رواية " على الحان الماضي " الجزء الأول

Part 2

*روايه علي الحان الماضي *
*الفصل الثاني *
مراد قاطعه وقال:"ايه بنت؟!..عمر بيسأل عن بنت.. مين ديه؟اسمها ايه؟"
عمر:"طيب اتفضل انت دلوقتي وحط الملف علي المكتب "
- امرك يا باشا
عمر:"وانت يا مراد اتفضل برا "
- ماشي يا صاحبي بس هعرف مين البنت ديه ؟😜
*عمر لسه هيفتح الملف تليفونه رن *
- الو يا ست الكل
- الو يا حبيبي عامل ايه
- انا كويس يا حبيبتي
- دايما يا حبيبي المهم انا عاوزاك تيجي بدري النهارده عشان هنروح مشوار مهم
- مشوار ايه يا ماما
- هتعرف لما تيجي
- تمام مش مطمنلك بس اوك
- باي
*عمر قعد يفكر في ليليان وقد ايه هو كان يتمني يشوف وشها وصوتها اللي حس انه مألوف عليه *
عند ليليان
*خلصت الجامعه وركبت عربيتها ورجعت الشرقيه ولسه كانت هتطلع افتكرت كلام جدتها وانها كانت عاوزاها فراحتلها *
- السلام عليكم
- عليكم السلام تعالي يا ليليان
- حضرتك عاوزاني يا تيتا؟
- اه يا حبيبتي تعالي
- حبيبتي؟طيبب خير يا تيتا؟
- ليليان انتي عندك كام سنه يا روحي
- اربعه وعشرين سنه يا تيتا
- والبنت في السن ديه بتكون فين
- في الجامعه
- غلط! بتكون في بيت جوزها
- المطلوب يا تيتا
- المطلوب انك كل ما يجيلك عريس ترفضيه وانا عاوزه افرح بيكي عشان كده انا جبتلك عريس
- ما انا برفضهم عشان دول ضفادع بشريه مش عرسان
آدم(ابن عمتها):"هههههه ضفادع بشريه صح والله يا لي لي "
صفيه(الجده):"اسكت انت يا آدم وبعدين يا ست ليليان سيبك انتي من العرسان اللي فاتو دول انا جايبالك واحد لقطه"
- مين ده بقي
صفيه:"حسن اخو جوز مي بنت عمتك"
ليليان:"نعمممممم حسن مين ده وبعدين انا مش هتجوزه الشخص ده انا لما بشوفه بكره نفسي اصلا"
صفيه:" لا هتتجوزيه يا بنت مصطفي ورجلك فوق راقبتك "
ليليان بهدوء:"مش هتجوزه ومحدش هيقدر يجبرني علي حاجه"
صفيه:"طيب عشان بنت عمتك يا ليليان انتي لو رفضتيه هيعيشوها في ذل"
ليليان:"اها يعني مش عشان تفرحي والكلام ده عشان خاطر بنت عمتي.. ياه للدرجادي انا بالنسبالك ولا حاجه سعادتي مش مهمه بالنسبالك"
صفيه:"مين قال كده انتي لو اتجوزتي حسن هيعيشك مبسوطه وبعدين ديه بيحبك وشاريكي"
ليليان بصوت عالي:"لا انا مبحبوش ومش شارياه ومش عاوزاه يا تيتا"
*العيله كلها اتجمعت علي صوتهم *
- مصطفي والد ليليان:"في ايه يا ماما"
صفيه:"تعالي شوف بنتك اللي انتي مدلعها يا خويا قال ايه مش عاوزه العريس"
وائل ولارا:"عريس؟"
مصطفي:"عريس مين يا ماما"
صفيه:"حسن اخو جوز بنت اختك"
وائل:"حسن ايه يا تيتا وبعدين هي مش عاوزه تتجوزه ليه"
مصطفي:"استني انتي يا وائل.. ليليان يا حبيبتي انتي مش عاوزاه ليه يا روحي"
ليليان بعياط:"انا مش عاوزاه وبس يا بابا مبحبوش هو انسان رخم كده عامل زي الاباجوره القديمه ملوش لازمه غير اني مبيطقهوش اصلا"
مصطفي:"بس...
