سكه السلامه بقلم / لولو_محمد (كامله )

الحلقه ٤٢

((((((((سكة السلامة )))))))
#لولو_محمد
الحلقه الثانيه و الاربعون
سندس / انت بتديهانى ؟؟؟
محمد / لو تقبليها يعنى
سندس دحكتها مالودن للودن و تلف فجاه و ترفع شعرها لبسهانى
محمد / طب ساعدينى
سندس تمسك الطرف و محمد يلف الطرف التانى و يقفلها
سندس / انا عمرى مهقلعها حتى لو قطعوا رقبتى
محمد / سلامه رقبتك
سندس تقوم تبص فى المرايه و هى فرحانه عالاخر
سندس / حلوه اوى و رقيقه جدا انا عمرى عمرى عمرى مفرحت بهديه زى دى عمرى مهقلعها ابدا
………………..
محمد / الحمد لله انها عجبتك انا هقوم بقى و اسيبك
سندس / خليك شويه
محمد / انتى مرهقه طول اليوم بقول تنامى
سندس/ مش عارفه انام حاولت و معرفتش
محمد / طب اقعد جنبك لحد متنامى ؟؟؟
سندس / انت بجد مش زعلان منى
محمد / لو فى سبب يخلينى ازعل هيبقى بسبب الجبس ده
سندس/ هانت بكره تفكه و تبقى زى الفل هانت
محمد / باذن الله
سندس/ تمام
تليفون سندس يرن
سندس / دا يوسف مردتش عليه خالص طول اليوم المود كان زفت
محمد / طب ردى
سندس / اوك ... الو ... اهدى اهدى انا كويسه .... ميرنا ؟؟؟ و انت شوفتها امتى .... مبتبلش فبقها فوله
محمد يبصلها و يطلع بره و يقفل الباب
..................
فى اوضه اسلام
اسلام نايم سندس تدخل تحط ايدها عليه و تحركه بالراحه يصحى يلاقى سندس بتعيط
اسلام / سندس ... فى حاجه انتى كويسه
سندس / مش عارفه انام ممكن انام جنبك
اسلام يستاخر و يرفعلها الغطا تدخل تحتيه و يلفها بيه و ينام هو فوقيه تفتحله ايدها ياخدها فى حضنه
اسلام / نامى يا قلبى
سندس / كل مغفل اتفزع
اسلام/ متخافيش يا قلبى اوعدك ان اللى حصل ده عمره مهيتكرر ابدا
سندس / لسه حاسه بايدهم لسه حاسه بنفسهم
اسلام ياخد راسها فى حضنه
سندس / هو ايه اللى حصل انا غلطت فى ايه ليه عمر محد حاول زمان مانت عارف كنت ازاى ليه دلوقت ليه بعد متغيرت ليه
اسلام / اوعى تفتكرى ان التغير سهل اوعى تفتكرى ان الناس هيسيبوكى تبقى احسن بسهوله
سندس تمسح دموعها و تبصله
اسلام / الناس هتساعدك لو هتبقى زيهم او اوحش محدش هيجازف انك ترفعى السقف بالنسبالهم كلهم عاوزينك اقل او على الاقل زيهم عشان ميحاولوش يبقوا احسن بس انتى اقوى منهم انتى اقوى مالكل اثبتيلهم انك احسن و انك هتكملى
سندس / انا تعبت انا عاوزه اموت بقى
اسلام / حرام عليكى يا قلبى اهون عليكى اعيش ازاى منغيرك انا
سندس تمسح دموعها
اسلام / بلاش انا طب ساره تيته هيعيشوا ازاى طب ... ايه ده
اسلام يمسك السلسله
سندس / دى بتاعه مامه محمد
اسلام / انا عارف ايه دى عندى اختها بس
سندس / ادهانى محمد ادهانى
اسلام يبتسم اوى
اسلام / طب انتى عارفه الهديه معناها ايه
سندس / انه بيحبنى زى حنان و شوق بالظبط
اسلام / لا انا ضغطى هيعلى كدا روحى نامى فى اوضتك
سندس تبصله و تيجى تقوم يمسكها
اسلام / بهزر يا بت انتى خدتيها جد تعالى
سندس / فريده قالتلى الحمد لله ان بابا مات لو كان عايش
