رواية " على الحان الماضي " الجزء الأول

Part 3

*الفصل الثالث *
عمر بهدوء عكس اللي جواه:"مراد"
مراد وهو بيحاول يفوق من الصدمه:"نعم"
عمر:هي ضربتني بالقلم دلوقتي
مراد بتوتر:"عمر اهدي دي برضو بنت وبعدين ما انت زودتها"
عمر بغضب:"كله يمشي الاجتماع انتهي"
وبالفعل كلهم مشيوا ومراد فضل يحاول يهدي عمر
~~~~~~~~~~~~
عند ليليان
طلعت من الاجتماع بتعيط قابلها وائل
وائل بلهفه:"لي لي مالك بتعيطي ليه"
*ليليان حضنته وفضلت تعيط ومبتتكلمش و وائل بيطبطب عليها *
- اهدي بس كده فهميني حصل ايه وبعدين بص وراه وسكت
ليليان بغضب:"الحيوان الروبوت ده بيغلط فيا لا وجاي يقولي
انتي متربيتيش كمان الروبوت عديم الاحساس ده..."
- ليليان سكتت لما سمعت صوت ضحك بصوت عالي والشركه كلها بتتفرج عليهما
بص لقيت مراد:"الله حلو روبوت دي بتوصفه بجد"
عمر:"اه انا روبوت...وحيوان.. وعديم احساس"
ليليان:"اه وبارد ومستفز"
عمر بغضب:"اسمعي يا بت انتي انا سكتلك فوق عشان انتي بنت بس مع اني ممكن احميكي من الوجود لكن بعد كده مش هسكتلك انا ممكن ارد عليكي الضربه ديه بس مش هضربك لا انا هعذبك يا حلوه فاهمه"
ليليان بغضب:"لا انت اسمع بقي انت مش عشان شعرك اسود وعينك رصاصي هتتغر لا يا بابا انا مش زي البنات اللي هيعيطول ويقولولك سوري يا باشا ،انا مغلطتش وطول ما انا مش غلطانه يبقي اعلي ما في خيلك اركبه"
*وخلصت كلاهما مشيت وركبت عربيتها ورجعت الشرقيه *
وائل:"انا اسف يا استاذ عمر اختي عصبيه شويه"
عمر بصدمه:"اختك"
وائل:"اه اختي حضرتك مستغرب ليه"
عمر بإرتباك:"لا اصلك هادي يعني مش شبها دبش"
وائل:"لا ليليان خجوله جدا وهاديه عشان كده استغربت لما علت صوتها اكيد الوضوع كبير"
عمر:"ها!لاء خلاص مفيش مراد تعالي معايا البيت"
- اوك
~~~~~~~~~~~
ريم بمرح:"ولا يا مراد عمر متعصب كده ليه ايه هي العسل زعلته"
مراد:"عسل تقصدي ايه"
ريم:"انتي متعرفش"
مراد بإهتمام:"لا قوليلي بقي"
ريم:"وانا بنفض مكتبه لقيت ملف جذابني بصراحه ففتحته لقيت في معلومات عن بنت اسمها ليليان"
مراد بتركيز:"ايو صح انا كنت فاكر انه طلب معلومات عن وحده بس مكنتش اعرف مين"
ريم:"ها بقي هو زعلان بسبها"
مراد:"بصي يا ستي"
وحكالها علي اللي حصل
ريم بصدمه:"الله اكبر ضربته"
مراد:"ده اللي همك بس ضربته"
ريم بخبث:"انت مش لافت نظرك لحاجه حكايه القلم وانه سكتلها ده"
مراد:"مش فاهم يا ريرو"
ريم:"انا هقولك تعالي"
*وفضلت توشوش فيه وتبدأ تحكيله *
بعد نص ساعه من الكلام مع ريم مراد طلع لعمر
مراد بخبث:"قولي يا عموره وشك بيوجعك اجبلك مرهم"
عمر:"مراد انا مش ناقصاك بصراحه غور من وشي"
مراد:"الا قولي يا عمر انت زعقت للبنت ليه"
عمر بشرود:"مش عارف"
مراد:"اي هو اللي مش عارف"
عمر:"مراد انا بجد مش عارف فسيبني لو سمحت واه.. "
مراد:"ايه"
- في وحده قريبه امي في كليه الطب عاوزك تعرفلي هي اسمها ايه ومنين وكل حاجه عنها ابوها اسمه مصطفي عبدالحي الشناوي
- ايه الشناوي
- اه في ايه؟
- مش بيفكرك بحاجه الاسم ده
- لا... استني كده امي
- اه امك اسمها ريم الشناوي
- عادي تشابه اسماء مش مهم
- ممكن برضو
- متعرفش حاجه تانيه عنها
- لو اعرف يا ذكي هطلب منك ليه
- صح هههه
~~~~~~~~~~~~~~~
في مكان تاني
مجهول1:عرفت مكانه ونقطه ضعفه
مجهول2:اه يا فندم حددت مكانه بس نقطه ضعفه مقدرتش احدده اعتقد انه معندوش
مجهول1:يعني ايه معندوش كل الناس عندها نقاط ضعف اكيد عنده بس ده مش سهل تلعب معاه ده غول المعمار يعني اللعب مش سهل فهنلعب بالراحه ومصير يبقاله نقطه ضعف
مجهول2:اللي تشوفه يا فندم
مجهول1:مصيرك تقع زي ابوك يا ابن السيوفي
~~~~~~~~~~~~~~
عند ليليان
السلام عليكم
عليكم السلام ورحمه الله وبركاته ما بدري يا هانم
معلشي يا بابا زحمه الطريق
ماشي يا ليليان ادخلي شوفي اختك مالها
مالها يا بابا
انا عارف جيت من بره بتعيط ومش راضيه تفتح الباب
لارا افتحي يا حبيبتي
لارا ردي عليا طيب
لارا عشان خاطري افتحي
لارا فتحت الباب ووشها كان احمر من العياط ودخلت الاوضه مع ليليان
واول ما الباب اتقفل انفجرت في العياط
ليليان:"في ايه يا حبيبتي مالك"
- مخنوقه اوي يا ليليان
- ليه يا روحي في ايه
- انا شوفته
- شوفتيه؟ تقصدي هش...
