رواية " على الحان الماضي " الجزء الأول

Part 28

* الفصل الثامن والعشرين *
عدي يوم وعمر راح يجيب ريم وليليان
وهم في العربيه
ريم جنب عمر وليليان ورا
ليليان كانت سرحانه وفي ايدها الكارت بتاع امبارح وبتفكر تقول لعمر علي كل ده ازاي هو هيصدقها ولا هيتعصب ولا هيعمل ايه؟
فاقه من دوامه افكارها علي صوت عمر وهو بيقول/ انتي ياللي ورا بقالنا ساعه واقفين
ليليان انتبهت وقالت بصوت رقيق/ اه طيب
عمر خد باله انها مش علي بعضها فقال/ في اي يا ليليان مالك؟
ليليان بابتسامه رقيقه/ لا ابدا يا عمر مفيش
عمر ابتسملها وقال/ تعرفي اني مسمعتش اسمي بالحلاوه دي من زمان
ريم كحت وقالت/ انا هسبقكو علي جوه
ليليان وشها احمر وعمر ضحك
ريم دخلت شافت خالد ومعاه فاطمة قاعدين ابتسمت لان عمر عرفها بوجودهم
_ السلام عليكم
فاطمة بابتسامه/ وعليكم السلام.... ازيك يا حبيبتي انتي اكيد ريم صح؟
ريم ابتسمت وقالت/ ايوه ازي حضرتك
فاطمة/ الحمد لله يا حبيبتي.... وكملت بدموع..... ما شاء الله قمر
ريم ابتسمت وبصت لخالد اللي باصصلها بجمود
ريم/ ازيك يا عمو خالد
خالد/ الحمد لله بخير
وانتبهو لليليان اللي بتزعق وبتقول/ انت انسان مستفز ملكش دعوه بيا
عمر بيضحك بصوت عالي وبيقول/ مش انتي اللي اوزعه
ليليان بغضب طفولي/ هلبس كعب وهطول وهبقي احسن منك يا عمود
عمر/ طيب يكون اشوفك لابسه كعب يا مدام
ليليان/ ابو شكلك
فاطمة بتهمس لخالد/ اي ده هو حفيدك بيضحك زينا عادي؟
خالد بص لليليان وابتسم وقال/ هي دي مراته بقي
ريم سمعتهم وابتسمت وقالت/ عمر بيضحك من يوم ما عرف ليليان هم اه زي القط والفار بس بيحبو بعض
ليليان لفت وشافت ريم ومعاها ناس غريبه في الصالون شهقت بخفه وقالت بهمس/ نهار ابيض هم سمعوني؟
عمر بزعل مصطنع/ للاسف وزمانهم بيقولو البت بتاعه الابتدائي دي بتزعق ليه
ليليان بصتله بغيظ وقالت/ ما تبطل بقي انت عشان ربنا مديك شوية حلاوة هتتكبر علي خلق الله
عمر بفخر/ انا يا حبيبتي قاهر الفتيات
ليليان/ حوش حوش قاهر الحشرات تبع مصر الالمانيه صح؟ هههههه
عمر بغيظ/ بس يا طفله
ليليان بعند وهي بتربع يدها امام صدرها/ وحضرتك متجوز طفله ليه
عمر بزعل مصطنع/ النصيب بقي نقول ايه
ليليان بعناد/ الطفله دي متقدملها اكتر من عشرين واحد....... ده انا يا حبيبي نص شباب البلد بيتمنو اني ارمي عليهم السلام بس
عمر بغضب/ قولي تاني كده....
ليليان/ هااا
عمر بغضب حقيقي/ قوولي انتي قوولتي اييه؟
ليليان/ جايه يا عمتو...... وجريت علي ريم
عمر جري وراها وقال/ ليليان خدي
ليليان وقفت جنب ريم وهمستلها/ الحقيني يا ريم ابنك هياكلني
ريم ضحكت وقالت/ ايه يا عمر عاوز ايه من البنت الغلبانه
عمر بغيظ/ مين دي اللي غلبانه يا ماما دي سوسه صغننه
ليليان/ اسمها صغيرة يا بشمهندس
عمر/ انتي......
