رواية " على الحان الماضي " الجزء الأول

Part 13

* الثالث عشر *
تاني يوم
ليليان صحيت من النوم علي اصوات زغاريط
فتحت الشباك لقيت ريم تحت مع سعاد ونادين ويعتبر نص البلد تحت بيسلمو عليها
قفلت الشباك واتنهدت بحزن ودخلت الحمام وغسلت وشها واتوضت وصلت
وسجدت لربنا وفضلت تشكيه همها وتعيط وفجأه الباب اتفتح علي اخره وكانو ساره وامل ولارا
ليليان مسحت دموعها وقالت : خير خضتيوني
البنات طلعو يجرو علي ليليان وقالو : عندنا شبكه هييييه
ليليان مسحت وشها بإيدها بنفاذ صبر وقالت : انتو اطفال ايه الهبل ده
ساره : اقعدي بس كده... في وحده بتصحي يوم شبكتها بعد الظهر
ليليان : انا
لارا طلعت الفستان وقالت لليليان يلا روحي البسي وتعالي عشان نحطلك الميكب
ليليان : انا هلبس دلوقتي ليه انشاء الله
لارا وهي بتدفعها للحمام : خلصي غيري
ليليان دخلت باستسلام وطلعت للبنات
وبدأو يضعو المكيب وبعد ما خلصو
ساره صفرت وقالت : والله مزه
ليليان بفخر : طبعا يبنتي امال
امل : طيب يلا عشان بقالنا تلات ساعات بنظبطك والساعه بقت خمسه اهي ....
ليليان : ايه بنظبطك دي يا ماما انا قمر من غير حاجه
وائل خبط علي الباب وقال : ليليان الناس وصلو
ليليان قلبها دق جامد وقامت مع البنات وبصت لنفسها في المرايه كانت لابسه فستان رقيق جدا مع تربون
ابتسمت بحزن ونزلت تحت عند عبدالحي
كل الموجودين كانو منتظرين ليليان في بيت العيله تحت
عمر كان واقف وبيبص في الساعه كل شويه وبينفخ بنفاذ صبر وكان لابس بدله باللون الازرق وكانت تزيد من وسامته
وفجأة سمع صوت زغاريط فعرف ان ليليان نزلت وقلبه بدأ يدق جامد وكان متوتر جدا
عمر رفع نظره وبص وشاف ليليان وفضل سرحان فيها كانت رقيقه جدا بفستانها الكافيه والميكب الخفيف ووشها المحمر من الكسوف
فاق علي صوت ريم وهي بتقول : قمر يا روحي ماشاء الله تبارك الرحمن
ليليان بخجل : ربنا يخليكي يا عمتو
عبدالحي بدموع : حبيبه جدها بقت عروسه انا الفرحه مش سيعاني
ليليان حضنته وقالت : ايه يا عبده في ايه دموعك غاليه اوي متعيطش تاني
عبدالحي قبل جيبنها وقال : حاضر يا حبيبتي
ليليان راحت حضنت ابوها وعمها وسلمت علي الموجودين كلهم وبعدين عمر راحلها ووقف جمبها وقال : احم... ازيك
ليليان بتريقه : احسن منك
عمر : انتي يابنتي بتحبي الخناق
ليليان : اه ملكش فيه
عمر بصلها وقال بغضب : اي اللي انتي حطاه علي وشك ده
ليليان باستفزاز : ميكب ايه مسمعتش عنه
عمر : لا سمعت يا حلوه بس انتي مش مخطوبه لسوسن والبتاع ده مينحطش تاني
ليليان بزهول : هو ياابني انا وانت واخدين بعض عن حب
عمر بنفي : محصلش
ليليان : اومال عمال تتشرط ليه..... اعملي ده ومتعمليش ده
عمر : هو كده احنا هنمثل بس مش اكتر
ليليان بقليل من الحزن : يا صبر ايوب
وفجأة زين جه عليهم وقال بحزن وهو يتحاشي النظر لليليان : مبروك يا ليليان
ليليان بحزن : الله يبارك فيك يا زين
زين نظر لعمر وقال : مبروك يا استاذ عمر
عمر بابتسامه متكلفه : الله يبارك فيك
زين : طيب استأذن انا
مراد وزياد وهشام جم سلمو علي عمر وليليان وباركولهم
ريم : يلا يا عمر خد لبس خطيبتك الشبكه
عمر : حاضر يا ماما
عمر قعد وليليان جمبه والكل فرحان وبيزغرط
عمر مسك الدبله وقلبه بيدق بسرعه وهو ميعرفش السبب
ولبسها لليليان اللي قلبها كان هينط من مكانه
ليليان لبست عمر الدبله في ايده اليمين وبعد كده عمر لبسها باقي الشبكه ( لولولولولولوي)
عمر بتريقه : مبروك يا.... لي لي
