سكه السلامه بقلم / لولو_محمد (كامله )

الحلقه ٧٢

(((((((((سكة السلامة ))))))
#لولو_محمد
الحلقه الثانيه و السبعون
سندس / انتوا بتعملوا ايه هنا
اسلام / قلقنا عليه تكونى عملتى فيه حاجه
محمد / عملت ... جوزنى البت دى بدل مخطفها
اسلام / لما ارجع من المانيا هنعمل الفرحين فيوم واحد فرحى انا و ساره و انتى و محمد
سندس تحضن ساره
اسلام / انا هسافر و انا مطمن بس دلوقت انا جعان و الاكل زمانه برد يا رغايين
سندس / الاكل ده عشانهم
محمد / حتى انتى متقدريش تخلصى الاكل دا كلو
سندس تبتسم
.........................
سندس / هروح اجيب مايه بدل اللى اتكبت
محمد / و انا هروح اغير القميص
سندس تدخل المطبخ تملا ميه و هى خارجه تقف فجاه تبص عالسفره و عالصالون بعيد و اسلام قاعد عليه مديها ضهره
ساره / انت هتفضل قاعد عندك متقوم تقعد وسطينا
اسلام / انا هاكل هنا اعمليلنا طبق لو سمحتى السفره مش هتكفينا كلنا و تعالى كلى جنبى هنا
محمد يطلع مالاوضه و هو بيزرر القميص يلاقيها واقفه
محمد / ادايقتى انهم هنا احنا قولنا نحتفل بلمتنا فى شقتنا
سندس تبصله
سندس / فاكر الحلم اللى حلمت بيه
محمد / بتاع حمام السباحه
سندس / لا بتاع العشا
محمد / بتاع الزاتون ماله
سندس / كان هنا انت كنت قاعد هناك مكان اسلام
محمد يبوس راسها و يغمزلها
محمد / انا كدا عرفت احنا عملنا ايه بعدين تعالى ناكل يلا عشان لسه هنروح السنتر
سندس تحط راسها على صدره حمدى يشوفهم
حمدى / نمشى طيب و لا ايه
محمد / جاى يا رزل
محمد و سندس يقعدوا و سطيهم و ياكلوا
..........................
فى الفيلا
فريده / مبروك يا قلبى
سندس/ الله يبارك فيكى
فريده / اسلام ممكن لو سمحت
فريده و اسلام يروحوا بعيد شويه
فريده / انا مش مالعيله صح مش من حقى اكون موجوده فيوم زى ده
اسلام / يوم زى ايه عزومه فبيت محمد بمناسبه شقته الجديده
فريده / خطوبه اختى
اسلام / اختك يادوب لابسه دبله زى الافلام الاجنبى لما بيقعد على الارض بالظبط زى معملت مع ساره بس الفرح الكبير لسه متعملش الفرح الكبير اللى هتحتاج فيه امها تلبسها الطرحه و تزفها لعريسها
فريده / اسلام انا
اسلام / انا عارف قد ايه بتحبى سندس و احنا قررنا ان لما ارجع من اللمانيا هنعمل فرحى انا و ساره و خطوبه محمد و سندس فنفس اليوم و انتى بقى الله يعينك اخت العرسان من هنا و اخت العرايس من هنا
فريده / شكرا
اسلام / على ايه يلا نرجع نشوف بيفكروا فى ايه
اسلام و فريده يرجعوا يقعدوا وسط الناس
سندس / انا بقول يعنى نعمل بيج انترانس زى اننا ننزل من طياره هيليكوبتر مثلا او
محمد / سندس معلش هستاذنك خلى الليله دى عليا
سندس / دا فرحى و لازم يكون
محمد / انا هثبتلك انى ايفنت بلانر احسن منك بمراحل اوعدك انه هيبقى اسعد يوم فحياتك
