رواية " على الحان الماضي " الجزء الأول

Part 19

* الفصل التاسع عشر *
ريم بغضب/ ليليان اي اللي بتعمليه ده
ليليان/ ابعدي..... عاوزه اروح لعبده
صفيه بغضب زعقت بخوف علي ليليان/ انتي بتعملي ايه نزلي الازازه دي
ليليان هزت راسها بالنفي وقالت/    عاوزه اروح لجدوو
ريم بعتت رساله لعمر من غير ما حد يشوف..... وعمر جه بسرعه
كل العزا اتلمو علي الاوضه
عمر دخل واتصدم لما شاف ليليان حاطه الازازه علي ايدها
عمر بهدوء/ ليليان نزلي الازازه
ليليان/ لا انتو مش عاوزين تودني لعبده انا هروحله
عمر بخوف عليها/ استني بس نزلي البتاعه دي وانا هوديكي لجدك
لارا بعياط/ نزلي يا ليليان الازازه
عمر راح بهدوء وقرب من ليليان..... وخد منها الازازه وحضنها....... وهي عيطت في حضنه
بعد فتره عمر قالها/ تعالي اوديكي لجدو
ليليان ابتسمت وقالت/ ايو.... ايو هو مستنيني
عمر اتنهد بحزن وقال/ ايو يلا نروح
ليليان طلعت مع عمر وكل الموجودين زعلانين علي حالتها

ليليان راحت مع عمر المقابر واول ما شافتهم بيحطو عبدالحي في القبر طلعت تجري...... بس عمر مسكها....... فضلت تصرخ وتضرب في عمر بس هو مسابهاش وبعد ما خلصو الدفن سابها.....
طلعت تجري وقعدت قدام القبر وتعيط وتقول/ افتح يا بابا انت دخلتوه جوه ليه ؟ افتحووو هو مبيحبش يقعد لوحده...... هو بيخاف من الضلمه زييي.... وبعدين بصت لزين وقالت/ قولهم يفتحوو يا زييين
زين نزل راسه وبص في الارض وعيط بصمت
ليليان بدأت تكلم عبدالحي وتقول/ انت سيبتني ليه ؟ انا مشيت علي ايدك يا حبيبي........ انا مليش لازمه من غيرك.......
وفجأة عمر قال بصوت عالي/ ليليااان!!
ليليان اغمي عليها قدام القبر وعمر ومصطفي وكل الموجودين جريو عليها
عمر شالها وركبها العربيه وطلع بيها علي المستشفي
عمر رايح جاي قدام الاوضه اللي فيها ليليان وفجأة الدكتورة طلعت
عمر بلهفة/ خير يا دكتورة هي كويسه ؟
الدكتورة بأسف/ للأسف دخلت في غيبوبه عصبية
عمر بصدمه زعق فيها وقال/ انتي بتقوووولي اييييه
الدكتورة بخوف/ اهدي يا استاذ هي دخلتها بارداتها...... هي باين زعلانه من حاجه وعاوزه تهرب من الواقع
عمر/ انا هدخل اشوفها
الدكتورة/ مينفعش دلوقتي..... عاوزين حد من عيلتها..... لو سمحت حضرتك تقربلها ؟
عمر بتوهان/ جوزها!
الدكتورة اومأت وقالت/ تقدر تشوفها بعد ساعة من دلوقتي ويا ريت تبلغ عيلتها
عمر قاعد قدام اوضة ليليان وفجأة كل العيله دخلت عليه بتجري
لارا بدموع/ اختي فين يا ابيه
مصطفي/ فين ليليان يا عمر الدكتور قال ايه
صفيه بغضب/ ما تقول البت فين
عمر بحزن/ ليليان دخلت في غيبوبه عصبية
الجميع كان في حالة صدمه وزعل علي ليليان
لارا وسارة كانو بيعيطو و وائل ومصطفي وصفيه واقفين مصدومين
عمر قال/ ارجعو انتو عشان العزا وانا هفضل جمبها
لارا/ انا هفضل مع اختي
عمر/ مش هينفع تباتي هنا يا لارا ارجعي انتي وابقي تعالي كل فتره اطميني عليها
لارا/ بس......
