سكه السلامه بقلم / لولو_محمد (كامله )

الحلقه ٤١

(((((((سكة السلامة ))))))))
#لولو_محمد
الحلقه واحد و اربعون

اسلام / يالهوى ونا فى ديك الساعه اما تخطفينى من يومى مرزق والله
ساره / ههههههههههههه طب بالنسبه لقلبك
اسلام / دا اهبل يا شيخه حد فى الدنيا تبقى قدامه العيون الحلوه دى و يتوتر برده يا شيخه .... احم هو انا قولتها بصوت عالى
ساره / هههههههههههههههههههههههههههههههه
اسلام / خلاص بقى
ساره / انت وشك احمر كدا ليه
اسلام / انا ماشى
ساره / استنى استنى خلاص يلا بينا
اسلام / يلا
..........................
فى شركه مهاب ماهى تدخل
مهاب / حبيبه قلبى وحشانى موت
مهاب يقوم يبوسها من خدها
ماهى / ادحك عليا
مهاب / انا اقدر برده عملتى ايه
ماهى / نسخه من كل العقود الجديده اللى لسه بيدرسوها
مهاب / حبيبتى و عملتى ايه مع صاحبنا
ماهى / انت فاكرنى ايه
مهاب / فاكرك اجمل و ارق سكرتيره فى الدنيا ايه مش قادره تاخدى عقله زى مطيرتى عقلى كدا
ماهى / ايوه بس انا بحبك انت
مهاب / طب مانا كمان بحبك و بعدين انا بعمل كل ده ليه مش عشان ارجع جنبك الشركه تانى
ماهى / طب ماجى انا معاك هنا
مهاب / معقول برده و ساعتها الكل يتكلم و يعرفوا اللى بنا بقولك ايه هستناكى النهرده فى الشقه
ماهى / اه و متجيش زى المره اللى فاتت
مهاب / والله كان غص عنى اكيد هاجى يلا بقى ورينى دحكتك الحلوه
ماهى/ تمام
مهاب / اخبار ساره ايه
ماهى / هيكون ايه يعنى لازقه لاسلام طبعا مهى فرصتها مش فاهمه ايه مشكلتها مش هتتهد ابدا دايما كدا وقفالنا زى اللقمه فى الزور
مهاب / عاوزك تنزلى تجيبى فستان يطير العقل عشان تحضرى بيه الفرح خليه يشوف هيضيع على نفسه ايه
ماهى / و الفستان ده مش محتاج فلوس
مهاب / بس كدا من عيونى
.....................
فى المدرج فريده تخلص المحاضره
فريده / انا هستنى الريبورت ده المحاضره الجايه و باقى الباب ده ملغى و المحاضره الجايه هناخد اول خمستاشر صفحه مالباب اللى بعديه للى عاوز يحضر فى عشر دقايق فى المحاضره للى عنده اى سؤال .... مفيش اى اساله تمام تقدروا تتفضلوا
الطلبه  تبدا تخرج من الباب و فريده بتلم حاجتها ميرنا تقوم تقف
سندس / متستنى بدل منقف فى الزحمه
ميرنا / يلا بدل ميتبقاش غيرنا و اختك تزنقنا فى سؤال و انتى نازله كتابه مالصبح
سندس / اممم صح قومى قومى
ميرنا و سندس تقوم و اللى وراهم يقوموا و يروحوا فوسط الزحمه اللى خارجه مالباب و فوسط الزحمه واحد منهم يحط ايده على وسط سندس تحس بيه تحاول تتحرك اللى جنبها يزقها تخبط فى ميرنا الكتب تقع منها و الطلبه بتزق بعضها بره سندس تتحرك بره و ميرنا لسه جوه المدرج بتحاول تجيب كتبها و فجاه صوت صريخ صريخ صريخ فريده تجرى عالباب و الطلبه توسع بالعافيه مالزحمه تلاقى واحد حاضن سندس و هى بتحاول تزقه بعيد عنها كريم يدخل و يضربه فى وشه و يشدها بعيد و فجاه الدفعه كلها بتضرب فى بعض فريده تشد سندس بعيد و هى بتعيط
.........................
