رواية " على الحان الماضي " الجزء الأول

Part 9

* الفصل التاسع *
كلهم بصولها باستغراب
مصطفي : ايه
ليليان بارتباك : ها لا ولا حاجه انا هنزل دلوقتي عشان امل تحت
وائل : تحبي اوصلك
ليليان بخبث : لا اصل ابن عم امل هيبقي يوصلنا ويرجعنا
وائل بغضب : ابن عمها
ليليان وهي تجري علي الباب : اه ابن عمها يلا سلام يا بشر وقفلت الباب وراها
لارا : طيب دلوقتي اجيب فستان ولا لا
ادم : بت يا لارا متعزمي صاحبتك ام عين زرقا
لارا : لا يا عم دي بارده ومتكبره وكده
ادم : طب انا هعزم ادي واحد.. اتنين.. تمام هعزم عشره
لارا : وانا هعزم تلاتين
ادم : انا..
وائل : بس انتو بتتخططوا لايه دلوقتي محسسيني انها وافقت يعني
ريم : انشاء الله هتوافق بت يا لارا ابقي قوليلي وانتي رايحه تفصلي فستان الخطوبه
لارا : حاضر من عيني
عمر بنفاذ صبر : طب يا ماما مش يلا بينا
مصطفي : يلا فين؟ مينفعش طبعا انتو هتقعدو معانا كام يوم
عمر : لا مش هينفع عشان الشركه وبعدين احنا عندنا ضيوف في البيت
ريم بتذكر : اها صحيح ده انا نسيتهم يلا يا عمر ميصحش نسيبهم كده
صفيه : يا بنتي احنا بقالنا سته وعشرين سنه مش شوفناكي عاوزين نشبع منك
ريم : انشاء الله لما ليليان توافق هنقرفكو زيارات
عبدالحي : افرضي ما وافقتش هتسيبينا تاني
ريم : انا مقدرش والله يا حج وانشاء الله هتوافق
- يلا سلام
~~~~~عند ليليان~~~~~~
امل : انا بقول توافقي علي عمر واد شيك كده وقمور وحسن حلو برضو بس انا بقول تبعدي عنهم هنا احسن
ليليان : حسن مين وعمر مين انا مش عاوزه حد فيهم المشكله ان صفصف كانت بتكلم جد وهي بتقولي يعني ممكن تجوزني حسن فعلا وانا مبيطقهوش اصلا
امل وهي تاكل الايس كريم : خلاص خودي عمر
ليليان : هي بناطيل ميعجبنيش ده اخد ده انتي بتقولي ايه
امل : يا بنتي صدقيني الحياه مش مستاهله كل ده خودي الاحلي فيهم وخلاص
ليليان : اللهم طولك يا روح انا قايمه ماشيه
امل : استني بس هتروحي ازاي
ليليان بخبث : هتصل علي وائل يجي ياخدوني
امل بارتباك : اهاا طيب انا همشي بقي
ليليان : لا استني هنا انا هرن علي وائل ونوصلك في طريقنا
امل : لا انا همشي لوحدي
ليليان : الو يا وائل
وائل : عاوزه ايه
ليليان : تعالي خودنا
وائل : وانا مالي مش قولتلك قولتي معرفش مين هيروحكو
ليليان : طب يا لولو متتاخرش انا وامل مستنين اهو وقفلت الخط
وائل : امل اي ده انا جاي.. الو..