مصطفي/ لارا عمر كلامه صح القعده هنا مش هتفيد لانها مش حاسه ولا سامعه حد
لارا بحزن أومأت بالايجاب
مصطفي/ انا هاجي الصبح قبل ما الناس يوصلو اشوفها
عمر أومأ..... والعيله مشيت بحزن...... وفضل عمر....... دخل الغرفه التي تقبع بيها ليليان وكانت نائمه علي السرير لا يتحرك لها جفن........ طبع قبله صغيره علي جبهتها وقال/ قومي يا ليليان انا مش متعود منك علي كده....... انا متعود انك تتنططي زي الاطفال وتزعقي......مش واخد علي الهدوء ده! قومي عشان اقولك اني بحبك....... والله بحبك بحب جنانك وعفويتك بحب اتخانق معاكي بحب تفاصيلك كلها يا لي لي .....قومي بس واوعدك مش هضايقك تاني
ليليان ظلت جامده لا تتحرك..... عمر نظر لها بحزن وجلس بجوارها يحادثها
مر تلات اسابيع علي حاله ليليان تلك ولم تتحسن....... عمر يحدثها وعائلتها تزورها يومياً....... وفي يوم كانت العائله متجمعه في غرفة ليليان
سمعو صوت ليليان وهي بتقول بهمس/ عبدالحي لا..... استني.... متروحش لساميه يا عبده متروحش لماما......والله مهزعلك تاني يا حبيبي بس متسبنيش ......وكملت بصريخ..... لاااااااا
الجميع اتنفض فزعا وعمر جري عليها بخوف وطلب الدكتورة
ليليان فتحت عينها ببطئ شافتهم كلهم حواليها.......وشافت عبدالحي واقف ورا وبيبتسملها
ليليان ضحكت وكلهم استغربو.... وشاورت علي مكان فاضي وكلمت عبدالحي اللي هي بتتخيله.
_ عبدالحي ا.. ا.. انت هنا
_ ليليان..... انتي بتحبني صح
ليليان/ اه والله يا عبده متزعلش مني
عبدالحي الوهمي/ فوقي يا حبيبتي انا في مكان تاني
ليليان تهز راسها بالنفي/ لا لا لا لا لا انت مش هتمشي صح ؟ مش هتروح لماما يا عبده صح ؟
عبدالحي بصلها واختفي
ليليان عيطت بشهقات واتخدت وضع الجنين حول نفسها
صفيه اتحركت بدموع وضمتها ليها
ليليان بهيستريا/ عبده ميشي يا تيتا......مشي وسابني هو ضحك عليا وقالي انه هيفضل جمبي بس مش...... مشي زي اللي بيمشو......اهاااا يا جدووووو ياااا رب
كل اللي في الاوضه عيطو...... عمر مستحملش وطلع وقف برا قدام الاوضة
بعد فترة ليليان بطلت عياط وهديت شوية
ليليان/ عاوزه اخرج من هنا
عمر/ هنرجع علي القاهرة بكره
ليليان بهدوء/ عاوزه اروح بيتنا
عمر بهدوء/ ما احنا هنروح بيتنا
ليليان/ بس....
مصطفي/ ليليان روحي مع جوزك قعدتك هنا هتأثر عليكي
ليليان سكتت ومردتش
لارا جابت شنطه ليليان وساعدتها في تغير هدومها ونزلت ركبت ورا في العربيه بهدوء
بعد عده ساعات وصلو الفيلا
ريم/ نورتي بيتك يا حيبتي
ليليان/ منور بأهله يا عمتو
ريم/ عمر طلعها فوق ترتاح
عمر أومأ بهدوء وطلع اوضته مع ليليان
ليليان دخلت وقعدت علي الكنبه بهدوء....... وغمضت عينها ورجعت رأسها لورا وفضلت ساكته
عمر بصلها واتنهد بحزن عليها وقعد ساكت
ليليان مرة وحده اتنفضت وقالت/ عمر!
عمر/ نعم؟
ليليان بتذكر وقفت قدامه وقالت/ انت قولتلي انك هتجيب دكتور لجدو صح ؟ انت وعدتني فين الدكتور ؟
عمر بتوتر/ ما هو.....