فى مكتب العميد
ست طلبه واقفين مضروبين لما قايلين يا بس و سندس قاعده بتعيط بلوزتها مقطوعه و فريده واقفه جنبها بتديها ميه و فى مجموعه طلبه واقفه الناحيه التانيه
فريده / و رحمه بابى الموضوع ده مهيعدى يا شويه كلاب
العميد / اهدى يا دكتوره
فريده / اهدى ايه يا دكتور اهدى ايه انا هبلغ البوليس انا هوصل الموضوع لرئيس الجامعه و لو حكمت لوزير الداخليه شخصيا
الباب يخبط و مهاب يدخل يجرى على سندس و يحضنها
سندس / شوفت اللى جرالى يا ابيه
مهاب يقلع جاكت البدله و يلبسهولها
مهاب / ايه اللى حصل
فريده / الكلاب دول اتحرشوا بيها و هى خارجه من المدرج تخيل
مهاب / و انتى بتعملى ايه هنا مخدتيهاش و طلعتى عملتى محضر ليه فين كارنيهاتهم
العميد / اهدى يا دكتور مهاب احنا طلبنا اولياء امورهم و هنحولهم كلهم لمجلس تاديب و هينتهى بفصلهم
طالب 1 / احنا هنترفد عشان واحده مش محترمه
مهاب / انت بتقول ايه يابن الكلب انت
الطالب 1/ بص بنفسك صور الست هانم على كل موبايلات الدفعه
فريده تجرى تخطف الموبايل
فريده للعميد / دى صور المصيف حضرتك و هى فاعدادى انتوا جبتوا الصور دى منين
طالب 2 / و هما فى اعدادى بيبقى شكلهم كدا
فريده / انا مش هكتفى بفصلك دانا هخلى اهلك يزوروك فى السجن يمكن تتربى
طالب 1 / ربى اختك الاول
العميد / احترم نفسك يا ولد منك له هو فى ايه انا بحاول انقذ مستقبلكم و اكتفى بسنتين فصل انتوا كدا هتخشوا السجن
الباب يخبط و وحده تدخل
الست / اولياء امورهم بره حضرتك
العميد / دخليهم
يدخل اربع ستات و تلت رجاله
العميد / اتفضلوا اقعدوا .... النهرده حصلت حادثه من اولادكوا لاول مره فى تاريخ التعليم الاكاديمى تحرش جماعى بطالبه بداخل المدرج
طالب 3 / محصلش يا ماما
العميد / زمايلكوا شاهدين عليكوا و البنت و الدكتوره اللى كانت فى المحاضره
طالب 1 / يا بابا الدكتوره تبقى اخت البنت
مهاب / طب و بالنسبه لردك عليا من شويه و صورها على موبايلك
الطالب 1/ ايوه هى متصوره عريانه و منزله صورها عالنت و ترجع تعمل علينا شريفه
سندس / غصب عنك
العميد / لو سمحتوا احنا بنحاول نلم الموضوع
فريده / انا اسفه يا دكتور انا قولت لحضرتك انى مصره اعمل محضر
الاب 1 / اتفضلى اعملى محضر اتصلى بالبوليس و انا مستعد امشى معاكى الطريق للاخر و متاكد ان اخت حضرتك هتكون سعيده جدا بالنهايه بس فى الاول اعرفك بنفسى رافت السنوسى المحامى و بما ان كدا كدا اختك متصوره فاوضاع مخله و ان الشهود كلهم طلبه من عندك و انتى الشاهده الرئيسيه اقترح تستشيرى المحامى بتاعك قبل متقدمى بلاغ فى ابنى
مهاب / اعرف انت بتتكلم مع مين الاول قبل متنفش ريشك و تهدد
الاب 1/ اللى اعرفه انى اب و مستعد امشى لاخر الدنيا عشان ابنى ميتاذيش
كريم / ابنك دا عيل واطى و ابن كلب
الطالب 1/ صح صح مانت ماشى معاها من اول السنه يا بابا دى اوكشه الكليه و الدفعه كلها عارفها انها بنت شمال اصلا
العميد / هو مفيش احترام لوجودى و لا ايه
ام منهم تروح تقعد جنب سندس و هى بتعيط و ساكته و تطبطب عليها
الام1 / انا اسفه يا بنتى حقك عليا انا معرفتش اربى
طالب 4 / ماما
الام1 / انت تخرس خالص حسابى معاك بعدين انت فاكر نفسك فين
طالب 4 / يا ماما انا مغلطتش
الام1 / انا مش زي البيه المحامى اقدر امشى وراك لان عندى بنت اختك اللى انت نسيتها و انت بتحط ايدك على بنات الناس فى تسعين مليون واحد بره هيحطوا ايدهم عليها عشان اللى محدش فى الاوضه دى فاكره ربنا
الطالب 1/ دى بنت شمال اصلا
الام1 / و دا يديك الحق تقرب منها
الاب 1 / ابنى ملمسهاش هى اللى بتتبلى عليه