صفيه:"ليه يختي ماله الواد ولا ده اخره التعليم انتي عارفه بنت عمتك وهي في سنك كده كان ابنها في المدرسه... ولا دي اخره الجامعه والعربيه..اه ما انتي دخلتي الجامعه وعملتي اللي في رأسك...وراكبتي عربيه والناس اتكلمت عليكي... لا غير البناطيل والتليفون...اظن ده كله هو اللي خلاكي شايفه نفسك"
ليليان:"ودخلش جامعه ليه انا تعبت وسهرت وجبت مجموع عالي يدخلني الجامعه والعربيه ديه هديه من بابا وبعدين فيها ايه يعني اما سوق عربيه مش عيب ولا حرام احنا بس في بلد متخلفه...وبعدين يا تيتا بنت عمتي انتو اللي جوزتها صغيره انا مليش دعوه بحد..ما تتكلم يا جدو"
عبدالحي:"صفيه خلاص البنت مش عاوزاه ايه هو عافيه"
صفيه بصت وراها شافت وحده واقفه برقت واول ما شافتها اغمي عليها وكلهم جريوا عليها
*كلهم جريوا علي صفيه ومخدوش بالهم من اللي واقفه وراها بتعيط.. هي عرفت انها لو فضلت الموضوع هيزداد سوء عشان كده انسحبت بهدوء وطلعت تجري علي عربيتها *
- انتي بتعيطي ليه اللي حصل يا حبيبتي
- محصلش حاجه يا حبيبي اطلع بينا علي البيت
- ماما انتي كل مره تيجي البلد بتصممي انك تيجي هنا وتراقبيهم من بعيد ليه المره ديه دخلتي لا وكمان طلعتي معيطه ليه ده كله معرفش هم ليه مش قادرين يسامحوكي يعني
- ممكن عشان هم بيحبو البنت اللي بتحط وشها في الارض وبتقول نعم علي اي حاجه حتي لو كانت غلط بس انا لما وقفت عشان حاجه اتبروا من عارف يا عمر انا النهارده شوفت بنت واقفه بتزعقلهم اللي فهمته منها انهم عاوزين يجبروها تتجوز.. البنت ديه شبهي اوي نفس لون عيني وملامحي حتي جريئه زي كان نفسي ادخل واحضن امي بس مقدرتش
*وفضلت تعيط *
~~~~~~~~~~~~
ايه يا ماما كده تقلقينا عليكي
- سلامتك يا تيتا
صفيه:"انا شوفتها يا مصطفي شوفتها يا احمد"
احمد:"شوفتي مين يا ماما"
صفيه:"ر.. يم"
مصطفي واحمد:"ريم! ريم ايه هيجبها هنا يا امي دي عندها حياتها دلوقتي تلاقيها نسيت اهلها اصلا"
ليليان:"مين ريم دي"
صفيه بارتباك:"ها لا ولا حد.. المهم يا بنت مصطفي هتتجوزي حسن"
ليليان:"لو اخر واحد في الدنيا مش هتجوزه"
مصطفي يهمس لليليان:"بصي قوليلها ماشي دلوقتي بس عشان ضغطها"
- لا يا بابا انا لو قولتلها ماشي هتمسكني بيها وتقولي انتي وافقتي وانت عارف امك
- بت ايه امك دي!
صفيه:"بتوشوشو فيه ايه"
- ولا حاجه يا امي ارتاحي انتي بس
صفيه:"هرتاح ازي وبنتك منشفه راسها ومش عاوزه تريحني ومش خايفه علي خاطر بنت عمتها..."
