رواية " على الحان الماضي " الجزء الأول

Part 5

*الفصل الخامس *
ريم:"ممكن ندخل يا دكتور محمد"
محمد بحده:"اتفضلو واول واخر مره حد يدخل بعدي"
ريم ببرود:"شكراً"ودخلت هي وليلي المدرج
ليلي بهمس:"بت يا ريم"
ريم :"نعم"
ليلي :"الدكتور ده مز اوي"
ريم :"بس يا يبنتي هننطرد"
ليلي :"مش مهم المهم أشوف القمر ده"
ريم بصوت عالي نسبياً :"ما تبس بقي"وكل اللي في المدرج بصولها
الدكتور :"قومي اقوفي يا استاذه"
ريم وقفت
الدكتور :"كارنيهك لو سمحتي ومتتخليش محاضراتي تاني مش كفايه جايه متأخر لا وبتشوشري علينا"
ريم :"يا دكتور انا.. "
الدكتور :"من غير انا اتفضلي بره انتي باين عليكي مش جايه تتعلمي"
ريم قالت بغضب :"ماشي هطلع مش محاضره شكسيبر هي ومسكت ايده وحطت فيها الكارنيه وقالت ابقي سلملي علي العميد" ومشيت وسابت محمد واقف مزهول وفاق لنفسه وقال:يلا يا جماعه نكمل المحاضره
~~~~عوده للحاضر~~~~
*عمر صحي واتصل علي مصطفي واتفق معاه علي كل حاجه وقام وغير ونزل تحت *
عمر :"صباح الخير "
كلهم :صباح النور
ريم :"تعالي يا حبيبي افطر"
عمر باس ايدها وقال :"حاضر يا ست الكل"
نادين :"احم.. عمر تاخد جبنه من ديه"
عمر ببرود :"شكراً "
نادين :" طيب تاخد مربي"
عمر :"الاكل قدامي واللي عاوزه هاكله متشكر"
سعاد بصت لنادين بمعني اسكتي خالص
عمر :"الحمد لله ها يا ماما جاهزه"
ريم بتوتر :"ها.. ما بلاش يا عمر"
عمر :"متخافيش انا جنبك يلا انا هستناكي في العربيه"
ريم :"ربنا يستر"
سعاد :"انتو رايحين في حته ولا ايه"
ريم :"ها اه رايحه مشوار مع عمر"
سعاد :"اهاا طيب"
ريم :"أستأذن انا بقي وطلعت بره"
يلا بينا
~~~~~~~~~~~~
عبدالحي :" ايو يعني مين اللي جاي عشان مجمعنا كلنا كده وجايب اخواتك ليه"
مي :" ايو يا خالو في ايه انا سايبه رامي لوحده"
ليليان :" هه اه حرام هيتخطف"
مي :" ههههه خفيفه اوي لي لي"
ليليان :" من يومي يا روحي"
عبدالحي :" ما تبطلو بقي"
ليليان :" لا يا عبدالحي بس اي القمر ده يا اخواتي والله العظيم مز"
آدم :" بنت اي مز دي اسمه صاروخ ارض جو يا هطله"
ليليان :" فاتتني دي"
مصطفي بزهول :" مز؟وعبدالحي! في حد يقول لجده كده"
ليليان :" هو متقبل صح يا جدو"
عبدالحي :" صح يا روحي"
آدم :" حاسبو طب يا جماعه ده كله تلزيق"
ليليان :" بس يا بابا"
وفجأه دخل وائل وقال :" السلام عليكم"
- وعليكم السلام
ومره وحده قال اي ده يا ليليان
كلهم اتخضو وقامو ومصطفي قال :" في ايه يا بني
وائل بغضب :" شوف بنتك اللي مش متربيه لابسه السويت شيرت بتاعي الجديد"
ليليان :" خضتني يا راجل انا قولت انا طلعت علي الجورنال وانا معرفش وبعدين ايه يعني حته سويت شيرت ب600 جنيه فدايا"
وائل طلع يجري وراها وبيقول :" فداكي ايه ده ماركه الله يحرقك ده لسه بالتيكيت"
ليليان من ورا الباب :" معلشي يا لولي تتعوض مره تانيه"
وائل :" قولتلك مليون مره متقوليش لولي دي تاني"
ليليان :" حاضر يا لولي ههههه"
وكلهم بيضحكو عليهم ماعدا صفيه قاعده مبوزه وفجأه مصطفي قام وقال :" وائل انزل تحت يلا هات الضيوف"
وائل :" حاضر"
وائل نزل وقابل عمر وريم
وائل :" مستر عمر حضرتك بتعمل ايه هنا"
عمر :" مستر ايه بقي قولي عمر بس وبعدين انا ضيف عندكو مش هدخلني ولا ايه"
وائل :" لا ازاي اتفضل اتفضلي يا طنط"
ريم :" عمتو"
ها
ريم بتمسد علي شعره وبتقول :"قولي عمتو"
وائل بحرج :" اتفضلي يا عمتو"
ريم مسكت ايد عمر وعمر فهم انها خايفه وقلها متخافيش طوال ما انا جنبك
ريم بتاخد نفس :" يلا"
وائل اخدهم وطلعو وكلهم وقفو مستنين يشوفو مين الضيف اللي  جمعهم كلهم
- السلام عليكم
صفيه بتلف وبصوت مبحوح بتقول ر..ريم
ريم بدموع :" ماما "