خالد/ ايه يا جماعه مش عارفين نتعرف علي مرات حفيدنا وبص لليليان وقال.... ازيك يا حبيبتي
عمر كشر من الاسم وليليان قالت بابتسامه هادئه/ الحمد لله كويسه
فاطمة حضنتها وقالت/ ما شاء الله قمر
ليليان بابتسامه/ شكراً
سيلين دخلت من الباب وقالت/ هاي يا جماعه
ليليان بصتلها بغيظ ومتكلمتش
عمر حب يعاند ليليان قال/ ازيك يا سولي اتأخرتي ليه؟
سولي بصت لليليان لقيتها مكشره فقالت/ مشفتش صحابي من زمان فكنت بعوض ده.......ازيك يا ليليان؟
ليليان بهدوء/ الحمد لله كويسه
سيلين ابتسمتلها وقالت/ وحشتينا بجد في اليومين دول
ليليان باستغراب/ شكراً
ريم/ اتفضلو يا جماعه اقعدو واقفين كده ليه
فاطمة/ انا عاوزه اخرج ونشوف البلد من زمان مشوفتهاش
خالد/ عمر اي رأيك نخرج دلوقتي كلنا كده
ريم/ اه يا عمر لو سمحت
عمر/ خلاص ماشي غيرو هدومكو وهنتطلع نتفسح
كلهم فرحو وطلعو يغيرو
عمر وليليان في الاوضه
عمر لبس وليليان لسه بتختار لبسها
عمر بنفاذ صبر/ ما تخلصي يا ليليان
ليليان وهي بتدور/ ما انا مش لاقيه التيشيرت الاصفر بتاعي
عمر/ انا قولتلك مش هتلبسي بناطيل صح؟ وقولتلك متلبسيش ذهبي صح؟
ليليان بعبوس/ انت قولت ذهبي مش اصفر
عمر/ هم الاتنين واحد
ليليان لبست بلوزه صفرا وبنطلون رصاصي ووقفت قدام عمر وقالت ببراءة/ والنبي يا عموره ده جميل عاوزه البسه
عمر بصلها ولقاه جميل جدا عليها اتعصب وقال/ لا يا ليليان مش هتلبسيه ده حلو
ليليان/ وهو المطلوب المفروض اقلعه عشان حلو؟
عمر/ اه وبعدين ده لونه اصفر
ليليان ببراءة وقفت قدامه وحطت ايدها ورا رقبته ورمشت ببراءة وقالت/ طيب اي المشكلة في اللون الاصفر
عمر/ ده بيخليكي حلوة والناس بقي تعاكس فيكي وانا ادخل السجن صح
ليليان بعدت عنه وقالت/ يوووه يا عمر ما انا بلبس كده علي طول
عمر بعصبيه/ انا قولت لا يعني لا وبعدين استني كده التيشيرت ده بتاعي؟
ليليان ضحكت وقالت/ ايوه حلو صح
عمر/ لا خشي غيري
ليليان ضربت الارض برجلها بطفوليه ودخلت ولبست دريس اصفر ونفخت بضيق وقالت/ ده حلو؟
عمر/ هو ايه مشكلتك مع اللون ده مش فاهم؟ ما قولنا اصفر لا
ليليان/ ما هو طويل اهو يا عمر يلا بقي
عمر نفخ بضيق وقال/ لما نرجع انا هولعلك في هدومك الصفرا دي
ليليان بصتله بضيق وقالت/ هتجيب غيرهم يا بابا
عمر وليليان نزلو ولقيو العيله متجمعه
ريم/ اي يا ابني ده كله؟
عمر بص لليليان اللي مكشره وقال/ بنت اخوكي هي اللي بقالها ساعه بتلبس
ليليان بغيظ/ ما تصدقيهوش يا عمتو ده كله كدب كل شوية يقولي اقلعي ده والبسي ده هو اللي اخرني
عمر ببرود/ خلصتي؟!
ريم ضحكت عليهم وقالت ربنا يهديكو يا رب
عمر ركب العربيه وخالد جنبه وريم وفاطمة وليليان ورا
راحو اماكن كتير واتصورو وفي الاخر راحو قعدو علي النيل
عمر قعد هو وليليان في مكان بعيد عن الباقي وفي واحد جه وقال/ يا انسه عاوزه بلالين؟
عمر بصله وقال بنفاذ صبر/ شكرا يا عم
الراجل بص لليليان وقال/ يا آنسه هيعجبوكي دول بلالين هيليوم
عمر/ مدام يا حاج ومش عاوزين شكراً
الراجل/ آسف يا ابني
ليليان/ لا انا عاوزه بالونات
عمر/ انتي طفله يا ليليان؟
ليليان بطفوليه/ مليش دعوه انا عاوزه
عمر اتنهد وقال/ خلاص يا عم هاتلها بالونه
ليليان/ لا انا عاوزاهم كلهم
عمر/ كلهم؟
ليليان اومأت بالايجاب
عمر/ لو سمحت هاخدهم كلهم بكام؟
الراجل/ 150
عمر اداله الفلوس وادي ليليان البلالين وقال/ هتعملي ايه بيهم يا طفله
ليليان بصت حواليها ولقيت اطفال بيلعبو راحت عندهم وادتلهم البلالين وضحكت معاهم ورجعتله
عمر/ انتي عملتي ليه كده؟
ليليان/ اديتهم البلالين
عمر/ انا عارف انك اديتيهم البلالين انتي مش عاوزاهم جبتيهم ليه؟
ليليان بهدوء/ انا مبحبش البلالين اصلا بس الراجل ده باين انه كبير في السن وبيشتغل عشان يكسب فلوسه بالحلال فأنا حبيت اجبر بخاطره واخليه يروح لعياله بدري وهو فرحان
عمر ابتسملها وقال/ هحب فيكي ايه اكتر من كده
ليليان بخجل/ احمم يلا نروح لعمتو
عمر ضحك عليها ومشي معاها عند ريم
* ____________________ *
_ انت هتفضل كده كتير يا ابن بطني
حسن ببرود/ دي حياتي ومحدش ليه دعوه بيها
_ انا امك ويهمني مصلحتك يا حسن انت الف مين تتمناك اي عاجبك في الست ليليان دي معرفش ما عندك بنا خالك وبنت خالتك ما تختار وحده
حسن بغضب/ انا مش هاخد غير ليليان افهمي بقي
_ ليليان اتجوزت افهم بقي وهي اصلا مبتطيقكش فااهم؟
حسن/ هتطلق وهتجوزها
_ هتاخد وحده مطلقه يا حسن؟ ليه يا ابني ناقصك ايه قولي
حسن/ ليليان...... ليليان اللي ناقصاني عشان ابقي انسان كامل
_ لا حول ولا قوة الا بالله مش هتاخدها يا ابن بطني فااهم..... وسابته وطلعت
حسن ببرود/ هاخدها غصب عن اي حد
وقعد وجاب صورة لليليان وشغل اغنيه عمرو دياب كنت في بالي