رواية " على الحان الماضي " الجزء الأول

Part 10

* الفصل العاشر *
وائل : انا همشي وهبقي ارن عليكي
ليليان اومأت بالايجاب
عمر انطلق بالعربيه ووصل الي الفيلا
عمر بصوت عالي : عم سعد لو سمحت اركن العربيه
- امرك يا بيه
ريم وليليان نزلوا ودخلو لقوا سعاد واحمد وشاب تاني قاعدين
ريم : السلام عليكم
- وعليكم السلام
سعاد بصت علي ليليان وقالت : امال مين دي
ريم : دي ليليان بنت اخويا مصطفي
سعاد بصدمه لانها تعتقد ان ريم مازالت علي خلاف مع عائلتها : اها ازيك يا حبيبتي
ليليان بابتسامة : الحمد لله
ريم بصت وراها لقيت واحد مديها ضهره واول ما لف قالت :
زياااد حبيبي جيت امتي
زياد : مفاجأة مش كده
وراح حضن ريم وعمر جه وسلم عليه وزياد وقف قدام ليليان اللي باصله ببرود وقال : امال القمر منين
عمر واقف متمالك اعصابه ولسه هيرد ليليان قالت : من المجموعه الشمسيه يا خفيف
زياد : اي ده يعني قمر وكمان كلامك عسل
عمر بغضب : مش كفايه تعارف بقي ولا ايه
زياد : اي يا عم عمر بالراحه علينا
ريم لاحظت نظرات عمر وقالت : احمم طيب ليليان يا حبيبتي اطلعي ارتاحي انتي لسه تعبانه
ليليان : ها.. اه حاضر تعالي معاي ورينا اوضتي
ليليان طلعت مع ريم
زياد : ليليان لا بس حلوه
عمر بصوت عالي : زيااد احتراام نفسك
زياد بخضه : استغفر الله العظيم اي يا عم خضتني
عمر : معلشي الف سلامه عليك من الخضه وانت واقف لاحظ انك بتتكلم عن بنت خالي
زياد : الا قولي يا عمر هي مرتبطه
عمر بصوت جهوري : زيااااد
زياد طلع يجري من قدامه
عمر بيكلم نفسه بغضب وبيقول : انا مالي مايقول اللي يقوله وانا متضايق كده ليه انا مش حبيتها لا افتكر يا عمر انك عاوز تتجوزها لسبب خليك فاكر انك مينفعش تحبها
عمر قام وطلع الجنينه وقعد علي كرسي وطلع هاتفه واتصل علي مراد
عمر : مراد انت فين
مراد : انا عند هشام هجيبه ونجيلك
عمر : تمام وزياد هنا كمان
مراد : كده كملت انا جاي اهو
بعد نص ساعه
مراد وهشام وزياد وعمر قاعدين في الجنينه وليليان قاعده في بلكونه اوضتها قصادهم بالظبط بس مش شايفاهم ليليان قاعده بتفكر وفجأة غنيت
تذكر اخر مره شوفتك... سنتا تذكر وقتها اخر كلمه قلتها... وما عدت شفتك.. وهلا شوفتك.... كيفك انت.. ملا انت كيفك.. قال عم بيقولو صار عندك ولاد... انا والله مفكرتك برا هالبلد...
