رواية " على الحان الماضي " الجزء الأول

Part 7

*الفصل السابع *
محمد اومأ بالایجاب
ريم اتصدمت :" انت بتقول ايه انت اكيد اتجننت "ولسه هتمشي محمد قال : انا حياتي في خطر وعاوز ابعد ابني عن الخطر ده
ريم اتصدمت( اليوم العالمي للصدمات ) :" في خطر ازاي "
محمد بهدوء ممزوج بالحزن :" ايو يا ريم انا حياتي في خطر وفي رسايل تهديد بتيجلي يوميا من يوم ما طلقت ليل ومشيت "
ريم :" طلقتها ؟! "
محمد :" اه هي طلبت الطلاق وسابت عمر ومشيت راحت فرنسا من حوالي شهرين "
ريم بهدوء ممزوج بالسعاده :" وانا مطلوب مني ايه دلوقتي "
محمد :" هتربي ابني مش كده يا ريم "
ريم :" واشمعنا انا انت مفكرتش اني ممكن اقتله انا كمان لانه ابنك انت وليل "
محمد بابتسامه :" لو شوفتك بعيني مصدقش عنك كده ابدا وبعدين انا عاوزك تاخدي بالك منه انا ممكن اموت في لحظه "
ريم باندفاع :" بعد الشر متقولش كده "
محمد بحزن :" لسه بتحبني بالرغم من كل اللي حصل "
ريم بحزن :" للاسف ديه حاجه خارج ارادتي انا هاخد عمر واوعدك اني اربيه زي ابني بالظبط "
محمد بسعاده :" انا حقيقي مش عارفه اقولك ايه يا ريم انا متشكر اوي "
ريم :" متشكرنيش يا محمد "
محمد طلع من جيبه ورق وظرف واداهم لريم وقال :" الورق ده فيه شهاده ميلاد عمر واوراق ملكيه الشركه بإسمه بس بعد ما يبلغ السن القانوني وفي اوراق تانيه والظرف ده في مبلغ من المال تصرفي بيه انتي وعمر "
ريم :" انا مش هاخد فلوس يا محمد انا هاخد اوراق الطفل بس غير كده متشكره انا ههتم بيه "
محمد :" لو سمحتي ريحيني وبعدين دول مش ليكي دول لعمر لو احتاج حاجه "
ريم اخدته منه الفلوس وحضتهم مع الورق في الشنطه وقالت :" هات الطفل "
محمد قام وقالها :" ريم انا هطلب منك طلب اخير بس صعب "
ريم :" خير "
محمد :" انا عاوزك تقولي ان ده ابنك "
ريم بعدم فهم :" مش فاهمه. "
محمد :" يعني انتي امه الحقيقيه ولما يكبر تقوليله علي الحقيقه "
ريم وقد استوعبت ما قاله :" يعني انا اروح لامي اقولها ده ابني وجه من يوم وليله كده "
محمد :" انا اسف بس لو حد شم خبر انه عايش هيخلصو عليه "
ريم خدت الطفل من محمد ومحمد باسه ومشيت ووصلت قدام بيتها وخبطت علي الباب وقلبها كان هيطلع من مكانه
صفيه :" اتاخرتي كده ليه وبصت علي الطفل وقالت مين ده "
ريم بلعقت ريقها وقالت :" ابني "
صفيه بضحك :" اه شوفتي بقي مش قولتك اللي في سنك معاهم  عيال مصدقتنيش عقبال ابنك يا حبيبتي بس ده قمور اوي "
ريم :" لا يا ماما ده ابني "
صفيه بجديه :" ابنك ازاي يعني
ريم :" يعني انا امه وهو ابني "
صفيه صوتت وعلت صوتها وقالت :" اي هو اللي ابنك يا بت انتي "
عبدالحي :" في ايه يا صفيه "
صفيه :" شوف بنتك جايبلي عيل وبتقول ابني "
مصطفي :" اكيد بتهزر يا ماما مش كده يا ريم "
ريم :" لا يا مصطفي ده ابني انا ومحمد. "
عبدالحي بغضب :" محمد مين يا روح امك ومين الواد ده يا بت انطقي هي دي اخره دلعي "
مصطفي يحاول افلات ايد عبدالحي من علي ريم ويقول :" استهدي بالله يا بابا وانتي يا ريم بلاش الهزار البايخ ده "
ريم بدموع :" ده مش هزار ده ابني عشان كده مكنتش راضيه اتجوز لاني متجوزه من سنتين "
عبدالحي يصفعها بقوه ويمسكها من شعرها ويقول :" متجوزه ؟وعرفي كمان هي دي اخره دلعي فيكي يا ريم!  يخساره تربيتي يا بنتي ويكمل بدموع انا من النهارده معنديش غير بنت واحده والبنت الصغيره ماتت "
مصطفي بدموع:" بس يا بابا متقولش كده ريم اكيد ..
