رواية " على الحان الماضي " الجزء الأول

Part 20

* الفصل العشرين *
ليليان ضحكت بهدوء مسكت خدوده وقالت/ يختي بيضه لا شكلك حلو وانت متعصب
ريم وزياد ضحكو عليهم...... ونادين بصتلهم بكره وحقد
عمر بصلها وقال/ يكون اعرف انك روحتي هناك تاني........ يلا يا زياد.......
ليليان/ ابنك ده غريب
ريم/ غريب بس قلبه ابيض ومفيش زيه
ليليان بهمس/ القرد في عين امه غزال
ريم/ بتقولي حاجه
ليليان/ هااا.... لا خالص...... انا هطلع فوق
~~~~~~~~~~~~~~~~
عمر وزياد راحو الشركه وكل واحد بدأ يشوف شغله........عمر كان قاعد في المكتب وفجأة في حد دخل
عمر بغضب/ انت ازاي.......
وفجأة اتصدم وقال/ سيلين!
سيلين جريت عليه وحضنته وقالت/ عمر وحشتني
عمر بابتسامه/ وانتي كمان وحشتني
سيلين بصت علي ايده وشهقت وقالت/ اي ده انت خاطب؟
عمر/ لا بعيد عنك انا متجوز
سيلين بصدمه وفرحه/ اتجوزت بجد ؟ وكملت بزعل........ من غير ما تقولي يا عمر ماشي يا عم شكراً
عمر/ انتي كنتي في لندن وبعدين كان فرح علي الضيق كده كتب كتاب بس
سيلين/ مين ست الحسن بقي
عمر بحب/ ليليان...... الدكتورة ليليان الشناوي
سيلين/ ايو يا عم بتحبها
عمر سكت وغير الموضوع وقال/ وصلتي امتي
سيلين فهمت انه مش عاوز يتكلم........وقالت/ وصلت امبارح وقولت اما اشوف روميو النهارده
عمر/ ما بلاش روميو دي بتعصبني
سيلين/ اي يا عم انت عشان اتجوزت هبطل اقولهالك ولا المدام هتغير ؟ وكملت بخبث....... لازم نلعب لعبه الغيره دي
عمر فهم قصدها وابتسم وقال/ فكرة حلوة يا بنتي يلا بينا
~~~~~~~~~~~~~
ليليان بتقرأ كتاب واتفاجات بوحده لابسه جيبة قصيرة وتيشرت نص كم وداخله مع عمر وبيضحكو........ ليليان دمها غلي وقامت وقفت وبصتلهم بشر
عمر دخل شافها وقال/ احمم سولي ادخلي
سيلين/ احم ازيك يا طنط
ريم/ اهلا ازيك يا سيلين يا بنتي عامله ايه
سيلين/بخير الحمد لله
سيلين بصت لليليان وعرفت انها مرات عمر وقالت/ ازيك انتي اكيد قريبة طنط ريم
ليليان بصت لعمر علي اساس انها مراته بس عمر فاجأها لما قال/ ليليان بنت خالي مصطفي
ليليان بصتله باستغراب وعمر اتعمد انه يستفزها وقال/ ايه يا سولي في ايه واقفه ليه ما تقعدي
سيلين/ حاضر يا روميو
ليليان/ روميو!... هي موره ولا رميو مبقتش فاهمه
سيلين/ نعم بتقولي حاجه
ليليان/ بقول تصبحو علي خير.......وسابتهم وطلعت وهي علي اخرها
وقفت في الاوضه وهي بتقلد سيلين وبتقول/ حاضر يا روميو هقعد........ تقعدهالك يا بعيده
لا والروبوت التاني/ ليليان بنت خالي......... مش امبارح كنت مراتك ولا هي بمزاج اهلك يعني
وفضلت رايحه جايه في الاوضه لحد ما عمر طلع قعد علي الكنبه وقال/ بطلي دوختيني
ليليان بتريقه/ سلامتك من الدوخه يا...... روميو
عمر ابتسم بخبث وقال/ هههههه الله يسلمك يا ليليان
ليليان ابتسمت هي الاخري وقالت/ انت جاي هنا ليه هو انا مش بنت خالك؟ روح بقي نام بره
عمر/ هااااااا
ليليان/ اه دي اوضتي وروح بقي شوفلك اوضه بقي اصلي بنت خالك ومينفعش تنام هنا يا... روميو
عمر ضحك وقال/ يخرب عقلك يا ليليان اهدي بس كده