*وفي اللحظه ديه ليليان فاض بيها ووقفت بعلو الصوت وقالت:"بنت عمتي.. بنت عمتي.. انا مش فاهمه ايه علاقه بنت عمتي في الموضوع كل شويه تقوليلي بنت عمتي ما هي عندها جوزها ومامتها هيهتموا بيها لكن انا مامتي متوفيه وبحقق حلمها مع ده برضو محستيش حتي بالشفقه تجاهي كنتي دايما بتتحكمي فيا ودايما بتظهريلي ان مي اهم وحده عندك.. ومحدش فيكو فكر فيا فا أنا ليه افكر في حد ليه،ليه انا بحاول علي قد ما أقدر اني مخسركوش بس انتو مبتعملوش حساب لمشاعري.. انا مليت بجد من كل ده "
مصطفي:"وطي صوتك يا ليليان.. اول واخر مره صوتك يعلي وانا موجود فاهمه"
ليليان:"اسفه يا بابا بس انا زهقت من اسطوانه كل يوم و.. "
صفيه بحده:"يعني ايه الكلام ديه يا ست الدكتوره؟"
ليليان:"يعني مش هتجوز يا تيتا"
صفيه:"ده اخر كلام عندك"
ليليان:"اه"
صفيه:"حتي لو قلتلك اني هتبري منك ليوم الدين"
عبدالحي:"صفيه ايه الكلام ده! "
مصطفي:"ايه يا ماما الكلام ده ليليان لسه صغيره وبعدين ده كله ليه يعني عشان حسن؟ فيه ايه لما ترفضه"
صفيه تجاهلت كلامهم واكملت بحده:"قولتي ايه يا بنت مصطفي"
ليليان بصوت مهزوز:"قولت اني امي ماتت وسابتني لوحدي ودي كانت اصعب حاحه تعرضلها في حياتي... مظنش ان فيه اصعب من كده"
صفيه بغضب:"يعني ايه يا ليليان يعني محدش فارق معاكي جدتك مش فارقه معاكي"
ليليان بخنق:"جدتي؟هي فين انا محدش جنبي ولا اهتم بيا خالص وجدتي اللي بتقولي عليها دي كانت عاوزه تبعيني عشان الست مي... مهتمتش بسعادتي ولا مستقبلي.. خلاصه الكلام يا تيتا انا هفضل ليليان بنت ابنك اللي عمرك ما اهتمتي بيها وانا مسامحاكي قدام ربنا.. الدور من عندك عاوزه تتبري من فأنتي اللي خسرانه يبقي دنيا واخره"
- ماشي يا بنت مصطفي روحي انا قلبي وربي غضبانين عليكي ليوم الدين
~~~~~~~~~~~~
عند عمر
- اي يا ماما لسه بتعيطي برضو طب اضحكي كده وفرفشي... يلا وريني الضحكه الحلوه
- اهو ضحكت ههههه بس بقولك يا عمر
- نعم يا ست الكل؟
- انا عاوزاه اعرف البنت اللي شوفتها دي بنت احمد ولا مصطفي واسمها ايه وفي سنه كام و....
- خلاص خلاص متقلقيش هجبلك كل حاجه عنها بس انتي فاكره شكلها
- اه
- تمام اعتبري كل حاجه عندك
ابتسمت وقالت:اوك
- هروح الشركه عشان في اجتماع مع طلاب من جامعه الطب
- ربنا معاك يا حبيبي
عمر قبل جبين والدته وانطلق
الي سيارته ووصل الي شركته الفخمه ويمشي بجانب حرسه وصديقه مراد
- مراد عاوز كل حاجه مظبوطه متتهاونش مع حد...