ويسمعو خبط علي الارض يلتفتو ليرو صفيه مغمي عليها
* كلهم بيجرو عليها وريم لسه هتتحرك عبدالحي شاور لها وقال : اطلعي بره *
- بابا انا...
- برررره
* ريم بتشيل عمر وبتمشي في الشوارع وبتقعد علي الرصيف وتبصله وتقول :" انا معرفش المفروض احبك ولا اكرهك المفروض اكرهك لانك ابن ليل ولا احبك لانك طفل ملكش ذنب يا رب ساعدني يا رب *
وفي عربيه بتقف وينزل منها شخص ووقف قدام ريم
ريم رفعت عينيها وبصت وقالت :" محمد! "
محمد :" اركبي يا ريم "
ريم :" مش هركب انت عاوز ايه تاني "
محمد :" انا عارف اني انا اللي حطيتك في الموقف ده بس غصب عني "
- لا رد
محمد :" اركبي الحته هتمطر "
ريم قامت وركبت جمبه في صمت
محمد بصلها واتنهد تنهيده طويله وساق من غير ما يتكلم
* وبعد فتره وصلت عربيه محمد امام عماره فاخره *
محمد :" انزلي يا ريم "
ريم :" انت جايبني هنا ليه "
محمد :" انزلي وهفهمك "
ريم :" لا مش هتحرك غير لما تفهمني "
محمد اتنهد بنفاذ صبر وقال طيب انتي هتعيشي هنا مع عمر وده مفتاح الشقه رقم خمسه هتطلعي فوق هتلاقي كل حاجه جاهزه ولو احتجتي حاجه كلميني "
ريم :" وانت هتروح فين "
محمد :" انا هروح البيت الموضوع مؤقت بس علي ما اعرف مصدر التهدايدات وهبطل اقابلك حاليا لاني ممكن اكون متراقب يلا انزلي قبل ما الجو يمطر "
ريم :" خلي بالك من نفسك "
محمد :" خليها علي الله "
ريم نزلت من العربيه وطلعت الشقه وهي شايله عمر واول ما دخلت قعدت علي الارض وعمر علي رجلها وفضلت تعيط وعمر عيط معاها
ريم :" انت بتعيط ليه؟ انا اللي لازم اعيط!.. انا اللي اهلي طردوني وسمعتي بقت طين.. وانا اللي حبيبي اتجوز غيري من سنتين بس عشان انا طيبه بغباء ورضيت اساعده... ممكن عشان خوفت عليك طب وانا مالي ده امك مشيت ومسالتش فيك يااارب ياااررب الطف يا رب
• ريم شالت عمر ودخلت اوضه الاطفال لقيت اكياس هدوم ليها ولعمر ابتسمت بكسره لعمر ونيمته ونامت جمبه •
* بعد خمس شهور ريم قاعده في الصاله وفجأه الجرس رن خافت جدا وقامت تشوف مين *
- انا سعد يا انسه ريم افتحي
ريم بتذكر :" اه ثواني وراحت لبست حجابها وفتحت
- خير يا استاذ سعد اتفضل
- لا مينفعش لانك عايشه لوحدك وطلع من جيبه مبلغ وقال محمد الله يرحمه قالي اديلك دول
ريم :" ايه دو....ايه! الله يرحمه ؟انت بتقول ايه...