لارا ببكاء: اه هو كلمني بس انا سيبته ومقدرتش اشوفه تاني افتكرت كل اللي حصل في لحظه
- معلشي يا حبيبتي المهم لو قربلك قوليلي وانا هوريه النجوم في عز الظهر ومعرفتش ايه اللي جابه تاني ده
ارتاحي انتي دلوقتي وانا هطلع اشوف بابا عشان قلقان عليكي
- طب يا لي لي ربنا يخليكي لينا
- ويخليكو ليا يا روحي
مصطفي:اختك مالها يا ليليان
ليليان:ضغوطات في الجامعه يا حج وانت عارف...
فجأة يدخل وائل يحمل بوكيه ورد
وائل بمرح:بوكيه الورد ده بقي للست ليليان اللي لغت الاجتماع النهارده
رمقته ليليان بنظرات لكي يسكت
مصطفي:"لغته ليه اي اللي حصل"
- بنتك ضر...
ليليان تقاطعه:"ده بيحب يهزر ما انت عارف يا بابا"
وائل بخبث:"اه وبحب اضرب المدير برضو"
*وانفجر ضحك *
ليليان طلعت تجري وراه وخبطت علي باب اوضته وقالت:"ماشي يا وائل الكلب.. والله لقول لامل انك ب... "
وائل:"اقسم بالله انا بحبك يا ليليان انتي اختي الصغيره يا بنتي هاه عاوزه كام شيكولاتايه
ليليان بخبث:"ايو كده اتعدل هاتلي عشر شيكولاتات واتنين شاورما وبيبسي دايت"
وائل بصدمه:"طيب اي لازمه بيبسي الدايت"
ليليان:"هو كيفي كده وبعدين يبني عشان البرستيج وكده متتأخرش يا بش مهندس"
~~~~~~~~~~~~
تاني يوم في شركه عمر السيوفي
مراد:"عمره خلاص بطل انت رايح جاي في المكتب بقالك ساعه دوختني يا راجل"
عمر بغضب:"بقي انا عمر السيوفي اللي محدش قدر يرفع صوته عليه تيجي بت زي ديه وتضربني بالقلم قدام الكل"
مراد بضحك:"بس القلم رن في ودان الكل بصراحه يا ريتني صورتك ههههه"
عمر بغضب:"مراااد انا مش فايقلك خالص والله لاربيها الزباله دي"
مراد:"لا بس هي حلوه"
عمر:"شوف انا بقول ايه وانت بتقول ايه والله هاجي اطلع ده كله عليك"
مراد:"خلاص يا عم اهدي كده اه.. انا عرفتلك البنت قريبه طنط ريم"
عمر بتركيز:"اها مين بقي"
مراد:"مش هتصدق هي مين"
عمر:"انجز"
مراد:"اسمها لي..."