ليليان قلبها دق لما قال لي لي بس نفضت الفكره وقالت باستفزاز مشابه : الله يبارك فيك
والعيله اتجمعت حواليهم وبدأو يباركولهم بعد كده نادين راحت عند ليليان وعملت نفسها بتسلم عليها وقالت بهمس لليليان : عمر ليا انا وبس ومش هسيبهولك يا قطه
ليليان اتصدمت من نادين ونادين ابتسمتلها بخبث وسابتها ومشيت
ليليان في نفسها : هه علي اساس اني هموت عليه يعني اولعي انتي وهو يا اختي.... بس هي قالت كده ليه ؟ هي بتحبه.... اي الهبل دي يا ليليان اكيد بتحبه امال هتقولك عمر ليا انا وبس ليه هو دبدوب ؟ اي الهبل ده
ليليان فاقت علي صوت مي وهي بتبتسم وتقول : مبروك يا دكتوره ليليان
ليليان وهي تحضنيها : الله يبارك فيكي يا مي عز الدين هههههه
مي : ما تبطلي تريقه بقي
نور ابنه مي : لي لي
ليليان وهي تحملها : قلب لي لي من جوه انتي
نور بتشاور علي عمر اللي واقف مع مراد وبتكشر
ليليان : ده ابو رجل مسلوخه حاسبي ليطلعلك بالليل
نور خافت وكانت هتعيط بس عمر جه وادها شيكولاته وقال : يعني هتخاف من ابو رجل مسلوخه ومش خايفه من امنا الغوله اللي شايلاها
مي : ههههه هاتو البت هتهبلوها..
نور راحت لمي وعمر قال لليليان بغيظ : انا ابو رجل مسلوخه
ليليان : تؤ تؤ تؤ ابو رجل مسلوخه كيوت قصادك
عمر : انتي.....
عبدالحي : حتي في خطوبتكم وبتتخانقو انتو ايه
ليليان راحت ووقفت ورا عبدالحي وقالت : يا جدو الراجل ده مستفز
عبدالحي : عيب يا بنتي ده خطيبك
عمر بابتسامه نصر : قولها والنبي ياحج
عبدالحي مشي وقال : ربنا يهديكم لبعض
نادين جت وحضنت عمر وقالت بدلع : مبروك يا موره
ليليان واقفه هتشيط وبحركه لااردايه شالت ايد نادين من علي كتف عمر وقالت : ايدك يا حلوه لتوحشك وبعدين ايه موره دي اسمه عمر يا قطه
نادين بغيظ : وانتي مالك
ليليان : تؤ تؤ مالي ومالي اوي ده خطيبي يا حلوه ومش من الذوق ولا الاخلاق انك تيجي تحضني واحد كده قدام خطيبته ايه كيس جوافه انا ولا ايه
نادين بصتلها بقرف ومشيت
ليليان : جتك القرف في شكلك
عمر واقف مصدوم هو كان هيزعق لنادين بس لما ليليان اتدخلت حب يشوف رد فعلها وهي صدمته
عمر : بالراحه شويه البنت اتخضت
ليليان بغيظ : ايه خايف عليها اوي روحلها يا بابا
عمر بخبث : اي ده انتي غيرانه بقي
ليليان باندفاع : مين دي اللي تغير لا احنا اتفقنا نمثل اننا بنحب بعض وانا بنفذ اهو
عمر بعدم اقتناع : ماشي همشيها
ليليان : اه مشيها يا ع... يا موره هه موره قال جتها موره في راسه
عمر: انتي......
هشام جه وقال : ليليان عملتي زي ما اتفقنا
ليليان بتحذير : اه دي اخر فرصه ليك
هشام بفرحه : حبيبتي ربنا يخليكي....
عمر : حبك برص ما تحترم نفسك
هشام : معلشي يا عم مخدتش بالي منك
عمر : ليه انت كنت عاوزني امشي كمان.....اقعدوا واجبلكو اتنين ليمون....
هشام وطلع يجري : مش فاضي دلوقتي وقت تاني
~~~~في مكان تاني~~~~~
_ ايو يا باشا خطوبته النهارده ودي صور خطيبته
_ ابتسم بشر وقال : هه لا حلوه الخطه تبدأ من بكره انت فاهم
_ اوامرك يا باشا
~~~~~~~~~~~~~~~
نادين طلعت من جوه ووقفت تحت شجره وفضلت تشتم في ليليان
_ هه طلعت مش انا الوحيد المجروح النهارده
نادين : انت مين انت كمان
_ حسن..... حسن الصياد
نادين ابتسمت بخبث وقالت : حلو اوي انت عاوز ليليان وانا عاوزه عمر يعني هدفنا واحد
حسن : هههه هدف ايه ما هم اتخطبو
نادين بشر : تؤ تؤ زي ما اتخطبو هيفسخو الخطوبه واحنا هنقف نتفرج عليهم وهم بيدمرو

يتبع .......