سعد بحزن :" للاسف محمد اتقتل من شهرين وقالي اقبل ما يموت اوصلك الظرف ده وقالي اقولك ان الظرف ده فيه رساله لعمر تديهاله لما يتخرج من الكليه "
ريم بصدمه اخدت الظرف وقفلت الباب وقعدت علي الارض وفضلت تعيط بهستيريه وصوت عياطها مسموع لسعد من تحت العماره
اهاااليييه كددده يا محمممد لييه تسبيني لتانيي مره اه يا ربي
* وفضلت في حاله الحزن شهرين واتعلقت بعمر جامد وكانت بتشتغل مدرسه رياضيات وبتاخد عمر معاها الشغل *
ومرت الايام وعمر كبر واخد شركات والده بعد ما اتخرج طبعا وكبرها وانتقلو عاشو في فيلا
•وبعد ما عمر عرف الحقيقه حبه لريم مقلش بس زاد وريم عنده بقت خط احمر وصمم انه يعرف اهلها الحقيقيه ويعرف مين اللي قتل ابوه •
~~~~~عوده للحاضر~~~~~
ريم بتحكي بدموع وشهقات وبعد ما خلصت بصت لقت كل الموجودين بيعيطو في صمت
ومره وحده مصطفي وقف وحضنها وقال بسعاده :" كنت عارف انك مستحيل تغلطي كنت متاكد من ده يا ريم مقولتليش من الاول كنت وقفت جمبك يا حبيبتي "
ريم بتعيط في حضنه ومبتتكلمش وفجأه عبدالحي قام وشد ريم من مصطفي وضربها قلم
عمر قام بغضب ولسه هيتكلم عبدالحي حضن ريم وقال بعياط :" ليه يبنتي تعملي كده ليه تحرمينا منك كل الوقت ده ليه انتي متعرفيش انا كنت بتعذب قد ايه متعرفيش انا كنت بتمني اشوفك قبل ما اموت "
ريم بعياط :" بعد الشر عليك متقولش كده "
ريم خرجت من حضنه وراحت لصفيه وقعدت علي ركبها قدامها وقالت :سامحيني يا امي
صفيه نزلت علي ركبها وحضنتها وفضلو يعيطو في صمت
وفضلو يعيطو كلهم وطبعا لارا و وائل ومي وادم مصدومين ان عندهم عمه تانيه
وفضلو كده لحتي ماخرجت ليليان وهي لابسه سويت شيرت وائل وعامله شعرها ضفرتين طويلتين وراحت المطبخ تعمل قهوه وحاطه السماعات ومش واخده بالها من الموجودين وبتغني بصوت حلو وبتقول :
مكانك في قلبي مهما كنت بعيد علياااومش كل يوم بنقابل حباايب جداد صوتك واحشني وضحكتك يا حبيبي ليا يا ما نفسي اشوفك تاني في اقرب معاد مقدرتش انساك والليالي كل ما تفوت الليالي كل ما اشتاااق
يا حبيبي واقولك ايامنا وحشاك... وقاطعها وائل بيشيل السماعه ويقولها : القهوه اتكبت يا دكتوره
ليليان بتبرق :" لا دي تالت وحده  تبوظ وبعدين طلعت ومش واخده بالها منهم لانهم في الانتريه يعني هما شايفنيها بس هي لاء
ليليان ابتسمت بخبث وراحت عند ادم وقالت :" دووومي يا سكر "
آدم بصلها وقال :" لا"
والنبي يا دوومي
قلت لا
وبعدين قامت مره واحده تحت انظار الكل اللي بيضحكو بصمت وقالت :" يا حج عبدالحي شوف آدم امبارح راح... "
ادم حط ايده علي بوقها وقال :" خلاص خلاص عاوزاها ساده صح "
شور يا بيبي عالم متجيش غير بالعين الحمره
ومره وحده عبدالحي انفجر في الضحك ليليان سمعت الصوت وبصت لقيت ناس قاعده وشافت عمر برقتلهم كده وهما بيضحكو عليها لنفسها وطلعت تجري علي الاوضه تغير هدومها
ريم :" يا حبيبتي اتكسفت اوي "
صفيه :" هي بتتكسف ديه "
عبدالحي :" صفيه قولتلك ليليان محدش ليه دعوه بيها دي حبيبت جدها دي "
ريم :" لا ده احنا نغير منها بقي "
صفيه :" انا قولت حاجه يا خويا  خليك دلعها كده اهي اتخرجت ومش راضيه بأي عريس قال ايه ضفادع بشريه "
عمر ضحك بصمت وريم اخدت بالها بصتله وابتسمت بخبث وقالت :" ما تنادي عليها يا بابا عاوزه اشوفها "
عبدالحي :" حاضر ليي لي "
ليليان طلعت من الاوضه وكانت لابسه اسدال وطرحه قالت :نعم
تعالي سلمي علي عمتو ريم
عمتو ريم مين
تعالي بس اقعدي جمب جدك حبيبك
ليليان راحت قعدت جمب عبدالحي ومسكت ايده وباستها وبصت لريم وعمر وقالت لعمر :" انتي اللي جابك هنا "
عمر :" وانتي مالك "
ليليان :" مالي في جيبي يا بابا ده انت بارد "
عمر ببرود :" بس يا شاطره روحي العبي بعيد "
ليليان بنرفزه :" ايه شايفني طفله قال روحي العبي بعيد قال"
عمر :" الاطفال اطول منك يا طفله "
ليليان بخبث :" مش خساره فيك القلم "
عمر بنرفزه :" هيترد يا حلوه القلم ده "

يتبع ......