الام1 / انا متاكده من كدا اسمع يا دكتور انا همشى و الكلب ده عندكوا تفصلوه تسجنوه انا مخلفتش اصلا ابنى ميمدش ايده على الحرام و تانى سامحينى يا بنتى انى معرفتش اربى عن اذنكوا
الست تمشى و صمت فى المكتب
العميد / و راى باقى اولياء الامور ايه
الام 2 / انت عملت كدا يا محمود بجد
طالب 3 يبصلها و يبص فى الارض
الام2 / ليه يابنى ليه تحطنى فى موقف زى ده
العميد / اقل عقوبه هى فصل سنتين و بما ان حضرتك محامى عارف ان التحرش الجماعى من سنتين لخمسه حبس فانا رايى و حفاظا على سمعه كل اللى فالمكتب بما فيهم انا اللى عمرى مكنت اتمنى اكون فى موقف زى ده خصوصا مع اخت اتنين من اكبر دكاتره الكليه قيمه و قامه اقترح العقاب الاكاديمى
فريده / مش هقبل باقل من
مهاب / موافق بس على الاقل البهوات يعتزروا
فريده / مهاب
مهاب / هتبعتى اختك القسم يا فريده
الاب 1 / اعتزر
الطالب 1/ بابا
الاب  1/ قولت اعتزر خلينا نخلص
الطالب 1/ انا اسف
الطلاب كلهم يعتزروا
العميد / تمام الطلبه يطلعوا بره كلهم لو سمحتوا
الطلاب كلهم يطلعوا بره و الطالب 1 يبص لمحمد و سمره و محمود ماسكين محمد لحد مالطلبه تعدى
...........................
فى الفيلا
مهاب/ انتى اتجننتى اكيد
فريده / كل اللى كان همك صورتك و بس صح
مهاب / صورتى و صورتك و صوره سندس كمان
فريده / بتخبى على مين كل الكليه عرفت باللى حصل و بكره كل الجامعه تعرف
مهاب / اثبتى الطلبه قلو ادبهم عليكى فى المحاضره و انتى فصلتيهم سنتين خلاص خلصت
فريده / والله
مهاب / دا اللى عندى اديكى شوفتى ابو الواد كان واثق ازاى
ناهد / عندنا بدل المحامى عشره ايه هو سمعه البنات لعبه
مهاب / دا لو اى بنات لكن سندس كلنا عارفين كويس بلاويها هيطلعلنا من وراها مليون حكايه و حكايه و ما خفى كان اعظم
حنان / ايوه مهما كانت مش من حقهم يعملوا معاها كدا
فريده / عاجبك كدا مبسوطه دلوقت مبسوطه ماللى بسمعه بسببك مبسوطه مالكلام اللى اتقلى بسببك
سندس قاعده بتعيط
فريده / عيطى عيطى اوى الحمد لله ان بابا مات و مشفش اليوم ده انا عشت عمرى كله لحد دلوقت محدش عرف يمسك عليا غلطه بس كنت عارفه ان اليوم ده هيجى عارفه انك هتفضحينى
ناهد / كفايه بقى يا فريده
فريده / كفايه طبعا مهو محدش بيقدر غير على فريده محدش بيعرف يمشى كلامه غير على فريده
طارق و اميره يدخلوا
طارق / فى ايه يا جماعه ايه اللى حصل صوتكوا عالى ليه
اميره / مالك يا سندس ايه اللى حصل فى ايه يا جماعه
مهاب / حادثه فى الكليه و خلصت و ياريت الموضوع يعدى
اميره / انتى كويسه يا حبيبتى
سندس تعيط و تحضن اميره اوى
اميره / يا قلبى يا قلبى
مهاب / حصل خير يا جماعه الحمد لله انها اتلمت على قد كدا امال ساره فين
سندس / عشان خاطرى متقولوش لابيه اسلام حاجه عشان خاطرى
مهاب / طب يبقى يقربلك فى ايه هو البيت ده ملوش كبير و لا ايه
سندس / عشان خاطرى
طارق / متخافيش يا حبيبتى اطلعى اوضتك و ارتاحى
سندس تطلع اوضتها
حنان / الغدى جاهز
فريده / انا مليش نفس
مهاب / انا ورايا شغل و هتاخر عن اذنكوا
فريده / شغل ايه يا مهاب
مهاب / من امتى بتدخلى فشغلى
فريده / انا بسال بس
مهاب / و هو لو جاوبتك هتعرفى يعنى حاضر اسالى عندى اجتماع مع مستثمر عربى عاوز يبنى فندق فى مارينا تمام يا ستى تحبى اجيبلك صوره من الباسبور بتاعه
فريده / انا بسال عشان اطمن عليك
مهاب / لا اطمنى عن اذنكوا
مهاب يمشى و فريده تبرطم
فريده / مستثمر عربى قال
ناهد / انا هستنى اسلام و ساره يجوا معلش يا حنان هتعبك طلعى لسندس اكلها فوق
حنان / حاضر هطلعه
...........................