اسلام / لو كان عايش مكنش كل ده حصل كان زمانه اكتر اب فخور ببنته فى الدنيا عارفه ليه
سندس / ليه
اسلام / عشان انتى احن و ارق و احسن بنت فى الدنيا كفايه اوى انك بتحاولى تبقى احسن انتى احسن واحده فينا كلنا انتى اقوى واحده فينا كلنا حساسه و بتخافى على مشاعرنا بتحاولى تخلى كل حاجه حلوه حوالينا بتهتمى بينا انتى حاجه حلوه اوى يا سندستى احلى حاجه حصلتلى فى حياتى اه يعنى مفيش انسان كامل بس على الاقل انتى بتحاولى تصلحى نفسك
سندس / انت بتقول كدا بس عشان تخلينى اتحسن
اسلام / ورحمه ابويا ابدا و صدقينى العيال دى هتدفع التمن غالى اوى و هتشوفى
سندس / انا ميفرقش مع
اسلام / يفرق معايا انا لازم اى كلب يحاول يقرب منك بعد كدا يفكر الف مره انا الدنيا خدتنى من حوار كريم بس المرادى مش هعديها
سندس / انت عرفت اه صحيح هو قالى انه قالك
اسلام / انا وقعت محمد فى الكلام
سندس / و لا يقولك بس بليز متقولش لحد
اسلام / حاضر
سندس / انا هروح انام
اسلام / هو دخول الحمام زى خروجه دانا مصدقت انك لمره واحده تجيلى و لسه معدتش حوار البرفان بتاع بابا اللى اديتيه لمحمد و انا لا
سندس / هههههههههههه
اسلام / ايوه كدا خلى الشمس تطلع والله العظيم بحبك يا بت
سندس تحط راسها عالمخده و اسلام قاعد جنبها مبتسم و بيلعب فى شعرها
..............................
تانى يوم الصبح
حنان / انا رايحه الكوافير حد عاوز منى حاجه
شوق / انتى مش كنتى هناك امبارح بالليل هو موال و لا ايه
حنان / تعرفى تخليكى فى حالك
شوق / مدا حالى يا بت انا هسه و هلبس و اجيلك
حنان / طب اجرى
شوق تقوم من عالفطار و تطلع تجرى عالسلم تلاقى اسلام نازل
اسلام / طب بالراحه طيب
ساره / صباح الخير
اسلام / صباح الفل انا محتاج فنجان قهوه دبل الدبل عشان افوق
ناهد / ليه يا حبيبى مالك
اسلام / مفيش يا تيته خير ان شاء الله امال فين باقى الناس
ساره / اميره و طارق راحوا المستشفى و الولاد فى المدرسه و فريده و مهاب راحوا الكليه بدرى
اسلام / و سندس لسه صاحيه يادوب دخلت تغسل وشها
محمد يدخل
محمد / و انا هنا صباح الخير
اسلام / صباح النور نمت كويس
محمد / و لا شوفته فضلت اللعب فى الموبايل لحد الصبح
اسلام / شرحه
ساره / هو انتوا لازم تروحوا الكليه يا محمد
محمد / انا معنديش حاجه النهرده بس هروح برده مع سندس
ساره / ربنا يستر
اسلام / صحيح يا تيته
ناهد / ايوه يا حبيبى
اسلام / كنت بفكر اقدم حج السنادى و كنت بفكر اخد سندس معايا فلو عاوزه تيجى معانا يعنى
ساره / ممكن اجى
اسلام / اكيد
محمد / والله احلى فكره متيجوا نطلع كلنا
ناهد / ياريت والله انا اخر مره طلعت كانت من سنين طويله
اسلام / خلاص يا ساره امشى فى القرعه
ساره / قرعه ايه يا بنى هنطلع سياحى
اسلام / ههههههههههههههههههههههه
ساره / بتدحك على ايه
اسلام / على نفسى راكب عربيه بالشئ الفلانى و باكل بالشوكه و السكينه و نسيت ان معايا فلوس اطلع احج يلا استغقر الله العظيم
