Midnight Lover (Completed)

11

KABANATA 11

Tama nga si Manong Ben, 45 minutes nga lang ay nasa pangpang na kami. Ngayon lang ako napunta ng Puerto Galera at ngayon ko lang din nalamang may mala-paraiso palang itinatago ang Mindoro. Maingay, parang boracay. Well, nakapag-Bora na ako at masasabi kong 'yun na ata ang pinakamagandang lugar ang napuntahan ko bukod sa Batanes at Palawan pero ang Puerto Galera, hindi manlang sumagi sa isip ko na maganda pala ang lugar na ito. Mula sa laot na matatanaw na agad ang napakaraming yate na may iba't ibang kulay ng ilaw idagdag pa ang musika. Paraiso nga kung tawagin.

Nang makababa kami sa bangka ni Manong Ben ay may isang kotse naman ang nakaparada na halatang naiinip na ang driver dahil nakasandal pa ito sa unahan mismo ng sasakyan. Mula sa malayo ay kapansin pansin agad ang pagiging matikas ng lalaki. Mukhang hindi naman s'ya driver. Sa tangkad at sa pananamit, parang mayor ata ito ng bayan or baka naman may ari ng rancho or anak mayaman?

"Migs!" Bati n'ya kay Miguel. Nagkamay muna sila bago bumaling ang mga mata sa akin. "Hi...Alessa, right?"

"Hello po." Bati ko naman at kumamay din sa kanya.

"Gio." Pagpapakilala n'ya. Ngumiti lang ako at bahagyang yumuko.

"So..." singit naman ni Miguel na pinag-krus pa ang mga bisig. "Let's go?"

Nagulat ako ng biglang tumawa ng malakas yung Gio. "Masyadong seloso itong boyfriend mo, Alessa."

"Hindi ko s'ya boyfriend!" Pagtanggi ko.

"Hindi pa." Singit na naman ni Miguel. Tiningnan ko s'ya ng masama. Ano bang pinag-sasasabi nito?

"Let's go couple, baka dito pa kayo mag-away." Pinagbuksan ako ni Miguel ng pinto habang s'ya naman ay naupo sa unahan. Inilabas ko agad ang cellphone ko para i-text si Kiel pati narin sila Daddy. Siguradong hahanapin nila ako kung saka-sakaling dumating sila Dad, baka mag alala pa si Kiel kung hindi ako uuwi. Nakapahinga ako ng maluwag ng magreply si Kiel, "Okay" hawak hawak ko lang ang phone ko para agad kong mabasa kung mag-rereply man si Daddy. Ilang minuto pa bago s'ya nagreply, "I'm busy here, anak... enjoy okay. Just update me and mag-iingat kayo."

Kayo.

Kailangan kong magsinungaling kay Daddy. I told him na kasama ko sila Toshka. Nagchat naman ako kay Toshka incase mag-tanong sila Dad. Lalo na si Ate Deinna.

"You okay?" Napatingin ako kay Gio.

"Hmm, yes..." napakamot ako sa tutok ng ilong ko. Nakakahiya.

"She's fine, Gio." Singit naman ni Miguel.