قفلت الجزمه
ليليان : تعالي نتمشي علي اما يوصل
امل : طيب
بعد ربع ساعه وائل وصل
وائل : ليليان اركبو
ليليان : تعالي يا امل يلا وائل وصل
ليليان راحت وركبت قدام و امل ورا
وائل بارتباك : ازيك يا امل
امل : الحمد لله
ليليان : كح كح كح اي يا جماعه في ايه ماتشغل اغنيه يا لولي
وائل : قولتك متقوليش لولي ده تاني صح
ليليان : سوري يا لولي.. اقصد وائل
وائل ساق بنرفزه وكل شويه يسرق نظرات لامل اللي باصه من الشباك
بعد فتره امل وصلت البيت وليليان و وائل ودعوها
وليليان و وائل وصلو بيتهم وطلعو وكان الكل نايم وائل دخل قعد في الصالون وليليان جمبه
ليليان : هم نامو
وائل : اه
ليليان : امال طنط ريم فين
وائل : طنط ريم برضو
ليليان : ايو امال.. هسال علي مين يعني
وائل : انا قولت حاجه مش مهم
ليليان : الا قولي يا وائل هو ايه حكايه طنط ريم وانها عمتك والكلام ده
وائل : بصي يا ستي ( وحكالها كل حاجه حصلت وكل حاجه ريم قالتها)
ليليان بدهشه : ايه المسلسل التركي ده
وائل : انا قولتلهم كده مصدقوش
ليليان : انا هقوم انام لاني رايحه القاهره بكره
وائل : تصبحي علي خير
ليليان : وانت من اهله
~~~~~~~~~~~~~
تاني يوم الصبح
كل العيله متجمعه تحت في بيت عبدالحي وبيفطروا وليليان نزلت
ليليان : صباح الخير
كلهم : صباح النور
عبدالحي : تعالي يا حبيبتي افطري
ليليان : لا يا جدو انا مش جعانه كلو انتو
عبدالحي : لا لازم تفطري
ليليان : والله مليش نفس غير كده انا متأخره اصلا
عبدالحي : هتيجي امتي
ليليان : لما اخلص ورقي في الجامعه
عبدالحي : ربنا معاكي يا دكتوره
ليليان : باي يا جماعه باي يا بابا
وائل : استني اما وصلك
- يلا
~~~~~~~~~~~~
عند عمر قاعدين علي السفره بيفطرو في صمت وعمر قطع الصمت وقال : خالو مصطفي كلمك يا ماما
ريم : اه يا حبيبي وسالته علي العيله وقالي ان ليليان هنا في القاهره
نادين وسعاد انتبهو لهم
عمر قال : هنا؟بتعمل ايه
ريم بخبث : معرفش يا حبيبي والله ممكن جايه تشوف حد
عمر : طب قالك ردها علي موضوع امبارح
ريم : قالي انها طلبت اسبوع تفكر وهم وافقو
عمر : تمام طيب وقال في نفسه ماشي يا ليليان اسبوع ليه مفكره نفسك مين ان ماوريتك
ريم : انت سرحت فين
عمر : هاا لا ابدا انا همشي
ريم : كمل فطارك
عمر قام وباس راسها وقال : انا شبعت يا ست الكل
ريم : ربنا معاك يا حبيبي
نادين : عمر ممكن اجي معاك الشركه
عمر ببرود : حد قالك اني رايح ملاهي
نادين : لا اصلي بس زهقانه وقولت اتمشي معاك شويه
عمر : انا مش فاضيلك تبقي اخرجي بعدين..
ريم : خلاص يا عمر خدها معاك عشاني يا حبيبي
عمر بنفاذ صبر : طيب خلاص انجزي
نادين بفرح : يلا
~~~~~~~~~~~~~
وائل : ليليان بقولك ماتيجي معايا الشركه اما اجيب شويه ورق من مكتبي
ليليان : طيب
وائل : ايه الاحترام ده.. لا ده انا بدأت اخاف
وبعد شويه نزلو من العربيه و وائل مشي وليليان وراه وليليان كانت سرحانه ومخدتش بالها من عمر اللي شافها ونادين اللي وراها وفجاه خبطت في ليليان
نادين : ما تفتحي يا بتاعه انتي
ليليان : معلشي مخدتش بالي
نادين : اي هو اللي مخدتش بالي ماشيه تخبطي في خلق الله
ليليان : ما قولنا مخدتش بالي ده ايه الناس دي
نادين : انتي ازاي تتجرأي مش عارفه بتتكلمي مع مين ولا ايه
ليليان : هو يوم باين من اوله هكون بتكلم مع مين يعني الاميره ديانا
نادين بغضب رفعت ايدها عشان تضربها.. عمر مسك ايدها وقال بصوت عالي : نااادين الزمي حدوودك
نادين بصوت عالي : انت بتزعقلي عشان دي
وكل اللي في الشركه انتبهو
عمر : اه بزعقلك عشان دي.. ومسك ايد ليليان وقال : دي ليليان الشناوي و ليليان السيوفي مستقبليا يعني مراتي المستقبليه يعني تحترميها
نادين بصدمه : مم.. مراتك
عمر ببرود : ا.يو مراتي كنت عاملهالك مفاجأة بس يلا مش مهم وكمل بصوت عالي كل واحد علي شغله
نادين : ماشي يا عمر وخدت بعضها ومشيت
وائل : انا اسف يا عمر علي اللي حصل انا..
عمر : محصلش حاجه يا وائل وبص لليليان وقال هي الشركه دي مكان الخبط العالمي
ليليان : لا رد
عمر : انا بكلمك
ليليان فلتت ايدها من ايد عمر وقالت : وو.. وائل وفجأة اغمي عليها في حضن عمر
وائل وعمر اتفزعو و وائل طلع يجري علي اخته
وائل : ليليان حبيبتي فوقي..!
