رواية " على الحان الماضي " الجزء الأول

Part 22

* الفصل الثانى والعشرون *
عمر في الافتتاح واقف مع المستثمرين وافتكر ان ليليان مش موجودة وطلع يدور عليها ملاقهاش........ سأل وائل وائل قاله انه سابها من شوية طلع وائل وعمر يدوروا وقلبو المكان بس مفيش أثر لليليان عمر الخوف بان علي وشه ووائل كذلك
عمر زعق بصوت خض كل الموجودين وقال/ فييين الامن الييييي هنااا
الأمن جريو عليه بسرعة وقالو/ نعم يا باشا
عمر بغضب/ حد فيكم شاف ليليان مراتي طالعه من هنا
واحد من الامن/ ايوه يا باشا شوفتها كانت خارجه مع وحده ست
عمر/ خرجت راحت فييين؟ هاتلي الكاميرات بسررررعه
الأمن جابو الكاميرات وعمر أول ما شاف ليليان بتتخدر قلبه وقف ووشه قلب ألوان وزعق وقال/ يا ولااااااد الكلب
اتصل بهشام وقال/ هبعتلك نمرة عربيه هاتلي عنوانها بسرعة
هشام/ ثواني وهتكون عندك
بعد شوية هشام اتصل وقال/ ايوه يا عمر العربية دي مسروقة وللأسف لقيناها من شوية وكانت فاضية
عمر اتعصب ورمي التليفون وركب العربية بخوف بيدور علي ليليان
~~~~~~~~~~~~~~~~
_ أهدي يا عمر هنلاقيها
عمر بغضب/ متقولش أهدي يا هشاام انا عاوزك تقلبلي الدنيا عليها
هشام بهدوء/ اهدي يا صاحبي قدم بلاغ بس وكله هيتحل
عمر عيونه احمرت وعروقه برزت/ هشاااام عاوزني اعمل ايه ومرااتي مخطوفه اقعد اعييط زي سوسن...... واقسم بالله اعرف مين هو بس ومش هرحمه
هشام بخوف علي حالته/ طيب اهدي بس وانا هقولك
عمر/ برضو هيقولي أهدي انا غلطان اني جيتلك انا رايح ادور عليها
هشام بتذكر/ هي معاها تليفونها صح
عمر بلهفه/ ايوه ايوه
هشام/ هات الرقم وهنشوف مكانها بس ياريت ميكونش مقفول
عمر اداله الرقم وهشام طلب من ظابط مخابرات انه يحدد الموقع
هشام باستغراب/ عمر الموقع بيقول انه في اسكندرية
عمر بلهفه قام وقال/ يلا بينا بسرعة......... ونزل هو وهشام وعمر ساق بغضب وخوف علي ليليان
~~~~~~~~~~~~~~
ليليان بتصرخ وتقول/ انا فييين.... يا عمر حد يرد عليااا
في حد جه وحط لزقه علي بوقها وقال/ اسكتي بقي صدعتيني
ليليان عماله تهز في الكرسي وتقام بس من غير فايده
وفجأة تليفونها نور في الشنطة لانه كان صامت والراجل لاحظه وقال/ نهار أسود اما اقول للباشا الكبير
الشخص/ لقينا معاها موبايل يا باشا
الباشا بغضب/ اغبيااء زمان عمر حدد مكانا يا متخلفين اكسر الشريحه ويلا عشان هنمشي من هنا
~~~~~~~~~~~~~~~
بعد ساعتين عمر وصل ودخل بغضب بس ملاقاش حد
فضل يدور هو وهشام ووائل ووائل لمح ساعه ليليان
وائل بلهفه/ دي ساعة ليليان انا جبتهالها في عيد ميلادها اللي فات
عمر بص علي الساعة وقال بغضب/ يعني كانو هنا بس عرفوا ازي اننا هنا؟!!!
