رواية " على الحان الماضي " الجزء الأول

Part 11

* الفصل الحادي عشر*
ليليان راحت اول عمليه وكانت ناجحه جدا وكلهم اعجبو بيها وبموهبتها
دكتور اسر : دكتوره ليليان انا بجد مبسوط منك جدا انتي لسه متخرجه قريب ومع ذلك نجحتي نجاح كبير مع ان العمليه كانت صعبه
ليليان بابتسامه : شكرا بجد يا دكتور وبعدين حضرتك كنت معايا اكيد لازم انجح
اسر : لا كل ده من موهبتك و...
• وفجأة تليفون ليليان رن •
ليليان : بعد اذنك هرد علي الموبايل
اسر : اذنك معاكي
ليليان وهي بتمشي في الطرقه : الو؟
- انتي مفكره انك رفضتيني يعني كده انا هستسلم
ليليان : مين معايا ؟
- هه مين معاكي.. انا هكون كابوسك الاسود يا... دكتوره ليليان... واغلق الخط
ليليان باستغراب : اي ده هي ناقصه مجانين كمان
ليليان : يووه طب انا عربيتي في البيت هروح ازاي ابو حفيظه ده جابني هروح ازاي دلوقتي... هتمشي وفضلت تفكر في كلام عمر ومش عارفه تعمل ايه... توافق ولا ترفض
~~~~فلاش باااك~~~~
ليليان بغضب : وانا ايه يجبرني اعمل كده
عمر ببرود : عشان جدك
ليليان بخوف : جدي! ماله ؟
عمر : هم باين عليهم محدش قالك بس جدك عنده الكانسر وحالته متأخره
ليليان بدموع : انتي بتقول ايه ؟جدي كويس انت كداب
عمر زعل عليها لانه عارف ان جدها حاله خاصه عندها....لكنه اتكلم بجمود وقال : انا مش كداب تقدري تسالي اي حد ولو وافقتي انا هجيبله اشطر دكتور في العالم يعالجه هنا
ليليان : وان رفضت
عمر ببرود : تخيلي انتي الموقف.... ومتنسيش ان حالته متأخره • وسابها ودخل •
~~~~عوده للحاضر~~~~
ليليان بتفكر في كلام عمر وعنيها دمعت فاقت علي صوت كلاكس عربيه
- دكتوره ليليان
ليليان مسحت دموعها وبصت وراها : دكتور اسر
- اتفضلي اما اوصلك
ليليان بابتسامه : لا شكرا انا هتمشي شويه
اسر بابتسامه جذابه : لا والله ميصحش اتفضلي انا مش همشي الا اما اوصلك
ليليان بنفاذ صبر : خلاص زي ما تحب
• وفتحت باب العربيه وركبت جمبه من باب الذوق •
اسر : ها فين العنوان
ليليان : عارف فيلا السيوفي
اسر بصدمه : فيلا السيوفي ؟ بتاعت عمر السيوفي رجل الاعمال
ليليان : ايو هي.. وديني هنالك
اسر بابتسامه : حاضر
~~~~في فيلا عمر~~~~
ريم : هي ليليان أتأخرت صح
عمر بخوف : هو باين كده
نادين بهمس : احسن يا رب ما ترجع
عمر : انا هنزل ادور عليها
زياد ومراد : واحنا هنيجي معاك
ولسه هيتحركو سمعو صوت عربيه بتركن طلعو يشوفو مين وشافو ليليان بتنزل من العربيه ومعاها شاب وبتسلم عليه بايدها وبتضحك
اسر : طيب انا هستاذن يا دكتوره
ليليان : لا اتفضل اشرب حاجه
اسر : لا مره تانيه بعد اذنك وركب العربيه ومشي
ليليان لفت عشان تدخل شافتهم كلهم بيبصولها وعمر بيبصلها بغضب
ريم : انتي أتأخرتي ليه يا حبيبتي قلقتينا عليكي
ليليان : معلش يا عمتو اصل العمليه كانت صعبه وبعدين دكتور اسر وصلني
عمر بغضب : هو انتي تعرفي اسر ده.. متصلتش عليا ليه
ليليان بهدوء : انا كنت بتمشي وهو اصر انه يوصلني ومحصلش حاجه لكل ده
عمر : اه عادي تركبي مع واحد متعرفيهوش صح في وحده محترمه تركب مع حد غريب • وكمل بصوت عالي ما تردي•
ليليان بغضب : يعني انتي اللي قريبي مثلا انا لسه عارفاك من كام يوم وجاي تتأمر عليا لا وكمان تقول عليا مش محترمه..