ليليان بغضب/ شايفني بشد في شعري ولا ايه....... هتطلع بره ولا امشي انا
عمر بضحك قام وقال في سره/ انا اللي جبته لنفسي
ليليان بصوت عالي/ تصبح علي خير يا روميو
ليليان صحيت من النوم ولقت عمر نايم جمبها........ اتفزعت وقالت/ هو بيطلع امتي ده
عمر بصوت مبحوح/ كل اتناشر ساعه زي المضاد الحيوي
ليليان/ نيهاهاهاهاها خفه يا ولا
عمر رمقها بحده/ ايه ولا دي ابن اختك انا ؟
ليليان/ ايه يا عم هتاكلني...وكملت بغيظ........ قوم يا ماما زمان.... اي.... اها سولي مستنياك عشان تفطر يا حبيب ماما
عمر كان كاتم الضحكه وقال بجديه مزيفه/ اها صح زمانها هتتقمص واروح اصالحها
ليليان بغيظ/ اقولك روح هاتلها شوكليت اصلها بيبي..... ده ايه ده علي الصبح يا ربي
عمر بخبث/ ممكن برضو اصل سمعت ان البنات بيحبو الشكولاته صح
ليليان بعصبيه/ معرفش
عمر/ مالك متعصبه ليه بس علي الصبح
ليليان لنفسها/ ايه ده انا متعصبه ليه ما يولع هو وهي ....انا بكرهه....... بس هو يصالحها ليه برضو....... كيس جوافه انا ولا ايه...... عادي مش صاحبته...... لا يا بابا قال صاحبته قال المفروض يحترم اني مراته وميصاحبش الصايع ده...... بس
طلعها من افكارها صوت خبط علي الباب وسمعت صوت سيلين بتقول بدلع/ روميو انت صحيت
ليليان بتريقه/ رد يا روميو جولييت بتنادي عليك اصلك واحشها
عمر بخبث قام فتح وحضن سيلين ولعب في شعرها/ اه يا سولي شويه ونازل
ليليان وشها احمر من الغضب وقامت دخلت الحمام ورزعت الباب وراها
عمر وسيلين بصو لبعض وضحكو بصمت
ليليان واقفه قدام المرايه وبتقول لنفسها/اه يا معفن يا زباله بتحضنها قدامي.... الله يحرقك يا عمر انت وجولييت بتاعتك ده انا كنت واقفه يا اخي احترام مراتك....... طيب ماشي انا اصلا مش فارقه معايا كده كده احنا بنمثل وهنطلق..........ايو هنطلق يا سيلين وابقي خوديه جتكو القرف
ليليان فضلت تكلم نفسها نص ساعه وطلعت قعدت في الاوضه ومنزلتش علي الفطار........ فتحت النوت بوك بتاعها وكتبت " احتاجك في وقت باهت كهذا ، انا لست بخير "
قفلت النوت بوك وفضلت تفكر في عبدالحي ورجعت بيها الذكريات ليوم نتيجه الثانويه
~~~~ فلاش باااك~~~~
_ يا عبده يا عبده
عبدالحي بفرحه/ هاا يا لي لي طمنيني
ليليان وهي بتنط من الفرحه وتتشعلق في رقبته/ جبت 99% هيييييه
صفيه زغرطت بفرحه وعبدالحي دمع وقال/ سهرنا مرحش علي الفاضي يا دكتورة
ليليان بدموع حضنته وضحكت
عبدالحي/ لازم ادبح عجل بالمناسبه ديه واوزع علي البلد واقول بنتي هتبقي احسن دكتورة يا ناس
ليليان دمعت وحضنته
~~~~عوده للحاضر~~~~
ليليان نزلت منها دمعه وهي بتفتكر عبدالحي وقد ايه هو كان بيحبها وييخاف عليها وانتبهت علي صوت الموبايل وهو بيرن
ليليان بصوت باكي/ الو
_ لارد
ليليان باستغراب/ مين
_ كابوس جايلك قريب اوي لو مبقيتيش ليا مش هتكوني لغير ولو فيها مماتي
وقفل السكه......
ليليان استغربت وافتكرت الرقم اللي كلمها من كام يوم....... وقالت/ معقول يكون نفس الرقم ؟ بس مين ده ؟ وعاوز مني ايه ؟ طب اقول لعمر؟ لا لا مش هقول ......

يتبع .......