وكل اللي في الجنينه سامعو الصوت بس مش شايفنيها لانها كانت قاعده والبلكونه عاليه فاللي تحت مش شايفنها
كلهم يبحثون عن مصدر الصوت الا عمر عينه علي البلكونه وقلبه بيدق بسرعه
مراد لاحظ نظراته للبلكونه وكلهم بصو علي البلكونه وفجأة ليليان قامت وكلهم شافوها بس من ظهرها وكانت فارده شعرها الطويل ولابسه بلوفر رصاصي ليليان قامت دخلت جوه وقفلت البلكونه
عمر شاف كلهم باصين علي البلكونه وقال : احمممم كلهم انتبهو له وقال انا هدخل اجيب حاجه وراجع
ودخل بغضب وطلع علي اوضه ليليان وخبط علي الباب ودخل لما سمع صوتها بتقول ادخل
دخل وكانت حاطه حجاب اسود علي راسها وقال بغضب : اول واخر مره تطلعي البلكونه فاهمه
ليليان بعدم فهم : وده ليه انشاء الله وانت مالك
عمر بغضب وصوت جهوري : هو ايه اللي ليه حضرتك طالعه البلكونه بشعرك لا وكمان بتغني في وحده محترمه تعمل كده
ليليان بغضب هي الاخري : اسمع انا محترمه غصب عنك فاهم
ريم دخلت علي صوتهم وقالت بخضه : في ايه صوتكو عالي ليه
عمر بغضب : انا قولت اللي عندي والبلكونه يكون اشوفك فيها
ليليان : يا حول الله يا ربي حاضر... امشي بقي
ريم : عمر اطلع بره دلوقتي
عمر نزل وطلع قعد مع الشباب
وريم بصت من البلكونه وشافت الشباب وفهمت عمر زعق ليه وبعدين ابتسمت بخبث وقالت : لي لي حبيبتي متزعليش من عمر
ليليان : ابنك ده واحد مستفز
ريم : معلشي هو عصبي شويه
ليليان : شويتين تلاته
ريم بخبث : طب ماتيجي انا وانتي ننزل تحت يلا اصل اصحاب عمر تحت وكلنا هنتغدي مع بعض اي رايك
ليليان : لا لا مش عاوزه اشوف الروبوت اللي تحت ده
ريم بضحك : ههههه روبوت طيب تعرفي انك اول وحده لا وحده مين اول شخص يقدر يشتم عمر لا وايه ده بيكون موجود كمان انا بجد مبهوره بيكي
ليليان بفخر : امال هو انا اي حد
ريم بحب : طيب يلا ننزل عشان نتغدي
ليليان : حاضر
~~~~في اوضه نادين~~~~
نادين رايحه جايه في الاوضه بغضب وبتكسر كل حاجه حواليها
سعاد : في ايه يا بنتي من ساعه ما جيتي وانتي كده
نادين بغضب : بقي انا قاعده بخطط من زمان وتيجي بنت في يوم وليله تخطفو مني؟ ليه لا وكمان بيزعقلي عشانها
سعاد : كله هينحل ولو هو خطبها زي ما بيقول فاحنا بطريقتنا هنفرقهم
نادين بخبث : حلو اوي الكلام ده يلا ننزل نشوفهم
~~~~~~~~~~~~~~
في منزل في محافظه الشرقيه
- يا ماما قولتلك مليون مره مش عاوزه اتجوز
- يا بنتي حرام عليكي انا عاوزه اطمن عليكي قبل ما اموت
- بعد الشر عليكي يا ماما متقوليش كده وبعدين انا مش حابه الفكره ديه
- ريحيني يا بنت بطني ريحيني وقابليه بس
- ح.. حاضر يا ماما هعمل اللي انتي عاوزه
- ربنا يريح قلبك يا بنتي
وخرجت وتركتها في غرفتها اخرجت هاتفها واختارت رقم وقالت بصوت حزين : الو يا ليليان
ليليان : الو يا اموله ازيك ماله صوتك
امل : مش كويسه يا ليليان انا عاوزاكي
ليليان بحزن : اهدي يا حبيبتي انا كام يوم وهاجي واحكيلي مالك
امل ببكاء : في عريس جايلي وماما موافقه ولو رفضت انتي عارفه انها هتتعب
ليليان بخبث : طب وترفضي ليه ما توافقي
امل بزهول : اي اللي انتي بتقوليه ده ! اوافق ازاي انتي عارفه اني بح...
ليليان بخبث : عارفه ايه... ؟ تمام اقولك وافقي وافقي اصلي عاوزه احضر فرح و وائل اخويا كان في بنت عاوز يتجوزيها بس كان بياخد رأيي فهوافق...
امل بسرعه : لا طبعا وائل ليا انا وبس
ليليان بتضحك بصوت عالي : يااه نشفتي رايقي يا شيخه علي اما نطقتي
امل بخجل : يخريبيت شكلك يا ليليان انا بس سلام.. وقفلت السكه
ليليان ضحكت بصوتها كله وطلعت الموبايل ورنت علي وائل واتكلمت بجديه زائفه
- ايه يا استاذ وائل اللي بيحصل ده
وائل : خير انا مش فايقلك انتي كويسه صح
ليليان : انا هقولك كلمتين بس انت لو مخدتش خطوه لقدام هي هتروح منك
وائل بعدم فهم : هي مين ده وخطوه ايه
ليليان بنفاذ صبر : امل يا استاذ في عريس متقدملها ومامتها موافقه
وائل بانفعال : كلام اي ده مينفعش طبعا
ليليان بخبث : مينفعش ليه انشاء الله هو انت كنت اتقدملها وانا معرفش انت بتحبها في السر وهي كمان
وائل : هي كمان ايه
ليليان : بتحبك يا غبي بس بسريه زيك كده بالظبط
وائل بفرحه : قولي والمصحف
ليليان بضحك : والمصحف
وائل : طيب والعريس ده هيروح امتي
ليليان : الاسبوع الجاي
وائل : طيب يلا اقفلي اما اروح اقول لابوكي عشان نتقدم
ليليان : هيييه اخيرا
وائل قفل السكه
ليليان : واطي من يومه
علي السفره يجلس عمر وهشام ومراد وزياد وريم ونادين وسعاد يتناولو الطعام
زياد : امال فين لي لي يا جماعه
عمر بشر : اسمها ليليان
زياد : اه منا عارف بس بدلعها
عمر بغضب : وتدلعها ليه! انت...
