- ფეხსაცმელებს ხვალ დაგიბრუნებ, - ვუთხარი ანას დამშვიდობების წინ.
- ესე იგი, შემხვდები, - თავი დამიკრა.
- ამას მაშინ ამბობ, როდესაც სათქმელი არ გაქვს?
გაეცინა.
- ნახვამდის, სელია, - დამაწია, სანამ ინსტიტუტის გზას გავუყვებოდი.
თავიდან ვიფიქრე, იმას შევაჩვევ, რომ ყველაფერს ვერ მიიღებს, რაც უნდა და არ შევტრიალდები, რომ საპასუხოდ რამე შევაგებო-მეთქი, მაგრამ შემდეგი სიტყვები ისე წამომცდა, მათი გააზრებაც ვერ მოვასწარი.
- მომავალ, შეხვედრამდე, მოწყალებავ.
მისი სიცილი კიდევ რომ ვერ გამეგო, დანარჩენებთან ერთად სწრაფად გადავჭერი ქუჩა.
მე და ლუსი ინსტიტუტში ვბრუნდებოდით, ჯეიმსი და კორდელია კი მიგვაცილებდნენ (მიუხედავად იმისა, რომ საკუთარი სახლი ჰქონდათ კარტზონ-სტრიტზე).
მხოლოდ, როდესაც დაღამდებოდა...
ინფენის საძებნელად გავეშურებოდი...
კარზე კაკუნი გაისმა.
- შემოდით! - დავიძახე.
კარი ტესამ შემოაღო.
- როგორ ხარ, სელია? - მკითხა და სამსანთლიანი შანდალი ერთი ხელიდან მეორეში გადაიტანა.
- მშვენივრად, ტესა, - გავიღიმე და საწოლზე წამოვჯექი.
- იძინებ? - მკითხა ქალმა.
- დიახ. დავწვები და ვნახოთ, როდის ჩამეძინება.
- ძილინებისა, - ხელი ნაზად დამიქნია.
- ძილინებისა.
საათმა რამდენს ჩამოჰკრა, ვეღარ დავთვალე. იმ დროისთვის უკვე მომეხერხებინა კარადაში საბრძოლო სამოსის - შავი ტუნიკის, შემოსაცმლის, იარაღების ქამრის, შარვლის, მაღალყელიანი ჩექმების, პირბადისა და კაპიუშონის - პოვნა და ჩაცმა.
სარკის წინ დავდექი, წინ ჩამოგდებული ვერცხლისფერი ღერები - რომელთაც შეეძლოთ, სიბნელეში გავეცი - კაპიუშონში შევიკეცე, ტუმბოდან ახალი სტელა ავიღე და ოთახის კარი ჩუმად გავაღე. ქვის იატაკზე რეზინიძირიანი ფეხსაცმელები - ანასი ოთახში დავტოვე - დიდ ხმას არ გამოსცემდნენ, რაც სწრაფად სიარულში მიწყობდა ხელს.
ESTÁS LEYENDO
The Favor - მოწყალება (A Shadowhunter Fan fiction) (დასრულებული)
Fantasíaროდესაც 19 წლის ახალგაზრდა ლედი, ერთ მუხლზე დამდგარ, პატიოსან, გულთბილ და კეთილ ჯენტლმენს ეუბნები "დიახს", შესაძლებელია იმის წარმოდგენა, რომ სულაც საშინელი ურჩხული აღმოჩნდეს? სელია დეილტრესისთვის - შესაძლებელია. ჯონ ბრაუნლოუსთვის ცოლობაზე თანხმობის...
