سكه السلامه بقلم / لولو_محمد (كامله )

الحلقه ٥٦

(((((((سكة السلامة )))))))
#لولو_محمد
الحلقه السادسة و الخمسون
اسلام يحضنها و هى نايمه عالارض و الكل بيدحك مترضاش تسيبه ينام جنبها و هو بيدحك محمد يجرى ينام جنبه الناحيه التانيه سندس عماله تدحك و فجاه الدحك يتحول لعياط
اسلام / مالك يا بت فى حاجه بتوجعك
سندس / لا
اسلام / امال بتعيطى ليه ورينى وشك مالك
اسلام يبص على وش سندس تحضنه تانى
سندس / متسبناش تانى يا اسلام متبعدش عنى
ناهد / حبيبه تيته
اسلام / ابعد عنك ازاى يا قلبى دانا مصدقت رجعت
ساره تروح جنب سندس و شوق تروح جنب محمد و اسلام يحضنهم كلهم
...........................
ناهد / ربنا ميحرمنى منكوا ابدا يا ولادى
سندس / انا هتصل باميره هقولها تيجى لازم نتلم كلنا بقى صح هكلمها صح
ناهد / كلميها يا بنتى كلميها
....................
فى الفيلا
مهاب / يعنى ايه اختفوا
فريده / انت بتزعق ليه احنا رجعنا ملقناهمش
مهاب / تمام تمام
فريده / متتصل بيهم
مهاب / مستنى سعاتك انا اتصلت اتصلت و ياما محدش بيرد ياما غير متاح
فريده / انا مش فاهمه ميمكن خرجوا يتفسحوا
مهاب / تيته بتتفسح صح بتسيب البيت اه فعلا ممكن ممكن اوى كمان لا و تسيبه من الصبح لحد دلوقت احنا الفجر يا هانم
فريده / يووووه اعملك ايه يعنى
مهاب / و لا حاجه و لا حاجه من امتى بيطلع منك حاجه اصلا
مهاب يخرج مالاوضه يرزع الباب يلاقى اميره نازله عالسلم و هى بتدحك و بتتكلم فى التليفون
....................
تانى يوم
شوق بتصحى سندس
شوق / قومى بقى الساعه اتنين
سندس / ماحنا نايمين سبعه الصبح عاوزه ايه يعنى
شوق / بقولك ايه انا عاوزه انزل البحر شوفتى الميوه بتاعى تحفه صح
سندس / ههههههههههههههه  زى بتاعى بصى
شوق / انتى هتلبسى ميوه محجبات ليه
سندس / زوق محمد
شوق / ايوه بقى كدا فهمت
سندس / بس حلو على فكره
شوق / يلا بقى قومى هنتغدى و ننزل
سندس / اوك هقوم ادخل الحمام و اتظبط ..... هو محمد فين
شوق / هو و اصحابه من النجمه فى الميه هو زينا
سندس / نزلوا بدرى ليه كدا هيتحرقوا مالشمس
شوق / و انتى مسمعتيش عن السن بلوك يعنى
سندس / السن بلوك ده مش هبل اولا اخره ساعتين مدام نزلوا الميه بعد كدا لازم يتحط تانى دا غير انه لازم يكون محطوط نص ساعه قبل مينزلوا اصلا
شوق / مكنتش اعرف
سندس / حصل خير وسعى اما اروح الحمام بقى
...................