وفجأه ليليان نزلت ولابسه لابس خروج
ريم : انتي رايحه في حته يا حبيبتي
ليليان : اه يا عمتو النهارده عمليه وهتكون اول عمليه ليا
ريم : ربنا معاكي يا روحي
ليليان : يا رب يا عمتو
ريم : يلا يا روح عمتو اقعدي كلي
ليليان لفت ولسه هتقعد لمحت شاب قاعد وقالت : هشااام
هشام بص وكح وقام وقف وقال : ليليان بتعملي ايه هنا
عمر : انتو تعرفو بعض
ليليان بغضب : انت... انت... انا مش عارفه اقولك ايه بصراحه
هشام بترجي : ممكن تسمعني بس انا والله مظلوم
ليليان : يا حرام انت يا عيني علي طوال مظلوم صح انا اللي غلطانه لاني وثقت فيك وساعدتك يا هشام
هشام : يا ليليان اسمعي بس والله انا كنت...
عمر بغضب : في ايه يا جماعه ما توطو صوتكو وفهمونا في ايه
هشام : عمر انا....
ليليان بتقلد هشام : يا عمر انا مظلوم انا معرفش ايه واكملت بجديه قائله : اسمع اسمع يا هشام الموضوع اتقفل من زمان وتنساه فاهم
هشام بحزن : ممكن تديني فرصه اشرحلك اللي حصل انا والله بحبها
ليليان : متقولش بحبها بس
هشام : والله العظيم بحبها ممكن تديني فرصه بس
ليليان وقد تعاطفت معه : ماشي بس مش دلوقتي
هشام بفرحه : متشكر بجد
عمر ببرود : خلصتو
ليليان بصتله وقالت في سرها : ده انت واد غتت وفاقت علي صوت نادين وهي بتقول : تاكل بانيه يا موره
مراد : اه كل يا موره ههههه
ريم بصت علي ليليان لقيتها بتاكل ببرود ومش فارق معها فحبت تولع الجو وغمزت لزياد وزياد فهم وقال بمرح : الا قوليلي يا ليليان انتي مرتبطه
كلهم بصوله وليليان ردت وقالت : لسه مفيش حد حصله الشرف
زياد : هههه ليه بس ده انتي عسل
عمر : عسل اسود علي راسك يا زياد
زياد : اي يا عم انا كلمتك
عمر بغضب : انت.....
وفجأة تليفون ليليان رن وردت بسعاده وقالت : الو ازي حضرتك يا دكتور
- دكتوره ليليان معايا صح
- اه مع حضرتك
- هو الظاهر في الكشف عندي انك الاولي فالعمليه بتاعتك النهارده المفروط بعد ساعه انا حيبت افكرك
- لا متقلقش انا فاكره كويس
- تمام متتأخريش
- حاضر يا دكتور اسر
ليليان قفلت الموبايل وعمر كان بيبصلها بغضب قام وقال : ليليان انا عاوز اتكلم معاكي
ليليان باستغراب : تتكلم معايا
عمر : اه تعالي نتكلم في الجنينه
ليليان : ماشي بسرعه
وراحو الجنينه تحت انظار ريم السعيده وانظار نادين الحاقده
عمر : احنا لازم نحط النقط علي الحروف زي ما بيقولو
ليليان : نقط ايه وحروف ايه
عمر : انتي عارفه اني اتقدمتلك
ليليان : انا....
عمر يقاطعها قائلا : انتي هتوافقي
ليليان : اه انت هتجبرني مثلا
عمر : حاجه زي كده ومش كده بس لا انتي هتقولي اننا بنحب بعض
ليليان بصدمه وشاورت عليه وعليها وقالت : انا وانتي
طب قول حاجه العقل يصدقها
عمر ببرود : وهنتجوز بعد فتره وبرضو هنمثل اننا بنحب بعض
ليليان بغضب : وانا ايه يجبرني اعمل كده
عمر : عشان.....

يتبع .........