سمعوا صوت طرق علي الباب
عمر:"ادخل"
رانيا السكرتيره:"عمر بيه استاذ هشام موجود بره وعاوز يدخل لحضرتك"
عمر بفرح:"دخليه بسرعه"
- امرك يا بيه
هشام:"هلو يا مصر"
عمر:"هشام ازيك يا صاحبي وحشني"
هشام وهو يعانق عمر انتي اكتر والله اهلا بمراد بيه
مراد:"هشومه وحشتني"
هشام:"ايه هشومه دي انا اللوا هشام يتقالي هشومه يا اخره صبرك يا هشام"
مراد:"ههههه ما خلاص يا عم هنقضيها مناحه بقولك يا هشام معرفتش ان عمر اضرب"
عمر:"مراد اقسم بالله هاجي اخبطك قلم حقيقي بقولك اهو"
مراد:"خلاص يا عم الحساس"
هشام:"ايه حكايه القلم ده يا مراد"
مراد:"لا انا مالي يا عم خليه هو يقولك"
هشام:"ماشي يا مراد الكلب.. عمر اي اللي حص.. "
عمر:"مش وقته يا هشام المهم تعالي عشان امي هتموت وتشوفك"
هشام بمرح:"والله هي وحشتني اوي لو مش كانت امك كنت اتجوزتها"
- ولا ما تتلم ده امي
- خلاص يا عم بالراحه
ونزلو كلهم وركبو في عربيه عمر وراحو عالفيلا
هشام:"اي ده يا عمر انت جبت عربيه جديدة ولا ايه"
عمر بنفي:"لاء دي مش عربيتي اكيد في حد عندنا تعالوا ندخل"
مراد:"يلا"
وبالفعل دخل الثلاثة الي الداخل ووجدوا ثلاثه اشخاص يضحكون
عمر:"اهلا عمي ومرات عمي منورين"
احمد(العم):"اهلا ابن اخويا الغالي عامل ايه يا حبيبي"
عمر:"بخير والله انتي عامل ايه"
احمد:"بقيت احسن لما شوفتك يا ابن الغالي"
سعاد(زوجه عمه):"ازيك يا عمر عامل ايه ماشاء الله كبرت"
عمر:"الحمد لله يا مرات عمي"
نادين(بنت عمه):"ازيك يا موره عامل ايه"
عمر:"موره؟ده اي ده"
نادين بدلع:"بدلعك"
عمر:"لا متدلعيش يا بنت عمي"
مراد بضحك:"بقولك يا موره عاوزك فوق"
عمر رمقه بنظره خارقه:"اطلع يا استاذ وسي هشام بعد اذنكو"
- اتفضل يا حبيبي
عمر:"ها عاوز ايه"
مراد بجديه:"انا عرفت زي ما قولتلك كل حاجه عن البنت قريبه طنط ريم وطلعت.. "
عمر:"انت هتنقطني يا مراد اخلص"
مراد:"احم.. اسمها ليليان مصطفي الشناوي انا بحثت وطلعت هي الوحيده اللي من عيله الشناوي في طب عشان كده الموضوع كان سهل عندها اربعه وعشرين سنه وليها اخوات وهي من الشرقيه"
عمر بصدمه:"تقصد انا البنت الاوزعه دي هي نفسها بنت خالي"
مراد بضحك:"اه يا باشا يعني الكف مخرجش بره العيله"
هشام:"انا مش فاهم حاجه ما تفهمني"
مراد:"بس يا عم الحبيب انت خليك في حالك"
هشام:"ما تبطل يا بتاع رانيا"
مراد بصدمه:"اي ده انت عرفت"
هشام بخبث:"وتحب اقولك عرفت ايه تاني"
مراد:"ها لا لا عيب عليك ده انا اكبر منك برضو"
هشام:"ناس متجيش غير بالعين الحمرا"
عمر بملل:"خلصتوا اتنيلوا امشو بقي"
مراد يمثل الصدمه:"انتي بتطردنا يا عمر اه يا خساره الص... "
عمر يقاطعه:"هقوم ارزعك قلم افوقك"
- لا وعلي ايه انا ماشي يا موره هههه
ورحل مراد وهشام وبقي عمر يفكر
عمر لنفسه:"اي الصدفه ديه اول مره شوفتها في الجامعه وانشديلها من غير ما أشوف وشها حتي وتاني مره ضربيتني بالقلم قدام الكل ودلوقتي اعرف انها بنت خالي،طيب ليه ده كله بس مش مهم انا هندمك علي اليوم اللي شوفتيني فيه والساعه اللي فكرتي تمد ايدك عليها فيها
~~~~~~~~~~~~~~~
ليليان:"ازيك يا تيتا"
لارد
ليليان:"يا حج عبدالحي انتي فين يا عم"
عبدالحي:"اهلا بدكتورتنا ازيك يا حبيبتي"
ليليان بتبوس رأسه:"بخير طول ما أنتي بخير يا حبيبي
عبدالحي:"عملتي ايه في الامتحان"
ليليان:"الحمد لله عملت اللي عليا وكله علي ربنا"
عبدالحي:"ونعم بالله يا حبيبتي نتيجتك امتي"
ليليان:"بعد ثلاث شهور هتكون حفله التخرج"
عبدالحي:"ماشي يا حبيبتي ربنا معاكي"
ليليان:"انا هطلع بقي يا حبيبي هتعوز حاجه"
عبدالحي:"لا يا حبيبتي اطلعي ارتاحي"
وطلعت ليليان وبعد ما طلعت
صفيه:"ما انتو عصافير حب اهو ما تقنعها تتجوز الواد بقي ده كل شويه يسألني وانا بقوله بتفكر"
عبدالحي:"انا مليش دعوه هي مش عاوزاه ليه بتكدبي عليه"
صفيه:"عشان كويس ومفيش سبب للرفض غير ان ده دلع بنات ومياصه"
عبدالحي:"سميه زي ما تسميه المهم ان محدش هيجبرها علي حاجه طول ما انا موجود"
صفيه:"ماهو كله من دلعك يا اخويا "
عبدالحي سابها ودخل ......

يتبع .......