وقربت منه وقفت علي اطراف صوابعها ورفعت ساببتها قدام وشه وقالت : انا محترمه غصب عنك وغصب عن البلد كلها عارف ليه ؟ عشان انا ليليان الشناوي يعني تربيه مصطفي وعبدالحي الشناوي فاااهم
عمر بغضب : صوتك يوطي وانتي بتتكلمي معايا انتي فاهمه
ريم بغضب : بااااس كفايه ايه انتو ناقر ونقير
ليليان بخبث : خلاص يا عمتو محصلش حاجه انا هتصل علي دكتور اسر...
عمر : لحقتي تاخدي رقمه
ليليان : وانت مالك انت
ريم : عمر ليليان كفاايه
ليليان بغضب من عمر : خلاص يا عمتو انا هطلع فوق
ريم :ماشي يا حبيبتي
ليليان طلعت اوضتها واول ما دخلت قعدت علي الارض وعيطت بصوت عالي وشهقات.. هي كانت محتاجه انها تعيط... فضلت تعيط وتقول يااارب يا رب اح.. احفظلي جدو يااارب... ياررب عبدالحي ده نور عيني مقدرش اعيش من غيره.. يااارب يا رب انت العالم بيا وفضلت كده لحد الصبح...
~~~~في مكان تاني~~~~
- ايو يا باشا
- ها في اخبار حلوه
- ايو يا باشا انا كنت براقبه زي ماحضرتك طلبت مني وكنت كالعاده واقف في الشركه وسمعته وهو بيزعق لوحده وكان ماسك ايد بنت وبيقول انها مراته المستقبليه وكان باين انه بيحبها
- ضحك بشر وقال : غبي زي ابوه مش مهم...اللعب ابتدي يا ابن السيوفي
~~~في صباح يوم جديد~~~
ليليان قامت من  الارض بتعب ما نامت عليها طوال الليل ولبست ونزلت
ليليان وتتحاشي النظر الي عمر : صباح الخير يا عمتو
ريم : صباح النور يا روحي تعالي افطري
ليليان : لا مليش نفس.. هو انا..
ريم : عاوزه تقولي ايه
ليليان بسرعه : انا عاوزه ارجع البيت..
ريم بحزن : ليه يا ليليان انتي لسه زعلانه من عمر هو والله ميقصدش....
ليليان : لا يا عمتو انا بس.... البيت وحشني وجدو وحشني
ريم : خلاص يا حبيبتي انا هخلي عمر يروحك بعد الفطار
وعمر ده كله بياكل ومبيردتش
ليليان بصت لعمر وقالت : لا وائل هنا وهروح معاه
عمر مبصش برضو
ليليان بخبث : طيب يا عمتو انا هروح اسلم علي دكتور اسر..
عمر بصلها بسرعه وقال : يلا اما اوصلك الشركه لوائل
ليليان : لا انا هسلم علي اسر الاول....
عمر بصوت عالي : مش عاوز كلام كتير
ريم قامت وقالت : خلاص يا عمر اطلع بس وهي هتحصلك
عمر اومأ بالايجاب ومشي
ريم بحب : ليليان يا حبيبتي انتي بقالك اسبوع اهو وانا محبتش أسألك عشان متفكريش اني بضغط عليكي بس انا محتاجه رد
ليليان فهمت هي بتتكلم علي ايه فلفت راسها الناحيه التانيه وقالت : لما اوصل بابا هيبلغ حضرتك ردي
ريم بتفهم : تمام يا حبيبتي واتمني متاخديش قرار بتسرع
ليليان حضنتها وقالت بسرعه : يلا عشان كابتن روبوت هيزعق تاني
ريم بضحك : هههه طيب ابقي طمنيني لما توصلي
ليليان : حاضر
عمر مستني ليليان في العربيه وبيفكر يا تري هو ليه بيضايق لما بتقف او بتتكلم مع اي راجل غيره هو كده بيغير ؟لا لا يا عمر انت مبتحبهاش ايو.... طيب ايه تفسير الغيره دي
قطع افكاره ليليان وهي بتركب وار وكانت لابسه جيبه وبلوزه وطرحه بنفس لون الجيبه
عمر فضل سرحان فيها وشويه وبعدين استوعب اللي حصل وقال : انتي راكبه ورا ليه
ليليان ببرود : مزاجي كده
عمر بغيظ : ليه السواق اللي جابهولك ابوكي
ليليان بخبث : ايو وانا مبركبش جمب السواقين
عمر : اه لكن تركبي جمب اللي اسمه اسر ده عادي كده