ليليان/ ؟؟؟؟
عمر نزل راسه وقال/ انا فعلا عرضت التقارير علي دكتور قبل ما اعرض عليكي عرض الجواز .....وقالي ان حالته متنفعش تتعالج
ليليان بصدمه/ يعني انت كنت عارف انه هيموت ومع كده ضحكت عليا ؟ انت اديتني امل انه يعيش ليييه ؟ ليه استغلت نقطة ضعفي قوولي ؟
عمر كان هيقولها عشان بحبك...... بس اكتفي أنه سكت ونزل رأسه
ليليان بغضب/ انا حقيقي بكرهك يا عمر....... بكرههههك!........ وكملت ببرود....... طلقني
عمر بصدمة/ نعم ؟ لا طبعا...... ليليان زعقي واتضايقي وكل حاجه بس الا الطلاق....... مش هطلقك فاهمه( وسابها ومشي )
ليليان نامت علي السرير واتخذت وضعيه الجنين وفضلت تعيط بشهقات لحد الصبح
~~~~~~~~~~~~~~
في مطعم فاخر
نادين/ هاا جايبني علي ملي وشي ليه
حسن بغضب/ فضلتي تقولي خطط وقرف وفي الآخر اتجوزته
نادين/ اهد بس المأذون اللي بيجوز بيطلق برضو
حسن طلع موبايله وفتح فيديو لليليان وهي بتغني وفضل يتفرج وقال/ انا باين هعيش علي ذكراكي بس يا لي لي
نادين نتشت منه الفون وابتسمت بكره وغل وقالت/ انت مش عارف في ايدك ايه ؟ ديه فرصه هايله اوي.........وابتسمت بخبث هه استني بس يا دكتورة ليليان
~~~~~~~~~~~~~~~
عند ليليان فتحت موبايلها وبتتفرج علي صورها مع عبدالحي وبتضحك بكسرة........ وفجأة ريم خبطت ودخلت وصعبت عليها ليليات وقالت بحزن/ ليليان حبيبتي ما تقومي تروحي الشغل تسلي نفسك ؟
ليليان اتنهدت بحزن وقالت/ فكره حلوة برضو هروح اغير وانزل المستشفي
ريم ابتسمتلها وسابتها تغير
ليليان غيرت ولبست بنطلون وتيشيرت من اللون الاسود وخدت الموبايل ونزلت
ليليان/ انا ماشيه يا عمتو
ريم بحب/ ماشي يا حبيبتي
ليليان راحت المستشفي وكان في عمليه هناك استلمتها وخدت خمس ساعات
طلعت من العمليه ودخلت المكتب وطلعت الموبايلها ولقيت ان عمر رن عليها 10 مرات قفلت التليفون وقعدت علي الكنبه
~~~~~~~~~~~~~~~~
عمر رايح جاي في الصالون وعمال يزعق ويقول/ ايو هي راحت فييين كل ده يعنيي
ريم/ اهدي يا عمر انا لقيتها قاعده مخنوقه........ ففكرت انها لو نزلت المستشفي هتلاقي حاجه تنشغل بيها
عمر/ حتي لو يا ماما انتي بتقولي انها طالعه من الساعه اربعه والساعه دلوقتي عشره يعني ست ساعات!
ريم بخوف علي ليليان/ ط... طيب رن عليها تاني كده يا ابني ممكن ترد
عمر رن والموبايل كان مقفول
اتعفرت وطلع ركب عربيته وخرج راح علي المستشفي
عمر وصل المستشفي بغضب وعينه بتطلع شرار وكل اللي يقابله يخاف منه
مدير المستشفي نزل وقال/ ع.. عمر باشا ؟خير حضرتك في حاجه ؟
عمر بغضب وجمود/ مكتب ليليان الشناوي فين ؟
المدير/ الدكتورة ليليان ؟ حضرتك هي عملت حاجه ؟
عمر بصوت عالي/ ميخصكش فين هي ؟
المدير بخوف/ ف.. في... الدور الثاني يا باشا
عمر طلع ودور لحد ما لقي المكتب...... دخل بسرعة من غير ما يخبط وكانت ليليان قاعده مع آسر....... عمر قبض ايده بغضب اول ما شافها قاعده معاه وراحلها وقال بهدوء/ يلا يا ليليان عشان اروحك
ليليان بهدوء/ بس انا معايا عربيتي تحت!
عمر/ الوقت أتأخر ومينفعش يلا عشان نروح
آسر بتسرع/ انا ممكن اروحها يا استاذ عمر! ( دا انت ليلتك سوده )
عمر بغضب بصله وقال/ نعم ؟ وتروحها بصفتك ايه!