عبدالحي بيقف بغضب ويقول :" جري ايه يا مصطفي دي ايه اللي جابها هنا انت بتنزل كلمه ابوك الارض ولا ايه "
مصطفي :" ما عاش ولا كان اللي ينزل كلمتك الارض يا حاج انا بس عاوزكو تقعدو عشان عمر هيقولنا حاجه مهمه"
عبدالحي :" مفيهاش قعاد يا مصطفي وعمر مين ده كمان"
عمر :"انا! "
كلهم بصوله وعمر كمل وقال :" عمر محمد السيوفي ابن الدكتور محمد السيوفي الله يرحمه "
عبدالحي بغضب :" هو انت ابن المحروس الله يرحمه "
عمر :" اه الله يرحمه والدي توفي من زمان وانا طفل ممكن حضرتك تقعد عشان افهمك كل حاجه لان دموع امي وشهقاتها كل يوم بتعذبني "
مصطفي بحده :" اقعدو"
آدم ولارا و وائل :" مين دول "
ريم ابتسمتلهم وبصت لصفيه لقيتها مبتتكلمش "
عمر قال :" كله يقعد وماما قولي كل حاجه "
ريم اخدتت نفس عميق وقالت :" في يوم كنت في الجامعه بعد ما اتطردت من المحاضره وقاعده في كافيه الجامعه
~~~~~~~فلاش باااااك
ريم بغضب :" قال يطردني قال مفكر نفسه مين ده بيكون شكسيبر وانا معرفش شايف نفسه علي ايه عشان حلو شويتين يعني هيدوس علي خلق الله *وتبدأ تقلده * وتقول اتفضلي بره وهاتي الكارنيه بتاعك قال كارنيه قال ان كان عليا فمش عاوزه اتعلم اصلا جتو القرف في حلاوه امك "
ليلي بتيجي من وراها وبتقول :" بتعاكسي الدكتور اهو عشان تعرفي انه مز بس ...انا اسفه يا ريم ده كله بسببي والدكتور طردك بسببي بس والله مكنتش اقصد "
ريم :" خلاص محصلش حاجه مش مهم هو يوم باين من اوله دعواتك يا حاجه صفيه دي لو عرفت اللي حصل هتقعد تقولي والتعليم فايدته ايه واتجوزي احسن والكلام ده كله "
ليلي بمرح :" ايو يا عم الله يسهلو"
ريم :" هو انا قولتلك جايلي عريس دي ايه الخيبه دي مش مهم انا هروح دلوقتي اشوف صفصف هي اللي حاسه بيه يا نن عيني "
ليلي :" اشطا سلام"
ريم :" سلام يختي "
ريم بتقف وبتمشي عشان تستن تاكسي ومبتلاقيش وفجأه عربيه بتقف قدامها "
- يا قطه الجو هيمطر حاسبي لتتبلي
ريم بتبص وبعدين بتقول :" هو انت عاوز ايي... هتطردني من هنا كمان ولا ايه ولا تكون عاوز الكارنيه بتاعي روح يا شاطر العب بعيد "
محمد بزهول :" شاطر! في طالبه محترمه تقول للدكتور بتاعها يا شاطر ماشي هعديها انا كنت هديك الكارنيه بس الظاهر انك مش عاوزاه مش كده"
ريم بسرعه :" لا لا من قال كده هات يا دكتور لو سمحت الكارنيه 
محمد :" ما انتي مؤدبه اهو.. انا غيرت رأيي خلاص "
ريم :" لو سمحت هات الكارنيه "
محمد :" تؤ تؤ لازم تعتذريلي الاول "
ريم :" اعتذرلك ليه انشاء الله هو انت عشان مز وحلو شويتين هدوس علي خلق الله لا انا.. * واستوعبت هي قالت ايه وشها احمر جدا ولسه هتمشي*
محمد بضحك :" انا عارف اني قمر اصلا يلا عشان انا طيب بس هديلك الكارنيه "
وفجأه الجو مطر
محمد :" اركبي هوصلك"
ريم :" توصل مين يا بابا..اه عشان تخطفني صح العب غيرها"
محمد :" هخطفك علي ايه يا حسره وبعدين الجو بيمطر ومش هتلاقي تاكسي "
ريم :" مش هركب"
محمد بخبث :" خلاص خليكي لحد ما ناس حقيقه يخطفوكي بقي يا شاطره سلام "
ريم بخوف :" استني متبقاش قفوش كده انا هركب معاك بس هركب ورا "
محمد :" ليه السواق اللي جابهولك ابوكي انا"
ريم :" هو كده "
وركبت ريم وقالت لمحمد ينزلها علي اول الشارع عشان محدش يشوفها معاه
ريم :" شكراً "
محمد :" العفو علي ايه بس "
*وعدي علي اليوم ده اسابيع ومواقف ومحمد وريم حبو بعض جدا وفي يوم قاعدين مع بعض في كافيه الجامعه *
ريم :" محمد مالك زعلان ليه من الصبح"
محمد بحزن :" انا اسف"
ريم بعدم فهم :" اسف علي ايه "
محمد بدموع :" انا مش هقدر اكمل معاكي "
ريم وقفت وقالت :" نعم...انت بتهزر صح "
- لا يا حلوه مبيهزرش

يتبع .......