رواية " على الحان الماضي " الجزء الأول

Part 25

* الفصل الخامس والعشرين *
عمر دخل ورا ليليان الاوضة عشان يفهمها الموقف
ليليان كانت بتبرطم بالكلام وعينها بتدمع وواقفه قدام الدلاوب بتلم هدومها
عمر لسه هيتكلم لمح حد واقف قدام الفيلا وبيصوب المسدس نحو ازاز الاوضة وتحديدا علي ليليان.....
عمر صرخ مرة واحدة وقال/ ليليااااان....... وجري خدها بسرعة ووقف في حتة بعيد عن الازاز
وفجأة الشخص ضرب نار علي اوضة ليليان
ليليان اتخضت وصرخت وكلبشت في عمر جامد
عمر بلهفه/ ا... انتي كويسة صح؟
ليليان بدموع/ ا.... اه
عمر جري علي تحت وشاف الكل متجمع في الصالون والخوف باين علي وشهم
عمر جري وطلع بره عشان يلحق الراجل بس اختفي
عمر اتعصب وزعق ونادي بصوت عالي وقال/فين الزفت الامن اللي هنا
الامن اتجمعو وبصو في الارض خايفين من ردة فعل عمر لانهم اهملو شغلهم
عمر بصوت جهوري/ انتو كنتو فين يا شوية بهااايم لما الزفت ده ضرب نار هااا؟
_ عمر باشا احنا.....
عمر قاطعه بغضب/ انت اييه يا استااذ كنتو هتتدخلو امتي؟ لما الطلقه تيجي فيها؟ هاااا؟
وكمل بصوت عالي.......مااااترد!
محدش قدر يتكلم وبصو في الارض
عمر بغضب/ الحرس تزيد حوالين الفيلا وعينكو تفتح فاهمين!
_ فاهمين يا بيه
عمر دخل ولقي الكل تحت حتي ليليان وكلهم علامات الخوف علي وشهم
عمر/ ليليان جهزي شنطتك عشان هتروحي الشرقية
ليليان باستفهام/ لييه؟ انا مش عاوزه اروح الشرقية
عمر بغضب/ مش وقته يا ليليات يلا هنروح دلوقتي من غير شنطة حتي
ريم بخوف/ في ايه يا عمر مين اللي ضرب نار وليليان رايحه فين؟
عمر/ ماما يلا عشان تروحي معاها انتي كمان
ريم/ انا مش فاهمه حاجه اروح فين واي اللي بيحصل هنا؟
عمر بهدوء/ مفيش يا ماما انتي هتروحي تقعدي مع تيتا صفية كام يوم انتي وليليان
ريم/ لا يا عمر مش هسيبك لوحدك هنا
عمر/ هو انا عيل يعني منا بقعد لوحدي وبسافر لوحدي اوقات كتير متخافيش خدي ليليان واقعدو كام يوم هناك
ليليان بخوف/ لا يا عمر مش هروح في حته
عمر يحاول تلطيف الجو/ ليليان انتي كنتي بتلمي هدومك اصلا!