آسر/ انا كنت لسه هكلم حضرتك في الموضوع ده........ انا كنت عاوز اطلب ايد الدكتورة ليليان من حضرتك
ليليان بصتله بصدمة وبصت بخوف علي عمر اللي وشه بقي احمر من الغضب
عمر بصوت عالي خلي ليليان تتنفض زعق وقال/ انت عااااوز ايه ياروووح امك ؟ تطلب ايدها انت اتهبلت في مخك ولا ايييه
اسر بخوف/ انا مش فاهم انا غلط في ايه انا بحبها و......... ( هي وحده متجوزه بس انا سنجل والمصحف يا آسرو )
مكملش بسبب لكمه عمر ليه
ليليان جريت ووقفت قدام عمر وقالت بخوف/ عمر خلااص والنبي يلا
عمر مسمعلهاش وفضل يضرب في آسر ويقول/ بتحب مرااتي يا روح امك....... انا هوريك يا ابن الجزمه....... لا وجااااي تتقدملها
كل اللي في المستشفي اتلمو والدكاتره حاولو يبعدو عمر عن آسر وبعدوه عنه بصعوبه
عمر بص لاسر بغضب وكره
اسر بتعب وغضب/ انا مكنتش اعرف انها مراتك
عمر بفحيح افعي/ لا يا حلو بعد كده فتح........ وقرب منه وهمسله انا اللي يقرب من حاجتي بس آكله بسناني .........فما بالك بروحي بقا.........وسابه واخد ليليان ومشي
ليليان بغضب/ بالراحه انت بتجر بقره
عمر مردش عليها ووصلو العربيه فتح الباب ودخلها وركب وساق
ليليان بغضب وبخوف/ ايه اللي انت عملته ده انت اقتلت الراجل
عمر ببرود/ لسه مشافش حاجه عشان يحرم يبص لحاجه تخصني
ليليان بغضب/ انا مخصكش يا عمر افهم بقي احنا هنتطلق فاااهم
عمر وقف العربيه بغضب وقال/ الكلمه دي مسمعهاش تاني يا ليليان فاااااهمه! واول واخر مرة صوتك يعلي علياا!
ليليان ربعت ايدها امامها وبصت قدامها ومردتش
عمر ببرود/ احسن برضو
ليليان وعمر وصلو الفيلا وعمر دخل المكتب وليليان طلعت فوق تغير هدومها
بعد فترة ليليان قعدت علي السرير وفتحت الفيس وكتبت
" تحول كل شيء في داخلي لبرود، ذاك النوع من البرود الذي لو اشتعلت الدنيا لهيب لن احرك ساكنا "
وفضلت تقلب فيه شويه وبعدين نامت
عمر طلع لقيها نائمه وهو كان متضايق منها جدا بس اول ما شاف براءه وشها وهي نايمه وجمالها الجذاب نسي كل حاجه كانت مضايقاه وراح خدها في حضنه ونام
الصبح عمر صحي قبل ليليان وباس جيبنها وقال بهمس/ صباح الادمان وحط رأسها علي المخدة ودخل الحمام ياخد شاور
عمر طلع من الحمام وليليان لسه نايمه...... ابتسم بهدوء وطلع من الاوضة
~~~~~~~~~~~~~~~
علي السفرة
ريم/ اومال فين ليليان يا عمر منزلتش ليه ؟
عمر/ نايمه فوق محبتش اصحيها...... * ومكملش لانه شاف ليليان نازله علي السلم قعدت جمب عمتها *
قالت بهدوء/ صباح الخير
كلهم/ صباح النور
نادين بصتلها وحاولت تكسفها وقالت/ اي ده ليليان وشك ماله عامل كده....... عينك وارمه وعندك هالات سوده وخاسه كده ليه ؟ده مش منظر مرات عمر السيوفي ابدا
عمر ببرود/ وانتي مالك
نادين بصت لليليان وقالت بحزن مصطنع/ اوعي تكوني زعلتي ؟
ليليان ببرود/ لا طبعا مزعلتش.....انا عارفه انك قليله الذوق ومش متربيه.......وعندك مشاكل نفسيه ومقدره ده
نادين اتغظت من ردها جدا وسكتت وعمر ضحك بصمت
ليليان/ انا هروح المستشفي
عمر بغضب/ لا طبعا مش هتروحي هناك تاني بعد اللي حصل ده
ليليان/ ما انت السبب في اللي حصل
عمر بغضب شديد/ انا السبب ؟ بعد كل اللي الزفت ده قاله وتقولي انا السبب ؟ ليلياااان روحه هناك مفيش...... فااااهمه
ليليان/ ايو بس ده شغلي وبيسليني
عمر/ المستشفي اللي عملنا عليها الثفقه جهزت وانتي هتكوني مديرة القسم هناك.......بس مستشفي زفت آسر مش هتروحيها تاني
ليليان بخبث/ طيب انا هبقي اكلمه اعتذرله علي الموبايل
عمر بغضب/ ليليااااان اتلمي

يتبع ..........