فى اوضه سندس الباب بيحاول يتفتح و سندس واقفه وراه
حنان / سندس افتحى انا حنان
سندس / هو ابيه جه
حنان / سلامه ؟؟؟لا
سندس تفتح تلاقى حنان شايله صينيه اكل
حنان / انتى قافله الباب تكتين ليه
سندس / مفيش انا مش جعانه
حنان / سندس كلى لقمه انا عمله الاكل بايدى
سندس / هو مش المفروض تروحى للكوافير
حنان / اروح و انتى فى الظروف دى
سندس / روحى انا هاخد الاكل و اقعد مع محمد هو لسه فى اوضته صح
حنان / فى اوضته قافل على نفسه من ساعه مجه راخر لا اكل و لا شرب انا طول عمرى نحس
سندس / هاتى الصينيه و انا هروح لمحمد
......................
فى اوضه محمد
محمد قاعد عالسرير و ضهره للباب و ماسك العكاز فى ايده سرحان فيه
سندس / ممكن اجى
محمد / تعالى
سندس تدخل و تقفل الباب بالمفتاح محمد يبص باستغراب تحط الصينيه عالترابيزه و تقعد جنب محمد
سندس / انت زعلان منى انت كمان
محمد / و ازعل منك ليه انتى عملتى حاجه
سندس / انا معملتش حاجه والله الصوره دى السنه اللى فاتت قبل معرفك
محمد/ انا مش زعلان منك يا سندس
سندس /  بجد ؟؟؟ امال قاعد هنا ليه من ساعه مجيت و متكلمتش طول الطريق و مش راضى تبصلى
محمد / ابصلك بانهى وش احط عينى فى عينك ازاى بعد اللى حصل
سندس / و انت ذنبك ايه
محمد / شوفتينى و انا واقف قدام الكلاب دول زى الكتكوت المبلول برجلى دى
سندس / رجلك اتكسرت و انت بتدافع عنى قبل كدا و دا مش ضعف منك
محمد / مكنش المفروض اخليكى تروحى النهرده لو كنت قلت لاسلام عن حوار الصوره مكنتيش هتروحى بس انا مردتش اقوله
سندس / الحمد لله دا كان قتلنى
محمد / ايه الكلام ده
سندس / شوفت عمل ايه لما لبست قصير امال لو عرف اللى حصل هيعمل ايه
محمد / انتى قفلتى الباب عشان خايفه من سلامه
الباب يخبط
سلامه / محمد سندس عندك
سندس تبص لمحمد
محمد / متخافيش مش هيعمل حاجه
محمد يقوم يفتح الباب سندس تمسكه و هى بتعيط
محمد / متخافيش يا بت
محمد يروح يفتح الباب
محمد / بالراحه البت خايفه منك خلقه
اسلام / انت عبيط وسع
اسلام يدخل الاوضه يلاقيها واقفه فى جنب بتعيط
سندس / والله هما اللى اتهجموا عليا فى الزحمه
اسلام ياخدها فى حضنه و هى بتعيط
اسلام / انتى خايفه منى يا هبله دانا كنت هتجنن عليكى لما تيته قالتلى
ساره تدخل
سندس / كانوا سته يا ابيه معرفتش ازقهم عنى يا ابيه
اسلام / حقك عليا انا حقك عليا
ساره تروح تطبطب على سندس
ساره / الحمد لله عدت
اميره تدخل
اميره / سندس انا معرفش هتقدرى و لا لا بس فى واحده بتسال عليكى بتقول انك مدياها معاد عشان فرح حنان
سندس تمسح دموعها
اسلام / قوليلها بكره
سندس / لا لا انا جايه
محمد / متاكده
سندس / دا فرح اختى و كل حاجه هتبقى تمام
ساره / انا جايه معاكى .... انا هبقى جنبها
محمد يتسند و يقعد عالسرير
اسلام / مالك ياض
محمد / مخنوق
اسلام / و انا كمان استاخر خدنى جنبك