هشام بتوتر/ عمر انا.......لقيت الرساله دي
عمر خدها بسرعه وقراها وكان مكتوب فيها " متخفش يا ابن محمد مراتك حظها حلو هبعتها لحماها هههه اصلي انا اللي عارف الطريق "
عمر قرأها ووشه احمر من الغضب والكره وكان جواه خوف كبير علي ليليان وقال/ يعني ايه؟ هو ده نفس اللي قتل ابويا
وائل قرأ الرسالة وخاف علي اخته جدا وقال/ احنا لازم نلاقي اختي يا عمر
عمر طلع وزعق بصوت عالي وقال/ ورحمه ابوياااااا لاجيبك يا ابن الكلب هوريك اللي بيلعب مع عمر السيوفي آخرته ايه
هشام/ اهدي يا صاحبي وتعال بس
عمر راح علي العربيه وهشام ووائل وراه ورجع القاهرة ودخل الشركة ووشه ميبشرش بالخير
ووقف في وسط الشركة وقال بصوت عالي/ مورااااااد
مراد/ ها يا عمر لقيتوها
عمر بحزن وغضب/ لا.... بس هلاقيها عاوزك تحط مبلغ خمسة مليون جنيه للي يلاقيها او يدلنا علي معلومات عاوز الخبر ده يكون ترند وينزل في الصحف...... عاوز الاقيها بسرعه فاااااهم
مراد بخوف قال/ ح.. حاضر يا صاحبي
عمر طلع مكتبه وطلع مسدس وقال/ هلاقيكي يا لي لي هلاقيكي يا حبيبتي
~~~~~~~~~~~~~
_ ههههههه مفكر نفسه ذكي ابن محمد
_ بس احنا نقلناها في آخر لحظة يا بيه لو لقانا كان ممكن يقتلنا
_ هههه يقتلنا؟ ما هو بسبب غبائك هيقتلنا في يوم يا غبي..... انا مش عاوزك تعمل حاجه في مراته ولا تضربها ولا تيجي جمبها احنا عاوزين نقرص ودنه بس بعد كده نرجعهالو
_ هههههه ما تخليها معانا شويه يا باشا
_ غوووور من وشيييي
_ ح.. حاضر
~~~~~~~~~~~~~~
ريم بخوف/ ايوه يا عمر انت فين ده كله الساعه 11 يبني وفين ليليان
عمر بحزن وتوتر/ احنا هنبات برا النهارده
ريم باريحيه/ طيب يا حبيبي انا بس قلقت عليكو
عمر/ لا متقلقيش كل حاجه كويسه
ريم/ طيب فين ليليان هات اكلمها
عمر/ هاا؟ ليليان بره مع..... مع سيلين.... انا هقفل يا ماما دلوقتي
ريم/ طيب سلام
عمر قام وقف وركب عربيته بغضب ولف شوارع القاهرة كلها وفضل يدور لحد الصبح
الساعة السادسة صباحاً
عمر في عربيته بيدور والخوف والقلق ظاهرين علي وشه والف فكره بتيجي في دماغه وفجأة في رقم غريب رن عليه
عمر بجمود/ الو
_ احمم ايو يا باشا انا اتصلت عشان البنت المتغيبه اللي في الاعلان
عمر بلهفه/ ايوه ايوه انت عرفت حاجه
_ احم ايوه ممكن نتقابل
عمر/ اكيد هقابلك حالا اجيلك فين
_ تعالي علي العنوان ده******
عمر قفل وانطلق بسرعة علي العنوان
عمر دخل واتصل علي الرقم وقال/ ايوه انا وصلت انت فين
في شخص جه من وراه وقال/ انا اهو يا بيه
عمر بص وراه وقال/ اتفضل نقعد
عمر/ حضرتك بتقول انك تعرف معلومات عن مراتي؟
_ ايوه يا بيه انا اسمي عوض من اسكندرية وشغال غفير كنت معدي بالصدفه من جمب مصنع مهجور وسمعت بنت بتصرخ بصيت لقيتها متكتفه فعرفت انها مخطوفه........ وكمل بخجل...... خوفت ادخل الصراحه بس فضلت واقف شوية ولقيتهم طلعو وركبو عربية فكتبت نمرة العربية في ورقة وده اللي قدرت اعمله
عمر بلهفه/ طيب هات نمرة العربيه وصدقني لو لقيتها هديلك المكافأة كلها
عوض/ انا مش عاوز حاجه انا بجد مكسوف من نفسي اني مساعدتهاش دي زي بنتي
عمر/ مكافأتك هتوصلك وبعدين انت عملت حاجه كويسه...... غيرك كان هيقول وانا مالي ويمشي...... احمم نمرة العربيه!
