- მართლა იცნობთ ერთმანეთს? - თვალები გაუფართოვდა ლუსის.
- შეიძლება, ასეც ითქვას, ლულუ, - გაიმეორა ჩემი ნათქვამი მოწყალებამ, - რაღას ელოდებით? სახლში შემოდით! - განზე გადგა და კარში შესასვლელი გზა გაათავისუფლა.
მეთიუ პირველი დაიძრა - ხოლო სანამ სადარბაზოში შევიდოდა, ანას ყურში უჩურჩულა. რა, ვერ გავიგე, თუმცა, მან გაიცინა... ზუსტად იმ სიცილით, რომელმაც ყურებში სითბო ჩამიღვარა, როდესაც სიგარეტის სუნზე ცემინება ამიტყდა.
- სელია, კარგად ხარ? - გამომაფხიზლა ჯეიმსმა. შევკრთი და ხელი ავიქნიე.
- ჰო, ჰო, - ვუთხარი ჩუმად. - ჯერ თქვენ შედით და მეც შემოვალ.
ბოლო მე აღმოვჩნდი.
- სასიამოვნოა შენი კიდევ ერთხელ ნახვა, სელია, - მითხრა ღიმილით. იმ ღიმილით... წმინდანებო, რა მაცდური ღიმილი ჰქონდა! გასაკვირი არ იყო, რატომ უყვარდებოდათ მის შეცდენილ გოგონებს ის ერთი დანახვით. მოიისფრო-ლურჯი თვალები, ლამაზი, ღია ფერის სახე, დამატყვევებელი მზერა და მის მიერ წარმოთქმული ერთი-ორი სასიამოვნო სიტყვა ნამდვილად საკმარისი იქნებოდა ჯერ მის მკლავებში, შემდეგ კი მის საწოლში აღმოსაჩენად.
- ანა, არა? - ცალი წარბი ავზიდე.
- უფრო „მეც მიხარია შენი ნახვა,"-ს ველოდი, მაგრამ ამასაც დიდი სიამოვნებით მივიღებ. - ხელი სადარბაზოსკენ გაიშვირა და მანიშნა, შევსულიყავი.
შიგნით შევაბიჯე და მეორე სართულზე ამავალ კიბეებს ავხედე. მაშინღა გამახსენდა ბინტები.
კიბის მოაჯირს კანკალით ჩავავლე ხელი.
- რა ხდება? - ანამ რამდენიმე საფეხური აირბინა და ჩემ წინ დადგა.
- არაფერი, - თავი გავიქნიე, მაგრამ ის მომიახლოვდა, ნიკაპზე თითები მომკიდა და თავის ფართო, თვალებში ჩამახედა.
- არაფერი? - გაიმეორა და წარბები შეჭმუხნა.
- ხელი გამიშვი!
ESTÁS LEYENDO
The Favor - მოწყალება (A Shadowhunter Fan fiction) (დასრულებული)
Fantasíaროდესაც 19 წლის ახალგაზრდა ლედი, ერთ მუხლზე დამდგარ, პატიოსან, გულთბილ და კეთილ ჯენტლმენს ეუბნები "დიახს", შესაძლებელია იმის წარმოდგენა, რომ სულაც საშინელი ურჩხული აღმოჩნდეს? სელია დეილტრესისთვის - შესაძლებელია. ჯონ ბრაუნლოუსთვის ცოლობაზე თანხმობის...