ساره / متوعدش حاجه انت مش قدها
محمد يبصلها
ساره / اسعد يوم فحياتها اكيد مش هيكون الفرح كل لحظه هتعيشها جنبك هتبقى اسعد لحظه متعرفوا انها حامل مثلا اول مولود اول ماما اول بابا كل دى لحظات لسه قدامكوا تعيشوها
اسلام يحط ايده حوالين ساره و يحضنها اوى
اسلام / عرفتوا بحب البت دى ليه
مهاب يدخل من بره
مهاب / برافوا .... حقيقى فخور بيكوا جدتكوا لسه ميته و كل واحد فوادى اللى بيخطط يسافر و اللى بيخطت يتجوز و اللى بيخطت يخطب هو محدش فيكوا عنده دم
فريده / وصيه تيته
مهاب / تعرفى تسكتى
اسلام / اتكلم باسلوب احسن من كدا
مهاب / براحتى مراتى و انا حر فيها اضربها حتى انا حر
اسلام / مش حر جرب يا مهاب ارفع ايدك بس عليها جرب بس قبل متجرب فكر فيها مليون مره عشان الايد اللى هتترفع على اختى مش هتنزل غير مقطوعه
طارق / اهدوا يا جماعه
سندس / ابيه
سندس تورى مهاب الخاتم فايدها
مهاب / يا زين مخترتى عن اذنكوا
فريده / عن اذنكوا
فريده تيجى تجرى ورا مهاب اسلام يمسكها
اسلام / مش من حقه يغلط فيكى
فريده تهز راسها و تطلع تجرى وراه
........................
فى اوضه سندس
سندس عماله تصور ايدها و الخاتم فيها و تبص عالصوره و تاخد صوره تانيه و الخاتم جنب وشها و هى بتدحك محمد يدخل
محمد / بتعملى ايه
سندس تجرى تقف جنبه و تاخد سلفى
محمد / انا رايح السنتر سمره و محمود هناك من الصبح
سندس / هاجى معاك
محمد / انا بقول ترتاحى صاحيه من بدرى
سندس / انا خفيت خلاص انت دوايا يا محمد
محمد / ماشى اللبسى
اسلام يدخل
اسلام / ايه مش رايح السنتر و لا ايه
محمد/ رايح انا لابس اهو بقولها اللبسى
اسلام / تعال بره على متلبس عاوزك
محمد و اسلام يطلعوا بره
محمد / خير
اسلام / انا هسافر شهر فى كذا حاجه لازم اخلصها و مؤتمر اقتصادى كدا لازم احضره عاوز عينك تبقى فوسط راسك ساره و سندس امانه فرقبتك اتفقنا
محمد / انت بتهزر صح دى مش محتاجه وصايه يعنى
اسلام / قلبى مش مرتاح
محمد / تسمع منى
اسلام / قول
محمد / خد ساره معاك انبسطوا فى الشهر ده انتوا شوفتوا كتير و فرحتكوا دايما مكسوره خدها اتفسحوا و لفوا الدنيا و ان كان عالشركه يا سيدى متشلش هم هروح كل يوم و هتابع معاك انت و ساره اول باول بالتليفون
اسلام / انت متخيل انى مفكرتش انا كنت معتمد على كدا فعلا و كتبت الكتاب عالاساس ده بس بعد موت تيته الله يرحمها و سندس و انت الشغل اتكوم فوق بعضه و مينفعش اننا نسيبه كدا شهر فساره قالت انها هتقعد
محمد / على العموم مش مشكله كل تاخيره و فيها خيره بس تعمل حسابك فشهر العسل انا فندق و انت فندق انا بحب اخد راحتى اه انا بقولك اهو
اسلام / فندق ايه و فندق ايه
محمد / مش احنا هنعمل فرحنا فنفس اليوم
