رواية " على الحان الماضي " الجزء الأول

Part 23

* الفصل الثالث والعشرون *
عمر اومأ بهدوء ودخل بحزن وشاف ليليان والمحاليل في ايدها ووشها شاحب
اتحرك بخطوات بطيئة نحوها ودمعه تمردت من عينه....... جاب كرسي وقعد جمبها مسك ايدها وباسها بحب وقال/ تعرفي انك وحشتيني؟ وحشيتني اوي في اليوم ده...... اليوم ده عدي وكأنه سنة انا كنت بموت من غيرك، كنت خايف اخسرك ،انا صحيح اتجوزتك في ظروف صعبة وانتي ممكن بتكرهيني بس انا بحبك لا انا بعشقك يا ليليان وهخليكي تحبيني بس انتي فوقي وانا مش هعاندك ومش هضايقك........* وباس ايدها مرة تانيه *وقال/ متبعديش عني تاني متختبرينيش في البعد انتي جوهرتي اللي كسبتها بالحظ بس مش هسيبها للحظ ياخدها انا هخبيكي بين ضلوعي
ليليان حركت ايدها وقبضت علي ايد عمر وبدأت تفوق بالراحه
ليليان تتمتم بهدوء/ ع.. عمر..
عمر بلهفه/ انا هنا يا حبيبتي انا جمبك يا ليليان
ليليان بخوف وهي مازالت مغمضه العينين/ م.. متقتلنيش
عمر/ متخافيش يا روحي محدش هياذيكي انا جمبك ومعاكي
ليليان اتعدلت بسرعة مرة وحدة وحضنته وكلبشت فيه وقالت/ أهئ أهئ...... سيبني ابعد عنيييي
عمر زاد من حضنها وقال بهدوء/ بس بس يا حبيبتي انا عمر يا لي لي
ليليان فتحت عينها وقالت/ ع.. عمر؟ انت هنا؟
عمر بحب/ انا هنا يا روحي متخافيش
ليليان بخوف/ هم مش هيقتلوني صح؟
عمر بضيق وزعل علي حالتها/ لاا محدش هيقربلك يا روحي انا جمبك يا حبيبتي
عمر فضل حاضنها ويمسد علي شعرها لحد ما نامت في حضنه
عمر باس جيبنها ونزل راسها علي المخدة وبصلها بحب وطلع بره
عمر بغضب/ هاا يا هشام عرفتو حاجه
هشام بأسف/ للأسف لا يا عمر معرفش عرف اننا جايين ازاي بس هو اكيد قاصد يسيب ليليان لانه سايب رسالة
عمر باستغراب/ رسالة ايه؟
هشام اداله الرسالة وعمر قراها واستشاط غضبا
" مفكر نفسك ذكي يا ابن محمد وهتعرف توصلي......تؤ تؤ عيب عليك مراتك دي امممم حلوة دكتورة ليليان انا اللي عملته فيها ده اعتبره قرصة ودن مش اكتر يا شاطر ومتفكرش تلعب مع الاكبر منك تاني "
عمر اتضايق اوي واتعفرت وقال/ انا لااااازم اجيييبه يا هشاااااام لااازم
مراد/ اهدي يا صاحبي هنلاقيه
هشام/ كله بالراحه يا عمر
عمر بغضب/ رااحه؟ يخطف مرااتي وتقولي بالراحه؟ يضربها بالرصاص وتقولي بالراااحه ده امه داعيه عليه ده انا عاوزه ولو من تحت الارض
هشام بخوف من حالة عمر/ حاضر انا هفتح محضر وهبدأ ادور عليه
عمر/ مش عاوزه يتسجن علي طول ده ليه معاملة خاصه معايا بس الاقيك بس
~~~~~~~~~~~~~~
_ لا تكون البت ماتت يا باشا ده مش هيرحمنا!