عمر بصوت جهوري : مرررااد اطلب الاسعااااف بسرررعه
مراد طلع علي الصوت : اي ده في ايه
عمر : انت لسه هتسال خلص اتصل علي الاسعاف
مراد : ح.. حاضر
وبعد عشر دقايق الاسعاف وصلت وخدو ليليان علي المستشفي وبعد شويه الدكتوره طلعت وقالت متخافوش يا جماعه هي بس كانت مرهقه وباين نفسيتها مش كويسه عشان كده علقتلها محلول هيريحها شويه
عمر شكر الدكتوره و وائل دخل لاخته وباس راسها وقال : كده تخضني عليكي يا ليليان ربنا يسامحك يا شيخه
ليليان بتعب :و.. وائل لو سمحت قومني
وائل ساعدها انها تقوم وليليان قالت : شيل المحلول ده
وائل : اي الهبل ده لا طبعا انتي تعبانه
ليليان : وائل انا أتأخرت ولازم اروح الجامعه عشان ورقي
وائل بغضب : ورق ايه اهم حاجه صحتك
ليليان : وائل انا...
عمر : ورقك هيجيلك لحد عندك متقلقيش
ليليان بصتله وسكتت متكلمتش
وفجأه ريم دخلت بتجري وراحت علي ليليان وقالت : الف سلامه يا حبيبتي اي اللي حصل الدكتور قال ايه
عمر : ماما بتعملي ايه هنا
ريم : انا اتصلت عليك مردتش فرنيت علي مراد وقالي علي اللي حصل فجيت بسرعه واكملت توجه نظرها لليليان : الف سلامه عليكي يا حبيبتي
ليليان بتعب : الله يسلم حضرتك
ريم : طيب يلا عشان المحلول يخلص وتيجي معانا الفيلا
ليليان بسرعه : لا لا فيلا ايه انا هروح مع وائل
وائل : اه يا عمتو احنا هنروح كمان شويه
ريم : لا والله ما ينفع لازم تقعدي معايا كام يوم بما انك هنا
ليليان : لا مش هينفع والله وبعدين مقولتش لبابا ولا جدو
ريم طلعت الموبايل بتاعها واتصلت علي مصطفي
- الو يا مصطفي
- الو ازيك يا ريم
- انا بخير الحمد لله انت عامل ايه وكل اللي عندك اخبارهم ايه
- كويسين والله
- طيب انا كنت عاوزه اطلب منك طلب
- اؤمری
- الامر لله يا حبيبي هو انا كنت عاوزه ليليان تقعد معايا كام يوم هنا
- هي عندك؟ هي كويسه
- لا متقلقش هي كويسه بس انا شوفتها صدفه وكنت عاوزها تقعد معايا بس هي مرضيتش
- خلاص خليها تقعد لو عاوز وانا هقول لبابا عشان عارف انها هتسالو الاول
ريم بفرحه : ربنا يخليك لينا يا رب يا حبيبي
مصطفي : ويخليكي لينا يلا مع السلامه
- مع السلامه
ريم : بابا وافق اهو يا لي لي
ليليان : وجدو
ريم : يا بنتي بقولك ابوكي وافق
ليليان : لا اهم حاجه جدو
ريم بنفاذ صبر : وجدو وافق يا ستي ها بقي هتيجي صح
ليليان : بس انا..
عمر : الو.. ايو يا داده لو سمحتي جهزي اوضه الضيوف ..تمام
ريم بفرحه : اهو الاوضه جهزت وانت يا وائل هتيجي معايا
وائل بنفي : لا انا هطمن علي ليليان وامشي لان فرح صاحبي قرب ولازم احضر
ليليان : صاحبك مين ده
وائل : انتي في ايه ولا ايه
ليليان : بقي كده يا لولي طب والله لاقول لا..
وائل باندفاع : خلاص خلاص انتي ايه فرح مصطفي يا ستي ارتحتي كده
ليليان : اه الواد الحلو ابو عيون خضرا ده
وائل : اه هو
ليليان بتمثل الزعل : ياخساره هيتجوز
عمر : احمممم طيب انا هسبقكو علي العربيه
وائل : يلا يا لي لي قومي
ليليان بتقوم مع وائل وهي ماسكه في دراعه
ريم : تعالي يا لي لي اركبي هنا
ليليان ركبت في عربيه عمر وار وريم ركبت قدام وحصل .......

يتبع ........