* الفصل الحادى والعشرون*
سيلين/ وبس يا سيدي ده كل اللي حصل
زياد/ اي الحياة الممله دي يا سولي
سولي/ اوك مقبولة منك يا زيزو
زياد/ امال فين لي لي يا عمر
عمر بغضب/ قولتلك مليووون مرة اسمها ليليان...... ليليان عمر السيوفي
زياد/ خلاص يا عم ليليان فين
عمر/ وانت مالك ؟ لتكون وحشتك ؟
زياد بخبث/ اوي
عمر/ زياااااد
زياد اتنفض وقال/ اي....ايه يا عم فيه ايه ؟ انا بهزر
عمر بغضب/ لا يا خفيف متهزرش وفكك من ليليان خالص
زياد/ خلاص يا عم بالراحه علينا
وفجأة
_ عمر باشا الورد ده جه للدكتورة ليليان.....
عمر قام وقبل ما ياخد الورد ليليان جت وقالت/ اي ده مين جابلي ورد
عمر باستغراب/ مين هيبعتلك ورد انشاء الله
ليليان/ معجبيني كتار
عمر بصلها وقال بغضب/ مين هم دول ان شاء الله....... افتحي الكارت ده كده
ليليان فتحت الكارت بتوتر وقرته......... وبصت لعمر بخوف من نطراته
عمر بغضب خد منها الكارت وقراه......... وقبض ايده بغصب من المكتوب
" أحدهم يتخيل تفاصيل يومك كاملة وان كان غائبا، احدهم انت في قلبه،
احدهم انت قلبه. " مجهول
عمر بصوت عالي/ عم عبده
_ ايو يا بيه
عمر بغضب/ مين اللي جاب الزفت ده
_ واحد جه واداهواي وقال اديه الدكتورة ليليان
عمر بص لليليان اللي بتبلع ريقها بصعوبة وقال بصوت جهوري/ اييييه ده!
ليليان اتخضت وقالت/ و... والله ما اعرف
عمر بصلها وقطع الكارت ورمي الورد وشدها من ايدها وطلع الاوضه
عمر بغضب وعيون حمراء/ اييييه ده!
ليليان بخوف/ والله ما عارفه يا عمر انا مالي؟
عمر بصوت عالي/ ايوه برضو ومين اللي كاتبلك كده....... ويكتبلك كده ليييه
ليليان/ انا معرفش والله
عمر بصلها بغيظ وسابها ونزل
ليليان/ وده مين اللي باعت الورد ده كمان وايه الكلام ده؟ .....ممكن احمد شوقي الله يرحمه يكون معجب بيا ؟ ههههه فكره والله ممكن
~~~~في المطار~~~~
_ ايوه يا ماما انا في المطار مستنيكي انتي فين ؟
_ انا جاية عليك اهو انت لابس قميص ازرق صح
لف حواليه وقال/ ايو ايو شوفتك اهو
وقفل السكه وراح سلم عليها وخد الشنط وقال/ حمدلله علي سلامتك
_ الله يسلمك يا آسر
آسر بابتسامه/ نورتي مصر كلها
_ منورة بناسها يا حبيبي
آسر/ طيب يلا نروح البيت
_ ماشي يلا
~~~~~في الشرقية~~~~~
صفية/ خد يا آدم شيل الصورة دي حطها هناك
آدم/ حاضر بس هي هنا احسن
صفية/ ولا اسمع الكلام بس
زين/ السلام عليكم
_ وعليكم السلام ورحمه الله وبركاته
زين/ ازيك يا تيتا..... ازيك يا عمي
مصطفي وصفية/ الحمد لله بخير
سارة/ محدش كلم ليليان يا جماعة؟
آدم/ انا كلمتها امبارح
صفية/ طيب صوتها كان عامل ازاي؟
آدم/ مقدرتش احدد بس اكيد مش كويس
صفية/ اتصل علي عمتك ريم كده
آدم/ حاضر هتصل اهو...... • وادالها الموبايل •
صفية/ الو يا ريم ازيك يا بنتي
ريم/ الحمد لله يا ماما كويسه انتو عاملين ايه.... كويسين
صفية/ الحمد لله يا بنتي بخير..... ليليان عامله ايه
ريم اتنهدت وقالت/ كويسة يا ماما
صفية/ متأكده متخبيش عليا يا بنتي
ريم/ كويسة والله انا وعمر بنحاول نخرجها من المود اللي هي فيه
صفية/ خلي بالك منها يا ريم مش هوصيكي..... ديه وصية ابوكي
ريم/ هتوصيني علي بنتي يا ماما؟ ليليان في عينيا!
صفية/ ربنا يحفظك يا بنتي يلا مع السلامة
ريم/ سلام سلميلي علي اللي عندك
~~~~في اوضه نادين~~~~
سعاد/ جتك خيبة اهو اتجوز.... فضلتي تقولي لا يا ماما ومعرفش ايه لحد ما تجوز ومن غير ما يقولنا
نادين/ اديكي قولتي من غير ما يقولنا......وبعدين اللي بيتجوزو بيطلقو...... وبعدين انا عندي خطة محصلتش وجتلي علي الجاهز كمان
سعاد/ اما نشوف اخرتها معاكي يا بنت احمد
نادين/ اه صح امال بابا فين
سعاد/ ابوكي سافر يختي معرفش فين
نادين/امممم طيب
سعاد/ اما نشوف اخرتها معاكي! واديه سيلين دي رجعت كمان
نادين/ انتي ناسيه انها اخته في الرضاعه ؟ مفيش خوف من سيلين........ الخوف من الحربايه التانيه اللي كلت عقله دي
~~~~~~~~~~~~~~~
_ هاا يا باشا اخلص عليه
_ تؤ تؤ احنا عاوزين نعذبه بالبطئ وده مش هينفع من غير مراته
_ ازاي يا باشا
_ يعني يا غبي مراته دي نقطة ضعفه...... فهننتقم منه فيها واهو العذاب يبقي اشد واقوي
هههههههههه هتقع وقعه ابوك يا عمر هتقع قريب اوي
~~~~~~~~~~~~~~
_ قولها يا هشام قولها الحقيقة
أنت تقرأ
رواية " على الحان الماضي " الجزء الأول
Romanceرواية " على الحان الماضي " .... روايه رائعه ومشوقه ، انا لست الكاتبه .... انما انا ناقله فقط ... اتمنى تعجبكم الروايه ... ارائكم فى التعليقات ♥