عوض بحرج/ اها اتفضل******
عمر قام بسرعة واتصل علي هشام وقال بلهفه/ هشام هاتلي موقع العربية دي بسرعه*****
هشام/ حاضر نص ساعه بالظبط وتكون عندك
عوض/ أستأذن انا يا باشا
عمر/ قولي يا عوض انت معاك كلية صح
عوض/ ايو يا بيه بس للحظ معرفتش اشتغل بيها
عمر/ كلية ايه بقي
عوض/ تجارة
عمر/ ده الكارت بتاعي تعالي بكرة الشركة
عوض بعدم فهم/ ليه يا بيه؟
عمر/ هتشتغل معايا هناك اشوفك بكرة
وقام بدفع الحساب ومشي بسرعة
~~~~~~~~~~~~~~~
هشام/ ايو يا عمر العنوان اهو****** اسناني يا صاحبي متروحش لوحدك
عمر بغضب/ اقفل بس يا هشام انا مش عيل انا هجيب مراتي واللي فكر انه يقربلها ده انا هوريه النجوم في عز الظهر ورحمه ابويا لادفعه حق كل ثانية كانت بعيدة عني
هشام/ احنا عاوزينه سليم ماشي انا جاي اهو
عمر قفل ومسمعش منه وطلع علي العنوان اللي كان في طنطا
عمر وصل بعد اربع ساعات ودخل علي العنوان بسرعة ولقي ليليان سايحه في دمها
عمر قلبه وقف ووشه اصفر وطلع يجري قعد قدامها مبيتكلمش
هشام جه من وراه واتخض وقال/ ع.. عمر
عمر باصص لليليان ولسه مش مجمع ومش مستوعب الموقف
هشام تدارك الموقف وصرخ وقال/ عمر الحق دي بتتنفس
عمر استوعب وجري عليها بدموع وقال/ ل.. ليليان... هتكوني بخير يا حبيبتي..... وشالها وحطها في العربيه وطلع بيها علي المستشفي
هشام فضل يدور علي دليل في المكان مع القوة اللي معاه ولقي رسالة مكتوبة بدم ليليان اخدها وصورها واتحفظ عليها وشمع المكان وطلع راح لعمر
~~~~~~~~~~~~~~
عمر بيجري شايل ليليان ودخل جري المستشفي وزعق وقال/ عااااوز دكتوووورة
دكتور جري وقال جهزو اوضه العمليات بسرعة
عمر كان مغيب عن الوعي وقلبه هيقف
الدكتور/ يا استاذ لو سمحت نزلها هنا
عمر مكلبش فيها وكأنه خايفها تمشي تاني
الدكتور شاف حالته وشاور للممرضه تنزلها منه
عمر/ عارف لو حصلهاااا حاجه؟ انا هطربقهااااا علي دماااغكو
نزلها بالراحه علي الترولي والدكتور خدها العمليات بسرعه
عمر قاعد بره بيبص علي ايده اللي غرقانه دم ليليان وبيقول بدموع...... انتي مش هتسيبني صح؟ لسه في حاجات كتير عاوز اقولهالك لسه مقولتش اني بحبك ولسه محققتش احلامك يا ليليان لسه في خناقات كتير هنتخانقها مع بعض....... لسه هتطرديني من الاوضه تاني وتقوليلي باي يا روميو...... انتي لسه متنقببتيش حتي! لسه متخانقناش علي اسماء ولادنا...... قومي يا ليليان عشاني قومي...... انتي بتكرهيني طيب ورحمه عبدالحي قومي..... انتي مش هتروحي في حته لا وحياه كل نقطه دم نزلت منك لادفعهم التمن غالي وحياتك عندي لاخليهم يتمنو الموت وميلاقيهوش
هشام دخل ومراد جه شاف حال صاحبه وزعل جدا
_ هتكون كويسه
عمر مبيردتش وبيبص علي ايده بتوهان
هشام اتنهد بحزن ووقف مستني الدكتور معاهم
بعد ساعه الدكتورطلع وقال/ الحمد لله طلعنا الرصاصه
عمر بلهفه/ طيب هي كويسه عاوز اشوفها
الدكتور/ هي كويسه بس خسرت دم كتير وده كان مأثر سلب بس هي دلوقتي احسن والرصاصه كانت جمب القفص الصدري جت سليمة
عمر بيسمعه وبيغلي واستوعد بالعذاب للي عمل فيها كده
الدكتور/ لو عاوز تدخلها متطولش

يتبع ..........