_ متخافش انا عارف انا بضرب فين كويس انا مش غبي عشان اعمل حركة زي دي!......وتابع بشر....قريب اوي هنلعب علي المكشوف يا ابن اخويا هههههه
_ انت بتكرهه ليه يا بيه
احمد بحقد/ هه انا مبكرهش قده هو وابوه خدو مني كل حاجه تعبت عشانها
_ خدو منك ايه؟
احمد بغضب/ جري ايه يا فتحي انت هتصااحبني ولا اييه غووور من وشي
فتحي بخوف/ حاضر يا بيه انا اسف
احمد قعد علي الكراسي الهزاز ورجع بالذكريات لورا
~~~~فلااش باك~~~~
احمد/ احمم بابا انا عاوز اتجوز ليل
خالد ببرود/ ليل لمحمد يا احمد
احمد بغضب وحزن/ ايوه بس هو مش عاوزها انا عاوز اتجوزها يا بابا
خالد بغضب/ انا قووولت كلمه ليل لمحمد ودي هتبقي مراات اخوك يعني مينفعش تفكر فيها
احمد قام وزعق وقال/ يوووه هو كله محمد محمد مفيش غيره طب وانا؟ انا ابنك برضو
خالد ببرود/ انا قولت اللي عندي يا احمد ليل لاخوك فااهم؟
احمد سابه وطلع ولقي امه واقفه شدته من ايده لاوضته وقالت بخبث وغضب/ شوف بقي اهو هو وامه واكلين بعقل ابوك حلاوة يا خايب خليك انت نايم في العسل كده لحد ما يلهفو كل حاجه
احمد بغضب/ عاوزاني اعمل اييه يعني؟ هاا عاوزاني اموت نفسي ولا اعمل ايه
_ لا انت مش هتموت نفسك يا ابن بطني بس خد حذرك محمد مش طيب زي ما انت مفكر هو بيرسم عشان يكوش علي كل حاجه
احمد بغضب/ عاوزاني اعمل ايه يعني اموت واريحكو
_ هو مش انت اللي هتموت
احمد/ تقصدي ايه
~~~~~عودة للحاضر~~~~~
احمد فاق من ذكرياته علي صوت موبايله وهو بيرن
رد بقرف وقال/ خير يا سعاد
سعاد/ انت فين يا راجل من زمان؟
احمد بغضب مكبوت/ قولتلك في شغل مهم متتصليش تاني..... وقفل السكة في وش سعاد اللي شايطه
~~~~~~~~~~~~~~~
عمر ماسك ايد ليليان اللي فيها الكانيلاا وبيبصلها بحب وحزن وغضب ومشاعر كتيير متلخبطه جوااه فرحان انه لقيها وزعلان علي حالتها وغضبان من اللي عمل فيها كده
ليليان بدأت تفتح عينها وشافت عمر شارد قالت بصوت خافت/ عمر
عمر مبيردش
ليليان بصوت شبه مسموع/ عمر!
عمر مش واخد باله منها
ليليان مش قادره تعلي صوتها حركت ايدها بهدوء وقرصته
عمر اتنفض وقال بلهفه/ انتي كويسه يا ليليان؟ فيكي حاجه؟ انادي الدكتور
ليليان بصوت خافت/ لا انا كويسه بقالي ساعه بكلمك بتفكر في ايه
عمر بحرج/ هاا لا ابدا سرحت شويه انتي متأكده ان مفيش حاجه بتوجعك؟
ليليان اومأت بهدوء وقالت/ اه انا الحمد لله احسن
عمر قعد تاني وقال/ انتي مشوفتيش وش اللي خطفك؟
ليليان هزت راسها بالنفي وقالت/ كانو مغمين عيني طول الوقت ومشوفتهمش بس سمعت صوتهم
عمر/ طيب محدش قال اسم قدامك
ليليان/ لا بس الراجل كان بيكرر للباشا الكبير
عمر/ راجل مين
ليليان/ اللي كان بيقف جمبي عشان مهربش
عمر/ طيب كانو بيؤذوكي
ليليان/ اكيد مش كانو بيفسحوني ويجيبولي شاورما يعني
عمر/ انتي لسانك طويل ليه..... انا اقصد حد مد ايده عليكي حد ضايقك او المعامله كانت ازاي؟
ليليان/ لا مكانوش بييجو عندي خالص ولا حد بيكلمني غير الراجل كان اسمههه اييييه
عمر/ هااا مين؟
ليليان بتذكر/ اها فتحي ده كان بيقعد يعاكسني انسان باين من صوته ان دمه يلطش
عمر بغضب مكبوت/ كان بيعاكسك! واسمه فتحي...... طيب يا ليليان انا مش هسيب حقك وهجيبهم وهوريهم السواد
ليليان بخوف علي عمر/ لا يا عمر ممكن يؤذوك
عمر بخبث/ خايفه عليا اوي كده
ليليان بخجل/ لاا.... احم.. انا... انا بس
عمر/ انتي ايه وشك بقي طماطم ليه هههههه
ليليان بتوتر وخجل اكبر/ الجو حر هوف
عمر/ ممكن برضو
ليليان وهي بتغير الموضوع/ انا عاوزه اروح انا اتخنقت
عمر/ لما نطمن عليكي الاول
ليليان/ ما انا كويسه اهو
عمر/ تؤ تؤ لما الدكتور يقول انك كويسه هبقي اطلعك
ليليان/ انا دكتورة وبقولك انا كويسه
عمر/ قولت لا...... وبعدين
* صوت خبط علي الباب*
عمر قام حط الحجاب علي راس ليليان اللي وشها كان طماطم...