ليليان وقد تذكرت كل اللي حصل قالت بغضب/ ايوه صح انا هروح لبابا مش جايلك تاني
عمر بغيظ/ بعينك يا ليليان اسبوع بالكتير وهرجعك
ليليان بتحدي/ هه هتشوف
عمر بنفاذ صبر/ مش وقته عشان اتخانق معاكي دلوقتي يلا يا ماما عشان اوديكو
ريم وليليان جهزو شنطهم وراحو مع عمر الشرقية مكان بيت ليليان
العيلة كانت متجمعه تحت وشافو عربية عمر بتقف قدام البوابه قامو يستقبلوهم
ريم وليليان وعمر نزلو
ليليان فضلت واقفه مكانها بتبص علي البيت والدموع اتجمعت في عينها
ذكرياتها مع عبدالحي اتجمعت قدامها تاني
~~~~فلاش بااك
عبدالحي/ تعالي يا حبيبتي هنا قوليلي خدته ايه في المدرسة
ليليان بغضب طفولي/ انا مش هروح تاني المدرسة وحشه
عبدالحي بحب/ انتي لي لي الشطورة اللي هتبقي دكتورة جميلة صح؟
ليليان/ اه وهتجيبلي مصاصات كتير
عبدالحي/ يووووه مصاصات بس؟ انا هجيبلك حاجات قد كده وهجيب لعيالك كمان
ليليان بغضب/ لا انت هتجيب ليا بس
عبدالحي بضحك/ حاضر يا ستي
ليليان/ هييه انت هتوديني كل يوم صح
عبدالحي/ اه وهفضل جمبك لحد ما تزهقي مني *___________________ *
ليليان فاقت علي صوت صفية وهي بتنادي عليها من جوه
ليليان عينها دمعت وقالت بهمس/ بس انا مزهقتش منك يا عبده! انت خلفت بوعدك
سارة جت من وراها وقالت/ عووووو
ليليان بخضة/ اعوذ بالله منك يا شيخه
سارة حضنتها وقالت/ الجميل بيعيط ليه
ليليان بتمثيل/ في تراب دخل في عيني وانتي عارفاني رقيقه
سارة/ عليا برضو يا ست الرقيقه علي العموم هعديها
ليليان راحت سلمت علي صفية ومصطفي وكل العيلة ووقفت قدام آدم حضنته وقالت/ ازيك يا دومي
آدم/ الحمد لله وحشتيني والله
ليليان/ انت اكتر يا حبيبي
عمر بصلها بغضب ولسه هيتكلم صفية قالت/ يلا يا جماعة ادخلو
عمر/ احمم لا انا هرجع دلوقتي
صفية/ ليه يا ابني تعالي قضي معانا اليوم
عمر/ لا انا هرجع........ ليليان عاوزك ثانية
ليليان بصتله ببرود واتحركت معاه لقدام العربية/ نعم؟
عمر/ اولا فيه شويك تنبيهات هنبهها عليكي
ليليان بغيظ/ هه ده اللي ناقص
عمر وهو يتجاهل كلامها قال/ اولا: ممنوع تنزلي من فوق بالبيجامه...... لا متطلعيش من اوضتك اصلا!
ثانيا: ممنوع اشوفك لابسه لون من دول" احمر او دهبي او كشمير"
ثالثا: القاهرة متفكريش تدخليها من غير ما اعرف
رابعا بقي والاهم:حسن ده مش عاوز اعرف بس انك مشيتي في طريق هو موجود فيه
ليليان بغيظ/ خامسا متتنفسيش صح؟
عمر بتهديد/ واه اسمه ادم يا ليليان مش دومي....... وممنوع منعا باتا تحضنيه فاااهمه؟!!!!!!
ليليان ببرود/ ملكش فيه ابن عمتي واحضنه براحتي
عمر قرب منها وقال بتحذير/ قسما بالله لو اتكررت تاني ميحصل كويس ولو مش خايفه علي نفسك مني خافي علي آدم بقي
ليليان بصتله بخوف وقالت/ خلاص هش بقي
عمر طلع فيزا وقال/ خلي دي معاكي والباسورد هبعتهولك علي الواتس
ليليان/ شكراً مش عاوزه منك حاجه
عمر مسك ايدها وحطها فيها وقال/ مش عاوز كلام كتير فااهمه؟ انل ماشي لو عوزتي حاجه رني عليا
ليليان/ هعوز منك ايه يعني
عمر بصلها بطرف عينه وبدون اي مقدمات حضنها
ليليان اتخضت من طريقته ولسه هتقوم عمر شدها لحضنه وقال بحب/ انا عارف انك متضايقه مني بس انا قولتلك اني بحبك ومش شايف غيرك صدقيني انتي الهوا اللي بتنفسه يا ليليان انا حبي ليكي عدي الحدود انا بغير عليكي من الهوا..........عاوزه اقولك حاجه وحده سيلين اختي في الرضاعه ولما حضتنتني فده لانها كانت فرحانه وده تصرف تلقائي منها....... خلي قلبك ابيض بقي
ليليان تشبثت في هدومه وقالت بدموع/ لا يا عمر برضو متحضنهاش
عمر ضحك وقال/ خلاص يا ستي حقك عليا وهاتي راسك ابوسها
عمر قبل جيبنها وطلعها من حضنه وقال/ انا همشي
ليليان بتريقه/ سلملي علي سولي
عمر ضحك وقال/ ما قولنا خلي قلبك ابيض
ليليان ابتسمت وقالت/ خلي بالك من نفسك
عمر/ انتي نفسي فخلي بالك منها
ليليان اتكسفت ووشها احمر وبصت في الارض
عمر ضحك وركب العربية ومشي
سارة جت وقالت/ وشك احمر كده ليه
ليليان/ اعوز بالله انتي بتطلعي امتي
سارة بخبث/ وشك احمر ليه؟
ليليان/ وانتي مال اهلك انتي وبعدين الجو حر اوي هوووف
سارة/ ايوه ايوه الجو حر في فبراير صح؟
ليليان اتحرجت وسكتت
سارة ضحكت عليها وقالت/ يلا تعالي نطلع فوق
ليليان/ اومال فين وائل!