عالبحر
سندس / اهم هناك اهم
اسلام / خلينا هنا احسن
سندس / ليه ليه تعالوا تعالوا
سندس تجرى على ترابيزه محمود و عصام
سندس / ازيكم محمد فين
محمود / ازيك فى الميه
سندس / امال منزلتوش ليه
عصام / مستنينك
سندس / بجد
محمود/ وله اتهد
سندس / بتعرف تعوم
عصام / دانا السبيح اللى فيهم
سندس / معقول
عصام / تحبى اسابقك للبراميل
محمد يطلع مالميه و اسلام و الباقين يدخلوا محمد يهزله كتافه فى ايه اسلام يبص الناحيه التانيه و ينفخ سندس ترفع عينها و تبص عالبحر
سندس / البحر عالى النهرده
محمد / احلى حاجه الموج يا بنتى البحر منغير موج ملوش لازمه
سندس / لا البحر عالى فعلا و فى سحب
عصام / انتى خايفه تخسرى و لا ايه
سندس تجرى على سلم الرايه محمد يبص و يجروا وراها فى واحد قاعد عالشط فوسط الميه بيلاعب بنت نونو فعوامه
سندس / ارفع الرايه البحر عالى
المنقذ يبصلها و مش فاهم و الناس تبص الراجل اللى معاه العوامه يشوف بتزعق ليه
سندس / بقولك البحر عالى السحب شديد الناس دى هتغرق خليهم ياخدوا بالهم ارفع الرايه بقولك
محمد / سندس فى ايه
سندس / خليهم يطلعوا مالميه البحر هايج
محمد / مش وقت جنانك تعالى
الناس تبدا تتلم و المكان يتزحم
سندس / بص فى سحب بص عالموج بص فى سحب بقولك فى سحب
اسلام / سندس ممكن تهدى احنا اصلا عالشط
سندس / طلع صحابك يا محمد شاورلهم هيغرقوا
محمد / لو ده هيخليكى تهدى هطلعهم
الراجل اللى معاه العوامه يسهى و العوامه تتحرك من حركه الناس الكتير عالشط و النونو نايمه جواها
ساره / هو فى ايه
سندس / بصى عالموج شايفه ايه
ساره / سحب
سندس / شوفتوا سحب بيبان مالموج صدقتونى خلوه يرفع الرايه بقى
اسلام / طيب اهدى و انا هكلمه هو اكيد عارف شغله
المنقذ/ هو فى ايه يا استاذ سبونا نشوف اكل عيشنا بقى
اسلام / حقك عليا
سندس / الله
اسلام / اتحركى لو سمحتى
اسلام و سندس يروحوا ناحيه الترابيزه و محمد يشاور لصحابه يطلعوا
محمد / اهدى بقى
سندس واقفه بتبص عالبحر و عالناس
سندس / البتاع ده مبيفهمش اى حاجه
ساره / اهدى احنا كلنا بقينا عالشط خلاص متخافيش و بعدين مش اول مره تحصل يعنى
فجاه صوت صريخ ست بتصرخ على اخرها الكل يجرى يبص يلاقوها بتشاوى على عوامه بعيد جدا جواها النونو نايمه الراجل يتخض يدخل يجرى الست تحاول تنزل الميه الناس يمنعوها
سندس / مبيعرفش يعوم
محمد / ايه
سندس تجرى و تنط جوه الميه
اسلام / سندس استنى
محمد يجرى على المنقذ
محمد / اتحرك انت مش شايف
المنقذ / الله يخربيوتكوا مهو كلو بسببكوا
المنقذ يجرى بس مش جوه الميه بعيد عالشط
محمد / دا رايح فين ده
محمد يرجع يبص على سندس يحاول ينزل الميه اسلام يمنعه
اسلام / انا هنزل
شوق / هتنزلوا فين انتوا بتعرفوا تعوموا اصلا
الست بتصرخ و قعدت فى الارض و مبتفصلش صريخ محمد يبص على سندس يلاقيها وصلت للراجل اللى بدء يغرق فعلا تحاول تشده يتعلق فيها و يغطسها تحاول تقب
محمد / ايه ابن الكلب ده فين الجزمه التانى منزلش ليه
كل الناس تقريبا طلعت مالميه و الشط امم فوق بعض و محمد و اسلام واقفين متوترين و المنقذ مش ظاهر سندس تقب تضرب الراجل بوكس فمناخيره يغم عليه تسحبه لبره و هى بتعوم اسلام و محمد ينزلوا الميه جرى اسلام يشد الراجل و محمد يمسك سندس
سندس / النونو سبنى النونو سبنى
محمد يسيبها سندس تدخل جوه تانى و هو واقف يادوب كتافه باينه مالميه واحد يطلع عالسلم و معاه نضاره ميدان يصرخ
الراجل / البت وقعت مالعوامه البت وقعت مالعوامه
الكل يبص مش شايفين حاجه و الست اللى عالارض اغمى عليها و الناس بتحاول تفوق جوزها و تفوقها يظهر جيت سكى من بعيد رايح ناحيتهم
الراجل / المنقذ اهو هناك فى البحر
فى البحر سندس تلحق البت من الميه و ترفعها و تحطها فى العوامه البت تصرخ
الراجل بره / لحقت البت لحقتها البت كويسه
سندس تبدا تزق العوامه لبره يجى المنقذ يشدهم و ياخدهم وراه عالجت سكى و يطلع عالشط و الناس تسقف و تصفر و سندس بتنهج محمد يسندها
سندس / قولت السحب عالى
محمد /قولى و انا اقول امين بعد كدا
سندس تقع منه فى الارض على ركبها مش قادره تقف ام البت و ابوها يروحوا ناحيتهم
الام / انا مديونالك بعمرى
الاب / انا مش...