وقعد مكانه وقال/ ادخل
دخل اسر وقال/ السلام عليكم
عمر بصله بغيظ وقال/ انت اي اللي جابك هنا؟!
ليليان/ دكتور آسر؟ بتعمل ايه هنا؟
آسر/ انا بشتغل نبطشية هنا النهارده
عمر بغضب مكبوت/ هو انت مش في القاهرة ايه جابك هنا؟
آسر/ انا جراح يعني بشتغل في اي مستشفي حسب الحالات وانا هنا النهارده وسمعت من الدكتور اللي عمل للدكتورة ليليان العملية انها هنا فحبيت اطمن عليها
ليليان/ شكراً يا دكتور انا كويسه
عمر بغيظ/ كتر خيرك
آسر/ احمم طيب انا... انا همشي مع السلامه..... مشي
عمر/ في داهيه
ليليان/ هههه حرام يا عمر تدعي عليه
عمر بغيظ/ يا عيني صعب عليكي اوي
ليليان بخبث/ اه والله ده حتي جنتل وكيوت و........
قاطعها صوت عمر وهو بيزعق ويقول/ ليلياااااااان
ليليان اتخضت وشدت ايدها والكانيلا اتحركت وعورتها وقالت بصوت مهموس/ اهاا
عمر جري عليها وقال بلهفه/ اا.. انتي كويسة صح؟ وكمل بغضب..... انتي لازم تعصبيني
ليليان سرحت فيه شوية وقالت/ انت بتعمل كده ليه
عمر بصلها وعيونهم اتقابلت وتاه في عينها وقال بتوهان/ عشان بحبك
ليليان اتصدمت ووشها احمر وقالت/ هاا؟
عمر استوعب هو قال ايه وقال في نفسه/ دي فرصة كويسه اني اعترفلها
عمر قال/انا عارف انك مبتحبينيش ويمكن تكوني بتكرهيني بس انا بحبك لا انا بعشقك انتي بقيتي ادماني يا ليليان انا عارف اننا اتجوزنا في ظروف صعبه وطريقة تعارفنا مكنتش لطيفة بس انا هصلح ده كله انتي ليا انا بس انتي مدام عمر انا مش عاوزك تردي علي كلامي دلوقتي انا مش هجبرك علي حاجة خالص انا بس عاوزك تديني فرصه
ليليان وشها بقي احمر ومش عارفه ترد علي عمر او تقول اي حاجه اكتفت انها تومئ بالايجاب
عمر شاف شكلها ضحك وقال/ ما انتي بتتكسفي اهو!
