب زى ده
عبده / الله يا جدع امال انا بحكى فى ايه مالصبح البت كسرت نفسى
محمد / متغور ياعم هى اول مره يعنى تترفض
عبده / على رايك يا جدع الا ما فى كلبه راضيه تهبهب عليا حتى
محمد / ههههههههههههههههه حبيبى يا عبده
عبده / صحيح مقولتليش اخبار منى ايه
محمد / بلح
عبده / يا راجل ليه كدا
محمد / اقولك ايه بس اتجوزت
عبده / بتهزر
محمد / فكك كانت مرحله و عدت و الحمد لله انها خلصت على كدا
عبده / حصل خير بقولك ايه البت شوق اتغيرت خالص
محمد / مانت بقالك تلت سنين مشوفتهاش
عبده / اه من يوم خناقتك اياها
محمد / خناقتى انا انت هتتحجج و لا ايه متخلينيش اتكلم
عبده / لا يا خويا اتكلم قول
محمد / خلاص ملوش لزمه نام نام
........................
فى الجنينه اسلام و ساره قاعدين على مخدتين على ملايه و بيشربوا نسكافيه
اسلام / من يوم مجيت البيت و هو عمره معتبرنى ابن اخوه عمره معتبرنى مالعيله و لا لما ابويا مات كان عاوز يطردنى حلف مليون يمين مهو داخل البيت و انا فيه محمد و البنات وقفوله و قالوله ان ده بيتى قبل ميبقى بيتهم زعق فى شوق جامد و شتمها انها عديمه الحيا و راضيه يجمعها بيت مع واحد غريب عبده كان واقف و متكلمش لما حسيت انى هخرب على اختى كنت همشى محمد مسكنى و قالى ده بيتك اوعى تمشى و عمى خد بعضه و مشى و عبده جرى وراه بعدها بساعتين رجع لوحده
ساره / عبده
اسلام / اه رجع يعتزر عن اللى ابوه عمله بس كل حاجه كانت باظت شوق قلعت الدبله و قالتله انت مردتش لما ابوك شتمنى و مدافعتش عنى خليه يدورلك على واحده احسن منى و دخلت و قفلت عليها الباب
ساره / و بعدين
اسلام / كانت فى اولى اياميها و من يومها مدخلش بتنا بس نرمين و امها كانوا بيجوا زيارات كل سنه لحد فيوم من سنه كدا و لا حاجه محمد اتخانق مع نرمين جامد و حلفت مهى داخله بيتنا تانى بس و مشوفتهمش من يوميها
ساره / هو ده اللى مدايقك بقى
اسلام / عمي يا ساره المفروض يبقى عزوتى
ساره / خد عمى عمل ليله عشان ياخد الحضانه و اول ملمس الفلوس اتنازل
اسلام / هههههههههههههههههههههه
ساره / بتدحك على ايه حالك مش احسن منى
اسلام / هههههههههههههههههههههههه
ساره / بتدحك على ايه بجد
اسلام / اتلم المتعوس على خايب الرجا
ساره / احمد ربنا على الاقل انت الدنيا كلها لسه قدامك
اسلام / و انتى متى امتى مانتى كمان لسه صغيره و الدنيا كلها قدامك
ساره / صح
اسلام / بتتريقى حضرتك
ساره / اقولك انا هطلع اوضتى و انت خليك قاعد
اسلام / لا و النبى خليكى رقبتى اتلوحت من البص لفوق
ساره / ههههههههههههههههههههههههه
اسلام / بكره احلى يا ساره اوعدك
ساره تبتسم
اسلام / اوعدك
.............................
فى الفرح
اسلام بيسلم عالمعازيم مصطفى يدخل و معاه واحده معاها عيل صغير
مصطفى / اختى عزه و ده محمود ابنها
اسلام / نورتوا
سندس تشوفهم تجرى على شوق
سندس / مين دى اللى معاه
شوق / اخته قالى انها هتيجى معاه جوزها مسافر و هو قاعد عندها اليومين دول على ميرجع فجابهم يعنى فسحه
سندس / اها طب ايه بقى
شوق / ايه
سندس / اتعرفى على اخته خليها تشوف اللى هو مش قادر يشوفه
شوق / اتهدى انا اتوترت لما قولتى كدا صحيح تفتكرى هتقوله عنى ايه
سندس / هتقوله ان دى احلى بنت فى الدنيا و انها لو لفت لاخوها على عروسه مش هتلاقى زيك
شوق / يا شيخه
سندس / هتشوفى و هتقولى سندس قالت بقولك ايه هخلع انا بقى و اخليلكوا الجو
سندس تمشى و مصطفى و عزه يروحوا يسلموا عليها
مصطفى / عزه اختى
شوق / تشرفنا اتفضلوا
.......................