خبط في بنت والقهوه انسكبت عليه وكل اللي في الشركه وقفو مصدومين لأن عمر مبيغفرش ولا غلطه
- مش تفتحي قدامك
- البنت بوجه محمر:انا اسفه والله يا استاذ مخدش بالي
-لي لي بتعملي ايه هنا
ليليان:"وائل بتعمل ايه هنا"
عمر بحده:"قضوها تعارف النهارده وانتي يا انسه فتحي قدامك بعد كده مش تمشي تخبطي في خلق الله
ليليان بغضب مكتوم:"انا اسفه يا أستاذ كمان مره"

*ليليان سحبت وائل من ايده وخدته ووقفو في ركن تحت انظار عمر الغامضه وبدأو يتكلمو
- كنتي بتعملي ايه هنا
- انا جايه عشان تعاقد الشركه مع الخمسه الأوائل اللي هيتخرجوا من كليه الطب ولسه كنت هروح الميتنج روم بس الراجل ده اخرني
- الراجل ده؟انتي عارفه مين ده
- مش مهم مش عاوزه اعرف المهم انتي بتعمل ايه هنا
- انا شغال هنا مهندس ديكور
- الله انا اختك ومعرفش انتي بتشتغل فين
- انتي سألتني قبل كده
- لاء
- خلاص اسكتي
- ماشي يا عم المهندس سلام عشان أتأخر
طلعت تجري علي الميتنج روم لحد ما وصلت خبطت ودخلت واتصدمت لما لقيت عمر قاعد علي رأس الاجتماع
مدير الجامعه:"ليليان أتأخرتي ليه"
ليليان:"اسفه يا فندم مكنتش عارفه انتو قاعدين فين "
مدير الجامعه:"طيب اتفضلي اقعدي... عمر باشا دي ليليان الاولي علي الجامعه علي مدار ست سنين"
عمر افتكر علي طول ان البنت اللي شافها بتغني في الجامعه كانت اسمها ليليان وفي كليه الطب برضوا استنتج ان هي نفس البنت
عمر:"انسه ليليان انتي اكيد عارفه ان اي غلطه في الشغل بحساب صح؟اناعديت الغلطه اللي فاتت عشان انتي متعرفيش قواعدي بس بعد كده اي غلط هتطردي مفهوم"
ليليان فضلت باصاله شويه وبعدين قالت:"اولا يا استاذ اسمك ايه.... اه عمر انا كنت ماشيه وانت اللي كنت باصص في الساعه معني ده انك الغلطان بس انا اعتذرت عشان الم الدوز غير كده مش ليليان الشناوي اللي تغلط في شغلها"
كل اللي في الاجتماع فضلو باصين لعمر وليليان ومصدومين
من ردها علي عمر ومراد قاعد هيموت من الضحك
عمر بهدوء:"ديه افعال مش اقوال وانا مش عشان قولتي كلمتين هنبهر بيكي.... لا شغلك هيبينلي ده وبما انك ليليان الشناوي فأنتي عقدك هيكون مختلف هتشتغيلي من الساعه سبعه الصبح للساعه سبعه المغرب يعني اتناشر ساعه وهيكون تلات سنين"
ليليان بصدمه:"بس انا بيتي في محافظه تانيه ومش هعرف اجي سبعه الصبح"
عمر باستنكار:"والله ده اللي عندي ولو طنط اللي في البيت ربتك انك متكلميش مديرك بالطريقه ديه ولو ربتك انك متفيش مع شاب لوحدكم كان هيكون ليا كلام تاني لكن للاسف هي معرفتش تر.... "
ومكملش الكلمه وليليان ضربته بالقلم علي وشه تحت انظار كل اللي في الاجتماع اللي وقفو مصدومين او بمعني اصح خافو من رد فعل عمر وليليان
- وقفت بكل غضب وقالت:"انا مسمحلكش يا استاذ انا امي ربتني احسن تربيه وانتي ملكش الحق انك تحكم عليا كده ولو وقفت مع شاب او عشره ميخصكش ولو علي الصفقه مش عاوزها "
وخدت شنطتها ومشيت

يتبع ......