ناهد تحط ايدها على كتفه يمسكها و يبوسها سندس تنزل و هى باين عليها مش نايمه و شعرها مش معدول و بالبجامه تقعد جنب ساره قدام محمد و تاخد مج النسكافيه من ساره و تشرب منه
محمد / دا ايه ده
سندس / عندى صداع رهيب
محمد / سلامتك ياختى بس دا مش مبرر انك تفزعينا بمنظرك ده
سندس / بس ياله بدل مقوملك
محمد / ههههههههههههههه طب والله لتشوفى
محمد يطلع موبايله و يصورها تقوم تطلع عالسفره و تنط عليه يتقلب بالكرسى على ضهره و يصرخ و يدحك فى نفس الوقت و اسلام يشيلها من فوقيه و الموبايل فى ايدها
محمد / يخربيتك فى ايه
سندس / عشان تحرم
محمد / استغلى انى مكسور يخربيتك رجلى مش طايقها
اسلام / انتوا الاتنين لو وزعوا جنانكوا عالناس هيملوا العباسيه مرتين
سندس / انا الغلطانه عن اذنكوا
سندس تروح الجيم
محمد / انا هروح اصالحها
حنان / ربنا يهدى انا اتخضيت
ساره / بس شوفتى النطه
حنان / هى البت شوق مش ناويه تنزل
شوق تنزل / جهزت يلا
حنان / يلا سلام
ساره / سلام
..............................
محمد يدخل الجيم ميلاقيش سندس و يلاقى الباب اللى بيودى على حمام السباحه مفتوح يطلع يلاقيها غطسانه بالبجامه فى الميه يقف يستناها تطلع ترشه
محمد / هزار بوابين
سندس / انت معندكش حاجه اطلع غير
محمد / اصل اللبس بالساهل هو و بعدين فى حد عاقل ينزل الميه بالبجامه هتعييى
سندس / الصداع هيموتنى
محمد / خدى اسبرين مش تغطسى فى الميه
سندس تطلع تقعد على الارض و رجليها فى الميه محمد يحط بشكير على ضهرها و يقعد على كرسى جنبها
سندس / خدت و مجبش نتيجه
محمد / لو مش عاوزه تروحى محدش هيجبرك
سندس / انت لسه شايفنى البت المدلعه اللى مش قد المسؤليه و الكلام اللى قولته ده
محمد / امممم ... يعنى ... على حسب
سندس ترشه ميه تانى
محمد / بطلى بقى مش هقدر اطلع اغير رجلى بتوجعنى والله من هزار البوابين بتاعك
سندس / انت اللى بدات قول بقى على حسب ايه
محمد / على حسب انتى مين فيهم مهو لو فاكره انى بتعامل مع شخصيه واحده تبقى غلطانه انتى يجى خماشر ستاشر شخصيه انضربوا فى الخلاط طلع الكائن الهلامى ده
سندس / هلامى فى عينك
محمد / ههههههههههه لا بجد انتى ساعات بتبقى رقيقه لدرجه انى بيتهيالى انى لو نفخت فيكى هتتكسرى و ساعات بتبقى قويه لدرجه ان لو جبل اتهد انتى متتهزيش و لا لما بتعيطى لما البطل و البطله بيتخانقوا و يسيبوا بعض و لا لما حد يموت فى مسلسل و ساعات تانيه بيبقى مفيش فيكى ذره دم واحده
سندس / كل ده
محمد / ولما تبقى عاقله و هاديه كدا و لا لما بتبقى مجنونه و طايشه و محدش عارف يلمك مش عارف بس اللى اعرفه انى لو عندى ذره شك ان جواكى وحش مكنتيش هتبقى لابسه السلسله دى دلوقت
سندس تمسك السلسله فى ايدها و تبصله و هى مبتسمه
محمد / اطلعى اللبسى انا هستناكى هنا فى الشمس يمكن انشف امشى ازاى كدا يقولوا عملها على روحه
سندس / ههههههههههههههههههههههههه
محمد / صباح العسل
سندس تقوم و تجرى و هو قاعد بيدحك
..........................