ليليان باستمتاع : تؤ تؤ دكتور اسر ده دكتوري مش سواقي ههه
عمر ساق بغضب ووصل الشركه ونزل مع ليليان بجمود تحت انظار جميع من في الشركه
• وفي نفس الوقت كان واحد واقف بعيد منتظر انهم يوصولو واول ما نزلو طلع الكامير وفضل يصور وبعدين ركب عربيته ومشي•
عمر : مش هتدخلي
ليليان بنفي : انا هستني وائل هو بيجيب ورق ونازل
عمر : وائل هيحضر معانا اجتماع اتنيلي ادخلي
ليليان : اي يجدع انت اتنيلي دي ؟ بتكلم بنت اختك
عمر وهو يحاول اغاظتها : هه لو ليا بنت اخت كانت هتكون اطول منك
ليليان بغيظ : ملكش فيه عاجبني طولي احسن منك وانت ماشي تخبط في العواميد
عمر : تؤ تؤ انا العواميد بتنحني عشان اعدي من فوقها يا شاطره
ليليان : ليه تكونش الخديو توفيق وانا مش واخده بالي؟ اه تصدق اصلك دلدول زيه... هههه
عمر بغضب : طب يلا بقي عشان اوريكي الدلدول ده هيعمل ايه
• ليليان تلفونها رن •
ابتسمت بخبث وقالت : الو ازيك يا دكتور اسر
عمر بصلها بشر
- ههههه انا الحمد لله يا دكتور... حاضر يا اسر
وفجأة عمر خطف منها التليفون وقال : مشغوله ومتتصلش تاني وقفل السكه
ليليان : ااي اللي انت عملته ده
عمر ببرود : ولا حاجه
ليليان بصتله بغضب وسابته ودخلت وهو مشي وراها بابتسامه نصر وركبو في الاسانسر
عمر شاور علي اوضه وقال : ده مكتبي اسني نص ساعه بص والاجتماع هيخلص
ليليان اومأت بالايجاب ودخلت المكتب وعمر دخل معاها وفتح باب بيوصل علي غرفه الاجتماعات
ليليان بتمشي في المكتب ومش عارفه تعمل ايه هي هتكون مجبره تديهم رد لما ترجع وكمان بتفكر في عمر يا تري هتقبل بيه ولا لا بس جدها ده عبدالحي يا ليليان انتي نسيتي عبدالحي ده حبيبك
لا انا هوافق عشان جدي هوافق عشانك يا عبدالحي
قطع افكارها اتصل امل صديقتها
امل وهي تنظر للسقف : الو يا لي لي
ليليان بابتسامه : الو يا اموله ازيك
امل بحماس : الحمد لله يا حبيبتي انتي هتيجي امتي
ليليان : النهارده
امل : طيب ها هنغنيلك يا دبله الخطوبه ولا ايه
ليليان بخبث : فكرتيني صح وائل اتقدملك صح
امل بفرحه : اها اتقدملي وماما وافقت وكملت بحزن بس قال الخطوبه هتكون لما ترجعي
ليليان : اه يا كلبه يعني بتسالي عشان الخطوبه مش عشان وحشتك...
امل بسرعه : لا لا والله انا بس بسأل عشان وحشتني
ليليا : انا هعمل نفسي مصدقاكي علي العموم ياستي انا هرجع النهارده
امل : طيب يا حبيبتي توصلي بالسلامه
ليليان : ماشي يا حبيبتي هقفل عشان كابتن روبوت خلص
وقفلت السكه
ليليان طلعت من المكتب ووقفت قدام وائل وحضنته وفضلت في حضنه شويه
وائل : وحشتك اوي كده
ليليان بدموع : جدو ماله يا وائل
وائل بصدمه : مين قالك
ليليان طلعت من حضنه وقالت : يعني الكلام ده صح طيب ليه محدش فيكو قالي
وائل بص في الارض وقال : انا اسف بس جدو نبه ان محدش يقولك وهو كان تعبان عشان كده محدش عارضه
ليليان بانفعال : طب ليه متعالجش؟ليه معالجتهوش يا وائل
وائل بحزن : حاولنا بس قالولنا ان حالته متأخره ولازم نجيبله دكتور من بره بس دكاتره بره مكنش ولا واحد هيقبل يجي
ليليان بدموع واترمت في حضنه وعيطت
وائل : اهو ده السبب اللي خلي جدو يخبي عنك دموعك دي يا ليليان انتي عارفه ان جدو بيكره دموعك لوسمحتي متعيطيش لما تشوفيه
ليليان :هح.. هحاول