نرمين واقفه يوسف يشوفها من ضهرها يفتكرها سندس يروح يكلمها
يوسف / انتى اتحجبتى امتى
نرمين تبصله
يوسف / انا اسف افتكرتك سندس
نرمين / لا انا نرمين بنت عم العروسه
يوسف / اه اهلا اسف جدا لسوء التفاهم ده
نرمين / على فكره سندس هناك اهى
سندس تدخل
يوسف / حلوه المفاجاه دى
سندس / اتعرفتوا
نرمين / كان فاكرنى انتى
سندس / هههههههههههههههههههههههه
محمد على ترابيزه صحابه يسمع الدحكه يبص
يوسف / عجبتك اوى
سندس / على اساس ان انا حلوه اوى كدا
نرمين / يا شيخه
سندس / المهم ايه رايكوا فى الفرح انا اللى منظماه
نرمين / تحفه بجد
سندس / باذن الله فرحك يبقى احلى
محمد يدخل سندس تبص الناحيه التانيه
محمد / منور يا يوسف
يوسف / دا نورك
محمد / ابقى خدى بالك من دحكتك شويه
سندس / والله
محمد / انا جيت انبهك بس
سندس / و يهمك فى ايه مهو كدا كدا محدش هيبصلى مش انا مش حلوه
محمد / هاه قولى كدا بقى
سندس / البيه بيقول ان انا مش حلوه
محمد / و لسه عند رايى انتى مش حلوه
سندس / اللى مش حلوه دى هترقص النهرده مع اجمل و ارجل شاب فى الفرح
محمد / للاسف ارجل واحد مش هبرضى يرقص معاكى اصلا  لان رجله مكسوره
سندس / هو فين مش شايف حد رجله مكسوره غيرك لتكون فاكر انى هرضى ارقص معاك اصلا
يوسف / بس بس اهدوا فى ايه
محمد / العادى من سندس
سندس / منى انا
محمد / الرقصه الاسلو هتخلص اللحقى شوفى حد منحوس يرضى يرقص معاكى 
سندس تمشى و محمد يمشى الناحيه التانيه و نرمين واقفه مذهوله هى و يوسف
...........................
عند الباب
ساره / انت هتفضل واقف عالباب طول اليوم الفرح بدا ادخل اقف جنب اختك بقى
اسلام / مش هينفع
سندس تدخل و هى بتغلى
سندس / تعال ارقص معايا
اسلام / مالك فى حاجه
سندس / ورحمه بابا لو مجيت ترقص معايا لولع فى نفسك و فى الفرح و فمحمد ذات نفسه
اسلام / و على ايه عن اذنك يا ساره
ساره / ربنا يعينك
.....................
سندس تروح هى و اسلام الدانس فلور و يقفوا جنب حنان و حمدى و اميره و طارق
اسلام / مين مدايق القمر
سندس / انا مش مدايقه
اسلام / خالص
سندس / اش فهمه هو اصلا
اسلام / خلينى اخمن محمد صح
سندس / مين محمد انا معرفش حد اسمه محمد مفيش فحياتى حد اسمه محمد اصلا
اسلام / اريح
سندس / هو الخسران اصلا
اسلام / ههههههههههههههههههه
سندس تبصله بحزن
اسلام / واقف بيبص عليكى على فكره
سندس / اعمله ايه يعنى
اسلام / انتى رايك ايه
سندس / انا اروح اديله واحده فرجله السليمه اكسرهاله و ارقده خالص
اسلام / هههههههههههههههههههههه
سندس / انت بتدحك على ايه
اسلام / عليكى عشان البتاع ده لو اتكعبل دلوقت هتسبينى و تجرى عليه
سندس/ هو اصلا غبى
اسلام / مش لوحده على فكره احكيلى بقى عمل ايه جديد
حمدى / الاغنيه خلصت يابا
اسلام / بتنقى اوقات عسل زيك
حمدى / ياعم الحق عليا
اسلام / ماشى ياعم ... سندس سندس
سندس تمشى بعيد و تقف لوحدها محمد يروح يقف وراها بخطوتين تبص تشوفه تنفخ و تبص قدامها تانى
محمد / انتى زعلتى انى قولت انك مش حلوه ليه انا مكدبتش
سندس متردش محمد يقرب خطوه
محمد / انتى مش حلوه يا سندس
سندس تبصله و هى مقفوله
محمد / انتى قمر
سندس تتفاجئ و بعدين تلم نفسها و عنيها فعنين محمد
سندس / رايك ميهمنيش انا عارفه انا ايه كويس
محمد / كويس
.................