سارة بهدوء/ وائل فركش مع امل ومن ساعتها وهو زعلان
ليليان بصدمة/ فركش؟ انتي بتقولي ايه وانا ليه معرفتش؟
سارة/ وكتبت كتابها النهاردة كمان!
ليليان بصدمة اكبر/ امل صاحبتي؟ انتي بتهزري صح؟
سارة/ تعالي بس وهقولك كل حاجه
*_____________________ *
في مكان تاني يجلس وائل علي الارض ويقول بدموع/ شوفتي يا ماما! ابنك اي اللي حصله!
اول وحده حبيتها بعدك اتجوزت النهارده بقالي ست سنين بحبها وجه واحد خدها علي الجاهز
اناا مش عارف انا قصرت في اييه لو طلبت نجمه من السما هجيبهالها انا مش عارف هي سابتني ليه؟ كسرتني بدري اوي كسرتني وداست عليا
وائل فضل يتكلم مع امه شوية وفي الآخر قام مسح دموعه وقال/ انا هوريها مين وائل الشناوي....... انا مش هضعف تاني انا هكمل حياتي وهتخطاها زي ما هي عملت انا حقيقي بكرهك اوي يا امل
*_____________________ *
سيلين/ بابا انت قادر تسمعني صح
_ ايوه يا حبيبتي انا بقيت كويس ما شاء الله كبرتي يا سولي
سيلين بدموع/ انت وحشتني اوي يا بابي
_ انتي اكتر يا حبيبتي..... انا آسف غصب عني
سيلين/ المهم انك كويس يا حبيبي
_ عمر..... عمر فين؟
سيلين بابتسامة/ هيوصل يا بابا بيوصل مراته عند اهلها
_ هو اتجوز؟
سيلين بابتسامه واسعة/ اه ومراته دكتورة بس قمورة حبيتها
_ ربنا يسعدهم يا بنتي
* _______________________*
احمد/ متأكد محدش وراك؟
فتحي/ متقلقش يا باشا انا ضربت النار واتأكدت انها مصابتهاش وروحت خالع
احمد بشر/ ده تاني تحذير ليك يا ابن اخويا والا هتحصل ابوك
فتحي/ انا وصلت الورقة علي بريد الشركه يا بيه زمانها هتوصل
احمد/ كويس اوي اما نشوف اخرتها
~~~~~~~~~~~~~~
ليليان فاتحه الفيس بوك وبتقلب بتوهان وبتفكر في أمل و وائل وليه امل مكلمتهاش! وقالتلها
ليليان كانت متضايقه فتحت الصور وجابت صورة لعمر واتاملت فيها شوية وابتسمت وقالت/ هرن عليه اشوفه وصل ولا لا
مسكت الموبايل ورنت عليه بس مردش رنت مرة كمان بس برضو مردش
ليليان قلقت خصوصا ان الصبح لسه في حد ضارب عليهم نار فضلت رايحه جايه في الاوضه بتوتر
عمر وصل المستشفي اللي فيها والد سبلين وساب موبايله في العربيه وطلع الاوضة اللي محجوز فيها وقال/ السلام عليكم
_ وعليكم السلام
عمر قعد وقال/ ازيك يا عمو سعد احسن دلوقتي؟
سعد بابتسامة/ الحمد لله يا حبيبي بشكر ربنا اني شوفتكو تاني
عمر ابتسم وقال/ طيب اسيبك ترتاح
سعد/ لا يا ابني انا مش هرتاح غير لما اريح ضميري واقولك علي كل حاجة
عمر/ انت تعبان دلوقتي لو.......