فى الحاره حمدى بيعلق كهارب عالبيت اسلام يدخل بعربيته و ينزل منها يحضن حمدى و يديله كيسه
اسلام / كروت الفرح عشان تلحق توزعها
حمدى / انا جبت اوتوبيس هينقل الناس من هنا لعندكوا و يروحهم مع الزفه
اسلام / تمام
حمدى / كنا عاوزين نقعد و نتحاسب
اسلام / على ايه
حمدى / الفرح عالعريس
اسلام / اعتبره نقطتها انا شايف ان البيت شغال الله ينور
حمدى / العمال شغالين فيه الله ينور
اسلام / والله لو عملوه برج دبى حتى مهيعوض اللى راح
حمدى / قدر و لطف
اسلام / لو عوزت اى حاجه كلمنى جبت بدلتك و لا لسه
حمدى / جبت حته بدله بقى هتاكل منى حته حنان كانت معايا
اسلام / تعيش و تدوب يا عريس
حمدى / هتيجى الحنه بكره
اسلام / لا خلى بكره كل واحد و حنته بس اللى عاوز يجى عندنا اهلا و سهلا انا لازم امشى و رايا مليون مشوار
حمدى / قشطه ياسطى
اسلام يجى يركب عربيته و لسه بيرجع ورا يخبط هند ينزل جرى يبص عليها يلاقيها ماسكه رجلها
اسلام / انتى كويسه انا مشوفتكيش خالص
هند تهز راسها و هى ساكته
اسلام / لو فيكى حاجه نطلع عالمستشفى
هند / كتر خيرك انا كويسه عن اذنك
هند تيجى تمشى متقدرش
اسلام / اركبى اركبى هنروح نبص عليها
هند / اركب مع مين بقى اسلام و لا سى سلامه
اسلام / اخوكى فالموقف
هند / لينا مكان تانى يا بيه ؟؟
اسلام / بيه ؟؟ ماشى
هند / شكلك كنت مستعجل اتفضل متعطلش روحك
اسلام / بشوقك سلام
اسلام يركب العربيه و هند توسعله يمشى
........................
فى البيت
حنان / رجعت بدرى ليه
محمد / رجلى وجعتنى انا طالع انام
حنان / و سندس فين
محمد/ مكان متكون بقى انا مالى هو انا خلفتها و نسيتها
حنان / مالك يا محمد فيك ايه
محمد / مليش يا حنون انا هطلع ارتاح عشان اقدر اقف على رجلى فى الحنه و الفرح
حنان / ماشى
محمد / متزعليش
حنان / و لا يهمك
.........................
فى المول
يوسف يطلع لابس بدله كحلى وهم
يوسف /ايه رايك
سندس / حلوه اوى انا كنت متاكده انها هتطلع مظبوطه
يوسف / تمام خلصنا فاضل فستان الاميره
سندس / ميرسى انك جيت معايا على فكره
يوسف / هو انا اطول ياستى كل يوم لو عاوزه انتى اصلا متعرفيش لما ميرنا قالتلى امبارح
سندس / بليز اقفل الموضوع ده ادخل غير بقى خلينا نمشى
يوسف / حاضر
.....................