اسلام / فرحى و خطوبتك سندس لسه فالكليه على الاقل اخر سنه
سندس تطلع مالاوضه لابسه الطقم الاسود تيشيرت محمد محمد و اسلام يبصولها
سندس / عارفه انى لبسته قبل كدا بس اهو لحد منزل اشترى هدوم مقفوله و طويله عشان نعجب
محمد / انتى تعجبى الباشا حتى لو بالبجامه تعالى ياختى شوفى اخوكى بيقول ايه
سندس تروح تقف جنب محمد قدام اسلام
اسلام / مفيش كتب كتاب قبل رابعه
سندس تصرخ فيه و محمد يجرى يقف ورا اسلام و الاتنين يتخضوا
سندس / نعم ليه ان شاء الله احمد ربنا انى هستنى شهر بحاله
محمد / اسلام ابوس ايدك متسبنى لوحدى انا صغير و ممكن تعمل فيا حاجه
اسلام / ايه هو انا هخاف و لا ايه
سندس / انا لو منك اخاف اه
اسلام يشد محمد من وراه و يزقه على سندس
اسلام / اهو عندك ياختى اشبعى بيه
محمد يتعدل فوقفته
محمد / انت بتبعنى يا سلامه
سندس / و انا شاريه
محمد / ان كان كدا الغالى يرخصلك يا قمر
اسلام / لا كدا حلو اوى انتى كدا مسافره معايا اللحقى رتبى شنطتك
سندس / بتهزر صح
اسلام / اهى فرصه تعملى الشوبينج بتاعك انتى و ساره و بعدين انا كنت حاجز التزكره اصلا يعنى كانت الخطه به عشان لو انتى و محمد متصالحتوش
محمد / متصالحناش مين ياعم دى متقدرش على بعدى اصلا
سندس / و انت تقدر
محمد / و لا ثانيه
اسلام / انت قولت هتجهز الفرح قدامك شهر اعملها مفاجاه حلوه بقى على مترجع و انتى هتبقى معايا فرصه تتفسحى و تغيرى جو و فرصه كمان مبقاش لوحدى هناك
سندس تبص لمحمد
محمد / سافرى انتى محتاجه ده
سندس /هتوحشنى اوى
اسلام / لا انتوا هتحبوا فبعض قدامى انا هروح ادور على ساره
سندس تدحك و تبص لمحمد و اسلام يمشى
سندس / انا يادوب ابدء اجهز الشنطه مش هينفع اروح معاك السنتر
محمد/ هترجعى تلاقى احلى فرح معمولك
سندس / انت عارف انا وافقت اسافر ليه
محمد / ليه
سندس / عشان حقيقى مش هعرف امسك نفسى شهر و خايفه احضنك تطلع تجرى منى تانى
محمد / خدينى على خوانه
سندس تدحك بصوت عالى محمد يبوس راسها و يمشى
.............................
بعد اسبوع فى اوضه ساره ساره نايمه عالسرير بتكلم سندس فيديو كول عاللاب
سندس / انا شوفت شويه فساتين افراح هنا تحفه
ساره / طب مصورتليش حاجه
سندس / انا خدت الكتالوج كلو و هبعتهولك عالميل دلوقت نقى اللى انتى عوزاه
ساره / المهم انبسطتى
سندس / جدا اشتريت هدوم كتير اوى ليا و ليكى ابيه اسلام تعب معايا اوى
ساره / هو لسه نايم
سندس / اه سهرنا كتير امبارح و كان صاحى من بدرى اوى
ساره / الله يعينه
سندس / المهم
ساره / خير
سندس / ابيه مش راضى يكتب الكتاب
ساره / انتى مستعجله على ايه استمتعوا شويه بالخطوبه فى الاول و حبوا بعض يعنى
سندس / عجبنى فستان فرح حلو اوى على فكره شلت صورته مالكتالوج
ساره / ههههههههههههههههه يا واطيه