سعد/ ابدا يا عمر لازم تعرف با ابني انا هقولك كل حاجة
_ انا كنت قاعد مع ابوك في يوم وقالي انه بتيجيله رسايل تهديد فقولتله نبلغ البوليس........ وفي يوم
~~~~فلااش بااك~~~~
محمد/ انا اديت عمر لريم هو بره الموضوع وبعيد عن الخطر دلوقتي
سعد/ واخرتها يا محمد؟ اخرتها احنا لازم نشوف حل!
محمد اتنهد وقال/ اهم حاجة ابني لو جرالي حاجة ابني امانة في رقبتك
سعد/ اي الهبل ده ربنا يديك الصحة يا ابن عمي وان شاء الله هتتحل
محمد رجع البيت والشغاله قالتله ان اخوه عاوزه في المصنع القديم عشان شغل تبع الشركة
محمد اتنهد وراح ركب عربيته وطلع علي المصنع
وهو طالع قابل سعد
سعد/ انت رايح فين يا محمد؟
محمد/ هو انا مش لسه سايبك علي العموم انا رايح المصنع القديم في شغل تبع الشركة
سعد/ بس النهارده اجازه يا ابني؟
محمد/ والله ما عارف انا هروح اشوف وامري لله....... سلام
سعد كمل وقال/ انا شكيت في الموضوع فقررت اروح المصنع عشان ميبقاش لوحده....... وبلغت الشرطة عشان ييجو ورايا
روحت المصنع وسمعت صوت خناق
محمد بغضب/ انت اتجننت با احمد نزل المسدس
احمد بغضب/ انا متجننتش انت علي طول المفضل عند ابوك كل حاجة ليك حتي البنت اللي حبيتها انت اتجوزتها
محمد بصدمة/ ليل؟ انا لو اعرف انك بتحبها مكنتش اتجوزتها يا احمد وبطل هبل ونزل المسدس
احمد/ انت هتموت يا محمد وهحوق قلب ابوك وكل حاجة هتبقي ليا انا وبس
محمد بصدمة/ انت مستحيل تبقي اخويا
احمد/ لا انا مش اخوك انا مليش اخوات وضرب نار علي راس محمد
سعد سمع صوت ضرب النار دخل جري لقي صاحبه واقع غرقان في دمه صرخ وقام زعق لاحمد/ انت هببت ايه انت مريض!
احمد/ انت شرفت يلا عشان تحصل صاحبك
سعد مسكه وفضل يضرب فيه لحد ما وقع علي الارض سعد لف لمحمد عشان يشيله وينقذه
احمد ضرب عليه نار من ورا
سعد كمل وقال/ احمد كان هيكمل عليا بس الشرطة وصلت وهرب ومحدش شك فيه....... وكمل بدموع وقال/ محمد صاحبي مات حسبي الله ونعم الوكيل
عمر قاعد وعيونه احمرت وقبض علي ايده بغضب وقال/ والله ما هسيبك وحق ابويا هيرجع
سعد بتوسل/ ابوس ايدك كل حاجة بالعقل متوديش نفسك في داهيه متندمنيش اني قولتلك يا ابني
عمر/ ارتاح ياعمو سعد انا هستاذن انا
عمر طلع من المستشفي بغضب وركب العربية وبيفكر....... يعني عمه هو اللي قتل ابوه؟ قتل ابوه طب هو قدر يبص في وشه ازي؟  قدر يعيش معاهم عادي ازاي ده قتل لحمه ودمه
عمر طلع علي الفيلا وكان سعاد ونادين قاعدين بصلهم بقرف
وقال بهدوء لكي لا تشك في امره/ اومال فين عمي؟
سعاد مسافر يبني
عمر/ ايوه مسافر فين؟
سعاد بشك/ ليه يا ابني في حاجه؟
عمر بجمود/ ابدا اصلي مشوفتوش غير مرة من ساعة ما جيتو
سعاد/ لا معرفش هو مبيقوليش هو رايح فين.....