اسلام يديله بوكس يوقعه تانى
محمد / ايوه عشان تبقى تغرقها تانى
الكل واقف مصدوم اسلام يقومه
اسلام / اسف بس
الراجل / حقك حقك
سندس / متسرحوش عنها تانى
ساره / اشربى عصير اشربى
سندس تترمى على كرسى و يغطوها ببشكير و هى بتنهج و تبص لعصام و تبدا تدحك
سندس / كنت عاوز تسابقنى هاه
عصام / مين انا
محمود / سامحوه غشيم و ميعرفش حاجه
محمد / هوا هوا .... تروحى
سندس / لما الاقى رجلى الاول .... الا لو كنت ناوى تشيلنى
محمد / مستغنى عن ضهرى انا
سندس / ههههههههههههه مش قادره اقوم اضربك
محمد / عارف و ده اللى شجعنى هههههههههههههههههه
........................
قدام شقه اسكندريه
عربيه جيب سوده فيها تلاته بدى بيلدنج واحد منهم بيتكلم فى التليفون
الراجل / ايوه يا باشا احنا قدام البيت ........... البواب بيقول انه راح البحر .......... تحت امر معاليك احلى ربايه ......... متقلقش سعاتك صورتها معايا محدش هيلمسها .............تمام سعاتك اول مهخلص هكلم سعاتك ........ سلام سعاتك
....................
عالبحر
سندس قاعده عالكرسى اسلام يديها كنزايه محمد يوشوشها
سندس / ميرسى
محمد / انا قاعد بقالى ساعه باصص لام البحر ده انى افهم منه كلمه
سندس / هههههههههههههههههه
محمد / لا انا امنت انك بتعرفى لغته خلاص
سندس / بيقولك متخافش انا هادى دلوقت
محمد / طمنتينى
سندس / انا بقيت كويسه نروح بقى و لا ايه
شوق / ماحنا قاعدين
سندس / جسمى كلو واجعنى يا شوق مفكك انا اصلا مش عارفه همشى ازاى للبيت
شوق / خلاص خلاص يلا بينا
اسلام / نستاذن احنا يا شباب
محمد / احنا هنلم الحاجه و نحصلكوا
سندس / سلام
........................
فى الشارع شوق و سندس و ساره ماشيين يدحكوا و اسلام ماشى وراهم شايل الشنطه ووراهم بحبه كتير محمد و اصحابه اول مالبنات يعدوا ينزل الرجاله مالعربيه يكون اسلام عدى يضربوه بخشبه على ضهره يقع فى الارض البنات يبصوا وراه و يصرخوا محمد و اصحابه يجوا جرى و سندس تروح عليه جرى وساره وراها سندس تنط عالراجل تزقه بعيد عن اسلام  يزقها تقع فى الارض راسها تخبط فى الرصيف تتفتح راسها و ساره تضربه بالشنطه ميرفعش ايده يحوش الضربه تبصله باستغراب محمد و سمره يدخلوا و اسلام يقوم واصحابهم وراهم يمسكوا التلاته يعجنوهم ضرب شوق و ساره يشدوا سندس بعيد و الناس تتلم و تفك الخناقه و فجاه واحد منهم يطلع مسدس و يضرب طلقتين فى الهوا و يركبوا العربيه و يجروا
ساره / سندس انتى كويسه
سندس / لو مكنتش مرهقه مالبحر كنت قطعته
محمد / هروح اجيب مالصيدليه شاش و مكروكروم و لا اى حاجه
شوق / انت كويس يا سلامه
اسلام / كويس عدت يلا نطلع
اول ميدخلوا الشقه ينفضوا الرمل من رجليهم ناهد تشوفهم تصرخ
ساره / احنا كويسين
ناهد / انا سمعت ضرب النار كنت نايمه هو كان فى ايه
ساره / مفيش يا تيته اهدى
شوق و سندس يدخلوا الحمام يغسلولها راسها و اسلام يدخل اوضه يروح يقف قدام المرايه و يقلع التيشيرت و يبص على ضهره ازرق جامد يرمى نفسه عالسرير على راسه و يحط وشه فى المخده من وجعه شوق تدخل تبص تحط ايدها على بقها و تطلع تروح الاوضه التانيه تجيب غيار لسندس و تديه لساره و تروح تفتح الباب تلاقى محمد خارج مالاسانسير
شوق / عاوزين هيموكلار
محمد / جبت اكيد يعنى هيحتاج الضربه كانت جامده
شوق / خشله جوه
محمد يدخل الاوضه
محمد / جبتلك هيموكلار
اسلام / ادهن
ساره تدخل تخبط على كتف محمد و تشاورله يديها المرهم و يخرج تقعد جنبه و تدهن اسلام يبص عليها
اسلام / قولت مستحيل تكون دى ايد محمد
ساره / بتوجعك اوى نروح مستشفى
اسلام / لا عادى
صمت ثوانى