فى محل فساتين سندس لابسه فستان اسود طويل تيبست كت سمبل و رقيق اوى و السلسله مزوقه صدرها تطلع مالبروفه ليوسف يبص عليها من تحت لفوق
سندس / ايه رايك
يوسف /عارفه ناقصه ايه
سندس/ ايه
يوسف / كوليه
سندس تبص فى المرايه عالسلسله
سندس / بالعكس انا شايفه ان السلسله لايقه عالفستان جدا عاجبنى اوى
يوسف / هى حلوه اوى فعلا
سندس / محمد ادهانى هديه امبارح و انا قررت انى عمرى مهقلعها ابدا
يوسف يبتسم
يوسف / طب ايه خلصنا
سندس / خلصنا
يوسف / تمام يلا
........................
فى البيت
سندس تدخل الفيلا تلاقى الناس شغالين فى الجنينه واحده تيجى معاها ملف
البنت / ايه راى حضرتك يا فندم
سندس / جربتوا الاضاءه
البنت / كلو تمام يا فندم الاضاءه و الصوت و الاستاندات و كلو تمام
سندس تمضى فى الورقه
سندس / تمام تيجوا الخميس الصبح تجربوا كلو تانى
البنت / تمام يا فندم
سندس / ميرسى عن اذنك
سندس تدخل جوه و تتكلم فى التليفون و هى شايله كيس كبير طالع منه شماعه
سندس / الو ... ايوه معاكى سندس المصرى انا باكد على حجز بكره .... تمام ... تمام ....تمام انا مش عاوزه غلطه الكوستومز زى مقولت .... اه و الميكب ارتيست كمان
محمد يجى يقف قدامها
سندس /.... اه اهم حاجه عندى التاتو .... اها ... اها ... تمام .... هستناكوا بكره الساعه 2 مع السلامه
محمد / بتكلمى مين
سندس / دانا باكد حجز حفله الحنه بكره
محمد / و تاتو ايه و ميكب ارتست ايه دى حنه امال فى الفرح هتعملوا ايه
سندس / لو وعدتنى انك هتبقى مؤدب و هتسمع الكلام هسيبك تحضر الحفله ايه رايك
محمد / والله
سندس / ايه معندكش فضول تشوف الفستان
محمد / ليه مكفايه زوق سى يوسف
سندس / انت رجلك كانت بتوجعك هتلف ازاى
محمد / صح صح
سندس / هو انت بيصعب عليك تشوفنى مبسوطه
محمد / انا ؟؟؟
سندس / ايوه مبتعاملنيش حلو غير و انا زعلانه لكن اول مببقى مبسوطه بتبوز فوشى
محمد / يا شيخه
سندس تعمل ساد فيس
محمد / امرى لله خشى قيسى انا مستنيكى فى اوضتى
سندس / هوا
...................
فى اوضه محمد هو قاعد بيلعب فى الموبايل سندس تدخل لابسه البدله الكحلى واسعه عليها و كتافها نازله و شامره البنطلون اللى طالع لحد وسطها محمد يفتح بقه سندس تلف
سندس / ايه رايك تحفه صح
محمد / انتى مجنونه يا بت
سندس / ليه دى تحفه
محمد يبصلها يلاقيها مبتسمه و رافعه حواجبها يبتسم 
محمد /عرفتى مقاسى ازاى
سندس / كنت هقول عليك غبى لو مفهمتش خليت يوسف يقيسها انتوا تقريبا نفس المقاس فروقات بسيطه
محمد / انا اعرض
سندس / مش باين بالعين المجرده
محمد/ اللبسى نضاره
سندس / و اهون عليك ادارى العنين الجميله دى ورا فاترينه
سندس تبربش و تسبل
محمد / يا شيخه اتلهى بصى انا مش هاخد البدله دى
سندس / يا سلام انا اروح اللف و اتعب و فى الاخر متاخدهاش دانت هتلبسها غصب عنك
محمد / دانا لو هحضر عريان مش هلبس مطرح يوسف بتاعك ده
سندس / وماله هو احنا نطول
محمد / احترمى نفسك
……………………….