عمر سابها وطلع وفضل قاعد يفكر في طريقة يوقع بيها
عمر فكر وابتسم بخبث وقال/ لقيتها! هتقع هتقع ياعمي....
عمر غير هدومه ودور علي تليفونه ملاقهوش افتكر انه سابه  في العربية نزل يجيبه شاف سعاد بتتكلم في التليفون وبتقول/ الو يا احمد انت فين؟.....اه طيب......... هترجع امتي؟........اسبوع؟ تمام
عمر ابتسم بخبث وقال/ تشرف يا عمي
وراح جاب موبايله من العربية ودخل لقي ليليان رانه عليه كتير
اتخض وفكر ان في حاجة حصلتلها
رن عليها بسرعة وقال/ الو يا ليليان انتي كويسه!
ليليان بصوت باكي/ ايوه يا عمر
عمر بلهفه/ مالك بتعيطي ليه؟
ليليان/ انت مردتش عليا يا عمر وانا خوفت عليك
عمر ابتسم علي طفولتيها وقال/ معلشي يا حبيبتي مشوفتش الموبايل
ليليان سكتت ومرتش
عمر اتنهد وقال/ خلاص يا روحي متعيطيش
ليليان قالت/ خلاص يا عمر انا بس قلقت عليك المهم انك كويس
عمر/ متقلقيش انا كويس كلها كام يوم واجي اخدك يا حبيبتي
ليليان ابتسمت وقالت/ ان شاء الله
عمر/ تصبحي علي خير
ليليان/ وانت من اهله
* ______________________ *
ليليان قفلت مع عمر وطلعت بره لقيت وائل قاعد شارد قالت وهي بتحاول تلطف الجو/ اي يا لولي مالك؟
وائل ابتسم وقال/ لا ابدا مفيش.... تعرفي انك وحشتني؟!!
ليليان بفخر/ عارفه عارفه يبني
وائل ضحك وقال بكسرة/ فاكره لما كنت بقولك انا مبحبش تامر عاشور عشان كئيب؟
ليليان/ اه
وائل بحزن/ انا النهارده بس عرفت هو كده ليه
ليليان/ وائل انت.......
قاطعها وائل وهي بيغني ويقول
* كلموها عني من بعيد لبعيد
عرفوها اني لسه بحبها
وامانه حد يقول لها
بسأل عليها ازيها وعامله ايه
حد يقول لها دي مليش حبايب بعدها
واللي باقي لي منها
عايش عليه وفاكر ايام بتصبر بيها
وعشان عندي امل فيها
انساها يا قلبي انا ليه
وفاكر ليها ايام بتصبر بيها
لو ما تكلمش عليها
في ايه اتكلم فيه
ولو هقابل غيرها ولو هحب جديد
برضو لسه فاكرها وفاكر حبها *
وائل اتكلم بدموع/ اتجوزت يا ليليان!
ليليان حضنته وقالت/ كل شيء قسمة ونصيب يا حبيبي
وائل/ انا حبيتها من قلبي يا ليليان انا كنت بموت فيها كنت مستعد اشتريلها نجمة من السما بس هي اتجوزت........ اتجوزت يا ليليان
ليليان عيطت علي حالة اخوها وقالت/ خلاص يا حبيبي هي بقت ست متجوزة ومينفعش تفكر فيها خلاص يا وائل
وائل قام من حضن ليليان ومسح دموعه وقال/ مفيش حاجة تستاهل يا ليليان....... مفيش حاجة تستاهل
وسابها ودخل
ليليان فضلت قاعده في الصاله زعلانه علي اخوها مش عارفه تساعده ازاي وفي الاخر استسلمت ودخلت نامت
* ______________________ *
في اليوم التاني عمر وسيلين قاعدين بيفطرو وفجأة عمر قام وقال بصدمة/ جدوو؟!!!!!!!

بقلم/   ( غدير )   Ghdeer