عمر كان واقف وسمع حوار وائل وليليان واتضايق لما شاف دموعها بس نفض الفكره من دماغه وقال ما تتحرق وانا مالي
عمر راح عليهم وسلم علي وائل ووائل أستأذن ومشي مع ليليان
بعد عده ساعات
وائل وليليان وصلو وليليان طلعت تجري علي جوه وشافت عبدالحي بيقرأ في المصحف راحت قعدت علي ركبها قدامه وبتكابر في دموعها وبتقول بابتسامه مزيفه : وحشتني يا عبده
عبدالحي بفرحه وقام وحضنها وقال : ليليان وحشتني يا نور
ليليان تشبتت فيه وقالت : اي يا عبدالحي انا اغيب كام يوم ارجع الاقيك خاسس كده الله ده ينفع
عبالحي : البيت ملوش طعم من غيرك يا ليليان وباس راسها وكمل بدموع مش عارف لما تتجوزي هعمل ايه
ليليان بمرح : ايه يا عم مين قالك اني هسيبك يا عبده لا ده انت هتكون شرط اساسي في جهازي... اهم من العريس ذات نفسه
وائل جه من وراهم وقال : الله الله روميو وجوليت يا ناس
ليليان بتطلعله لسانها وبتقول : هش عشان هنرش مايه
ليليان : امال لارا فين يا جدو
عبدالحي : فوق هي وابوكي
وتيتا
صفيه : انا هنا يا بنت مصطفي عاوزه ايه
ليليان : ايه يا صفصف بنت مصطفي دي
صفيه : اهو مزاجي كده وملكيش كلام معايا
ليليان بحزن : ماشي انا هطلع فوق يا جدو
وطلعت فوق وغيرت هدومها ولبست بيجامه طفوليه وخدت نفس عميق وطلعت وقالت : بابا انا موافقه
مصطفي بعدم فهم : علي ايه
ليليان بخجل : احم... علي عمر
لارا ووائل فرحو جدا ولارا قالت : هييييه هيكون عندنا فرح
مصطفي بفرحه راح حضن ليليان وقال : ربنا يفرح قلبك يا بنتي.....انا هتصل علي ريم اقولها
مصطفي اتصل علي ريم وقال : الو يا ريم
ريم بحب : الو يا مصطفي ليليان وصلت
مصطفي بفرح : اه وصلت وعند ليكي خبر حلو
ريم : خبر ايه
مصطفي : ليليان وافقت
ريم فرحت جدا وزغرطت وكل اللي في الفيلا اتلمو
ريم بفرح : بتتكلم جد
مصطفي : اكيد المواضيع دي مفيهاش هزار
ريم : انا جايه حالا انا وعمر
مصطفي بضحك : ماشي انا هنزل افرحهم تحت...
سعاد : خير يا ريم بتزغرطي ليه
ريم بفرحه : ليليان وافقت علي عمر وهنروح نخطبها
لو لو لو لو لو لويييييي
سعاد بكره : الف مبروك يا ام عمر
نادين بحقد : ليه هي مكنتش وافقت ولا ايه
ريم : لا احنا طلبناها بس وهي طلبت وقت تفكر ولسه موافقه حالا
عمر دخل وشاف امه مبسوطه فراح باس راسها وقالها : القمر مبسوط كده ليه
ريم قالتله بفرحه : مبروك عليك ليليان يا ابني
عمر قلبه دق جامد وقال : م.. مش فاهم
ريم. : ليليان وافقت يا حبيبي وهنروح دلوقتي عشان نخطبها من خالك
عمر ابتسم بفرحه وقال : دلوقتي ؟ ليه هي هتطير
ريم : اخص عليك يا عمر عشان خاطري يا حبيبي يلا بينا
عمر : يا ست الكل طيب الصبح هنروح
ريم بزعل : ماشي
عمر : انتي زعلتي
ريم : لا يا حبيبي خلاص اطلع ارتاح وانا هجهز كل حاجه
عمر : تمام
ريم : وانتي يا نادين وانتي يا سعاد ارتاحو عشان هتيجو معانا بكره
سعاد بابتسامه مزيفه : حاضر والف مبروك
~~~~~عند ليليان~~~~~
مصطفي نزل وقال لكل علي الخبر وكلهم فرحو حتي صفيه بس مبينتش ده ومصطفي قال : ريم قالت انها هتيجي هي وعمر عشان الخطوبه ونتفق مع بعض علي كل حاجه
عبدالحي بدموع : عشت وشوفتك عروسه يا ليليان
مصطفي قال : انا حاسس ان في حاجه ناقصه
وسمعو صوت بيقول
- انا يا اخويا

يتبع ........