سندس / عشان خاطرى اتكلمى مع ابيه
ساره / انا هكلمه بس ياترى محمد رايه ايه
سندس/ محمد اتحايل عليه امبارح لحد ماابيه قفل فوشه المكالمه
ساره / خلاص هكلمه ... الاميل وصل اهو هنقى الفستان و اقولك
سندس / فى شويه لانجريهات هنا تهبل بس لازم ازوغ من ابيه يوم عشان اخد راحتى
ساره / ههههههههههههههههههههه
سندس / تحبى اسالهولك بيحب اللوان ايه و الا اشكل
ساره / انتى قليله الادب على فكره
سندس / اه عارفه ههههههههههههههههههه
ساره / ههههههههههههههههه
سندس / انا هقفل بقى عشان اللحق اللبس قبل ما ابيه يصحى
ساره / انتوا خارجين تانى
سندس / اه فى حاجات كتير اوى لسه مشتريتهاش
ساره / انتى محسسانى انك فى باريس
سندس / فى فجدول اعماله تلت ايام فاضين بتحايل عليه نروح مش راضى بيقولى مره تانيه
ساره / مترهيقيهوش اكتر من كدا
سندس / ماشى خلاص فهمت يلا سلام بقى
ساره / سلام
ساره تقفل مع سندس و تفتح الكتالوج و تبص عالفساتين و تيجى عند واحد و تقف و تقعد تزوم تسمع صوت من وراها
مهاب / هيبقى حلو اوى عليكى
ساره تقوم تتنفض
ساره / انت بتعمل ايه هنا
مهاب / وحشتينى قولت اجى اشوفك
ساره / اطلع بره
مهاب / و ان مطلعتش هتعملى ايه
ساره / انا ست متجوزه يا مهاب اتلم و امشى لو اسلام عرف
مهاب / تترملى يا حبيبتى تترملى
ساره / اقسم بالله لو فكرت بس
مهاب يمسكها من بلوزتها و يشدها عليه تصرخ
مهاب / انتى بتاعتى انتى فاهمه بتاعتى
ساره / و لا فاحلامك حتى انسى
مهاب / و مين قالك انك مش فاحلامى كل يوم
ساره ترجع لورا و مهاب بيقرب منها
مهاب / كل يوم ياساره مبحلمش الا بيكى مبشوفش غيرك
ساره تقع عالسرير و مهاب يقرب اكتر
ساره / ابعد عنى
مهاب / انتى بتاعتى
باب الاوضه يخبط
فريده / ساره ؟؟؟ ساره انتى صاحيه
مهاب يقوم يعدل نفسه و ساره تبصله
فريده / ساره ؟؟؟
مهاب يروح يفتح الباب و يبص لفريده و يمشى فريده تدخل تبص على ساره اللى بتعيط و تروح تقعد جنبها و تطبطب عليها ساره تبصلها
فريده / حقك عليا انا مش هتتكرر اوعدك
فريده تسيبها و تروح اوضتها تلاقى مهاب فى البلكونه
فريده / اخرتها ايه
مهاب / و انتى مالك
فريده / كل اللى فحياتك دول محدش فينا قدر يخليك تنساها
مهاب / محدش فيكوا يجى فخيالها اصلا
فريده / يا بختها من يومى و انا بحسدها بابا كان بيحبها و تيته كانت بتحبها و اخويا حبها و حتى جوزى عمره محب قدها حقيقى عينى عليا
مهاب / جديد شغل الصعبانيات ده
فريده / اصلها معدتش زى زمان دلوقت بقت فعصمه راجل و مش اى راجل دا اخويا اسلام محمود المصرى
مهاب يبصلها
فريده / هيرجع من السفر و ساعتها يا حبيبى مش هتقدر تهوب قدام اوضتها حتى فليه ادايق نفسى
مهاب / ربنا يشفيكى
مهاب يسيب فريده و يمشى
........................
