Midnight Lover (Completed)

6.5

KABANATA 6.5

Parang mapuputulan ako ng hininga ng hawakan ni Miguel ang kamay ko. Gusto kong bawiin yun pero masyadong mahigpit ang pagkakahawak n'ya. Tumingin s'ya sa akin na parang walang naganap kanina, natural lang ang kilos n'ya. Nakakangiti pa s'ya gayong halos maubusan na ako ng hangin sa sobrang kaba. Bakit ba ako napadpad sa lugar na ito? Gusto ko lang naman tumakas sa birthday celebration ni Daddy, pero bakit nandito ako?

"Hey relax..." inalog alog ni Miguel ang kamay ko. Hindi ko s'ya pinansin. Nakatingin lang ako sa pintuan ng bukas yun.

"Sir Miguel?" gulat na gulat yung babae na halatang kasam-bahay dahil sa uniform na suot nito.

"Sila Lolo?" pumasok kaming magkahawak kamay. Well, it's kinda sweet pero pinagpapawisan na ang palad ko. Pasmado pa naman ako.

"Ahh sa loob po, Sir." nakatingin lang yung babae sa akin na mukhang sinusuri pa ako.

"Okay." hinila hila ako ni Miguel hanggang makalapit sa mag-asawang matanda na abala sa panonood TV ng hindi binibitawan ang kamay ko.

"Oh my Miguel, Miguel... apo!" nagulat ako ng yapos yapusin si Miguel ng Lola n'ya. Napatingin ang Lola n'ya sa akin, "Hello po." magalang kong bati.

"Kumain na ba kayo?" napabaling naman ako sa Lolo n'ya na nakatingin lamang sa amin at nangingiti.

"Hindi pa 'La." nakangiting sabi ni Miguel, mukhang maganda ang samahan nila ng Lola n'ya the way he talk to her ay parang mag-tropa lang ang dalawa.

"Hala, teka... Miniiiiiiiiiiiiiiiiing!" palirit ng Lola ni Miguel, agad namang lumapit yung Mining, "mag-hain ka't kakain ang Sir Miguel mo atsaka itong..." sinilip ako ng Lola ni Miguel bago tumingin sa apo n'ya, kay Miguel.

"Girlfriend, 'La." ngumiti si Miguel sa akin bago kumindat sa Lola n'ya. Nanlaki ang mata ko sa sinabi ni Miguel, anong kalokoha 'to? Hinila ko ang kamay ko na kanina pa niyang hawak hawak.

"...tsaka itong girlfriend ng Sir Miguel mo, madali ka, Mining!" paalala pa ng matanda.

"So ikaw pala si Deinna, hija." biglang nanayo ang balahibo ko sa gulat ng biglang magsalita ang Lolo n'ya.

"Lolo..." awat ni Miguel.