محمد / على الاقل انت مكنتش هناك موقفتش عاجز و الكلب ده بيبصلك و انت مش قادر تعمله حاجه عشان الناس مسنداك بالعافيه اصلا
اسلام / الحمد لله لو كنت اتخانقت معاه كنت هتبقى انت الغلطان و ان كان مهاب و فريده وقفوا مع سندس مكنش فى حد هيقف معاك
محمد / طظ فيهم كلهم بس ميعديش كدا
اسلام / مش هيعدى ورحمه امى مهتعدى بس فرح اختك يعدى بس و هجيبهم السته و هوريك ان مخلتهم يعيطوا زى الحريم مبقاش ربايه حسن البرنس
محمد / كنت فين اتصلت عليك غير متاح
اسلام / كنا بنجيب البدله والفستان بتوعى انا و ساره
محمد / تمام
اسلام / فى فيلم اجنبى كان فيه جمله بيقولك الانتقام وجبه تقدم بارده اهدى
محمد يحضن اسلام و اسلام يطبطب عليه
.............................
فى اوضه سندس بالليل محمد يدخل
محمد / ممكن اجى
سندس / طبعا تعال تعال
سندس تقوم تسنده
محمد / انا بقيت كويس بعرف امشى لوحدى
سندس / و فيها ايه يعنى اعتبرنى بتلكك عشان امسك ايدك
محمد يبتسم
محمد / انتى هتروحى الكليه بكره
سندس / فريده قالت لازم اروح و كان مفيش حاجه حصلت
محمد / تمام هاجى معاكى بس مش عشان كدا انا جيت
سندس / و هو لازم سبب عشان تيجى تقعد معايا
محمد / لا بس فى سبب
سندس / اوك انا سمعاك
محمد / انتى عارفه ان كل حاجتى اللى ورثتها من ابويا و امى اتحرقت فى البيت
سندس / اه
محمد / كل زكرياتى كل الصور متبقاليش حاجه تفكرنى باهلى
سندس / مهو حنان و شوق و اسلام
محمد / خلينى اكمل انا بجمع الكلام بصعوبه اصلا
سندس تحط ايدها على بقها
محمد / زمان ابويا كان عنده ارض فى البلد عمى اشتراها المهم الفلوس بتاعه الارض دى ابويا بنى بيها البيت بنى شقتى و شقه سلامه فوقنا المهم يعنى اتبقى فلوس فراح اشترى لامى هديه اشترالها انسيال دهب فيه اربع قلوب كل قلب محفور جواه اسم واحد فينا المهم يعنى امى جت فى اخر ايامها فكت القلوب مالانسيال و اشترت اربع سلاسل و حطت القلوب فيها و ادت كل واحد قلبه
محمد يطلع من جيبه سلسله فيها قلب محفور جواه محمد
محمد / انا عارف انها مش غاليه و عارف انها قديمه بس دى كل اللى حلتى اخر حاجه من ريحه امى
سندس / الله يرحمها
محمد / امى زمان قالتلى اديها لاغلى بنت على قلبك قالتلى بالحرف ادى قلبك للى هتحافظ عليه و انا النهرده اتاكدت ان معنديش اغلى منك يا سندس
سندس عنيها توسع و تلمع
محمد / ممكن تحافظى على القلب ده يا سندس
سندس / انت بتديهانى ؟؟؟
محمد / لو تقبليها يعنى
سندس دحكتها مالودن للودن و تلف فجاه و ترفع شعرها لبسهانى
محمد / طب ساعدينى
سندس تمسك الطرف و محمد يلف الطرف التانى و يقفلها
سندس / انا عمرى مهقلعها حتى لو قطعوا رقبتى
محمد / سلامه رقبتك
سندس تقوم تبص فى المرايه و هى فرحانه عالاخر
سندس / حلوه اوى و رقيقه جدا انا عمرى عمرى عمرى مفرحت بهديه زى دى عمرى مهقلعها ابدا
………………..