فى السنتر  يوسف يدخل
محمد / العقد بتاعك
يوسف يمسكه و يبص فيه
محمد / انت مجتش من يوم الافتتاح و العقد فايدك فيه شرط جزائى
يوسف / و هو كان ينفع اجى
محمد / و عشان كدا هفسخ العقد منغير مشاكل
يوسف / انا مكنليش ذنب فى اللى حصل
محمد / عارف و عشان كدا انت قادر تقف قدامى
يوسف يتنهد و يفضل واقف يبص لمحمد تليفون محمد يرن
محمد / الو ازيك يا برنس
محمد يشاور ليوسف بايده يمشى يوسف يطلع بره
اسلام / انت فى البيت و لا ايه
محمد / لا مروحتش النهرده الشغل هنا ضرب نار الحمد لله مش ملاحقين
اسلام / متقرش يا عم ميحسد المال الا صحابه
محمد/ ههههههههههههههههه
اسلام / هتروح امتى طيب
محمد/ لا كلها ساعه بالكتير و اروح اتهلكت بصراحه
اسلام / كويس ابقى خلى ساره تكلمنى بقالى ساعه بتصل بيها مش بترد مش عارف نايمه و لا ايه  محمد / حاضر.. اخبار بسكوتى ايه
اسلام / هلكتنى لحد دلوقت معبيه اربع شنط هدوم و لسه مشبعتش
محمد/ احسن احسن عشان تحس باللى كانت بتعمله فيا
اسلام / بس الحق يتقال البت بتنقى الطويل الواسع المقفول لا الموضوع اسهل مما تخيلت كنت فاكرها هتتعبنى بس مبتشوفش محل فساتين الا لما بتنح بس تنسى
محمد/ مش بمزاجك انا قايلها تشوف فستان ابيض اصلا
اسلام / دا عند ام ينى اللى بترقص و تغنى
محمد/ مقولتلك مش بمزاجك
اسلام / اخر مزهقت منى قالتلى هتجيبه و تعينه بس انا عارف انها بتشتغلنى بس هريحها عشان تنزل من على ودانى و لما ننزل مصر نبقى نتفاهم
محمد / كدا والله لسلطها عليك اكتر
اسلام / بس حلفتنى لا انت و لا ساره و لا اى مخلوق يعرف حاجه عن الموديل اللى نقته بتقول هتعملهالكوا مفاجاه
محمد / هههههههههههههههه وحشتنى بنت الايه
اسلام / و انتوا كلكوا وحشتونى مصطفى كلمنى صحيح
محمد / خير
اسلام / بيقول عاوز يحدد معاد الفرح
محمد / هههههههههههههههه مناخده فايدنا بالمره و نشوف مين فينا اللى هيخلف الاول سبق يعنى
اسلام / اتلم ياله انسى البت قدامها دراسه
محمد / مقولتلك مش بمزاجك هتجوزها يعنى هتجوزها
اسلام / ههههههههههههههههههه تصدق ياله لو جيت بعد الجواز و حد فيكوا اشتكى مالتانى هيديكوا انتوا الاتنين بالجزمه
محمد / جوزنا و ملكش دعوه
اسلام / لا برده هههههههههههههههه سلام بقى عشان الباب بيخبط
محمد / سلام
...............................
فى اوضه ساره ساره قاعده التليفون يرن جنبها تعمله صامت و تقوم تقف قدام المرايه
ساره / ايه خايفه من ايه
الباب يخبط تتفزع تروح بالراحه
ساره / مين
محمد / انا
ساره تفتح
محمد / اسلام كلمنى بيقولك كلميه
ساره / اييييه اه اصل الموبايل صامت و انا كنت
محمد / انتى كويسه
ساره / ايوه طبعا فيا ايه يعنى
محمد / متاكده
ساره / اخبار السنتر ايه
محمد / على فكره انتى مبتعرفيش تكدبى
ساره / انا كويسه يا محمد زى مقولتلك كنت نايمه قولى كلمت سندس مرضيتش تورينى فستانها
محمد / انتى مرات اخويا و اخت مراتى و اختى ماشى ؟؟؟
ساره / محمد متقلقش انا اكيد لو فيا حاجه هقولك
محمد / كلمت سندس اه نقت فستان الفرح و لسه بنتخانق مع سلامه مش عاوزنا نعمل كتب كتاب
ساره / انا اسفه سيباك عالباب
محمد / لا متشيليش همى انا كويس
ساره / انت عارف ليه اسلام خد سندس معاه
محمد / عشان تغير جو و تشترى حاجات
ساره / لا عشان يضمن انكوا مش هتهربوا و تكتبوا الكتاب زى معملت انا و هو
محمد / هههههههههههههههه
ساره / اسلام بيقول انه عاوز سندس تركز فى مستقبلها
محمد / انا مش هعطلها انا هساعدها
ساره / و لو فى حمل
…………………………………