ليليان وشها بقي احمر اكتر..... عمر قال/ لا انا هسكت خالص بقي
ليليان بصت في الارض ومتكلمتش
عمر بهمس/ اخيرا عرفت اسكتك ههههههه
ليليان/ عمر ممكن أسألك سؤال؟
عمر/ اتفضلي
ليليان/ هو انت المفروض كنت مع عمتو في شقة لوحدكو ازاي عرفت عمك وقرايبك وبقي عندك فيلا
عمر/ ماشي بصي هقولك
~~~~فلاش بااااك~~~~
ريم بتوتر/ عمر انا عاوزه اقولك حاجه
عمر بابتسامة/ اتفضلي يا ماما
ريم/ لازم تعرف اني والله بحبك وانت اغلي ما عندي
عمر/ عارف يا حبيبتي
ريم خدت نفسها وقالت/ انا مش امك الحقيقيه
عمر بعدم استيعاب/ مش امي ازاي يعني
ريم بدموع/ يعني انت مش ابني يعني مش انا اللي خلفتك
عمر بصدمه/ تقصدي ايه؟
ريم بدأت تحكيله كل قصتها مع محمد وكل اللي حصل
عمر قاعد مصدوم وقال/ يعني انا امي سابتني وسافرت؟ وابويا مقتول
ريم بصت في الارض ودموعها علي خدها وقالت/ انا آسفه يا ابني
عمر راح قعد قدامها وباس ايدها. قال/ انتي امي الوحيدة انتي اللي كبرتيني وعلمتيني وريبتيني انا مش عارف ارد جمايلك ازاي
ريم/ بس يا حبيبي ده انت نور عيني يا عمر
بعد اسبوع من معرفة عمر للحقيقة عمر كان قاعد مع ريم وفجأة الباب خبط
عمر قام يفتح وشاف راجلين
عمر/ خير حضرتك عاوز مين؟
الراجل حط ايده علي وش عمر وقال/ كلك ابوك يا ابني
عمر اتصدم وريم كمان طلعت وشهقت بخفه وقالت/ ع.. عمو خالد؟....ا.. اتفضل
خالد دخل هو والراجل وقال/ ازيك يا ابني
عمر/ كويس انت مين؟
خالد/ انت مش عارفني؟
عمر/ ولو عارفك هسألك ليه؟
خالد/ اناا جدك يا ابني! انا ابو ابوك يا حبيبي يا ابن الغالي
عمر بصله وقال/ خير عاوز ايه حضرتك لسه فاكر ان ليك حفيد
خالد بحزن/ سامحني يا ابني والله دورت عليك كتير ولسه عارف مكانك من كام يوم انت من ريحة المرحوم ده انت دمي يا ابني
عمر/ وانت جاي ليه بقي؟
ريم/ عمر عيب كده!
خالد اتنهد وقال/ جاي اديلك حقك وحق ابوك
عمر/ وانا مش عاوز حاجه متشكر
خالد/ انا كتبتلك كل الشركات وكل حاجه هنا باسمك يا ابني انا مش ضامن عمري وده حقك انت والمرحوم.......وقبل ما عمر يعترض كمل وقال......... انا هسافر النهارده انا وجدتك بره هنروح اوكرانيا نقعد هناك وهسيبلك تعب ابوك تكمله وسابه ومشي
عمر واقف محتار يعمل ايه وفجأة ريم طلعت الورقة وقالت/ عمر ابوك سابلك الورقة دي قبل ما يموت
عمر فتح الورقة وقرأ اللي فيها ووشه احمر من الغضب وقبض علي ايده وقال/ حقك هيرجع يا بابا
~~~~~عودة للحاضر~~~~~
عمر كمل وقال/ وبعد فترة بدأت اشتغل في الشركة واكبر فيها وشوية شوية كبرت واتعرفت علي عمي ومراته وبس
ليليان/ جدك لسه عايش؟
عمر/ اه جدي عايش بره مع جدتي منزلش مصر غير مرة من خمس سنين
ليليان/ اهاااااا
عمر باستغراب/ اي في ايه؟
ليليان/ لا ولا حاجه
عمر/ انتي هبله صح؟
ليليان بحزن بصت قدامها وقالت/ اغنيلك اغنيه عبده المفضله هي لعمر دياب بس هو بيحبها اوي
عمر اتنهد بحزن وقال/ غني وطلع الموبايل يسجلها
ليليان/
* اول يوم في البعد
يوم بيعدي سنين
عمر ما بين عمرين
ماشي لوحدك تسأل نفسك هو انا رايح فين؟
اول يوم في البعد
لما تبات مجروح ، والاحلام بتروح
احساسك وحبيبك سايبك زي طلوع الروح