اسلام / ساكته ليه
ساره / انت عارف هقول ايه
اسلام / مبعرفش اضرب مالضهر للاسف بس ملحوقه سندس عامله ايه
ساره / كويسه بسيطه
اسلام / جرح بجرح و البادى اظلم
ساره / انا اسفه
اسلام / على ايه
ساره / خلصت
اسلام يقوم يقعد
ساره / انا قولتلك ان كل ده هيحصل دا اقل ماللى قولته كمان
اسلام / عدت
ساره / فاضل ايه هيعمل ايه تانى طيب
اسلام / هو لسه معملش حاجه كل ده قرص ودن مش اكتر
ساره / انت بتقول ايه هو فى اكتر من كدا
اسلام / اه فى فى بلاوى مهو انا مش متخيل ان مهاب عاجز اوى كدا ان اخره يبعت شويه بلطجيه يضربونى و يجروا ماللى يضرب و يحرق يقتل يعنى
ساره / بعد الشر
اسلام يقوم يلبس تيشيرت
ساره / هى بجد ممكن توصل لكدا
اسلام / بعيد عن اخواتى و خلاص
ساره / انا تعبت
اسلام يمسك ايدها
اسلام / انا مش عاوز ضعف .... انا جعان هو احنا مش هنتغدى و لا ايه
ساره / هطلب اى حاجه دليفرى
اسلام / تمام
ساره / نام شويه ارتاح افرد ضهرك يعنى
اسلام / هطمن على سندس
ساره تغمزله و تدحك
اسلام / ااااااااااه تمام هى كدا مليون فل و اربعتاشر اطلبيله اكل هو و اصحابه
ساره / تمام يا فندم
اسلام / انصراف يا عسكرى
ساره / ههههههههههههههه
..................
فى اوضه سندس
سندس لابسه بجامه و رافعه راسها بفوطه محمد ينضفلها الجرح الصغنن بقطنه بكحول و كل متلمسها تصرخ و تضربه
محمد / الله متنشفى شويه
سندس / بتوجعنى
محمد / عشان تحرمى تخشى فخناقات الرجاله
سندس / انا اللى فضيت الخناقه اصلا عطلتهم عن اسلام لحد متيجوا
محمد / والله
سندس / انا لو كنت بصحتى كنت وريته
محمد / يا خيطر انت يا خيطر
سندس / اااى بتحرق والله
محمد / خلاص هحط لزقه
سندس / يارب متسبش اثر
محمد يشاورلها على حاجبه المفتوح من الحادثه بتاعته
سندس / عندى محسن حواجب هيداريها فثانيه
محمد / الخبطه كانت جامده باين هحط مكياج على اخر الزمن انا
سندس / اصلا مش محتاج فتحه الحاجب دى موضه بتدى لوك جامد
محمد / هههههههههههههههههههههه
سندس / انا مرهقه لدرجه انى ممكن انام لبكره
محمد / نامى هروح استحمى و انزل الرمل اللى بهدلت بيه الشقه ده و لما الاكل يجهز هصحيكى
سندس / محمد
محمد / نعم
سندس / هو احنا هنفضل كدا لامتى
محمد / لحد مواحد منهم يموت
سندس / مين
محمد /مهاب او سلامه
سندس / بعد الشر مين قالك ابيه ميعملش كدا
محمد / مين يا سندس مين بيكره سلامه اوى كدا مين
سندس / معرفش منافسين فى الشغل مثلا اعداء من ايام الميكروباص مثلا
محمد/ و هيعرفوا ان احنا هنا ازاى
سندس / رقبوه و هو خارج من مصر
محمد / و كان قدامهم امبارح معملوش كدا ليه .... هقولك عشان مكنوش يعرفوا مكانه الا لما انتى اتصلتى باميره و قولتيلهم مكانه
سندس / يعنى انا السبب
محمد / لا مش انتى الفلوس السبب الفلوس اللى بتخلى الناس تاكل فى بعض
سندس/ مش قادره اصدق
محمد / نامى نامى و ارتاحى احسن
سندس / الفتره اللى فاتت كانت طويله و صعبه كل مقول عدت و ابدء افرح الاقى نفسى غلطانه
محمد / تفرحى ايه دانتى عيطتى امبارح و قلبتيها غم و احنا كنا بنموت مالدحك
سندس / انا عيطت من الفرحه كنت حاسه انى بحلم مكنتش مصدقه نفسى
محمد / ربنا يديمها عليكى نعمه ... الفرحه مش الدموع نامى بقى
سندس تنام و محمد يغطيها يعملها باى و يقفل الباب و يخرج يبص على سلامه يلاقيه نايم يطلع بره يلاقى شوق بتنضف الارض
ساره / انا طلبتلكوا بيتزا معانا
محمد يهز راسه و يمشى يروح شقته و يقفل الباب
شوق / هو احنا هنفضل فى الهم دا لامتى
ناهد / بكره ربك يفرجها اكيد ربك هيفرجها
شوق تبص لناهد و تدخل جوه
...............................